(83) 11. கம்மஹேதுகதா²

546. கம்மஹேது அரஹா அரஹத்தா பரிஹாயதீதி? ஆமந்தா. கம்மஹேது ஸோதாபன்னோ ஸோதாபத்திப²லா பரிஹாயதீதி? ந ஹேவம் வத்தப்³பே³…பே… கம்மஹேது அரஹா அரஹத்தா பரிஹாயதீதி? ஆமந்தா. கம்மஹேது ஸகதா³கா³மீ…பே… அனாகா³மீ அனாகா³மிப²லா பரிஹாயதீதி? ந ஹேவம் வத்தப்³பே³…பே….

கம்மஹேது ஸோதாபன்னோ ஸோதாபத்திப²லா ந பரிஹாயதீதி? ஆமந்தா. கம்மஹேது அரஹா அரஹத்தா ந பரிஹாயதீதி? ந ஹேவம் வத்தப்³பே³ …பே… கம்மஹேது ஸகதா³கா³மீ…பே… அனாகா³மீ அனாகா³மிப²லா ந பரிஹாயதீதி? ஆமந்தா. கம்மஹேது அரஹா அரஹத்தா ந பரிஹாயதீதி? ந ஹேவம் வத்தப்³பே³…பே….

கம்மஹேது அரஹா அரஹத்தா பரிஹாயதீதி? ஆமந்தா. பாணாதிபாதகம்மஸ்ஸ ஹேதூதி? ந ஹேவம் வத்தப்³பே³…பே… அதி³ன்னாதா³னகம்மஸ்ஸ ஹேது…பே… காமேஸுமிச்சா²சாரகம்மஸ்ஸ ஹேது… முஸாவாத³கம்மஸ்ஸ ஹேது… பிஸுணவாசாகம்மஸ்ஸ ஹேது… ப²ருஸவாசாகம்மஸ்ஸ ஹேது… ஸம்ப²ப்பலாபகம்மஸ்ஸ ஹேது… மாதுகா⁴தகம்மஸ்ஸ [மாதுகா⁴தககம்மஸ்ஸ (ஸ்யா.), மாதுகா⁴திகம்மஸ்ஸ (க.) ததா² பிதுகா⁴தஅரஹந்தகா⁴தகம்மஸ்ஸாதிபதே³ஸு] ஹேது… பிதுகா⁴தகம்மஸ்ஸ ஹேது… அரஹந்தகா⁴தகம்மஸ்ஸ ஹேது… ருஹிருப்பாத³கம்மஸ்ஸ ஹேது…பே… ஸங்க⁴பே⁴த³கம்மஸ்ஸ ஹேதூதி? ந ஹேவம் வத்தப்³பே³…பே….

கதமஸ்ஸ கம்மஸ்ஸ ஹேதூதி? ஹந்த³ ஹி அரஹந்தானம் அப்³பா⁴சிக்க²தீதி. அரஹந்தானம் அப்³பா⁴சிக்க²னகம்மஸ்ஸ ஹேது அரஹா அரஹத்தா பரிஹாயதீதி? ஆமந்தா. யே கேசி அரஹந்தானம் அப்³பா⁴சிக்க²ந்தி, ஸப்³பே³ தே அரஹத்தம் ஸச்சி²கரோந்தீதி? ந ஹேவம் வத்தப்³பே³…பே….

கம்மஹேதுகதா² நிட்டி²தா.

அட்ட²மவக்³கோ³.

தஸ்ஸுத்³தா³னம் –

ச² க³தியோ, அந்தராப⁴வோ, பஞ்சேவ காமகு³ணா காமதா⁴து, பஞ்சேவ ஆயதனா காமா, ரூபினோ த⁴ம்மா ரூபதா⁴து, அரூபினோ த⁴ம்மா அரூபதா⁴து, ஸளாயதனிகோ அத்தபா⁴வோ ரூபதா⁴துயா, அத்தி² ரூபம் அரூபேஸு, ரூபம் கம்மம், ரூபம் ஜீவிதம், கம்மஹேதுகா பரிஹாயதீதி.