8. அட்ட²மவக்³கோ³

(73) 1. ச²க³திகதா²

503. ச² க³தியோதி? ஆமந்தா. நனு பஞ்ச க³தியோ வுத்தா ப⁴க³வதா – நிரயோ, திரச்சா²னயோனி, பேத்திவிஸயோ, மனுஸ்ஸா, தே³வாதி [ம. நி. 1.153]? ஆமந்தா. ஹஞ்சி பஞ்ச க³தியோ வுத்தா ப⁴க³வதா – நிரயோ, திரச்சா²னயோனி, பேத்திவிஸயோ, மனுஸ்ஸா, தே³வா; நோ ச வத ரே வத்தப்³பே³ – ‘‘ச² க³தியோ’’தி.

ச² க³தியோதி? ஆமந்தா. நனு காலகஞ்சிகா [காலகஞ்ஜிகா (ஸீ. ஸ்யா. கம்.), காளகஞ்ஜகா (பீ.)] ஸுரா பேதானம் ஸமானவண்ணா ஸமானபோ⁴கா³ ஸமானாஹாரா ஸமானாயுகா பேதேஹி ஸஹ ஆவாஹவிவாஹம் க³ச்ச²ந்தீதி? ஆமந்தா. ஹஞ்சி காலகஞ்சிகா அஸுரா பேதானம் ஸமானவண்ணா ஸமானபோ⁴கா³ ஸமானாஹாரா ஸமானாயுகா பேதேஹி ஸஹ ஆவாஹவிவாஹம் க³ச்ச²ந்தி, நோ ச வத ரே வத்தப்³பே³ – ‘‘ச² க³தியோ’’தி.

ச² க³தியோதி? ஆமந்தா. நனு வேபசித்திபரிஸா தே³வானம் ஸமானவண்ணா ஸமானபோ⁴கா³ ஸமானாஹாரா ஸமானாயுகா தே³வேஹி ஸஹ ஆவாஹவிவாஹம் க³ச்ச²ந்தீதி? ஆமந்தா. ஹஞ்சி வேபசித்திபரிஸா தே³வானம் ஸமானவண்ணா ஸமானபோ⁴கா³ ஸமானாஹாரா ஸமானாயுகா தே³வேஹி ஸஹ ஆவாஹவிவாஹம் க³ச்ச²ந்தி, நோ ச வத ரே வத்தப்³பே³ – ‘‘ச² க³தியோ’’தி.

ச² க³தியோதி? ஆமந்தா. நனு வேபசித்திபரிஸா புப்³ப³தே³வாதி? ஆமந்தா. ஹஞ்சி வேபசித்திபரிஸா புப்³ப³தே³வா, நோ ச வத ரே வத்தப்³பே³ – ‘‘ச² க³தியோ’’தி.

504. ந வத்தப்³ப³ம் – ‘‘ச² க³தியோ’’தி? ஆமந்தா. நனு அத்தி² அஸுரகாயோதி, ஆமந்தா. ஹஞ்சி அத்தி² அஸுரகாயோ, தேன வத ரே வத்தப்³பே³ – ‘‘ச² க³தியோ’’தி.

ச²க³திகதா² நிட்டி²தா.

8. அட்ட²மவக்³கோ³

(74) 2. அந்தராப⁴வகதா²

505. அத்தி² அந்தராப⁴வோதி? ஆமந்தா. காமப⁴வோதி? ந ஹேவம் வத்தப்³பே³…பே… அத்தி² அந்தராப⁴வோதி? ஆமந்தா. ரூபப⁴வோதி? ந ஹேவம் வத்தப்³பே³…பே… அத்தி² அந்தராப⁴வோதி? ஆமந்தா. அரூபப⁴வோதி? ந ஹேவம் வத்தப்³பே³…பே… அத்தி² அந்தராப⁴வோதி? ஆமந்தா. காமப⁴வஸ்ஸ ச ரூபப⁴வஸ்ஸ ச அந்தரே அத்தி² அந்தராப⁴வோதி? ந ஹேவம் வத்தப்³பே³…பே… அத்தி² அந்தராப⁴வோதி? ஆமந்தா. ரூபப⁴வஸ்ஸ ச அரூபப⁴வஸ்ஸ ச அந்தரே அத்தி² அந்தராப⁴வோதி? ந ஹேவம் வத்தப்³பே³…பே….

காமப⁴வஸ்ஸ ச ரூபப⁴வஸ்ஸ ச அந்தரே நத்தி² அந்தராப⁴வோதி? ஆமந்தா. ஹஞ்சி காமப⁴வஸ்ஸ ச ரூபப⁴வஸ்ஸ ச அந்தரே நத்தி² அந்தராப⁴வோ, நோ ச வத ரே வத்தப்³பே³ – ‘‘அத்தி² அந்தராப⁴வோ’’தி. ரூபப⁴வஸ்ஸ ச அரூபப⁴வஸ்ஸ ச அந்தரே நத்தி² அந்தராப⁴வோதி? ஆமந்தா. ஹஞ்சி ரூபப⁴வஸ்ஸ ச அரூபப⁴வஸ்ஸ ச அந்தரே நத்தி² அந்தராப⁴வோ, நோ ச வத ரே வத்தப்³பே³ – ‘‘அத்தி² அந்தராப⁴வோ’’தி.

506. அத்தி² அந்தராப⁴வோதி? ஆமந்தா. பஞ்சமீ ஸா யோனி, ச²ட்ட²மீ ஸா க³தி, அட்ட²மீ ஸா விஞ்ஞாணட்டி²தி, த³ஸமோ ஸோ ஸத்தாவாஸோதி? ந ஹேவம் வத்தப்³பே³…பே… அத்தி² அந்தராப⁴வோதி? ஆமந்தா. அந்தராப⁴வோ ப⁴வோ க³தி ஸத்தாவாஸோ ஸம்ஸாரோ யோனி விஞ்ஞாணட்டி²தி அத்தபா⁴வபடிலாபோ⁴தி? ந ஹேவம் வத்தப்³பே³…பே… அத்தி² அந்தராப⁴வூபக³ம் கம்மந்தி? ந ஹேவம் வத்தப்³பே³…பே… அத்தி² அந்தராப⁴வூபகா³ ஸத்தாதி? ந ஹேவம் வத்தப்³பே³…பே… அந்தராப⁴வே ஸத்தா ஜாயந்தி ஜீயந்தி மீயந்தி சவந்தி உபபஜ்ஜந்தீதி? ந ஹேவம் வத்தப்³பே³…பே… அந்தராப⁴வே அத்தி² ரூபம் வேத³னா ஸஞ்ஞா ஸங்கா²ரா விஞ்ஞாணந்தி? ந ஹேவம் வத்தப்³பே³…பே… அந்தராப⁴வோ பஞ்சவோகாரப⁴வோதி? ந ஹேவம் வத்தப்³பே³…பே….

507. அத்தி² காமப⁴வோ, காமப⁴வோ ப⁴வோ க³தி ஸத்தாவாஸோ ஸம்ஸாரோ யோனி விஞ்ஞாணட்டி²தி அத்தபா⁴வபடிலாபோ⁴தி? ஆமந்தா. அத்தி² அந்தராப⁴வோ, அந்தராப⁴வோ ப⁴வோ க³தி ஸத்தாவாஸோ ஸம்ஸாரோ யோனி விஞ்ஞாணட்டி²தி அத்தபா⁴வபடிலாபோ⁴தி? ந ஹேவம் வத்தப்³பே³…பே… அத்தி² காமப⁴வூபக³ம் கம்மந்தி? ஆமந்தா. அத்தி² அந்தராப⁴வூபக³ம் கம்மந்தி? ந ஹேவம் வத்தப்³பே³…பே… அத்தி² காமப⁴வூபகா³ ஸத்தாதி? ஆமந்தா. அத்தி² அந்தராப⁴வூபகா³ ஸத்தாதி? ந ஹேவம் வத்தப்³பே³…பே… காமப⁴வே ஸத்தா ஜாயந்தி ஜீயந்தி மீயந்தி சவந்தி உபபஜ்ஜந்தீதி? ஆமந்தா. அந்தராப⁴வே ஸத்தா ஜாயந்தி ஜீயந்தி மீயந்தி சவந்தி உபபஜ்ஜந்தீதி? ந ஹேவம் வத்தப்³பே³…பே… காமப⁴வே அத்தி² ரூபம் வேத³னா ஸஞ்ஞா ஸங்கா²ரா விஞ்ஞாணந்தி? ஆமந்தா. அந்தராப⁴வே அத்தி² ரூபம் வேத³னா ஸஞ்ஞா ஸங்கா²ரா விஞ்ஞாணந்தி? ந ஹேவம் வத்தப்³பே³…பே… காமப⁴வோ பஞ்சவோகாரப⁴வோதி? ஆமந்தா. அந்தராப⁴வோ பஞ்சவோகாரப⁴வோதி? ந ஹேவம் வத்தப்³பே³…பே….

அத்தி² ரூபப⁴வோ, ரூபப⁴வோ ப⁴வோ க³தி ஸத்தாவாஸோ ஸம்ஸாரோ யோனி விஞ்ஞாணட்டி²தி அத்தபா⁴வபடிலாபோ⁴தி? ஆமந்தா. அத்தி² அந்தராப⁴வோ, அந்தராப⁴வோ ப⁴வோ க³தி ஸத்தாவாஸோ ஸம்ஸாரோ யோனி விஞ்ஞாணட்டி²தி அத்தபா⁴வபடிலாபோ⁴தி? ந ஹேவம் வத்தப்³பே³…பே… அத்தி² ரூபப⁴வூபக³ம் கம்மந்தி? ஆமந்தா. அத்தி² அந்தராப⁴வூபக³ம் கம்மந்தி? ந ஹேவம் வத்தப்³பே³…பே… அத்தி² ரூபப⁴வூபகா³ ஸத்தாதி? ஆமந்தா. அத்தி² அந்தராப⁴வூபகா³ ஸத்தாதி? ந ஹேவம் வத்தப்³பே³…பே… ரூபப⁴வே ஸத்தா ஜாயந்தி ஜீயந்தி மீயந்தி சவந்தி உபபஜ்ஜந்தீதி? ஆமந்தா. அந்தராப⁴வே ஸத்தா ஜாயந்தி ஜீயந்தி மீயந்தி சவந்தி உபபஜ்ஜந்தீதி? ந ஹேவம் வத்தப்³பே³…பே… ரூபப⁴வே அத்தி² ரூபம் வேத³னா ஸஞ்ஞா ஸங்கா²ரா விஞ்ஞாணந்தி? ஆமந்தா. அந்தராப⁴வே அத்தி² ரூபம் வேத³னா ஸஞ்ஞா ஸங்கா²ரா விஞ்ஞாணந்தி? ந ஹேவம் வத்தப்³பே³…பே… ரூபப⁴வோ பஞ்சவோகாரப⁴வோதி? ஆமந்தா. அந்தராப⁴வோ பஞ்சவோகாரப⁴வோதி? ந ஹேவம் வத்தப்³பே³…பே….

