19. ஏகூனவீஸதிமவக்³கோ³

(186) 1. கிலேஸஜஹனகதா²

828. அதீதே கிலேஸே ஜஹதீதி? ஆமந்தா. நிருத்³த⁴ம் நிரோதே⁴தி, விக³தம் விக³மேதி, கீ²ணம் கே²பேதி, அத்த²ங்க³தம் அத்த²ங்க³மேதி, அப்³ப⁴த்த²ங்க³தம் அப்³ப⁴த்த²ங்க³மேதீதி? ந ஹேவம் வத்தப்³பே³…பே… அதீதே கிலேஸே ஜஹதீதி? ஆமந்தா. நனு அதீதம் நிருத்³த⁴ந்தி? ஆமந்தா. ஹஞ்சி அதீதம் நிருத்³த⁴ம், நோ ச வத ரே வத்தப்³பே³ – ‘‘அதீதே கிலேஸே ஜஹதீ’’தி. அதீதே கிலேஸே ஜஹதீதி? ஆமந்தா. நனு அதீதம் நத்தீ²தி? ஆமந்தா. ஹஞ்சி அதீதம் நத்தி², நோ ச வத ரே வத்தப்³பே³ – ‘‘அதீதே கிலேஸே ஜஹதீ’’தி.

829. அனாக³தே கிலேஸே ஜஹதீதி? ஆமந்தா. அஜாதம் அஜனேதி, அஸஞ்ஜாதம் அஸஞ்ஜனேதி, அனிப்³ப³த்தம் அனிப்³ப³த்தேதி, அபாதுபூ⁴தம் அபாதுபா⁴வேதீதி? ந ஹேவம் வத்தப்³பே³…பே… அனாக³தே கிலேஸே ஜஹதீதி? ஆமந்தா. நனு அனாக³தம் அஜாதந்தி? ஆமந்தா. ஹஞ்சி அனாக³தம் அஜாதம், நோ ச வத ரே வத்தப்³பே³ – ‘‘அனாக³தே கிலேஸே ஜஹதீ’’தி. அனாக³தே கிலேஸே ஜஹதீதி? ஆமந்தா. நனு அனாக³தம் நத்தீ²தி? ஆமந்தா. ஹஞ்சி அனாக³தம் நத்தி², நோ ச வத ரே வத்தப்³பே³ – ‘‘அனாக³தே கிலேஸே ஜஹதீ’’தி.

830. பச்சுப்பன்னே கிலேஸே ஜஹதீதி? ஆமந்தா. ரத்தோ ராக³ம் ஜஹதி, து³ட்டோ² தோ³ஸம் ஜஹதி, மூள்ஹோ மோஹம் ஜஹதி, கிலிட்டோ² கிலேஸே ஜஹதீதி? ந ஹேவம் வத்தப்³பே³…பே… ராகே³ன ராக³ம் ஜஹதி, தோ³ஸேன தோ³ஸம் ஜஹதி, மோஹேன மோஹம் ஜஹதி, கிலேஸேஹி கிலேஸே ஜஹதீதி? ந ஹேவம் வத்தப்³பே³…பே….

ராகோ³ சித்தஸம்பயுத்தோ, மக்³கோ³ சித்தஸம்பயுத்தோதி? ஆமந்தா. த்³வின்னம் சித்தானம் ஸமோதா⁴னம் ஹோதீதி? ந ஹேவம் வத்தப்³பே³…பே….

ராகோ³ அகுஸலோ, மக்³கோ³ குஸலோதி? ஆமந்தா. குஸலாகுஸலா ஸாவஜ்ஜானவஜ்ஜா ஹீனபணீதா கண்ஹஸுக்கஸப்படிபா⁴கா³ த⁴ம்மா ஸம்முகீ²பா⁴வம் ஆக³ச்ச²ந்தீதி? ந ஹேவம் வத்தப்³பே³…பே….

குஸலாகுஸலா ஸாவஜ்ஜானவஜ்ஜா ஹீனபணீதா கண்ஹஸுக்கஸப்படிபா⁴கா³ த⁴ம்மா ஸம்முகீ²பா⁴வம் ஆக³ச்ச²ந்தீதி? ஆமந்தா. நனு வுத்தம் ப⁴க³வதா – ‘‘சத்தாரிமானி, பி⁴க்க²வே, ஸுவிதூ³ரவிதூ³ரானி! கதமானி சத்தாரி? நப⁴ஞ்ச, பி⁴க்க²வே, பத²வீ ச – இத³ம் பட²மம் ஸுவிதூ³ரவிதூ³ரம்…பே… தஸ்மா ஸதம் த⁴ம்மோ அஸப்³பி⁴ ஆரகா’’தி. அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘குஸலாகுஸலா…பே… ஸம்முகீ²பா⁴வம் ஆக³ச்ச²ந்தீ’’தி.

831. ந வத்தப்³ப³ம் – ‘‘அதீதே கிலேஸே ஜஹதி, அனாக³தே கிலேஸே ஜஹதி, பச்சுப்பன்னே கிலேஸே ஜஹதீ’’தி? ஆமந்தா. நத்தி² கிலேஸே ஜஹதீதி? ந ஹேவம் வத்தப்³பே³…பே… தேன ஹி அதீதே கிலேஸே ஜஹதி, அனாக³தே கிலேஸே ஜஹதி, பச்சுப்பன்னே கிலேஸே ஜஹதீதி.

கிலேஸஜஹனகதா² நிட்டி²தா.

