18. அட்டா²ரஸமவக்³கோ³

(183) 7. ஜா²னந்தரிககதா²

817. அத்தி² ஜா²னந்தரிகாதி? ஆமந்தா. அத்தி² ப²ஸ்ஸந்தரிகா…பே… அத்தி² ஸஞ்ஞந்தரிகாதி? ந ஹேவம் வத்தப்³பே³…பே….

அத்தி² ஜா²னந்தரிகாதி? ஆமந்தா. து³தியஸ்ஸ ச ஜா²னஸ்ஸ ததியஸ்ஸ ச ஜா²னஸ்ஸ அந்தரே அத்தி² ஜா²னந்தரிகாதி? ந ஹேவம் வத்தப்³பே³…பே….

அத்தி² ஜா²னந்தரிகாதி? ஆமந்தா. ததியஸ்ஸ ச ஜா²னஸ்ஸ சதுத்த²ஸ்ஸ ச ஜா²னஸ்ஸ அந்தரே அத்தி² ஜா²னந்தரிகாதி? ந ஹேவம் வத்தப்³பே³…பே….

து³தியஸ்ஸ ச ஜா²னஸ்ஸ ததியஸ்ஸ ச ஜா²னஸ்ஸ அந்தரே நத்தி² ஜா²னந்தரிகாதி? ஆமந்தா. ஹஞ்சி து³தியஸ்ஸ ச ஜா²னஸ்ஸ ததியஸ்ஸ ச ஜா²னஸ்ஸ அந்தரே நத்தி² ஜா²னந்தரிகா, நோ ச வத ரே வத்தப்³பே³ – ‘‘அத்தி² ஜா²னந்தரிகா’’தி.

ததியஸ்ஸ ச ஜா²னஸ்ஸ சதுத்த²ஸ்ஸ ச ஜா²னஸ்ஸ அந்தரே நத்தி² ஜா²னந்தரிகாதி? ஆமந்தா. ஹஞ்சி ததியஸ்ஸ ச ஜா²னஸ்ஸ சதுத்த²ஸ்ஸ ச ஜா²னஸ்ஸ அந்தரே நத்தி² ஜா²னந்தரிகா, நோ ச வத ரே வத்தப்³பே³ – ‘‘அத்தி² ஜா²னந்தரிகா’’தி.

818. பட²மஸ்ஸ ச ஜா²னஸ்ஸ து³தியஸ்ஸ ச ஜா²னஸ்ஸ அந்தரே அத்தி² ஜா²னந்தரிகாதி? ஆமந்தா. து³தியஸ்ஸ ச ஜா²னஸ்ஸ ததியஸ்ஸ ச ஜா²னஸ்ஸ அந்தரே அத்தி² ஜா²னந்தரிகாதி? ந ஹேவம் வத்தப்³பே³…பே….

பட²மஸ்ஸ ச ஜா²னஸ்ஸ து³தியஸ்ஸ ச ஜா²னஸ்ஸ அந்தரே அத்தி² ஜா²னந்தரிகாதி? ஆமந்தா. ததியஸ்ஸ ச ஜா²னஸ்ஸ சதுத்த²ஸ்ஸ ச ஜா²னஸ்ஸ அந்தரே அத்தி² ஜா²னந்தரிகாதி? ந ஹேவம் வத்தப்³பே³…பே….

து³தியஸ்ஸ ச ஜா²னஸ்ஸ ததியஸ்ஸ ச ஜா²னஸ்ஸ அந்தரே நத்தி² ஜா²னந்தரிகாதி? ஆமந்தா. பட²மஸ்ஸ ச ஜா²னஸ்ஸ து³தியஸ்ஸ ச ஜா²னஸ்ஸ அந்தரே நத்தி² ஜா²னந்தரிகாதி? ந ஹேவம் வத்தப்³பே³…பே….

ததியஸ்ஸ ச ஜா²னஸ்ஸ சதுத்த²ஸ்ஸ ச ஜா²னஸ்ஸ அந்தரே நத்தி² ஜா²னந்தரிகாதி? ஆமந்தா. பட²மஸ்ஸ ச ஜா²னஸ்ஸ து³தியஸ்ஸ ச ஜா²னஸ்ஸ அந்தரே நத்தி² ஜா²னந்தரிகாதி? ந ஹேவம் வத்தப்³பே³…பே….