அத்தி² அரூபப⁴வோ, அரூபப⁴வோ ப⁴வோ க³தி ஸத்தாவாஸோ ஸம்ஸாரோ யோனி விஞ்ஞாணட்டி²தி அத்தபா⁴வபடிலாபோ⁴தி? ஆமந்தா. அத்தி² அந்தராப⁴வோ, அந்தராப⁴வோ ப⁴வோ க³தி ஸத்தாவாஸோ ஸம்ஸாரோ யோனி விஞ்ஞாணட்டி²தி அத்தபா⁴வபடிலாபோ⁴தி? ந ஹேவம் வத்தப்³பே³…பே… அத்தி² அரூபப⁴வூபக³ம் கம்மந்தி? ஆமந்தா. அத்தி² அந்தராப⁴வூபக³ம் கம்மந்தி? ந ஹேவம் வத்தப்³பே³…பே… அத்தி² அரூபப⁴வூபகா³ ஸத்தாதி? ஆமந்தா. அத்தி² அந்தராப⁴வூபகா³ ஸத்தாதி? ந ஹேவம் வத்தப்³பே³…பே… அரூபப⁴வே ஸத்தா ஜாயந்தி ஜீயந்தி மீயந்தி சவந்தி உபபஜ்ஜந்தீதி? ஆமந்தா. அந்தராப⁴வே ஸத்தா ஜாயந்தி ஜீயந்தி மீயந்தி சவந்தி உபபஜ்ஜந்தீதி? ந ஹேவம் வத்தப்³பே³…பே… அரூபப⁴வே அத்தி² வேத³னா ஸஞ்ஞா ஸங்கா²ரா விஞ்ஞாணந்தி? ஆமந்தா. அந்தராப⁴வே அத்தி² வேத³னா ஸஞ்ஞா ஸங்கா²ரா விஞ்ஞாணந்தி? ந ஹேவம் வத்தப்³பே³…பே… அரூபப⁴வோ சதுவோகாரப⁴வோதி? ஆமந்தா. அந்தராப⁴வோ சதுவோகாரப⁴வோதி? ந ஹேவம் வத்தப்³பே³…பே….

508. அத்தி² அந்தராப⁴வோதி? ஆமந்தா. ஸப்³பே³ஸஞ்ஞேவ ஸத்தானம் அத்தி² அந்தராப⁴வோதி? ந ஹேவம் வத்தப்³பே³ …பே… ஸப்³பே³ஸஞ்ஞேவ ஸத்தானம் நத்தி² அந்தராப⁴வோதி? ஆமந்தா. ஹஞ்சி ஸப்³பே³ஸஞ்ஞேவ ஸத்தானம் நத்தி² அந்தராப⁴வோ, நோ ச வத ரே வத்தப்³பே³ – ‘‘அத்தி² அந்தராப⁴வோ’’தி.

அத்தி² அந்தராப⁴வோதி? ஆமந்தா. ஆனந்தரியஸ்ஸ புக்³க³லஸ்ஸ அத்தி² அந்தராப⁴வோதி? ந ஹேவம் வத்தப்³பே³…பே… ஆனந்தரியஸ்ஸ புக்³க³லஸ்ஸ நத்தி² அந்தராப⁴வோதி? ஆமந்தா. ஹஞ்சி ஆனந்தரியஸ்ஸ புக்³க³லஸ்ஸ நத்தி² அந்தராப⁴வோ, நோ ச வத ரே வத்தப்³பே³ – ‘‘அத்தி² அந்தராப⁴வோ’’தி.

ந ஆனந்தரியஸ்ஸ புக்³க³லஸ்ஸ அத்தி² அந்தராப⁴வோதி? ஆமந்தா. ஆனந்தரியஸ்ஸ புக்³க³லஸ்ஸ அத்தி² அந்தராப⁴வோதி? ந ஹேவம் வத்தப்³பே³…பே… ஆனந்தரியஸ்ஸ புக்³க³லஸ்ஸ நத்தி² அந்தராப⁴வோதி? ஆமந்தா. ந ஆனந்தரியஸ்ஸ புக்³க³லஸ்ஸ நத்தி² அந்தராப⁴வோதி? ந ஹேவம் வத்தப்³பே³…பே… நிரயூபக³ஸ்ஸ புக்³க³லஸ்ஸ…பே… அஸஞ்ஞஸத்தூபக³ஸ்ஸ புக்³க³லஸ்ஸ …பே… அரூபூபக³ஸ்ஸ புக்³க³லஸ்ஸ அத்தி² அந்தராப⁴வோதி? ந ஹேவம் வத்தப்³பே³…பே… அரூபூபக³ஸ்ஸ புக்³க³லஸ்ஸ நத்தி² அந்தராப⁴வோதி? ஆமந்தா. ஹஞ்சி அரூபூபக³ஸ்ஸ புக்³க³லஸ்ஸ நத்தி² அந்தராப⁴வோ, நோ ச வத ரே வத்தப்³பே³ – ‘‘அத்தி² அந்தராப⁴வோ’’தி.

ந அரூபூபக³ஸ்ஸ புக்³க³லஸ்ஸ அத்தி² அந்தராப⁴வோதி? ஆமந்தா. அரூபூபக³ஸ்ஸ புக்³க³லஸ்ஸ அத்தி² அந்தராப⁴வோதி? ந ஹேவம் வத்தப்³பே³…பே… அரூபூபக³ஸ்ஸ புக்³க³லஸ்ஸ நத்தி² அந்தராப⁴வோதி? ஆமந்தா. ந அரூபூபக³ஸ்ஸ புக்³க³லஸ்ஸ நத்தி² அந்தராப⁴வோதி? ந ஹேவம் வத்தப்³பே³…பே….

509. ந வத்தப்³ப³ம் அத்தி² அந்தராப⁴வோதி? ஆமந்தா. நனு அந்தராபரினிப்³பா³யீ புக்³க³லோ அத்தீ²தி? ஆமந்தா. ஹஞ்சி அந்தராபரினிப்³பா³யீ புக்³க³லோ அத்தி², தேன வத ரே [நோ ச வத ரே (ஸீ. க.), நோ வத ரே (ஸ்யா.)] வத்தப்³பே³ – ‘‘அத்தி² அந்தராப⁴வோ’’தி.

அந்தராபரினிப்³பா³யீ புக்³க³லோ அத்தீ²தி கத்வா அத்தி² அந்தராப⁴வோதி? ஆமந்தா. உபஹச்சபரினிப்³பா³யீ புக்³க³லோ அத்தீ²தி கத்வா அத்தி² உபஹச்சப⁴வோதி? ந ஹேவம் வத்தப்³பே³…பே… அந்தராபரினிப்³பா³யீ புக்³க³லோ அத்தீ²தி கத்வா அத்தி² அந்தராப⁴வோதி? ஆமந்தா. அஸங்கா²ரபரினிப்³பா³யீ புக்³க³லோ…பே… ஸஸங்கா²ரபரினிப்³பா³யீ புக்³க³லோ அத்தீ²தி கத்வா அத்தி² ஸஸங்கா²ரப⁴வோதி? ந ஹேவம் வத்தப்³பே³…பே….

அந்தராப⁴வகதா² நிட்டி²தா.

8. அட்ட²மவக்³கோ³

(75) 3. காமகு³ணகதா²

510. பஞ்சேவ காமகு³ணா காமதா⁴தூதி? ஆமந்தா. நனு அத்தி² தப்படிஸஞ்ஞுத்தோ ச²ந்தோ³தி? ஆமந்தா. ஹஞ்சி அத்தி² தப்படிஸஞ்ஞுத்தோ ச²ந்தோ³, நோ ச வத ரே வத்தப்³பே³ – ‘‘பஞ்சேவ காமகு³ணா காமதா⁴தூ’’தி. நனு அத்தி² தப்படிஸஞ்ஞுத்தோ ராகோ³ தப்படிஸஞ்ஞுத்தோ ச²ந்தோ³ தப்படிஸஞ்ஞுத்தோ ச²ந்த³ராகோ³ தப்படிஸஞ்ஞுத்தோ ஸங்கப்போ தப்படிஸஞ்ஞுத்தோ ராகோ³ தப்படிஸஞ்ஞுத்தோ ஸங்கப்பராகோ³ தப்படிஸஞ்ஞுத்தா பீதி தப்படிஸஞ்ஞுத்தம் ஸோமனஸ்ஸம் தப்படிஸஞ்ஞுத்தம் பீதிஸோமனஸ்ஸந்தி? ஆமந்தா. ஹஞ்சி அத்தி² தப்படிஸஞ்ஞுத்தம் பீதிஸோமனஸ்ஸம், நோ ச வத ரே வத்தப்³பே³ – ‘‘பஞ்சேவ காமகு³ணா காமதா⁴தூ’’தி.

பஞ்சேவ காமகு³ணா காமதா⁴தூதி? ஆமந்தா. மனுஸ்ஸானம் சக்கு² ந காமதா⁴தூதி? ந ஹேவம் வத்தப்³பே³…பே… மனுஸ்ஸானம் ஸோதம்…பே… மனுஸ்ஸானம் கா⁴னம்…பே… மனுஸ்ஸானம் ஜிவ்ஹா…பே… மனுஸ்ஸானம் காயோ…பே… மனுஸ்ஸானம் மனோ ந காமதா⁴தூதி? ந ஹேவம் வத்தப்³பே³…பே….

மனுஸ்ஸானம் மனோ ந காமதா⁴தூதி? ஆமந்தா. நனு வுத்தம் ப⁴க³வதா –

‘‘பஞ்ச காமகு³ணா லோகே, மனோச்ச²ட்டா² பவேதி³தா;

ஏத்த² ச²ந்த³ம் விராஜேத்வா, ஏவம் து³க்கா² பமுச்சதீ’’தி [ஸு. நி. 173; ஸம். நி. 1.30].

அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘மனுஸ்ஸானம் மனோ ந காமதா⁴தூ’’தி.

511. பஞ்சேவ காமகு³ணா காமதா⁴தூதி? ஆமந்தா. காமகு³ணா ப⁴வோ க³தி ஸத்தாவாஸோ ஸம்ஸாரோ யோனி விஞ்ஞாணட்டி²தி அத்தபா⁴வபடிலாபோ⁴தி? ந ஹேவம் வத்தப்³பே³…பே… அத்தி² காமகு³ணூபக³ம் கம்மந்தி? ந ஹேவம் வத்தப்³பே³…பே… அத்தி² காமகு³ணூபகா³ ஸத்தாதி? ந ஹேவம் வத்தப்³பே³…பே… காமகு³ணே ஸத்தா ஜாயந்தி ஜீயந்தி மீயந்தி சவந்தி உபபஜ்ஜந்தீதி? ந ஹேவம் வத்தப்³பே³…பே… காமகு³ணே அத்தி² ரூபம் வேத³னா ஸஞ்ஞா ஸங்கா²ரா விஞ்ஞாணந்தி? ந ஹேவம் வத்தப்³பே³…பே… காமகு³ணா பஞ்சவோகாரப⁴வோதி? ந ஹேவம் வத்தப்³பே³…பே… காமகு³ணே ஸம்மாஸம்பு³த்³தா⁴ உப்பஜ்ஜந்தி, பச்சேகஸம்பு³த்³தா⁴ உப்பஜ்ஜந்தி, ஸாவகயுக³ம் உப்பஜ்ஜதீதி? ந ஹேவம் வத்தப்³பே³…பே….

