(182) 6. ஜா²னஸங்கந்திகதா²

813. ஜா²னா ஜா²னம் ஸங்கமதீதி? ஆமந்தா. பட²மா ஜா²னா ததியம் ஜா²னம் ஸங்கமதீதி? ந ஹேவம் வத்தப்³பே³…பே… ஜா²னா ஜா²னம் ஸங்கமதீதி? ஆமந்தா. து³தியா ஜா²னா சதுத்த²ம் ஜா²னம் ஸங்கமதீதி? ந ஹேவம் வத்தப்³பே³…பே….

பட²மா ஜா²னா து³தியம் ஜா²னம் ஸங்கமதீதி? ஆமந்தா. யா பட²மஸ்ஸ ஜா²னஸ்ஸ உப்பாதா³ய ஆவட்டனா…பே… பணிதி⁴, ஸாவ து³தியஸ்ஸ ஜா²னஸ்ஸ உப்பாதா³ய ஆவட்டனா…பே… பணிதீ⁴தி? ந ஹேவம் வத்தப்³பே³…பே….

பட²மா ஜா²னா து³தியம் ஜா²னம் ஸங்கமதி, ந வத்தப்³ப³ம் – ‘‘யா பட²மஸ்ஸ ஜா²னஸ்ஸ உப்பாதா³ய ஆவட்டனா…பே… பணிதி⁴, ஸாவ து³தியஸ்ஸ ஜா²னஸ்ஸ உப்பாதா³ய ஆவட்டனா…பே… பணிதீ⁴’’தி? ஆமந்தா. து³தியம் ஜா²னம் அனாவட்டேந்தஸ்ஸ உப்பஜ்ஜதி…பே… அப்பணித³ஹந்தஸ்ஸ உப்பஜ்ஜதீதி? ந ஹேவம் வத்தப்³பே³…பே… நனு து³தியம் ஜா²னம் ஆவட்டேந்தஸ்ஸ உப்பஜ்ஜதி…பே… பணித³ஹந்தஸ்ஸ உப்பஜ்ஜதீதி? ஆமந்தா. ஹஞ்சி து³தியம் ஜா²னம் ஆவட்டேந்தஸ்ஸ உப்பஜ்ஜதி…பே… பணித³ஹந்தஸ்ஸ உப்பஜ்ஜதி, நோ ச வத ரே வத்தப்³பே³ – ‘‘பட²மா ஜா²னா து³தியம் ஜா²னம் ஸங்கமதீ’’தி…பே….

பட²மா ஜா²னா து³தியம் ஜா²னம் ஸங்கமதீதி? ஆமந்தா. பட²மம் ஜா²னம் காமே ஆதீ³னவதோ மனஸிகரோதோ உப்பஜ்ஜதீதி? ஆமந்தா. து³தியம் ஜா²னம் காமே ஆதீ³னவதோ மனஸிகரோதோ உப்பஜ்ஜதீதி? ந ஹேவம் வத்தப்³பே³…பே….

பட²மம் ஜா²னம் ஸவிதக்கம் ஸவிசாரந்தி? ஆமந்தா. து³தியம் ஜா²னம் ஸவிதக்கம் ஸவிசாரந்தி? ந ஹேவம் வத்தப்³பே³…பே… பட²மா ஜா²னா து³தியம் ஜா²னம் ஸங்கமதீதி? ஆமந்தா. தஞ்ஞேவ பட²மம் ஜா²னம் தம் து³தியம் ஜா²னந்தி? ந ஹேவம் வத்தப்³பே³…பே….

814. து³தியா ஜா²னா ததியம் ஜா²னம் ஸங்கமதீதி? ஆமந்தா. யா து³தியஸ்ஸ ஜா²னஸ்ஸ உப்பாதா³ய ஆவட்டனா…பே… பணிதி⁴, ஸாவ ததியஸ்ஸ ஜா²னஸ்ஸ உப்பாதா³ய ஆவட்டனா…பே… பணிதீ⁴தி? ந ஹேவம் வத்தப்³பே³…பே….

து³தியா ஜா²னா ததியம் ஜா²னம் ஸங்கமதி, ந வத்தப்³ப³ம் – ‘‘யா து³தியஸ்ஸ ஜா²னஸ்ஸ உப்பாதா³ய ஆவட்டனா…பே… பணிதி⁴, ஸாவ ததியஸ்ஸ ஜா²னஸ்ஸ உப்பாதா³ய ஆவட்டனா…பே… பணிதீ⁴’’தி? ஆமந்தா. ததியம் ஜா²னம் அனாவட்டேந்தஸ்ஸ உப்பஜ்ஜதி…பே… அப்பணித³ஹந்தஸ்ஸ உப்பஜ்ஜதீதி? ந ஹேவம் வத்தப்³பே³ …பே… நனு ததியம் ஜா²னம் ஆவட்டேந்தஸ்ஸ உப்பஜ்ஜதி…பே… பணித³ஹந்தஸ்ஸ உப்பஜ்ஜதீதி? ஆமந்தா. ஹஞ்சி ததியம் ஜா²னம் ஆவட்டேந்தஸ்ஸ உப்பஜ்ஜதி…பே… பணித³ஹந்தஸ்ஸ உப்பஜ்ஜதி, நோ ச வத ரே வத்தப்³பே³ – ‘‘து³தியா ஜா²னா ததியம் ஜா²னம் ஸங்கமதீ’’தி.