19. ஏகூனவீஸதிமவக்³கோ³

(187) 2. ஸுஞ்ஞதாகதா²

832. ஸுஞ்ஞதா ஸங்கா²ரக்க²ந்த⁴பரியாபன்னாதி? ஆமந்தா. அனிமித்தம் ஸங்கா²ரக்க²ந்த⁴பரியாபன்னந்தி? ந ஹேவம் வத்தப்³பே³…பே… ஸுஞ்ஞதா ஸங்கா²ரக்க²ந்த⁴பரியாபன்னாதி? ஆமந்தா. அப்பணிஹிதோ ஸங்கா²ரக்க²ந்த⁴பரியாபன்னோதி? ந ஹேவம் வத்தப்³பே³…பே… அனிமித்தம் ந வத்தப்³ப³ம் – ‘‘ஸங்கா²ரக்க²ந்த⁴பரியாபன்ன’’ந்தி? ஆமந்தா. ஸுஞ்ஞதா ந வத்தப்³பா³ – ‘‘ஸங்கா²ரக்க²ந்த⁴பரியாபன்னா’’தி? ந ஹேவம் வத்தப்³பே³…பே… அப்பணிஹிதோ ந வத்தப்³போ³ – ‘‘ஸங்கா²ரக்க²ந்த⁴பரியாபன்னோ’’தி? ஆமந்தா. ஸுஞ்ஞதா ந வத்தப்³பா³ – ‘‘ஸங்கா²ரக்க²ந்த⁴பரியாபன்னா’’தி? ந ஹேவம் வத்தப்³பே³…பே….

ஸுஞ்ஞதா ஸங்கா²ரக்க²ந்த⁴பரியாபன்னாதி? ஆமந்தா. ஸங்கா²ரக்க²ந்தோ⁴ ந அனிச்சோ ந ஸங்க²தோ ந படிச்சஸமுப்பன்னோ ந க²யத⁴ம்மோ ந வயத⁴ம்மோ ந விராக³த⁴ம்மோ ந நிரோத⁴த⁴ம்மோ ந விபரிணாமத⁴ம்மோதி? ந ஹேவம் வத்தப்³பே³…பே… நனு ஸங்கா²ரக்க²ந்தோ⁴ அனிச்சோ ஸங்க²தோ படிச்சஸமுப்பன்னோ க²யத⁴ம்மோ வயத⁴ம்மோ விராக³த⁴ம்மோ நிரோத⁴த⁴ம்மோ விபரிணாமத⁴ம்மோதி? ஆமந்தா. ஹஞ்சி ஸங்கா²ரக்க²ந்தோ⁴ அனிச்சோ…பே… விபரிணாமத⁴ம்மோ, நோ ச வத ரே வத்தப்³பே³ – ‘‘ஸுஞ்ஞதா ஸங்கா²ரக்க²ந்த⁴பரியாபன்னா’’தி.

833. ரூபக்க²ந்த⁴ஸ்ஸ ஸுஞ்ஞதா ஸங்கா²ரக்க²ந்த⁴பரியாபன்னாதி? ஆமந்தா. ஸங்கா²ரக்க²ந்த⁴ஸ்ஸ ஸுஞ்ஞதா ரூபக்க²ந்த⁴பரியாபன்னாதி? ந ஹேவம் வத்தப்³பே³…பே… வேத³னாக்க²ந்த⁴ஸ்ஸ…பே… ஸஞ்ஞாக்க²ந்த⁴ஸ்ஸ… விஞ்ஞாணக்க²ந்த⁴ஸ்ஸ ஸுஞ்ஞதா ஸங்கா²ரக்க²ந்த⁴பரியாபன்னாதி? ஆமந்தா. ஸங்கா²ரக்க²ந்த⁴ஸ்ஸ ஸுஞ்ஞதா விஞ்ஞாணக்க²ந்த⁴பரியாபன்னாதி? ந ஹேவம் வத்தப்³பே³…பே….

ஸங்கா²ரக்க²ந்த⁴ஸ்ஸ ஸுஞ்ஞதா ந வத்தப்³பா³ – ‘‘ரூபக்க²ந்த⁴பரியாபன்னா’’தி? ஆமந்தா. ரூபக்க²ந்த⁴ஸ்ஸ ஸுஞ்ஞதா ந வத்தப்³பா³ – ‘‘ஸங்கா²ரக்க²ந்த⁴பரியாபன்னா’’தி? ந ஹேவம் வத்தப்³பே³…பே… ஸங்கா²ரக்க²ந்த⁴ஸ்ஸ ஸுஞ்ஞதா ந வத்தப்³பா³ – ‘‘வேத³னாக்க²ந்த⁴பரியாபன்னா…பே… ஸஞ்ஞாக்க²ந்த⁴பரியாபன்னா… விஞ்ஞாணக்க²ந்த⁴பரியாபன்னா’’தி? ஆமந்தா. விஞ்ஞாணக்க²ந்த⁴ஸ்ஸ ஸுஞ்ஞதா ந வத்தப்³பா³ – ‘‘ஸங்கா²ரக்க²ந்த⁴பரியாபன்னா’’தி? ந ஹேவம் வத்தப்³பே³…பே….

834. ந வத்தப்³ப³ம் – ஸுஞ்ஞதா ஸங்கா²ரக்க²ந்த⁴பரியாபன்னா’’தி? ஆமந்தா. நனு வுத்தம் ப⁴க³வதா – ‘‘ஸுஞ்ஞமித³ம், பி⁴க்க²வே, ஸங்கா²ரா அத்தேன வா அத்தனியேன வா’’தி [ம. நி. 3.69 ஆனேஞ்ஜஸப்பாயே]! அத்தே²வ ஸுத்தந்தோதி? ஆமந்தா. தேன ஹி ஸுஞ்ஞதா ஸங்கா²ரக்க²ந்த⁴பரியாபன்னாதி.