காமதா⁴து ப⁴வோ க³தி ஸத்தாவாஸோ ஸம்ஸாரோ யோனி விஞ்ஞாணட்டி²தி அத்தபா⁴வபடிலாபோ⁴தி? ஆமந்தா. காமகு³ணா ப⁴வோ க³தி ஸத்தாவாஸோ ஸம்ஸாரோ யோனி விஞ்ஞாணட்டி²தி அத்தபா⁴வபடிலாபோ⁴தி? ந ஹேவம் வத்தப்³பே³…பே… அத்தி² காமதா⁴தூபக³ம் கம்மந்தி? ஆமந்தா. அத்தி² காமகு³ணூபக³ம் கம்மந்தி? ந ஹேவம் வத்தப்³பே³…பே… அத்தி² காமதா⁴தூபகா³ ஸத்தாதி? ஆமந்தா. அத்தி² காமகு³ணூபகா³ ஸத்தாதி? ந ஹேவம் வத்தப்³பே³…பே….

காமதா⁴துயா ஸத்தா ஜாயந்தி ஜீயந்தி மீயந்தி சவந்தி உபபஜ்ஜந்தீதி? ஆமந்தா. காமகு³ணே ஸத்தா ஜாயந்தி ஜீயந்தி மீயந்தி சவந்தி உபபஜ்ஜந்தீதி? ந ஹேவம் வத்தப்³பே³ …பே… காமதா⁴துயா அத்தி² ரூபம் வேத³னா ஸஞ்ஞா ஸங்கா²ரா விஞ்ஞாணந்தி? ஆமந்தா. காமகு³ணே அத்தி² ரூபம் வேத³னா ஸஞ்ஞா ஸங்கா²ரா விஞ்ஞாணந்தி? ந ஹேவம் வத்தப்³பே³…பே… காமதா⁴து பஞ்சவோகாரப⁴வோதி? ஆமந்தா. காமகு³ணா பஞ்சவோகாரப⁴வோதி? ந ஹேவம் வத்தப்³பே³…பே… காமதா⁴துயா ஸம்மாஸம்பு³த்³தா⁴ உப்பஜ்ஜந்தி, பச்சேகஸபு³த்³தா⁴ உப்பஜ்ஜந்தி, ஸாவகயுக³ம் உப்பஜ்ஜதீதி? ஆமந்தா. காமகு³ணே ஸம்மாஸம்பு³த்³தா⁴ உப்பஜ்ஜந்தி, பச்சேகஸம்பு³த்³தா⁴ உப்பஜ்ஜந்தி, ஸாவகயுக³ம் உப்பஜ்ஜதீதி? ந ஹேவம் வத்தப்³பே³…பே….

512. ந வத்தப்³ப³ம் – ‘‘பஞ்சேவ காமகு³ணா காமதா⁴தூ’’தி? ஆமந்தா. நனு வுத்தம் ப⁴க³வதா – ‘‘பஞ்சிமே, பி⁴க்க²வே, காமகு³ணா! கதமே பஞ்ச? சக்கு²விஞ்ஞேய்யா ரூபா இட்டா² கந்தா மனாபா பியரூபா காமூபஸம்ஹிதா ரஜனீயா, ஸோதவிஞ்ஞேய்யா ஸத்³தா³…பே… கா⁴னவிஞ்ஞேய்யா க³ந்தா⁴…பே… ஜிவ்ஹாவிஞ்ஞேய்யா ரஸா…பே… காயவிஞ்ஞேய்யா போ²ட்ட²ப்³பா³ இட்டா² கந்தா மனாபா பியரூபா காமூபஸம்ஹிதா ரஜனீயா – இமே கோ², பி⁴க்க²வே, பஞ்ச காமகு³ணா’’தி. அத்தே²வ ஸுத்தந்தோதி? ஆமந்தா. தேன ஹி பஞ்சேவ காமகு³ணா காமதா⁴தூதி.

காமகு³ணகதா² நிட்டி²தா.

8. அட்ட²மவக்³கோ³

(76) 4. காமகதா²

513. பஞ்சேவாயதனா காமாதி? ஆமந்தா. நனு அத்தி² தப்படிஸம்யுத்தோ ச²ந்தோ³தி? ஆமந்தா. ஹஞ்சி அத்தி² தப்படிஸம்யுத்தோ ச²ந்தோ³, நோ ச வத ரே வத்தப்³பே³ – ‘‘பஞ்சேவாயதனா காமா’’தி. நனு அத்தி² தப்படிஸம்யுத்தோ ராகோ³ தப்படிஸம்யுத்தோ ச²ந்தோ³ தப்படிஸம்யுத்தோ ச²ந்த³ராகோ³ தப்படிஸம்யுத்தோ ஸங்கப்போ தப்படிஸம்யுத்தோ ராகோ³ தப்படிஸம்யுத்தோ ஸங்கப்பராகோ³ தப்படிஸம்யுத்தா பீதி தப்படிஸம்யுத்தம் ஸோமனஸ்ஸம் தப்படிஸம்யுத்தம் பீதிஸோமனஸ்ஸந்தி? ஆமந்தா. ஹஞ்சி அத்தி² தப்படிஸம்யுத்தம் பீதிஸோமனஸ்ஸம், நோ ச வத ரே வத்தப்³பே³ – ‘‘பஞ்சேவாயதனா காமா’’தி.

514. ந வத்தப்³ப³ம் – ‘‘பஞ்சேவாயதனா காமா’’தி? ஆமந்தா. நனு வுத்தம் ப⁴க³வதா – ‘‘பஞ்சிமே, பி⁴க்க²வே, காமகு³ணா! கதமே பஞ்ச? சக்கு²விஞ்ஞேய்யா ரூபா…பே… காயவிஞ்ஞேய்யா போ²ட்ட²ப்³பா³ இட்டா² கந்தா மனாபா பியரூபா காமூபஸம்ஹிதா ரஜனீயா – இமே கோ², பி⁴க்க²வே, பஞ்ச காமகு³ணா’’தி. அத்தே²வ ஸுத்தந்தோதி? ஆமந்தா. தேன ஹி பஞ்சேவாயதனா காமாதி.

பஞ்சேவாயதனா காமாதி? ஆமந்தா. நனு வுத்தம் ப⁴க³வதா – ‘‘பஞ்சிமே, பி⁴க்க²வே, காமகு³ணா! கதமே பஞ்ச? சக்கு²விஞ்ஞேய்யா ரூபா…பே… காயவிஞ்ஞேய்யா போ²ட்ட²ப்³பா³ இட்டா² கந்தா மனாபா பியரூபா காமூபஸம்ஹிதா ரஜனீயா – இமே கோ², பி⁴க்க²வே, பஞ்ச காமகு³ணா. அபி ச, பி⁴க்க²வே, நேதே காமா காமகு³ணா நாமேதே அரியஸ்ஸ வினயே வுச்ச’’ந்தி –

‘‘ஸங்கப்பராகோ³ புரிஸஸ்ஸ காமோ,

ந தே காமா யானி சித்ரானி லோகே;

ஸங்கப்பராகோ³ புரிஸஸ்ஸ காமோ,

திட்ட²ந்தி சித்ரானி ததே²வ லோகே;

அதே²த்த² தீ⁴ரா வினயந்தி ச²ந்த³’’ந்தி [அ. நி. 6.63 நிப்³பே³தி⁴கஸுத்தே].

அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘பஞ்சேவாயதனா காமா’’தி.

காமகதா² நிட்டி²தா.

8. அட்ட²மவக்³கோ³

(77) 5. ரூபதா⁴துகதா²

515. ரூபினோ த⁴ம்மா ரூபதா⁴தூதி? ஆமந்தா. ரூபம் ப⁴வோ க³தி ஸத்தாவாஸோ ஸம்ஸாரோ யோனி விஞ்ஞாணட்டி²தி அத்தபா⁴வபடிலாபோ⁴தி? ந ஹேவம் வத்தப்³பே³…பே… அத்தி² ரூபூபக³ம் கம்மந்தி? ந ஹேவம் வத்தப்³பே³…பே… அத்தி² ரூபூபகா³ ஸத்தாதி? ந ஹேவம் வத்தப்³பே³…பே… ரூபே ஸத்தா ஜாயந்தி ஜீயந்தி மீயந்தி சவந்தி உபபஜ்ஜந்தீதி? ந ஹேவம் வத்தப்³பே³…பே… ரூபே அத்தி² ரூபம் வேத³னா ஸஞ்ஞா ஸங்கா²ரா விஞ்ஞாணந்தி? ந ஹேவம் வத்தப்³பே³…பே… ரூபம் பஞ்சவோகாரப⁴வோதி? ந ஹேவம் வத்தப்³பே³…பே….

ரூபதா⁴து ப⁴வோ க³தி…பே… அத்தபா⁴வபடிலாபோ⁴தி? ஆமந்தா. ரூபம் ப⁴வோ க³தி…பே… அத்தபா⁴வபடிலாபோ⁴தி? ந ஹேவம் வத்தப்³பே³…பே… அத்தி² ரூபதா⁴தூபக³ம் கம்மந்தி? ஆமந்தா. அத்தி² ரூபூபக³ம் கம்மந்தி? ந ஹேவம் வத்தப்³பே³…பே… அத்தி² ரூபதா⁴தூபகா³ ஸத்தாதி? ஆமந்தா. அத்தி² ரூபூபகா³ ஸத்தாதி? ந ஹேவம் வத்தப்³பே³…பே….

ரூபதா⁴துயா ஸத்தா ஜாயந்தி ஜீயந்தி மீயந்தி சவந்தி உபபஜ்ஜந்தீதி? ஆமந்தா. ரூபே ஸத்தா ஜாயந்தி ஜீயந்தி மீயந்தி சவந்தி உபபஜ்ஜந்தீதி? ந ஹேவம் வத்தப்³பே³…பே… ரூபதா⁴துயா அத்தி² ரூபம் வேத³னா ஸஞ்ஞா ஸங்கா²ரா விஞ்ஞாணந்தி? ஆமந்தா. ரூபே அத்தி² ரூபம் வேத³னா ஸஞ்ஞா ஸங்கா²ரா விஞ்ஞாணந்தி? ந ஹேவம் வத்தப்³பே³…பே… ரூபதா⁴து பஞ்சவோகாரப⁴வோதி? ஆமந்தா. ரூபம் பஞ்சவோகாரப⁴வோதி? ந ஹேவம் வத்தப்³பே³…பே….

516. ரூபினோ த⁴ம்மா ரூபதா⁴து, காமதா⁴துயா அத்தி² ரூபந்தி? ஆமந்தா. ஸாவ காமதா⁴து, ஸா ரூபதா⁴தூதி? ந ஹேவம் வத்தப்³பே³…பே… ஸாவ காமதா⁴து, ஸா ரூபதா⁴தூதி? ஆமந்தா. காமப⁴வேன ஸமன்னாக³தோ புக்³க³லோ த்³வீஹி ப⁴வேஹி ஸமன்னாக³தோ ஹோதி – காமப⁴வேன ச ரூபப⁴வேன சாதி? ந ஹேவம் வத்தப்³பே³.

ரூபதா⁴துகதா² நிட்டி²தா.

8. அட்ட²மவக்³கோ³

(78) 6. அரூபதா⁴துகதா²

517. அரூபினோ த⁴ம்மா அரூபதா⁴தூதி? ஆமந்தா. வேத³னா ப⁴வோ க³தி ஸத்தாவாஸோ ஸம்ஸாரோ யோனி விஞ்ஞாணட்டி²தி அத்தபா⁴வபடிலாபோ⁴தி? ந ஹேவம் வத்தப்³பே³…பே… அத்தி² வேத³னூபக³ம் கம்மந்தி? ந ஹேவம் வத்தப்³பே³…பே… அத்தி² வேத³னூபகா³ ஸத்தாதி? ந ஹேவம் வத்தப்³பே³…பே… வேத³னாய ஸத்தா ஜாயந்தி ஜீயந்தி மீயந்தி சவந்தி உபபஜ்ஜந்தீதி? ந ஹேவம் வத்தப்³பே³…பே… வேத³னாய அத்தி² வேத³னா ஸஞ்ஞா ஸங்கா²ரா விஞ்ஞாணந்தி? ந ஹேவம் வத்தப்³பே³…பே… வேத³னா சதுவோகாரப⁴வோதி? ந ஹேவம் வத்தப்³பே³…பே….