து³தியா ஜா²னா ததியம் ஜா²னம் ஸங்கமதீதி? ஆமந்தா. து³தியம் ஜா²னம் விதக்கவிசாரே ஆதீ³னவதோ மனஸிகரோதோ உப்பஜ்ஜதீதி? ஆமந்தா. ததியம் ஜா²னம் விதக்கவிசாரே ஆதீ³னவதோ மனஸிகரோதோ உப்பஜ்ஜதீதி? ந ஹேவம் வத்தப்³பே³…பே….

து³தியம் ஜா²னம் ஸப்பீதிகந்தி? ஆமந்தா. ததியம் ஜா²னம் ஸப்பீதிகந்தி? ந ஹேவம் வத்தப்³பே³…பே… து³தியா ஜா²னா ததியம் ஜா²னம் ஸங்கமதீதி? ஆமந்தா. தஞ்ஞேவ து³தியம் ஜா²னம் தம் ததியம் ஜா²னந்தி? ந ஹேவம் வத்தப்³பே³…பே….

815. ததியா ஜா²னா சதுத்த²ம் ஜா²னம் ஸங்கமதீதி? ஆமந்தா. யா ததியஸ்ஸ ஜா²னஸ்ஸ உப்பாதா³ய ஆவட்டனா…பே… பணிதி⁴, ஸாவ சதுத்த²ஸ்ஸ ஜா²னஸ்ஸ உப்பாதா³ய ஆவட்டனா…பே… பணிதீ⁴தி? ந ஹேவம் வத்தப்³பே³…பே….

ததியா ஜா²னா சதுத்த²ம் ஜா²னம் ஸங்கமதி, ந வத்தப்³ப³ம் – ‘‘யா ததியஸ்ஸ ஜா²னஸ்ஸ உப்பாதா³ய ஆவட்டனா…பே… பணிதி⁴, ஸாவ சதுத்த²ஸ்ஸ ஜா²னஸ்ஸ உப்பாதா³ய ஆவட்டனா…பே… பணிதீ⁴’’தி? ஆமந்தா. சதுத்த²ம் ஜா²னம் அனாவட்டேந்தஸ்ஸ உப்பஜ்ஜதி…பே… அப்பணித³ஹந்தஸ்ஸ உப்பஜ்ஜதீதி? ந ஹேவம் வத்தப்³பே³…பே… நனு சதுத்த²ம் ஜா²னம் ஆவட்டேந்தஸ்ஸ உப்பஜ்ஜதி…பே… பணித³ஹந்தஸ்ஸ உப்பஜ்ஜதீதி? ஆமந்தா. ஹஞ்சி சதுத்த²ம் ஜா²னம் ஆவட்டேந்தஸ்ஸ உப்பஜ்ஜதி…பே… பணித³ஹந்தஸ்ஸ உப்பஜ்ஜதி, நோ ச வத ரே வத்தப்³பே³ – ‘‘ததியா ஜா²னா சதுத்த²ம் ஜா²னம் ஸங்கமதீ’’தி.

ததியா ஜா²னா சதுத்த²ம் ஜா²னம் ஸங்கமதீதி? ஆமந்தா. ததியம் ஜா²னம் பீதிம் ஆதீ³னவதோ மனஸிகரோதோ உப்பஜ்ஜதீதி? ஆமந்தா. சதுத்த²ம் ஜா²னம் பீதிம் ஆதீ³னவதோ மனஸிகரோதோ உப்பஜ்ஜதீதி? ந ஹேவம் வத்தப்³பே³…பே….

ததியம் ஜா²னம் ஸுக²ஸஹக³தந்தி? ஆமந்தா. சதுத்த²ம் ஜா²னம் ஸுக²ஸஹக³தந்தி? ந ஹேவம் வத்தப்³பே³…பே… ததியா ஜா²னா சதுத்த²ம் ஜா²னம் ஸங்கமதீதி? ஆமந்தா. தஞ்ஞேவ ததியம் ஜா²னம் தம் சதுத்த²ம் ஜா²னந்தி? ந ஹேவம் வத்தப்³பே³…பே….

816. ந வத்தப்³ப³ம் – ‘‘ஜா²னா ஜா²னம் ஸங்கமதீ’’தி? ஆமந்தா. நனு வுத்தம் ப⁴க³வதா – ‘‘இத⁴, பி⁴க்க²வே, பி⁴க்கு² விவிச்சேவ காமேஹி…பே… சதுத்த²ம் ஜா²னம் உபஸம்பஜ்ஜ விஹரதீ’’தி [அ. நி. 2.13; 4.163]! அத்தே²வ ஸுத்தந்தோதி? ஆமந்தா. தேன ஹி ஜா²னா ஜா²னம் ஸங்கமதீதி.

ஜா²னஸங்கந்திகதா² நிட்டி²தா.