ஸுஞ்ஞதாகதா² நிட்டி²தா.

19. ஏகூனவீஸதிமவக்³கோ³

(188) 3 ஸாமஞ்ஞப²லகதா²

835. ஸாமஞ்ஞப²லம் அஸங்க²தந்தி? ஆமந்தா. நிப்³பா³னம் தாணம் லேணம் ஸரணம் பராயணம் அச்சுதம் அமதந்தி? ந ஹேவம் வத்தப்³பே³…பே… ஸாமஞ்ஞப²லம் அஸங்க²தம், நிப்³பா³னம் அஸங்க²தந்தி? ஆமந்தா. த்³வே அஸங்க²தானீதி? ந ஹேவம் வத்தப்³பே³…பே… த்³வே அஸங்க²தானீதி? ஆமந்தா. த்³வே தாணானி…பே… அந்தரிகா வாதி? ந ஹேவம் வத்தப்³பே³…பே….

836. ஸாமஞ்ஞப²லம் அஸங்க²தந்தி? ஆமந்தா. ஸாமஞ்ஞம் அஸங்க²தந்தி? ந ஹேவம் வத்தப்³பே³ …பே… ஸாமஞ்ஞம் ஸங்க²தந்தி? ஆமந்தா. ஸாமஞ்ஞப²லம் ஸங்க²தந்தி? ந ஹேவம் வத்தப்³பே³…பே….

ஸோதாபத்திப²லம் அஸங்க²தந்தி? ஆமந்தா. ஸோதாபத்திமக்³கோ³ அஸங்க²தோதி? ந ஹேவம் வத்தப்³பே³…பே… ஸோதாபத்திமக்³கோ³ ஸங்க²தோதி? ஆமந்தா. ஸோதாபத்திப²லம் ஸங்க²தந்தி? ந ஹேவம் வத்தப்³பே³…பே….

ஸகதா³கா³மிப²லம்…பே… அனாகா³மிப²லம்…பே… அரஹத்தப²லம் அஸங்க²தந்தி? ஆமந்தா. அரஹத்தமக்³கோ³ அஸங்க²தோதி? ந ஹேவம் வத்தப்³பே³…பே… அரஹத்தமக்³கோ³ ஸங்க²தோதி? ஆமந்தா. அரஹத்தப²லம் ஸங்க²தந்தி? ந ஹேவம் வத்தப்³பே³…பே….

ஸோதாபத்திப²லம் அஸங்க²தம், ஸகதா³கா³மிப²லம்…பே… அனாகா³மிப²லம் …பே… அரஹத்தப²லம் அஸங்க²தம், நிப்³பா³னம் அஸங்க²தந்தி? ஆமந்தா. பஞ்ச அஸங்க²தானீதி? ந ஹேவம் வத்தப்³பே³…பே… பஞ்ச அஸங்க²தானீதி? ஆமந்தா. பஞ்ச தாணானி…பே… அந்தரிகா வாதி? ந ஹேவம் வத்தப்³பே³…பே….

ஸாமஞ்ஞப²லகதா² நிட்டி²தா.

19. ஏகூனவீஸதிமவக்³கோ³

(189) 4. பத்திகதா²

837. பத்தி அஸங்க²தாதி? ஆமந்தா. நிப்³பா³னம் தாணம் லேணம் ஸரணம் பராயணம் அச்சுதம் அமதந்தி? ந ஹேவம் வத்தப்³பே³…பே… பத்தி அஸங்க²தா, நிப்³பா³னம் அஸங்க²தந்தி? ஆமந்தா. த்³வே அஸங்க²தானீதி? ந ஹேவம் வத்தப்³பே³…பே… த்³வே அஸங்க²தானீதி? ஆமந்தா. த்³வே தாணானி…பே… அந்தரிகா வாதி? ந ஹேவம் வத்தப்³பே³…பே….

838. சீவரஸ்ஸ பத்தி அஸங்க²தாதி? ஆமந்தா. நிப்³பா³னம்…பே… அமதந்தி? ந ஹேவம் வத்தப்³பே³…பே… சீவரஸ்ஸ பத்தி அஸங்க²தா, நிப்³பா³னம் அஸங்க²தந்தி? ஆமந்தா. த்³வே அஸங்க²தானீதி? ந ஹேவம் வத்தப்³பே³…பே… த்³வே அஸங்க²தானீதி? ஆமந்தா. த்³வே தாணானி…பே… அந்தரிகா வாதி? ந ஹேவம் வத்தப்³பே³…பே… பிண்ட³பாதஸ்ஸ…பே… ஸேனாஸனஸ்ஸ…பே… கி³லானபச்சயபே⁴ஸஜ்ஜபரிக்கா²ரஸ்ஸ பத்தி அஸங்க²தாதி? ஆமந்தா. நிப்³பா³னம்…பே… அச்சுதம் அமதந்தி? ந ஹேவம் வத்தப்³பே³…பே… கி³லானபச்சயபே⁴ஸஜ்ஜபரிக்கா²ரஸ்ஸ பத்தி அஸங்க²தா, நிப்³பா³னம் அஸங்க²தந்தி? ஆமந்தா. த்³வே அஸங்க²தானீதி? ந ஹேவம் வத்தப்³பே³…பே… த்³வே அஸங்க²தானீதி? ஆமந்தா. த்³வே தாணானி…பே… அந்தரிகா வாதி? ந ஹேவம் வத்தப்³பே³…பே….