அரூபதா⁴து ப⁴வோ க³தி…பே… அத்தபா⁴வபடிலாபோ⁴தி? ஆமந்தா. வேத³னா ப⁴வோ க³தி…பே… அத்தபா⁴வபடிலாபோ⁴தி? ந ஹேவம் வத்தப்³பே³…பே… அத்தி² அரூபதா⁴தூபக³ம் கம்மந்தி? ஆமந்தா. அத்தி² வேத³னூபக³ம் கம்மந்தி? ந ஹேவம் வத்தப்³பே³…பே… அத்தி² அரூபதா⁴தூபகா³ ஸத்தாதி? ஆமந்தா. அத்தி² வேத³னூபகா³ ஸத்தாதி? ந ஹேவம் வத்தப்³பே³…பே….

அரூபதா⁴துயா ஸத்தா ஜாயந்தி ஜீயந்தி மீயந்தி சவந்தி உபபஜ்ஜந்தீதி? ஆமந்தா. வேத³னாய ஸத்தா ஜாயந்தி ஜீயந்தி மீயந்தி சவந்தி உபபஜ்ஜந்தீதி? ந ஹேவம் வத்தப்³பே³…பே… அரூபதா⁴துயா அத்தி² வேத³னா ஸஞ்ஞா ஸங்கா²ரா விஞ்ஞாணந்தி? ஆமந்தா. வேத³னாய அத்தி² வேத³னா ஸஞ்ஞா ஸங்கா²ரா விஞ்ஞாணந்தி? ந ஹேவம் வத்தப்³பே³…பே… அரூபதா⁴து சதுவோகாரப⁴வோதி? ஆமந்தா. வேத³னா சதுவோகாரப⁴வோதி? ந ஹேவம் வத்தப்³பே³…பே….

518. அரூபினோ த⁴ம்மா அரூபதா⁴து, காமதா⁴துயா அத்தி² வேத³னா ஸஞ்ஞா ஸங்கா²ரா விஞ்ஞாணந்தி? ஆமந்தா. ஸாவ காமதா⁴து, ஸா அரூபதா⁴தூதி? ந ஹேவம் வத்தப்³பே³…பே… ஸாவ காமதா⁴து, ஸா அரூபதா⁴தூதி? ஆமந்தா. காமப⁴வேன ஸமன்னாக³தோ புக்³க³லோ த்³வீஹி ப⁴வேஹி ஸமன்னாக³தோ ஹோதி – காமப⁴வேன ச அரூபப⁴வேன சாதி? ந ஹேவம் வத்தப்³பே³…பே….

ரூபினோ த⁴ம்மா ரூபதா⁴து, அரூபினோ த⁴ம்மா அரூபதா⁴து, காமதா⁴துயா அத்தி² ரூபம் வேத³னா ஸஞ்ஞா ஸங்கா²ரா விஞ்ஞாணந்தி? ஆமந்தா. ஸாவ காமதா⁴து, ஸா ரூபதா⁴து, ஸா அரூபதா⁴தூதி? ந ஹேவம் வத்தப்³பே³…பே… ஸாவ காமதா⁴து, ஸா ரூபதா⁴து, ஸா அரூபதா⁴தூதி? ஆமந்தா. காமப⁴வேன ஸமன்னாக³தோ புக்³க³லோ தீஹி ப⁴வேஹி ஸமன்னாக³தோ ஹோதி – காமப⁴வேன ச ரூபப⁴வேன ச அரூபப⁴வேன சாதி? ந ஹேவம் வத்தப்³பே³…பே….

அரூபதா⁴துகதா² நிட்டி²தா.

8. அட்ட²மவக்³கோ³

(79) 7. ரூபதா⁴துயாஆயதனகதா²

519. அத்தி² ஸளாயதனிகோ அத்தபா⁴வோ ரூபதா⁴துயாதி? ஆமந்தா. அத்தி² தத்த² கா⁴னாயதனந்தி? ஆமந்தா. அத்தி² தத்த² க³ந்தா⁴யதனந்தி? ந ஹேவம் வத்தப்³பே³…பே… அத்தி² தத்த² ஜிவ்ஹாயதனந்தி? ஆமந்தா. அத்தி² தத்த² ரஸாயதனந்தி? ந ஹேவம் வத்தப்³பே³…பே… அத்தி² தத்த² காயாயதனந்தி? ஆமந்தா. அத்தி² தத்த² போ²ட்ட²ப்³பா³யதனந்தி? ந ஹேவம் வத்தப்³பே³…பே….

நத்தி² தத்த² க³ந்தா⁴யதனந்தி? ஆமந்தா. நத்தி² தத்த² கா⁴னாயதனந்தி? ந ஹேவம் வத்தப்³பே³…பே… நத்தி² தத்த² ரஸாயதனந்தி? ஆமந்தா. நத்தி² தத்த² ஜிவ்ஹாயதனந்தி? ந ஹேவம் வத்தப்³பே³…பே… நத்தி² தத்த² போ²ட்ட²ப்³பா³யதனந்தி? ஆமந்தா. நத்தி² தத்த² காயாயதனந்தி? ந ஹேவம் வத்தப்³பே³…பே….

520. அத்தி² தத்த² சக்கா²யதனம், அத்தி² ரூபாயதனந்தி? ஆமந்தா. அத்தி² தத்த² கா⁴னாயதனம், அத்தி² க³ந்தா⁴யதனந்தி? ந ஹேவம் வத்தப்³பே³…பே… அத்தி² தத்த² சக்கா²யதனம், அத்தி² ரூபாயதனந்தி? ஆமந்தா. அத்தி² தத்த² ஜிவ்ஹாயதனம், அத்தி² ரஸாயதனம்…பே… அத்தி² தத்த² காயாயதனம், அத்தி² போ²ட்ட²ப்³பா³யதனந்தி? ந ஹேவம் வத்தப்³பே³…பே… அத்தி² தத்த² ஸோதாயதனம், அத்தி² ஸத்³தா³யதனம்…பே… அத்தி² தத்த² மனாயதனம், அத்தி² த⁴ம்மாயதனந்தி? ஆமந்தா. அத்தி² தத்த² கா⁴னாயதனம், அத்தி² க³ந்தா⁴யதனந்தி? ந ஹேவம் வத்தப்³பே³…பே… அத்தி² தத்த² மனாயதனம், அத்தி² த⁴ம்மாயதனந்தி? ஆமந்தா. அத்தி² தத்த² ஜிவ்ஹாயதனம், அத்தி² ரஸாயதனந்தி…பே… அத்தி² தத்த² காயாயதனம், அத்தி² போ²ட்ட²ப்³பா³யதனந்தி? ந ஹேவம் வத்தப்³பே³…பே….

அத்தி² தத்த² கா⁴னாயதனம், நத்தி² க³ந்தா⁴யதனந்தி? ஆமந்தா. அத்தி² தத்த² சக்கா²யதனம், நத்தி² ரூபாயதனந்தி? ந ஹேவம் வத்தப்³பே³…பே… அத்தி² தத்த² கா⁴னாயதனம், நத்தி² க³ந்தா⁴யதனந்தி? ஆமந்தா. அத்தி² தத்த² ஸோதாயதனம், நத்தி² ஸத்³தா³யதனம்…பே… அத்தி² தத்த² மனாயதனம், நத்தி² த⁴ம்மாயதனந்தி? ந ஹேவம் வத்தப்³பே³…பே… அத்தி² தத்த² ஜிவ்ஹாயதனம், நத்தி² ரஸாயதனம்…பே… அத்தி² தத்த² காயாயதனம், நத்தி² போ²ட்ட²ப்³பா³யதனந்தி? ஆமந்தா. அத்தி² தத்த² சக்கா²யதனம், நத்தி² ரூபாயதனந்தி? ந ஹேவம் வத்தப்³பே³…பே… அத்தி² தத்த² காயாயதனம், நத்தி² போ²ட்ட²ப்³பா³யதனந்தி? ஆமந்தா. அத்தி² தத்த² ஸோதாயதனம், நத்தி² ஸத்³தா³யதனம் …பே… அத்தி² தத்த² மனாயதனம், நத்தி² த⁴ம்மாயதனந்தி? ந ஹேவம் வத்தப்³பே³…பே….

521. அத்தி² தத்த² சக்கா²யதனம் அத்தி² ரூபாயதனம், தேன சக்கு²னா தம் ரூபம் பஸ்ஸதீதி? ஆமந்தா. அத்தி² தத்த² கா⁴னாயதனம் அத்தி² க³ந்தா⁴யதனம், தேன கா⁴னேன தம் க³ந்த⁴ம் கா⁴யதீதி? ந ஹேவம் வத்தப்³பே³…பே… அத்தி² தத்த² சக்கா²யதனம் அத்தி² ரூபாயதனம், தேன சக்கு²னா தம் ரூபம் பஸ்ஸதீதி? ஆமந்தா. அத்தி² தத்த² ஜிவ்ஹாயதனம் அத்தி² ரஸாயதனம், தாய ஜிவ்ஹாய தம் ரஸம் ஸாயதி…பே… அத்தி² தத்த² காயாயதனம் அத்தி² போ²ட்ட²ப்³பா³யதனம், தேன காயேன தம் போ²ட்ட²ப்³ப³ம் பு²ஸதீதி? ந ஹேவம் வத்தப்³பே³…பே….

அத்தி² தத்த² ஸோதாயதனம் அத்தி² ஸத்³தா³யதனம்…பே… அத்தி² தத்த² மனாயதனம் அத்தி² த⁴ம்மாயதனம், தேன மனேன தம் த⁴ம்மம் விஜானாதீதி? ஆமந்தா. அத்தி² தத்த² கா⁴னாயதனம் அத்தி² க³ந்தா⁴யதனம், தேன கா⁴னேன தம் க³ந்த⁴ம் கா⁴யதீதி? ந ஹேவம் வத்தப்³பே³…பே… அத்தி² தத்த² மனாயதனம் அத்தி² த⁴ம்மாயதனம், தேன மனேன தம் த⁴ம்மம் விஜானாதீதி? ஆமந்தா. அத்தி² தத்த² ஜிவ்ஹாயதனம் அத்தி² ரஸாயதனம்…பே… அத்தி² தத்த² காயாயதனம் அத்தி² போ²ட்ட²ப்³பா³யதனம், தேன காயேன தம் போ²ட்ட²ப்³ப³ம் பு²ஸதீதி? ந ஹேவம் வத்தப்³பே³…பே….