819. அவிதக்கோ விசாரமத்தோ ஸமாதி⁴ ஜா²னந்தரிகாதி? ஆமந்தா. ஸவிதக்கோ ஸவிசாரோ ஸமாதி⁴ ஜா²னந்தரிகாதி? ந ஹேவம் வத்தப்³பே³…பே….

அவிதக்கோ விசாரமத்தோ ஸமாதி⁴ ஜா²னந்தரிகாதி? ஆமந்தா. அவிதக்கோ அவிசாரோ ஸமாதி⁴ ஜா²னந்தரிகாதி? ந ஹேவம் வத்தப்³பே³…பே….

ஸவிதக்கோ ஸவிசாரோ ஸமாதி⁴ ந ஜா²னந்தரிகாதி? ஆமந்தா. அவிதக்கோ விசாரமத்தோ ஸமாதி⁴ ந ஜா²னந்தரிகாதி? ந ஹேவம் வத்தப்³பே³…பே….

அவிதக்கோ அவிசாரோ ஸமாதி⁴ ந ஜா²னந்தரிகாதி? ஆமந்தா. அவிதக்கோ விசாரமத்தோ ஸமாதி⁴ ந ஜா²னந்தரிகாதி? ந ஹேவம் வத்தப்³பே³…பே….

820. த்³வின்னம் ஜா²னானம் படுப்பன்னானமந்தரே அவிதக்கோ விசாரமத்தோ ஸமாதீ⁴தி? ஆமந்தா. நனு அவிதக்கே விசாரமத்தே ஸமாதி⁴ம்ஹி வத்தமானே பட²மம் ஜா²னம் நிருத்³த⁴ம் து³தியம் ஜா²னம் படுப்பன்னந்தி? ஆமந்தா. ஹஞ்சி அவிதக்கே விசாரமத்தே ஸமாதி⁴ம்ஹி வத்தமானே பட²மம் ஜா²னம் நிருத்³த⁴ம் து³தியம் ஜா²னம் படுப்பன்னம், நோ ச வத ரே வத்தப்³பே³ – ‘‘த்³வின்னம் ஜா²னானம் படுப்பன்னானமந்தரே அவிதக்கோ விசாரமத்தோ ஸமாதி⁴ ஜா²னந்தரிகாதி.

821. அவிதக்கோ விசாரமத்தோ ஸமாதி⁴ ந ஜா²னந்தரிகாதி? ஆமந்தா. அவிதக்கோ விசாரமத்தோ ஸமாதி⁴ பட²மம் ஜா²னம்…பே… து³தியம் ஜா²னம்…பே… ததியம் ஜா²னம்…பே… சதுத்த²ம் ஜா²னந்தி? ந ஹேவம் வத்தப்³பே³. தேன ஹி அவிதக்கோ விசாரமத்தோ ஸமாதி⁴ ஜா²னந்தரிகாதி.

822. அவிதக்கோ விசாரமத்தோ ஸமாதி⁴ ஜா²னந்தரிகாதி? ஆமந்தா. நனு தயோ ஸமாதீ⁴ வுத்தா ப⁴க³வதா – ஸவிதக்கோ ஸவிசாரோ ஸமாதி⁴, அவிதக்கோ விசாரமத்தோ ஸமாதி⁴, அவிதக்கோ அவிசாரோ ஸமாதீ⁴தி [தீ³. நி. 3.305, 353]? ஆமந்தா. ஹஞ்சி தயோ ஸமாதீ⁴ வுத்தா ப⁴க³வதா – ஸவிதக்கோ…பே… அவிசாரோ ஸமாதி⁴, நோ ச வத ரே வத்தப்³பே³ – ‘‘அவிதக்கோ விசாரமத்தோ ஸமாதி⁴ ஜா²னந்தரிகா’’தி.

ஜா²னந்தரிககதா² நிட்டி²தா.