சீவரஸ்ஸ பத்தி அஸங்க²தா…பே… பிண்ட³பாதஸ்ஸ…பே… ஸேனாஸனஸ்ஸ…பே… கி³லானபச்சயபே⁴ஸஜ்ஜபரிக்கா²ரஸ்ஸ பத்தி அஸங்க²தா, நிப்³பா³னம் அஸங்க²தந்தி? ஆமந்தா. பஞ்ச அஸங்க²தானீதி? ந ஹேவம் வத்தப்³பே³…பே… பஞ்ச அஸங்க²தானீதி? ஆமந்தா. பஞ்ச தாணானி…பே… அந்தரிகா வாதி? ந ஹேவம் வத்தப்³பே³…பே….

839. பட²மஸ்ஸ ஜா²னஸ்ஸ பத்தி அஸங்க²தா (ஏவம் ஸப்³ப³ம் வித்தா²ரேதப்³ப³ம்) து³தியஸ்ஸ ஜா²னஸ்ஸ… ததியஸ்ஸ ஜா²னஸ்ஸ… சதுத்த²ஸ்ஸ ஜா²னஸ்ஸ… ஆகாஸானஞ்சாயதனஸ்ஸ… விஞ்ஞாணஞ்சாயதனஸ்ஸ… ஆகிஞ்சஞ்ஞாயதனஸ்ஸ… நேவஸஞ்ஞானாஸஞ்ஞாயதனஸ்ஸ… ஸோதாபத்திமக்³க³ஸ்ஸ… ஸோதாபத்திப²லஸ்ஸ… ஸகதா³கா³மிமக்³க³ஸ்ஸ… ஸகதா³கா³மிப²லஸ்ஸ… அனாகா³மிமக்³க³ஸ்ஸ… அனாகா³மிப²லஸ்ஸ… அரஹத்தமக்³க³ஸ்ஸ… அரஹத்தப²லஸ்ஸ பத்தி அஸங்க²தாதி? ஆமந்தா. நிப்³பா³னம்…பே… அச்சுதம் அமதந்தி? ந ஹேவம் வத்தப்³பே³…பே… அரஹத்தப²லஸ்ஸ பத்தி அஸங்க²தா, நிப்³பா³னம் அஸங்க²தந்தி? ஆமந்தா. த்³வே அஸங்க²தானீதி? ந ஹேவம் வத்தப்³பே³…பே… த்³வே அஸங்க²தானீதி? ஆமந்தா. த்³வே தாணானி…பே… அந்தரிகா வாதி? ந ஹேவம் வத்தப்³பே³…பே….

ஸோதாபத்திமக்³க³ஸ்ஸ பத்தி அஸங்க²தா… ஸோதாபத்திப²லஸ்ஸ பத்தி அஸங்க²தா… அரஹத்தமக்³க³ஸ்ஸ பத்தி அஸங்க²தா… அரஹத்தப²லஸ்ஸ பத்தி அஸங்க²தா… நிப்³பா³னம் அஸங்க²தந்தி? ஆமந்தா. நவ அஸங்க²தானீதி? ந ஹேவம் வத்தப்³பே³…பே… நவ அஸங்க²தானீதி? ஆமந்தா. நவ தாணானி…பே… அந்தரிகா வாதி? ந ஹேவம் வத்தப்³பே³…பே….

840. ந வத்தப்³ப³ம் – பத்தி அஸங்க²தாதி? ஆமந்தா. பத்தி ரூபம் … வேத³னா… ஸஞ்ஞா… ஸங்கா²ரா… விஞ்ஞாணந்தி? ந ஹேவம் வத்தப்³பே³. தேன ஹி பத்தி அஸங்க²தாதி.

பத்திகதா² நிட்டி²தா.

19. ஏகூனவீஸதிமவக்³கோ³

(190) 5. தத²தாகதா²

841. ஸப்³ப³த⁴ம்மானம் தத²தா அஸங்க²தாதி? ஆமந்தா. நிப்³பா³னம்…பே… அமதந்தி? ந ஹேவம் வத்தப்³பே³…பே… ஸப்³ப³த⁴ம்மானம் தத²தா அஸங்க²தா, நிப்³பா³னம் அஸங்க²தந்தி? ஆமந்தா. த்³வே அஸங்க²தானீதி? ந ஹேவம் வத்தப்³பே³…பே… த்³வே அஸங்க²தானீதி? ஆமந்தா. த்³வே தாணானி…பே… அந்தரிகா வாதி? ந ஹேவம் வத்தப்³பே³…பே….

842. ரூபஸ்ஸ ரூபதா, நனு ரூபதா அஸங்க²தாதி? ஆமந்தா. நிப்³பா³னம்…பே… அமதந்தி? ந ஹேவம் வத்தப்³பே³…பே… ரூபஸ்ஸ ரூபதா, நனு ரூபதா அஸங்க²தா, நிப்³பா³னம் அஸங்க²தந்தி? ஆமந்தா. த்³வே அஸங்க²தானீதி? ந ஹேவம் வத்தப்³பே³…பே… த்³வே அஸங்க²தானீதி? ஆமந்தா. த்³வே தாணானி…பே… அந்தரிகா வாதி? ந ஹேவம் வத்தப்³பே³…பே….

வேத³னாய வேத³னதா, நனு வேத³னதா…பே… ஸஞ்ஞாய ஸஞ்ஞதா, நனு ஸஞ்ஞதா…பே… ஸங்கா²ரானம் ஸங்கா²ரதா, நனு ஸங்கா²ரதா…பே… விஞ்ஞாணஸ்ஸ விஞ்ஞாணதா, நனு விஞ்ஞாணதா அஸங்க²தாதி? ஆமந்தா. நிப்³பா³னம்…பே… அமதந்தி? ந ஹேவம் வத்தப்³பே³ …பே….