அத்தி² தத்த² கா⁴னாயதனம் அத்தி² க³ந்தா⁴யதனம், ந ச தேன கா⁴னேன தம் க³ந்த⁴ம் கா⁴யதீதி? ஆமந்தா. அத்தி² தத்த² சக்கா²யதனம் அத்தி² ரூபாயதனம், ந ச தேன சக்கு²னா தம் ரூபம் பஸ்ஸதீதி? ந ஹேவம் வத்தப்³பே³…பே… அத்தி² தத்த² கா⁴னாயதனம் அத்தி² க³ந்தா⁴யதனம், ந ச தேன கா⁴னேன தம் க³ந்த⁴ம் கா⁴யதீதி? ஆமந்தா. அத்தி² தத்த² ஸோதாயதனம் அத்தி² ஸத்³தா³யதனம்…பே… அத்தி² தத்த² மனாயதனம் அத்தி² த⁴ம்மாயதனம், ந ச தேன மனேன தம் த⁴ம்மம் விஜானாதீதி? ந ஹேவம் வத்தப்³பே³…பே….

அத்தி² தத்த² ஜிவ்ஹாயதனம் அத்தி² ரஸாயதனம்…பே… அத்தி² தத்த² காயாயதனம் அத்தி² போ²ட்ட²ப்³பா³யதனம், ந ச தேன காயேன தம் போ²ட்ட²ப்³ப³ம் பு²ஸதீதி? ஆமந்தா. அத்தி² தத்த² ஸோதாயதனம் அத்தி² ஸத்³தா³யதனம்…பே… அத்தி² தத்த² மனாயதனம் அத்தி² த⁴ம்மாயதனம், ந ச தேன மனேன தம் த⁴ம்மம் விஜானாதீதி? ந ஹேவம் வத்தப்³பே³…பே….

522. அத்தி² தத்த² கா⁴னாயதனம் அத்தி² க³ந்தா⁴யதனம், தேன கா⁴னேன தம் க³ந்த⁴ம் கா⁴யதீதி? ஆமந்தா. அத்தி² தத்த² மூலக³ந்தோ⁴ ஸாரக³ந்தோ⁴ தசக³ந்தோ⁴ பத்தக³ந்தோ⁴ புப்ப²க³ந்தோ⁴ ப²லக³ந்தோ⁴ ஆமக³ந்தோ⁴ விஸ்ஸக³ந்தோ⁴ ஸுக³ந்தோ⁴ து³க்³க³ந்தோ⁴தி? ந ஹேவம் வத்தப்³பே³…பே….

அத்தி² தத்த² ஜிவ்ஹாயதனம் அத்தி² ரஸாயதனம், தாய ஜிவ்ஹாய தம் ரஸம் ஸாயதீதி? ஆமந்தா. அத்தி² தத்த² மூலரஸோ க²ந்த⁴ரஸோ தசரஸோ பத்தரஸோ புப்ப²ரஸோ ப²லரஸோ அம்பி³லம் மது⁴ரம் தித்தகம் கடுகம் லோணியம் கா²ரியம் லம்பி³லம் கஸாவோ ஸாது³ அஸாதூ³தி? ந ஹேவம் வத்தப்³பே³…பே….

அத்தி² தத்த² காயாயதனம் அத்தி² போ²ட்ட²ப்³பா³யதனம், தேன காயேன தம் போ²ட்ட²ப்³ப³ம் பு²ஸதீதி? ஆமந்தா. அத்தி² தத்த² கக்க²ளம் முது³கம் ஸண்ஹம் ப²ருஸம் ஸுக²ஸம்ப²ஸ்ஸம் து³க்க²ஸம்ப²ஸ்ஸம் க³ருகம் லஹுகந்தி? ந ஹேவம் வத்தப்³பே³…பே….

523. ந வத்தப்³ப³ம் – ‘‘ஸளாயதனிகோ அத்தபா⁴வோ ரூபதா⁴துயா’’தி? ஆமந்தா. நனு அத்தி² தத்த² கா⁴னனிமித்தம் ஜிவ்ஹானிமித்தம் காயனிமித்தந்தி? ஆமந்தா. ஹஞ்சி அத்தி² தத்த² கா⁴னனிமித்தம் ஜிவ்ஹானிமித்தம் காயனிமித்தம், தேன வத ரே வத்தப்³பே³ – ‘‘ஸளாயதனிகோ அத்தபா⁴வோ ரூபதா⁴துயா’’தி.

ரூபதா⁴துயா ஆயதனகதா² நிட்டி²தா.

8. அட்ட²மவக்³கோ³

(80) 8. அரூபே ரூபகதா²

524. அத்தி² ரூபம் அரூபேஸூதி? ஆமந்தா. ரூபப⁴வோ ரூபக³தி ரூபஸத்தாவாஸோ ரூபஸம்ஸாரோ ரூபயோனி ரூபத்தபா⁴வபடிலாபோ⁴தி? ந ஹேவம் வத்தப்³பே³…பே… நனு அரூபப⁴வோ அரூபக³தி அரூபஸத்தாவாஸோ அரூபஸம்ஸாரோ அரூபயோனி அரூபத்தபா⁴வபடிலாபோ⁴தி? ஆமந்தா. ஹஞ்சி அரூபப⁴வோ…பே… அரூபத்தபா⁴வபடிலாபோ⁴, நோ ச வத ரே வத்தப்³பே³ – ‘‘அத்தி² ரூபம் அரூபேஸூ’’தி.

அத்தி² ரூபம் அரூபேஸூதி? ஆமந்தா. பஞ்சவோகாரப⁴வோ க³தி ஸத்தாவாஸோ ஸம்ஸாரோ யோனி விஞ்ஞாணட்டி²தி அத்தபா⁴வபடிலாபோ⁴தி? ந ஹேவம் வத்தப்³பே³…பே… நனு சதுவோகாரப⁴வோ…பே… அத்தபா⁴வபடிலாபோ⁴தி? ஆமந்தா. ஹஞ்சி சதுவோகாரப⁴வோ க³தி…பே… அத்தபா⁴வபடிலாபோ⁴, நோ ச வத ரே வத்தப்³பே³ – ‘‘அத்தி² ரூபம் அரூபேஸூ’’தி.

525. அத்தி² ரூபம் ரூபதா⁴துயா, ஸோ ச ரூபப⁴வோ ரூபக³தி ரூபஸத்தாவாஸோ ரூபஸம்ஸாரோ ரூபயோனி ரூபத்தபா⁴வபடிலாபோ⁴தி? ஆமந்தா. அத்தி² ரூபம் அரூபேஸு, ஸோ ச ரூபப⁴வோ ரூபக³தி…பே… ரூபத்தபா⁴வபடிலாபோ⁴தி? ந ஹேவம் வத்தப்³பே³…பே… அத்தி² ரூபம் ரூபதா⁴துயா, ஸோ ச பஞ்சவோகாரப⁴வோ க³தி…பே… அத்தபா⁴வபடிலாபோ⁴தி? ஆமந்தா. அத்தி² ரூபம் அரூபேஸு, ஸோ ச பஞ்சவோகாரப⁴வோ க³தி…பே… அத்தபா⁴வபடிலாபோ⁴தி? ந ஹேவம் வத்தப்³பே³…பே…. அத்தி² ரூபம் அரூபேஸு, ஸோ ச அரூபப⁴வோ அரூபக³தி அரூபஸத்தாவாஸோ அரூபஸம்ஸாரோ அரூபயோனி அரூபத்தபா⁴வபடிலாபோ⁴தி? ஆமந்தா. அத்தி² ரூபம் ரூபதா⁴துயா [அரூபதா⁴துயா (ஸப்³ப³த்த²)], ஸோ ச அரூபப⁴வோ அரூபக³தி…பே… அரூபத்தபா⁴வபடிலாபோ⁴தி? ந ஹேவம் வத்தப்³பே³…பே… அத்தி² ரூபம் அரூபேஸு, ஸோ ச சதுவோகாரப⁴வோ க³தி…பே… அத்தபா⁴வபடிலாபோ⁴தி? ஆமந்தா. அத்தி² ரூபம் ரூபதா⁴துயா [அரூபதா⁴துயா (ஸப்³ப³த்த²)], ஸோ ச சதுவோகாரப⁴வோ க³தி…பே… அத்தபா⁴வபடிலாபோ⁴தி? ந ஹேவம் வத்தப்³பே³…பே….

526. அத்தி² ரூபம் அரூபேஸூதி? ஆமந்தா. நனு ரூபானம் நிஸ்ஸரணம் அரூபம் [இதிவு. 72; அ. நி. 5.200; தீ³. நி. 3.321] வுத்தம் ப⁴க³வதாதி? ஆமந்தா. ஹஞ்சி ரூபானம் நிஸ்ஸரணம் அரூபம் [இதிவு. 72; அ. நி. 5.200; தீ³. நி. 3.321] வுத்தம் ப⁴க³வதா, நோ ச வத ரே வத்தப்³பே³ – ‘‘அத்தி² ரூபம் அரூபேஸூ’’தி.

ரூபானம் நிஸ்ஸரணம் அரூபம் வுத்தம் ப⁴க³வதா, அத்தி² ரூபம் அரூபேஸூதி? ஆமந்தா. காமானம் நிஸ்ஸரணம் நேக்க²ம்மம் வுத்தம் ப⁴க³வதா, அத்தி² நேக்க²ம்மேஸு காமா, அத்தி² அனாஸவேஸு ஆஸவா, அத்தி² அபரியாபன்னேஸு பரியாபன்னாதி? ந ஹேவம் வத்தப்³பே³…பே….

அரூபே ரூபகதா² நிட்டி²தா.

8. அட்ட²மவக்³கோ³

(81) 9. ரூபம் கம்மந்திகதா²

527. குஸலேன சித்தேன ஸமுட்டி²தம் காயகம்மம் ரூபம் குஸலந்தி? ஆமந்தா. ஸாரம்மணம், அத்தி² தஸ்ஸ ஆவட்டனா ஆபோ⁴கோ³ ஸமன்னாஹாரோ மனஸிகாரோ சேதனா பத்த²னா பணிதீ⁴தி? ந ஹேவம் வத்தப்³பே³…பே… நனு அனாரம்மணம், நத்தி² தஸ்ஸ ஆவட்டனா ஆபோ⁴கோ³ ஸமன்னாஹாரோ மனஸிகாரோ சேதனா பத்த²னா பணிதீ⁴தி? ஆமந்தா. ஹஞ்சி அனாரம்மணம், நத்தி² தஸ்ஸ ஆவட்டனா…பே… பணிதீ⁴தி, நோ ச வத ரே வத்தப்³பே³ – ‘‘குஸலேன சித்தேன ஸமுட்டி²தம் காயகம்மம் ரூபம் குஸல’’ந்தி.

குஸலேன சித்தேன ஸமுட்டி²தோ ப²ஸ்ஸோ குஸலோ ஸாரம்மணோ, அத்தி² தஸ்ஸ ஆவட்டனா…பே… பணிதீ⁴தி? ஆமந்தா. குஸலேன சித்தேன ஸமுட்டி²தம் காயகம்மம் ரூபம் குஸலம் ஸாரம்மணம், அத்தி² தஸ்ஸ ஆவட்டனா…பே… பணிதீ⁴தி? ந ஹேவம் வத்தப்³பே³…பே… குஸலேன சித்தேன ஸமுட்டி²தா வேத³னா…பே… ஸஞ்ஞா… சேதனா… ஸத்³தா⁴… வீரியம்… ஸதி… ஸமாதி⁴…பே… பஞ்ஞா குஸலா ஸாரம்மணா, அத்தி² தாய ஆவட்டனா…பே… பணிதீ⁴தி? ஆமந்தா. குஸலேன சித்தேன ஸமுட்டி²தம் காயகம்மம் ரூபம் குஸலம் ஸாரம்மணம், அத்தி² தஸ்ஸ ஆவட்டனா…பே… பணிதீ⁴தி? ந ஹேவம் வத்தப்³பே³…பே….