ரூபஸ்ஸ ரூபதா, நனு ரூபதா…பே… விஞ்ஞாணஸ்ஸ விஞ்ஞாணதா, நனு விஞ்ஞாணதா அஸங்க²தா, நிப்³பா³னம் அஸங்க²தந்தி? ஆமந்தா. ச² அஸங்க²தானீதி? ந ஹேவம் வத்தப்³பே³…பே… ச² அஸங்க²தானீதி? ஆமந்தா. ச² தாணானி…பே… அந்தரிகா வாதி? ந ஹேவம் வத்தப்³பே³…பே….

843. ந வத்தப்³ப³ம் – ‘‘ஸப்³ப³த⁴ம்மானம் தத²தா அஸங்க²தா’’தி? ஆமந்தா. ஸப்³ப³த⁴ம்மானம் தத²தா ரூபம்… வேத³னா… ஸஞ்ஞா… ஸங்கா²ரா… விஞ்ஞாணந்தி? ந ஹேவம் வத்தப்³பே³. தேன ஹி ஸப்³ப³த⁴ம்மானம் தத²தா அஸங்க²தாதி.

தத²தாகதா² நிட்டி²தா.

19. ஏகூனவீஸதிமவக்³கோ³

(191) 6. குஸலகதா²

844. நிப்³பா³னதா⁴து குஸலாதி? ஆமந்தா. ஸாரம்மணா, அத்தி² தாய ஆவட்டனா…பே… பணிதீ⁴தி? ந ஹேவம் வத்தப்³பே³…பே… நனு அனாரம்மணா, நத்தி² தாய ஆவட்டனா…பே… பணிதீ⁴தி? ஆமந்தா. ஹஞ்சி அனாரம்மணா, நத்தி² தாய ஆவட்டனா…பே… பணிதி⁴, நோ ச வத ரே வத்தப்³பே³ – ‘‘நிப்³பா³னதா⁴து குஸலா’’தி.

845. அலோபோ⁴ குஸலோ ஸாரம்மணோ, அத்தி² தஸ்ஸ ஆவட்டனா…பே… பணிதீ⁴தி? ஆமந்தா. நிப்³பா³னதா⁴து குஸலா ஸாரம்மணா, அத்தி² தாய ஆவட்டனா…பே… பணிதீ⁴தி? ந ஹேவம் வத்தப்³பே³ …பே… அதோ³ஸோ குஸலோ…பே… அமோஹோ குஸலோ…பே… ஸத்³தா⁴… வீரியம்… ஸதி… ஸமாதி⁴…பே… பஞ்ஞா குஸலா ஸாரம்மணா, அத்தி² தாய ஆவட்டனா…பே… பணிதீ⁴தி? ஆமந்தா. நிப்³பா³னதா⁴து குஸலா ஸாரம்மணா, அத்தி² தாய ஆவட்டனா…பே… பணிதீ⁴தி? ந ஹேவம் வத்தப்³பே³…பே….

நிப்³பா³னதா⁴து குஸலா அனாரம்மணா, நத்தி² தாய ஆவட்டனா…பே… பணிதீ⁴தி? ஆமந்தா. அலோபோ⁴ குஸலோ அனாரம்மணோ, நத்தி² தஸ்ஸ ஆவட்டனா…பே… பணிதீ⁴தி? ந ஹேவம் வத்தப்³பே³…பே… நிப்³பா³னதா⁴து குஸலா அனாரம்மணா, நத்தி² தாய ஆவட்டனா…பே… பணிதீ⁴தி? ஆமந்தா. அதோ³ஸோ குஸலோ…பே… அமோஹோ குஸலோ…பே… ஸத்³தா⁴… வீரியம்… ஸதி… ஸமாதி⁴…பே… பஞ்ஞா குஸலா அனாரம்மணா, நத்தி² தாய ஆவட்டனா…பே… பணிதீ⁴தி? ந ஹேவம் வத்தப்³பே³…பே….

846. ந வத்தப்³ப³ம் – ‘‘நிப்³பா³னதா⁴து குஸலா’’தி? ஆமந்தா. நனு நிப்³பா³னதா⁴து அனவஜ்ஜாதி? ஆமந்தா. ஹஞ்சி நிப்³பா³னதா⁴து அனவஜ்ஜா, தேன வத ரே வத்தப்³பே³ – ‘‘நிப்³பா³னதா⁴து குஸலா’’தி.

குஸலகதா² நிட்டி²தா.

19. ஏகூனவீஸதிமவக்³கோ³

(192) 7. அச்சந்தனியாமகதா²

847. அத்தி² புது²ஜ்ஜனஸ்ஸ அச்சந்தனியாமதாதி? ஆமந்தா. மாதுகா⁴தகோ அச்சந்தனியதோ, பிதுகா⁴தகோ…பே… அரஹந்தகா⁴தகோ…பே… ருஹிருப்பாத³கோ …பே… ஸங்க⁴பே⁴த³கோ அச்சந்தனியதோதி? ந ஹேவம் வத்தப்³பே³…பே….

848. அத்தி² புது²ஜ்ஜனஸ்ஸ அச்சந்தனியாமதாதி? ஆமந்தா. அச்சந்தனியதஸ்ஸ புக்³க³லஸ்ஸ விசிகிச்சா² உப்பஜ்ஜேய்யாதி? ஆமந்தா. ஹஞ்சி அச்சந்தனியதஸ்ஸ புக்³க³லஸ்ஸ விசிகிச்சா² உப்பஜ்ஜேய்ய, நோ ச வத ரே வத்தப்³பே³ – ‘‘அத்தி² புது²ஜ்ஜனஸ்ஸ அச்சந்தனியாமதா’’தி.