குஸலேன சித்தேன ஸமுட்டி²தம் காயகம்மம் ரூபம் குஸலம் அனாரம்மணம், நத்தி² தஸ்ஸ ஆவட்டனா…பே… பணிதீ⁴தி? ஆமந்தா. குஸலேன சித்தேன ஸமுட்டி²தோ ப²ஸ்ஸோ குஸலோ அனாரம்மணோ, நத்தி² தஸ்ஸ ஆவட்டனா…பே… பணிதீ⁴தி? ந ஹேவம் வத்தப்³பே³…பே… குஸலேன சித்தேன ஸமுட்டி²தம் காயகம்மம் ரூபம் குஸலம் அனாரம்மணம், நத்தி² தஸ்ஸ ஆவட்டனா…பே… பணிதீ⁴தி? ஆமந்தா. குஸலேன சித்தேன ஸமுட்டி²தா வேத³னா…பே… ஸஞ்ஞா… சேதனா… ஸத்³தா⁴… வீரியம்… ஸதி… ஸமாதி⁴…பே… பஞ்ஞா குஸலா அனாரம்மணா, நத்தி² தாய ஆவட்டனா…பே… பணிதீ⁴தி? ந ஹேவம் வத்தப்³பே³…பே….

528. குஸலேன சித்தேன ஸமுட்டி²தம் காயகம்மம் ரூபம் குஸலந்தி? ஆமந்தா. யம் கிஞ்சி குஸலேன சித்தேன ஸமுட்டி²தம் ரூபம் ஸப்³ப³ம் தம் குஸலந்தி? ந ஹேவம் வத்தப்³பே³…பே….

குஸலேன சித்தேன ஸமுட்டி²தம் காயகம்மம் ரூபம் குஸலந்தி? ஆமந்தா. குஸலேன சித்தேன ஸமுட்டி²தம் ரூபாயதனம் குஸலந்தி? ந ஹேவம் வத்தப்³பே³…பே… குஸலேன சித்தேன ஸமுட்டி²தம் காயகம்மம் ரூபம் குஸலந்தி? ஆமந்தா. குஸலேன சித்தேன ஸமுட்டி²தம் ஸத்³தா³யதனம்…பே… க³ந்தா⁴யதனம்… ரஸாயதனம்… போ²ட்ட²ப்³பா³யதனம்…பே… பத²வீதா⁴து … ஆபோதா⁴து… தேஜோதா⁴து…பே… வாயோதா⁴து குஸலாதி? ந ஹேவம் வத்தப்³பே³…பே….

குஸலேன சித்தேன ஸமுட்டி²தம் ரூபாயதனம் அப்³யாகதந்தி? ஆமந்தா. குஸலேன சித்தேன ஸமுட்டி²தம் காயகம்மம் ரூபம் அப்³யாகதந்தி? ந ஹேவம் வத்தப்³பே³…பே… குஸலேன சித்தேன ஸமுட்டி²தம் ஸத்³தா³யதனம்…பே… க³ந்தா⁴யதனம்… ரஸாயதனம்… போ²ட்ட²ப்³பா³யதனம்…பே… பத²வீதா⁴து… ஆபோதா⁴து … தேஜோதா⁴து …பே… வாயோதா⁴து அப்³யாகதாதி? ஆமந்தா. குஸலேன சித்தேன ஸமுட்டி²தம் காயகம்மம் ரூபம் அப்³யாகதந்தி? ந ஹேவம் வத்தப்³பே³…பே….

529. குஸலேன சித்தேன ஸமுட்டி²தம் காயகம்மம் ரூபம் அனாரம்மணம் குஸலந்தி? ஆமந்தா. குஸலேன சித்தேன ஸமுட்டி²தம் ரூபாயதனம் அனாரம்மணம் குஸலந்தி? ந ஹேவம் வத்தப்³பே³…பே… குஸலேன சித்தேன ஸமுட்டி²தம் காயகம்மம் ரூபம் அனாரம்மணம் குஸலந்தி? ஆமந்தா. குஸலேன சித்தேன ஸமுட்டி²தம் ஸத்³தா³யதனம்…பே… க³ந்தா⁴யதனம்… ரஸாயதனம்… போ²ட்ட²ப்³பா³யதனம்…பே… பத²வீதா⁴து… ஆபோதா⁴து… தேஜோதா⁴து…பே… வாயோதா⁴து அனாரம்மணா குஸலாதி? ந ஹேவம் வத்தப்³பே³…பே….

குஸலேன சித்தேன ஸமுட்டி²தம் ரூபாயதனம் அனாரம்மணம் அப்³யாகதந்தி? ஆமந்தா. குஸலேன சித்தேன ஸமுட்டி²தம் காயகம்மம் ரூபம் அனாரம்மணம் அப்³யாகதந்தி? ந ஹேவம் வத்தப்³பே³…பே… குஸலேன சித்தேன ஸமுட்டி²தம் ஸத்³தா³யதனம்…பே… க³ந்தா⁴யதனம் … ரஸாயதனம்… போ²ட்ட²ப்³பா³யதனம்…பே… பத²வீதா⁴து… ஆபோதா⁴து… தேஜோதா⁴து…பே… வாயோதா⁴து அனாரம்மணா அப்³யாகதாதி? ஆமந்தா. குஸலேன சித்தேன ஸமுட்டி²தம் காயகம்மம் ரூபம் அனாரம்மணம் அப்³யாகதந்தி? ந ஹேவம் வத்தப்³பே³…பே….

530. குஸலேன சித்தேன ஸமுட்டி²தம் காயகம்மம் ரூபம் ப²ஸ்ஸவிப்பயுத்தம் குஸலந்தி? ஆமந்தா. குஸலேன சித்தேன ஸமுட்டி²தம் ரூபாயதனம் ப²ஸ்ஸவிப்பயுத்தம் குஸலந்தி? ந ஹேவம் வத்தப்³பே³…பே… குஸலேன சித்தேன ஸமுட்டி²தம் காயகம்மம் ரூபம் ப²ஸ்ஸவிப்பயுத்தம் குஸலந்தி? ஆமந்தா. குஸலேன சித்தேன ஸமுட்டி²தம் ஸத்³தா³யதனம்…பே… க³ந்தா⁴யதனம்… ரஸாயதனம்… போ²ட்ட²ப்³பா³யதனம்…பே… பத²வீதா⁴து… ஆபோதா⁴து… தேஜோதா⁴து…பே… வாயோதா⁴து ப²ஸ்ஸவிப்பயுத்தா குஸலாதி? ந ஹேவம் வத்தப்³பே³…பே….

குஸலேன சித்தேன ஸமுட்டி²தம் ரூபாயதனம் ப²ஸ்ஸவிப்பயுத்தம் அப்³யாகதந்தி? ஆமந்தா. குஸலேன சித்தேன ஸமுட்டி²தம் காயகம்மம் ரூபம் ப²ஸ்ஸவிப்பயுத்தம் அப்³யாகதந்தி? ந ஹேவம் வத்தப்³பே³…பே… குஸலேன சித்தேன ஸமுட்டி²தம் ஸத்³தா³யதனம்…பே… க³ந்தா⁴யதனம்… ரஸாயதனம்… போ²ட்ட²ப்³பா³யதனம்…பே… பத²வீதா⁴து… ஆபோதா⁴து… தேஜோதா⁴து…பே… வாயோதா⁴து ப²ஸ்ஸவிப்பயுத்தா அப்³யாகதாதி? ஆமந்தா. குஸலேன சித்தேன ஸமுட்டி²தம் காயகம்மம் ரூபம் ப²ஸ்ஸவிப்பயுத்தம் அப்³யாகதந்தி? ந ஹேவம் வத்தப்³பே³…பே….

531. குஸலேன சித்தேன ஸமுட்டி²தம் காயகம்மம் ரூபம் அனாரம்மணம் ப²ஸ்ஸவிப்பயுத்தம் குஸலந்தி? ஆமந்தா. குஸலேன சித்தேன ஸமுட்டி²தம் ரூபாயதனம் அனாரம்மணம் ப²ஸ்ஸவிப்பயுத்தம் குஸலந்தி? ந ஹேவம் வத்தப்³பே³…பே… குஸலேன சித்தேன ஸமுட்டி²தம் காயகம்மம் ரூபம் அனாரம்மணம் ப²ஸ்ஸவிப்பயுத்தம் குஸலந்தி? ஆமந்தா. குஸலேன சித்தேன ஸமுட்டி²தம் ஸத்³தா³யதனம்…பே… க³ந்தா⁴யதனம்… ரஸாயதனம்… போ²ட்ட²ப்³பா³யதனம்…பே… பத²வீதா⁴து… ஆபோதா⁴து… தேஜோதா⁴து…பே… வாயோதா⁴து அனாரம்மணா ப²ஸ்ஸவிப்பயுத்தா குஸலாதி? ந ஹேவம் வத்தப்³பே³…பே….

குஸலேன சித்தேன ஸமுட்டி²தம் ரூபாயதனம் அனாரம்மணம் ப²ஸ்ஸவிப்பயுத்தம் அப்³யாகதந்தி? ஆமந்தா. குஸலேன சித்தேன ஸமுட்டி²தம் காயகம்மம் ரூபம் அனாரம்மணம் ப²ஸ்ஸவிப்பயுத்தம் அப்³யாகதந்தி? ந ஹேவம் வத்தப்³பே³…பே… குஸலேன சித்தேன ஸமுட்டி²தம் ஸத்³தா³யதனம்…பே… க³ந்தா⁴யதனம்… ரஸாயதனம்… போ²ட்ட²ப்³பா³யதனம்…பே… பத²வீதா⁴து… ஆபோதா⁴து… தேஜோதா⁴து…பே… வாயோதா⁴து அனாரம்மணா ப²ஸ்ஸவிப்பயுத்தா அப்³யாகதாதி? ஆமந்தா. குஸலேன சித்தேன ஸமுட்டி²தம் காயகம்மம் ரூபம் அனாரம்மணம் ப²ஸ்ஸவிப்பயுத்தம் அப்³யாகதந்தி? ந ஹேவம் வத்தப்³பே³…பே….

532. குஸலேன சித்தேன ஸமுட்டி²தம் வசீகம்மம் ரூபம் குஸலந்தி? ஆமந்தா. ஸாரம்மணம், அத்தி² தஸ்ஸ ஆவட்டனா…பே… பணிதீ⁴தி? ந ஹேவம் வத்தப்³பே³…பே… நனு அனாரம்மணம், நத்தி² தஸ்ஸ ஆவட்டனா…பே… பணிதீ⁴தி? ஆமந்தா. ஹஞ்சி அனாரம்மணம், நத்தி² தஸ்ஸ ஆவட்டனா…பே… பணிதி⁴; நோ ச வத ரே வத்தப்³பே³ – ‘‘குஸலேன சித்தேன ஸமுட்டி²தம் வசீகம்மம் ரூபம் குஸல’’ந்தி.