அச்சந்தனியதஸ்ஸ புக்³க³லஸ்ஸ விசிகிச்சா² நுப்பஜ்ஜேய்யாதி? ஆமந்தா. பஹீனாதி? ந ஹேவம் வத்தப்³பே³…பே… பஹீனாதி? ஆமந்தா. ஸோதாபத்திமக்³கே³னாதி? ந ஹேவம் வத்தப்³பே³…பே… ஸகதா³கா³மிமக்³கே³ன …பே… அனாகா³மிமக்³கே³ன…பே… அரஹத்தமக்³கே³னாதி? ந ஹேவம் வத்தப்³பே³…பே….

கதமேன மக்³கே³னாதி? அகுஸலேன மக்³கே³னாதி. அகுஸலோ மக்³கோ³ நிய்யானிகோ க²யகா³மீ போ³த⁴கா³மீ அனாஸவோ…பே… அஸம்கிலேஸிகோதி? ந ஹேவம் வத்தப்³பே³…பே… நனு அகுஸலோ மக்³கோ³ அனிய்யானிகோ…பே… ஸம்கிலேஸிகோதி? ஆமந்தா. ஹஞ்சி அகுஸலோ மக்³கோ³ அனிய்யானிகோ…பே… ஸம்கிலேஸிகோ, நோ ச வத ரே வத்தப்³பே³ – ‘‘அச்சந்தனியதஸ்ஸ புக்³க³லஸ்ஸ விசிகிச்சா² அகுஸலேன மக்³கே³ன பஹீனா’’தி.

849. ஸஸ்ஸததி³ட்டி²யா நியதஸ்ஸ புக்³க³லஸ்ஸ உச்சே²த³தி³ட்டி² உப்பஜ்ஜேய்யாதி? ஆமந்தா. ஹஞ்சி ஸஸ்ஸததி³ட்டி²யா நியதஸ்ஸ புக்³க³லஸ்ஸ உச்சே²த³தி³ட்டி² உப்பஜ்ஜேய்ய, நோ ச வத ரே வத்தப்³பே³ – ‘‘அத்தி² புது²ஜ்ஜனஸ்ஸ அச்சந்தனியாமதா’’தி.

ஸஸ்ஸததி³ட்டி²யா நியதஸ்ஸ புக்³க³லஸ்ஸ உச்சே²த³தி³ட்டி² நுப்பஜ்ஜேய்யாதி? ஆமந்தா. பஹீனாதி? ந ஹேவம் வத்தப்³பே³…பே… பஹீனாதி? ஆமந்தா. ஸோதாபத்திமக்³கே³னாதி? ந ஹேவம் வத்தப்³பே³…பே… ஸகதா³கா³மிமக்³கே³ன…பே… அனாகா³மிமக்³கே³ன…பே… அரஹத்தமக்³கே³னாதி? ந ஹேவம் வத்தப்³பே³…பே….

கதமேன மக்³கே³னாதி? அகுஸலேன மக்³கே³ன. அகுஸலோ மக்³கோ³…பே… நோ ச வத ரே வத்தப்³பே³ – ‘‘ஸஸ்ஸததி³ட்டி²யா நியதஸ்ஸ புக்³க³லஸ்ஸ உச்சே²த³தி³ட்டி² அகுஸலேன மக்³கே³ன பஹீனா’’தி.

850. உச்சே²த³தி³ட்டி²யா நியதஸ்ஸ புக்³க³லஸ்ஸ ஸஸ்ஸததி³ட்டி² உப்பஜ்ஜேய்யாதி? ஆமந்தா. ஹஞ்சி உச்சே²த³தி³ட்டி²யா நியதஸ்ஸ புக்³க³லஸ்ஸ ஸஸ்ஸததி³ட்டி² உப்பஜ்ஜேய்ய, நோ ச வத ரே வத்தப்³பே³ – ‘‘அத்தி² புது²ஜ்ஜனஸ்ஸ அச்சந்தனியாமதா’’தி.

உச்சே²த³தி³ட்டி²யா நியதஸ்ஸ புக்³க³லஸ்ஸ ஸஸ்ஸததி³ட்டி² நுப்பஜ்ஜேய்யாதி? ஆமந்தா. பஹீனாதி? ந ஹேவம் வத்தப்³பே³…பே… பஹீனாதி? ஆமந்தா. ஸோதாபத்திமக்³கே³னாதி? ந ஹேவம் வத்தப்³பே³ …பே… ஸகதா³கா³மிமக்³கே³ன…பே… அனாகா³மிமக்³கே³ன…பே… அரஹத்தமக்³கே³னாதி? ந ஹேவம் வத்தப்³பே³…பே….

கதமேன மக்³கே³னாதி? அகுஸலேன மக்³கே³னாதி. அகுஸலோ மக்³கோ³…பே… நோ ச வத ரே வத்தப்³பே³ – ‘‘உச்சே²த³தி³ட்டி²யா நியதஸ்ஸ புக்³க³லஸ்ஸ ஸஸ்ஸததி³ட்டி² அகுஸலேன மக்³கே³ன பஹீனா’’தி.

851. ந வத்தப்³ப³ம் – ‘‘அத்தி² புது²ஜ்ஜனஸ்ஸ அச்சந்தனியாமதா’’தி? ஆமந்தா. நனு வுத்தம் ப⁴க³வதா – ‘‘இத⁴, பி⁴க்க²வே, ஏகச்சோ புக்³க³லோ ஸமன்னாக³தோ ஹோதி ஏகந்தகாளகேஹி அகுஸலேஹி த⁴ம்மேஹி, ஸோ [ஏவம் கோ² பி⁴க்க²வே புக்³க³லோ (அ. நி. 7.15)] ஸகிம் நிமுக்³கோ³ நிமுக்³கோ³வ ஹோதீ’’தி [அ. நி. 7.15]! அத்தே²வ ஸுத்தந்தோதி? ஆமந்தா. தேன ஹி அத்தி² புது²ஜ்ஜனஸ்ஸ அச்சந்தனியாமதாதி.

852. வுத்தம் ப⁴க³வதா – ‘‘இத⁴, பி⁴க்க²வே, ஏகச்சோ புக்³க³லோ ஸமன்னாக³தோ ஹோதி ஏகந்தகாளகேஹி அகுஸலேஹி த⁴ம்மேஹி, ஸோ ஸகிம் நிமுக்³கோ³ நிமுக்³கோ³வ ஹோதீ’’தி கத்வா தேன ச காரணேன அத்தி² புது²ஜ்ஜனஸ்ஸ அச்சந்தனியாமதாதி? ஆமந்தா. வுத்தம் ப⁴க³வதா – ‘‘இத⁴, பி⁴க்க²வே, ஏகச்சோ புக்³க³லோ உம்முஜ்ஜித்வா நிமுஜ்ஜதீ’’தி [அ. நி. 7.15]! அத்தே²வ ஸுத்தந்தோதி? ஆமந்தா. ஸப்³ப³காலம் உம்முஜ்ஜித்வா நிமுஜ்ஜதீதி? ந ஹேவம் வத்தப்³பே³…பே….

வுத்தம் ப⁴க³வதா – ‘‘இத⁴, பி⁴க்க²வே, ஏகச்சோ புக்³க³லோ ஸமன்னாக³தோ ஹோதி ஏகந்தகாளகேஹி அகுஸலேஹி த⁴ம்மேஹி, ஸோ ஸகிம் நிமுக்³கோ³ நிமுக்³கோ³வ ஹோதீ’’தி – கத்வா தேன ச காரணேன அத்தி² புது²ஜ்ஜனஸ்ஸ அச்சந்தனியாமதாதி? ஆமந்தா. வுத்தம் ப⁴க³வதா – ‘‘இத⁴, பி⁴க்க²வே, ஏகச்சோ புக்³க³லோ உம்முஜ்ஜித்வா டி²தோ ஹோதி, உம்முஜ்ஜித்வா விபஸ்ஸதி விலோகேதி, உம்முஜ்ஜித்வா பதரதி, உம்முஜ்ஜித்வா பதிகா³த⁴ப்பத்தோ ஹோதீ’’தி [அ. நி. 7.15]! அத்தே²வ ஸுத்தந்தோதி? ஆமந்தா. ஸப்³ப³காலம் உம்முஜ்ஜித்வா பதிகா³த⁴ப்பத்தோ ஹோதீதி? ந ஹேவம் வத்தப்³பே³…பே….

அச்சந்தனியாமகதா² நிட்டி²தா.

19. ஏகூனவீஸதிமவக்³கோ³

(193) 8. இந்த்³ரியகதா²

853. நத்தி² லோகியம் ஸத்³தி⁴ந்த்³ரியந்தி? ஆமந்தா. நத்தி² லோகியா ஸத்³தா⁴தி? ந ஹேவம் வத்தப்³பே³…பே… நத்தி² லோகியம் வீரியிந்த்³ரியம்…பே… ஸதிந்த்³ரியம்…பே… ஸமாதி⁴ந்த்³ரியம்…பே… பஞ்ஞிந்த்³ரியந்தி? ஆமந்தா. நத்தி² லோகியா பஞ்ஞாதி? ந ஹேவம் வத்தப்³பே³…பே….

அத்தி² லோகியா ஸத்³தா⁴தி? ஆமந்தா. அத்தி² லோகியம் ஸத்³தி⁴ந்த்³ரியந்தி? ந ஹேவம் வத்தப்³பே³…பே… அத்தி² லோகியம் வீரியம்…பே… ஸதி…பே… ஸமாதி⁴…பே… பஞ்ஞாதி? ஆமந்தா. அத்தி² லோகியம் பஞ்ஞிந்த்³ரியந்தி? ந ஹேவம் வத்தப்³பே³…பே….

அத்தி² லோகியோ மனோ, அத்தி² லோகியம் மனிந்த்³ரியந்தி? ஆமந்தா. அத்தி² லோகியா ஸத்³தா⁴, அத்தி² லோகியம் ஸத்³தி⁴ந்த்³ரியந்தி? ந ஹேவம் வத்தப்³பே³…பே… அத்தி² லோகியோ மனோ, அத்தி² லோகியம் மனிந்த்³ரியந்தி? ஆமந்தா. அத்தி² லோகியா பஞ்ஞா, அத்தி² லோகியம் பஞ்ஞிந்த்³ரியந்தி? ந ஹேவம் வத்தப்³பே³…பே….

அத்தி² லோகியம் ஸோமனஸ்ஸம், அத்தி² லோகியம் ஸோமனஸ்ஸிந்த்³ரியம்…பே… அத்தி² லோகியம் ஜீவிதம், அத்தி² லோகியம் ஜீவிதிந்த்³ரியந்தி? ஆமந்தா. அத்தி² லோகியா ஸத்³தா⁴, அத்தி² லோகியம் ஸத்³தி⁴ந்த்³ரியந்தி? ந ஹேவம் வத்தப்³பே³…பே… அத்தி² லோகியம் ஜீவிதம், அத்தி² லோகியம் ஜீவிதிந்த்³ரியந்தி? ஆமந்தா. அத்தி² லோகியா பஞ்ஞா, அத்தி² லோகியம் பஞ்ஞிந்த்³ரியந்தி? ந ஹேவம் வத்தப்³பே³…பே….