குஸலேன சித்தேன ஸமுட்டி²தோ ப²ஸ்ஸோ குஸலோ ஸாரம்மணோ, அத்தி² தஸ்ஸ ஆவட்டனா…பே… பணிதீ⁴தி? ஆமந்தா. குஸலேன சித்தேன ஸமுட்டி²தம் வசீகம்மம் ரூபம் குஸலம் ஸாரம்மணம், அத்தி² தஸ்ஸ ஆவட்டனா…பே… பணிதீ⁴தி? ந ஹேவம் வத்தப்³பே³…பே… குஸலேன சித்தேன ஸமுட்டி²தா வேத³னா…பே… ஸஞ்ஞா… சேதனா… ஸத்³தா⁴… வீரியம்… ஸதி… ஸமாதி⁴…பே… பஞ்ஞா குஸலா ஸாரம்மணா, அத்தி² தாய ஆவட்டனா…பே… பணிதீ⁴தி? ஆமந்தா. குஸலேன சித்தேன ஸமுட்டி²தம் வசீகம்மம் ரூபம் குஸலம் ஸாரம்மணம், அத்தி² தஸ்ஸ ஆவட்டனா…பே… பணிதீ⁴தி? ந ஹேவம் வத்தப்³பே³…பே….

குஸலேன சித்தேன ஸமுட்டி²தம் வசீகம்மம் ரூபம் குஸலம் அனாரம்மணம், நத்தி² தஸ்ஸ ஆவட்டனா…பே… பணிதீ⁴தி? ஆமந்தா. குஸலேன சித்தேன ஸமுட்டி²தோ ப²ஸ்ஸோ குஸலோ அனாரம்மணோ, நத்தி² தஸ்ஸ ஆவட்டனா…பே… பணிதீ⁴தி? ந ஹேவம் வத்தப்³பே³…பே… குஸலேன சித்தேன ஸமுட்டி²தம் வசீகம்மம் ரூபம் குஸலம் அனாரம்மணம், நத்தி² தஸ்ஸ ஆவட்டனா…பே… பணிதீ⁴தி? ஆமந்தா. குஸலேன சித்தேன ஸமுட்டி²தா வேத³னா…பே… ஸஞ்ஞா… சேதனா… ஸத்³தா⁴… வீரியம்… ஸதி… ஸமாதி⁴…பே… பஞ்ஞா குஸலா அனாரம்மணா, நத்தி² தாய ஆவட்டனா…பே… பணிதீ⁴தி? ந ஹேவம் வத்தப்³பே³…பே….

குஸலேன சித்தேன ஸமுட்டி²தம் வசீகம்மம் ரூபம் குஸலந்தி? ஆமந்தா. யம் கிஞ்சி குஸலேன சித்தேன ஸமுட்டி²தம் ரூபம் ஸப்³ப³ம் தம் குஸலந்தி? ந ஹேவம் வத்தப்³பே³…பே… யதா² காயகம்மம் ததா² வசீகம்மந்தி.

533. அகுஸலேன சித்தேன ஸமுட்டி²தம் காயகம்மம் ரூபம் அகுஸலந்தி? ஆமந்தா. ஸாரம்மணம், அத்தி² தஸ்ஸ ஆவட்டனா ஆபோ⁴கோ³ ஸமன்னாஹாரோ மனஸிகாரோ சேதனா பத்த²னா பணிதீ⁴தி? ந ஹேவம் வத்தப்³பே³…பே… நனு அனாரம்மணம், நத்தி² தஸ்ஸ ஆவட்டனா ஆபோ⁴கோ³ ஸமன்னாஹாரோ மனஸிகாரோ சேதனா பத்த²னா பணிதீ⁴தி? ஆமந்தா. ஹஞ்சி அனாரம்மணம், நத்தி² தஸ்ஸ ஆவட்டனா ஆபோ⁴கோ³ ஸமன்னாஹாரோ மனஸிகாரோ சேதனா பத்த²னா பணிதி⁴; நோ ச வத ரே வத்தப்³பே³ – ‘‘அகுஸலேன சித்தேன ஸமுட்டி²தம் காயகம்மம் ரூபம் அகுஸல’’ந்தி.

அகுஸலேன சித்தேன ஸமுட்டி²தோ ப²ஸ்ஸோ அகுஸலோ ஸாரம்மணோ, அத்தி² தஸ்ஸ ஆவட்டனா…பே… பணிதீ⁴தி? ஆமந்தா. அகுஸலேன சித்தேன ஸமுட்டி²தம் காயகம்மம் ரூபம் அகுஸலம் ஸாரம்மணம், அத்தி² தஸ்ஸ ஆவட்டனா…பே… பணிதீ⁴தி? ந ஹேவம் வத்தப்³பே³…பே… அகுஸலேன சித்தேன ஸமுட்டி²தா வேத³னா…பே… ஸஞ்ஞா… சேதனா… ராகோ³… தோ³ஸோ… மோஹோ… மானோ… தி³ட்டி²… விசிகிச்சா²… தி²னம்… உத்³த⁴ச்சம்… அஹிரிகம்…பே… அனோத்தப்பம் அகுஸலம் ஸாரம்மணம், அத்தி² தஸ்ஸ ஆவட்டனா…பே… பணிதீ⁴தி? ஆமந்தா. அகுஸலேன சித்தேன ஸமுட்டி²தம் காயகம்மம் ரூபம் அகுஸலம் ஸாரம்மணம், அத்தி² தஸ்ஸ ஆவட்டனா…பே… பணிதீ⁴தி? ந ஹேவம் வத்தப்³பே³…பே….

அகுஸலேன சித்தேன ஸமுட்டி²தம் காயகம்மம் ரூபம் அகுஸலம் அனாரம்மணம், நத்தி² தஸ்ஸ ஆவட்டனா…பே… பணிதீ⁴தி? ஆமந்தா. அகுஸலேன சித்தேன ஸமுட்டி²தோ ப²ஸ்ஸோ அகுஸலோ அனாரம்மணோ, நத்தி² தஸ்ஸ ஆவட்டனா…பே… பணிதீ⁴தி? ந ஹேவம் வத்தப்³பே³…பே… அகுஸலேன சித்தேன ஸமுட்டி²தம் காயகம்மம் ரூபம் அகுஸலம் அனாரம்மணம், நத்தி² தஸ்ஸ ஆவட்டனா…பே… பணிதீ⁴தி? ஆமந்தா. அகுஸலேன சித்தேன ஸமுட்டி²தா வேத³னா…பே… ஸஞ்ஞா… சேதனா… ராகோ³… தோ³ஸோ… மோஹோ… மானோ… தி³ட்டி²… விசிகிச்சா²… தி²னம்… உத்³த⁴ச்சம்… அஹிரிகம்…பே… அனோத்தப்பம் அகுஸலம் அனாரம்மணம், நத்தி² தஸ்ஸ ஆவட்டனா…பே… பணிதீ⁴தி? ந ஹேவம் வத்தப்³பே³…பே….

அகுஸலேன சித்தேன ஸமுட்டி²தம் காயகம்மம் ரூபம் அகுஸலந்தி? ஆமந்தா. யம் கிஞ்சி அகுஸலேன சித்தேன ஸமுட்டி²தம் ரூபம் ஸப்³ப³ம் தம் அகுஸலந்தி? ந ஹேவம் வத்தப்³பே³…பே….

534. அகுஸலேன சித்தேன ஸமுட்டி²தம் வசீகம்மம் ரூபம் அகுஸலந்தி? ஆமந்தா. ஸாரம்மணம், அத்தி² தஸ்ஸ ஆவட்டனா…பே… பணிதீ⁴தி? ந ஹேவம் வத்தப்³பே³…பே… நனு அனாரம்மணம், நத்தி² தஸ்ஸ ஆவட்டனா…பே… பணிதீ⁴தி? ஆமந்தா. ஹஞ்சி அனாரம்மணம், நத்தி² தஸ்ஸ ஆவட்டனா…பே… பணிதி⁴; நோ ச வத ரே வத்தப்³பே³ – ‘‘அகுஸலேன சித்தேன ஸமுட்டி²தம் வசீகம்மம் ரூபம் அகுஸல’’ந்தி.

அகுஸலேன சித்தேன ஸமுட்டி²தோ ப²ஸ்ஸோ அகுஸலோ ஸாரம்மணோ, அத்தி² தஸ்ஸ ஆவட்டனா…பே… பணிதீ⁴தி? ஆமந்தா. அகுஸலேன சித்தேன ஸமுட்டி²தம் வசீகம்மம் ரூபம் அகுஸலம் ஸாரம்மணம், அத்தி² தஸ்ஸ ஆவட்டனா…பே… பணிதீ⁴தி? ந ஹேவம் வத்தப்³பே³…பே… அகுஸலேன சித்தேன ஸமுட்டி²தா வேத³னா…பே… ஸஞ்ஞா … சேதனா… ராகோ³… தோ³ஸோ… மோஹோ… மானோ… தி³ட்டி²… விசிகிச்சா²… தி²னம்… உத்³த⁴ச்சம்… அஹிரிகம்…பே… அனோத்தப்பம் அகுஸலம் ஸாரம்மணம், அத்தி² தஸ்ஸ ஆவட்டனா…பே… பணிதீ⁴தி? ஆமந்தா. அகுஸலேன சித்தேன ஸமுட்டி²தம் வசீகம்மம் ரூபம் அகுஸலம் ஸாரம்மணம், அத்தி² தஸ்ஸ ஆவட்டனா…பே… பணிதீ⁴தி? ந ஹேவம் வத்தப்³பே³…பே….

அகுஸலேன சித்தேன ஸமுட்டி²தம் வசீகம்மம் ரூபம் அகுஸலம் அனாரம்மணம், நத்தி² தஸ்ஸ ஆவட்டனா…பே… பணிதீ⁴தி? ஆமந்தா. அகுஸலேன சித்தேன ஸமுட்டி²தோ ப²ஸ்ஸோ அகுஸலோ அனாரம்மணோ, நத்தி² தஸ்ஸ ஆவட்டனா…பே… பணிதீ⁴தி? ந ஹேவம் வத்தப்³பே³…பே… அகுஸலேன சித்தேன ஸமுட்டி²தம் வசீகம்மம் ரூபம் அகுஸலம் அனாரம்மணம், நத்தி² தஸ்ஸ ஆவட்டனா…பே… பணிதீ⁴தி? ஆமந்தா. அகுஸலேன சித்தேன ஸமுட்டி²தா வேத³னா…பே… ஸஞ்ஞா… சேதனா… ராகோ³… தோ³ஸோ… மோஹோ… மானோ… தி³ட்டி²… விசிகிச்சா²… தி²னம்… உத்³த⁴ச்சம்… அஹிரிகம்…பே… அனோத்தப்பம் அகுஸலம் அனாரம்மணம், நத்தி² தஸ்ஸ ஆவட்டனா…பே… பணிதீ⁴தி? ந ஹேவம் வத்தப்³பே³…பே….

அகுஸலேன சித்தேன ஸமுட்டி²தம் வசீகம்மம் ரூபம் அகுஸலந்தி? ஆமந்தா. யம் கிஞ்சி அகுஸலேன சித்தேன ஸமுட்டி²தம் ரூபம் ஸப்³ப³ம் தம் அகுஸலந்தி? ந ஹேவம் வத்தப்³பே³…பே….