854. அத்தி² லோகியா ஸத்³தா⁴, நத்தி² லோகியம் ஸத்³தி⁴ந்த்³ரியந்தி? ஆமந்தா. அத்தி² லோகியோ மனோ, நத்தி² லோகியம் மனிந்த்³ரியந்தி? ந ஹேவம் வத்தப்³பே³…பே… அத்தி² லோகியா பஞ்ஞா, நத்தி² லோகியம் பஞ்ஞிந்த்³ரியந்தி? ஆமந்தா. அத்தி² லோகியோ மனோ, நத்தி² லோகியம் மனிந்த்³ரியந்தி? ந ஹேவம் வத்தப்³பே³…பே….

அத்தி² லோகியா ஸத்³தா⁴, நத்தி² லோகியம் ஸத்³தி⁴ந்த்³ரியந்தி? ஆமந்தா. அத்தி² லோகியம் ஸோமனஸ்ஸம், நத்தி² லோகியம் ஸோமனஸ்ஸிந்த்³ரியந்தி… அத்தி² லோகியம் ஜீவிதம், நத்தி² லோகியம் ஜீவிதிந்த்³ரியந்தி? ந ஹேவம் வத்தப்³பே³…பே… அத்தி² லோகியா பஞ்ஞா, நத்தி² லோகியம் பஞ்ஞிந்த்³ரியந்தி? ஆமந்தா. அத்தி² லோகியோ மனோ, நத்தி² லோகியம் மனிந்த்³ரியந்தி…பே… அத்தி² லோகியம் ஜீவிதம், நத்தி² லோகியம் ஜீவிதிந்த்³ரியந்தி? ந ஹேவம் வத்தப்³பே³…பே….

855. அத்தி² லோகுத்தரா ஸத்³தா⁴, அத்தி² லோகுத்தரம் ஸத்³தி⁴ந்த்³ரியந்தி? ஆமந்தா. அத்தி² லோகியா ஸத்³தா⁴, அத்தி² லோகியம் ஸத்³தி⁴ந்த்³ரியந்தி? ந ஹேவம் வத்தப்³பே³…பே… அத்தி² லோகுத்தரம் வீரியம்…பே… அத்தி² லோகுத்தரா பஞ்ஞா, அத்தி² லோகுத்தரம் பஞ்ஞிந்த்³ரியந்தி? ஆமந்தா. அத்தி² லோகியா பஞ்ஞா, அத்தி² லோகியம் பஞ்ஞிந்த்³ரியந்தி? ந ஹேவம் வத்தப்³பே³…பே….

அத்தி² லோகியா ஸத்³தா⁴, நத்தி² லோகியம் ஸத்³தி⁴ந்த்³ரியந்தி? ஆமந்தா. அத்தி² லோகுத்தரா ஸத்³தா⁴, நத்தி² லோகுத்தரம் ஸத்³தி⁴ந்த்³ரியந்தி? ந ஹேவம் வத்தப்³பே³…பே… அத்தி² லோகியம் வீரியம்…பே… அத்தி² லோகியா பஞ்ஞா, நத்தி² லோகியம் பஞ்ஞிந்த்³ரியந்தி? ஆமந்தா. அத்தி² லோகுத்தரா பஞ்ஞா, நத்தி² லோகுத்தரம் பஞ்ஞிந்த்³ரியந்தி? ந ஹேவம் வத்தப்³பே³…பே….

856. நத்தி² லோகியானி பஞ்சிந்த்³ரியானீதி? ஆமந்தா. நனு வுத்தம் ப⁴க³வதா – ‘‘அத்³த³ஸம் கோ² அஹம், பி⁴க்க²வே, பு³த்³த⁴சக்கு²னா லோகம் வோலோகேந்தோ ஸத்தே அப்பரஜக்கே² மஹாரஜக்கே², திக்கி²ந்த்³ரியே முதி³ந்த்³ரியே, ஸ்வாகாரே, ஸுவிஞ்ஞாபயே, அப்பேகச்சே பரலோகவஜ்ஜப⁴யத³ஸ்ஸாவினோ விஹரந்தே’’தி [ம. நி. 1.283 தத்த² ‘‘த்³வாகாரே து³விஞ்ஞாபயே’’ இச்சாதீ³னிபி பதா³னி தி³ஸ்ஸந்தி]! அத்தே²வ ஸுத்தந்தோதி? ஆமந்தா. தேன ஹி அத்தி² லோகியானி பஞ்சிந்த்³ரியானீதி.

இந்த்³ரியகதா² நிட்டி²தா.

ஏகூனவீஸதிமவக்³கோ³.

தஸ்ஸுத்³தா³னம் –

அதீதே கிலேஸே ஜஹதி அனாக³தே கிலேஸே ஜஹதி பச்சுப்பன்னே கிலேஸே ஜஹதி, ஸுஞ்ஞதா ஸங்கா²ரக்க²ந்த⁴பரியாபன்னா, ஸாமஞ்ஞப²லம் அஸங்க²தம், பத்தி அஸங்க²தா, ஸப்³ப³த⁴ம்மானம் தத²தா அஸங்க²தா, நிப்³பா³னதா⁴து குஸலா, அத்தி² புது²ஜ்ஜனஸ்ஸ அச்சந்தனியாமதா, நத்தி² லோகியானி பஞ்சிந்த்³ரியானீதி.