535. அகுஸலேன சித்தேன ஸமுட்டி²தம் வசீகம்மம் ரூபம் அகுஸலந்தி? ஆமந்தா. அகுஸலேன சித்தேன ஸமுட்டி²தம் ரூபாயதனம் அகுஸலந்தி? ந ஹேவம் வத்தப்³பே³…பே… அகுஸலேன சித்தேன ஸமுட்டி²தம் வசீகம்மம் ரூபம் அகுஸலந்தி? ஆமந்தா. அகுஸலேன சித்தேன ஸமுட்டி²தம் ஸத்³தா³யதனம்…பே… க³ந்தா⁴யதனம்… ரஸாயதனம்… போ²ட்ட²ப்³பா³யதனம்…பே… பத²வீதா⁴து… ஆபோதா⁴து… தேஜோதா⁴து…பே… வாயோதா⁴து அஸுசி அஸ்ஸு லோஹிதம் ஸேதோ³ அகுஸலோதி? ந ஹேவம் வத்தப்³பே³…பே….

அகுஸலேன சித்தேன ஸமுட்டி²தம் ரூபாயதனம் அப்³யாகதந்தி? ஆமந்தா. அகுஸலேன சித்தேன ஸமுட்டி²தம் வசீகம்மம் ரூபம் அப்³யாகதந்தி? ந ஹேவம் வத்தப்³பே³…பே… அகுஸலேன சித்தேன ஸமுட்டி²தம் ஸத்³தா³யதனம்…பே… க³ந்தா⁴யதனம்… ரஸாயதனம்… போ²ட்ட²ப்³பா³யதனம்…பே… பத²வீதா⁴து… ஆபோதா⁴து… தேஜோதா⁴து…பே… வாயோதா⁴து அஸுசி அஸ்ஸு லோஹிதம் ஸேதோ³ அப்³யாகதோதி? ஆமந்தா. அகுஸலேன சித்தேன ஸமுட்டி²தம் வசீகம்மம் ரூபம் அப்³யாகதந்தி? ந ஹேவம் வத்தப்³பே³…பே….

536. அகுஸலேன சித்தேன ஸமுட்டி²தம் வசீகம்மம் ரூபம் அனாரம்மணம் அகுஸலந்தி? ஆமந்தா. அகுஸலேன சித்தேன ஸமுட்டி²தம் ரூபாயதனம் அனாரம்மணம் அகுஸலந்தி? ந ஹேவம் வத்தப்³பே³…பே… அகுஸலேன சித்தேன ஸமுட்டி²தம் வசீகம்மம் ரூபம் அனாரம்மணம் அகுஸலந்தி? ஆமந்தா. அகுஸலேன சித்தேன ஸமுட்டி²தம் ஸத்³தா³யதனம்…பே… க³ந்தா⁴யதனம்…பே… ரஸாயதனம்…பே… போ²ட்ட²ப்³பா³யதனம்… பத²வீதா⁴து… ஆபோதா⁴து… தேஜோதா⁴து…பே… வாயோதா⁴து அஸுசி அஸ்ஸு லோஹிதம் ஸேதோ³ அனாரம்மணோ அகுஸலோதி? ந ஹேவம் வத்தப்³பே³…பே….

அகுஸலேன சித்தேன ஸமுட்டி²தம் ரூபாயதனம் அனாரம்மணம் அப்³யாகதந்தி? ஆமந்தா. அகுஸலேன சித்தேன ஸமுட்டி²தம் வசீகம்மம் ரூபம் அனாரம்மணம் அப்³யாகதந்தி? ந ஹேவம் வத்தப்³பே³…பே… அகுஸலேன சித்தேன ஸமுட்டி²தம் ஸத்³தா³யதனம்…பே… க³ந்தா⁴யதனம்… ரஸாயதனம்… போ²ட்ட²ப்³பா³யதனம்…பே… பத²வீதா⁴து… ஆபோதா⁴து… தேஜோதா⁴து…பே… வாயோதா⁴து அஸுசி அஸ்ஸு லோஹிதம் ஸேதோ³ அனாரம்மணோ அப்³யாகதோதி? ஆமந்தா. அகுஸலேன சித்தேன ஸமுட்டி²தம் வசீகம்மம் ரூபம் அனாரம்மணம் அப்³யாகதந்தி? ந ஹேவம் வத்தப்³பே³…பே….

537. அகுஸலேன சித்தேன ஸமுட்டி²தம் வசீகம்மம் ரூபம் ப²ஸ்ஸவிப்பயுத்தம் அகுஸலந்தி? ஆமந்தா. அகுஸலேன சித்தேன ஸமுட்டி²தம் ரூபாயதனம் ப²ஸ்ஸவிப்பயுத்தம் அகுஸலந்தி? ந ஹேவம் வத்தப்³பே³…பே… அகுஸலேன சித்தேன ஸமுட்டி²தம் வசீகம்மம் ரூபம் ப²ஸ்ஸவிப்பயுத்தம் அகுஸலந்தி? ஆமந்தா. அகுஸலேன சித்தேன ஸமுட்டி²தம் ஸத்³தா³யதனம்…பே… க³ந்தா⁴யதனம்… ரஸாயதனம்… போ²ட்ட²ப்³பா³யதனம்… பத²வீதா⁴து… ஆபோதா⁴து… தேஜோதா⁴து…பே… வாயோதா⁴து அஸுசி அஸ்ஸு லோஹிதம் ஸேதோ³ ப²ஸ்ஸவிப்பயுத்தோ அகுஸலோதி? ந ஹேவம் வத்தப்³பே³…பே….

அகுஸலேன சித்தேன ஸமுட்டி²தம் ரூபாயதனம் ப²ஸ்ஸவிப்பயுத்தம் அப்³யாகதந்தி? ஆமந்தா. அகுஸலேன சித்தேன ஸமுட்டி²தம் வசீகம்மம் ரூபம் அனாரம்மணம் ப²ஸ்ஸவிப்பயுத்தம் அப்³யாகதந்தி? ந ஹேவம் வத்தப்³பே³…பே… அகுஸலேன சித்தேன ஸமுட்டி²தம் ஸத்³தா³யதனம்…பே… க³ந்தா⁴யதனம்… ரஸாயதனம்… போ²ட்ட²ப்³பா³யதனம்… பத²வீதா⁴து… ஆபோதா⁴து… தேஜோதா⁴து…பே… வாயோதா⁴து அஸுசி அஸ்ஸு லோஹிதம் ஸேதோ³ அனாரம்மணோ ப²ஸ்ஸவிப்பயுத்தோ அப்³யாகதோதி? ஆமந்தா. அகுஸலேன சித்தேன ஸமுட்டி²தம் வசீகம்மம் ரூபம் அனாரம்மணம் ப²ஸ்ஸவிப்பயுத்தம் அப்³யாகதந்தி? ந ஹேவம் வத்தப்³பே³…பே….

அகுஸலேன சித்தேன ஸமுட்டி²தம் வசீகம்மம் ரூபம் அனாரம்மணம் ப²ஸ்ஸவிப்பயுத்தம் அகுஸலந்தி? ஆமந்தா. அகுஸலேன சித்தேன ஸமுட்டி²தம் ரூபாயதனம் அனாரம்மணம் ப²ஸ்ஸவிப்பயுத்தம் அகுஸலந்தி? ந ஹேவம் வத்தப்³பே³…பே… அகுஸலேன சித்தேன ஸமுட்டி²தம் வசீகம்மம் ரூபம் அனாரம்மணம் ப²ஸ்ஸவிப்பயுத்தம் அகுஸலந்தி? ஆமந்தா. அகுஸலேன சித்தேன ஸமுட்டி²தம் ஸத்³தா³யதனம்…பே… க³ந்தா⁴யதனம்… ரஸாயதனம்… போ²ட்ட²ப்³பா³யதனம்… பத²வீதா⁴து… ஆபோதா⁴து… தேஜோதா⁴து…பே… வாயோதா⁴து அஸுசி அஸ்ஸு லோஹிதம் ஸேதோ³ அனாரம்மணோ ப²ஸ்ஸவிப்பயுத்தோ அகுஸலோதி? ந ஹேவம் வத்தப்³பே³…பே….

அகுஸலேன சித்தேன ஸமுட்டி²தம் ரூபாயதனம் அனாரம்மணம் ப²ஸ்ஸவிப்பயுத்தம் அப்³யாகதந்தி? ஆமந்தா. அகுஸலேன சித்தேன ஸமுட்டி²தம் வசீகம்மம் ரூபம் அனாரம்மணம் ப²ஸ்ஸவிப்பயுத்தம் அப்³யாகதந்தி? ந ஹேவம் வத்தப்³பே³…பே… அகுஸலேன சித்தேன ஸமுட்டி²தம் ஸத்³தா³யதனம்…பே… க³ந்தா⁴யதனம்… ரஸாயதனம்… போ²ட்ட²ப்³பா³யதனம்… பத²வீதா⁴து… ஆபோதா⁴து… தேஜோதா⁴து…பே… வாயோதா⁴து அஸுசி அஸ்ஸு லோஹிதம் ஸேதோ³ அனாரம்மணோ ப²ஸ்ஸவிப்பயுத்தோ அப்³யாகதோதி? ஆமந்தா. அகுஸலேன சித்தேன ஸமுட்டி²தம் வசீகம்மம் ரூபம் அனாரம்மணம் ப²ஸ்ஸவிப்பயுத்தம் அப்³யாகதந்தி? ந ஹேவம் வத்தப்³பே³…பே….

538. ந வத்தப்³ப³ம் – ‘‘ரூபம் குஸலம்பி அகுஸலம்பீ’’தி? ஆமந்தா. நனு காயகம்மம் வசீகம்மம் குஸலம்பி அகுஸலம்பீதி? ஆமந்தா. ஹஞ்சி காயகம்மம் வசீகம்மம் குஸலம்பி அகுஸலம்பி, தேன வத ரே வத்தப்³பே³ – ‘‘ரூபம் குஸலம்பி அகுஸலம்பீ’’தி.

ரூபம் குஸலம்பி அகுஸலம்பீதி? ஆமந்தா. சக்கா²யதனம் குஸலம்பி அகுஸலம்பீதி? ந ஹேவம் வத்தப்³பே³…பே… ரூபம் குஸலம்பி அகுஸலம்பீதி? ஆமந்தா. ஸோதாயதனம்…பே… கா⁴னாயதனம்… ஜிவ்ஹாயதனம்… காயாயதனம்… ரூபாயதனம்… ஸத்³தா³யதனம்… க³ந்தா⁴யதனம்… ரஸாயதனம் … போ²ட்ட²ப்³பா³யதனம்… பத²வீதா⁴து… ஆபோதா⁴து… தேஜோதா⁴து…பே… வாயோதா⁴து அஸுசி அஸ்ஸு லோஹிதம் ஸேதோ³ குஸலோபி அகுஸலோபீதி? ந ஹேவம் வத்தப்³பே³…பே….

காயோ ரூபம், காயகம்மம் ரூபந்தி? ஆமந்தா. மனோ ரூபம், மனோகம்மம் ரூபந்தி? ந ஹேவம் வத்தப்³பே³ …பே… மனோ அரூபம், மனோகம்மம் அரூபந்தி? ஆமந்தா. காயோ அரூபம், காயகம்மம் அரூபந்தி? ந ஹேவம் வத்தப்³பே³…பே….

காயோ ரூபந்தி, காயகம்மம் ரூபந்தி? ஆமந்தா. சக்கா²யதனம் ரூபந்தி, சக்கு²விஞ்ஞாணம் ரூபந்தி? ந ஹேவம் வத்தப்³பே³…பே… காயோ ரூபந்தி, காயகம்மம் ரூபந்தி? ஆமந்தா. ஸோதாயதனம் ரூபந்தி, ஸோதவிஞ்ஞாணம் ரூபந்தி? ந ஹேவம் வத்தப்³பே³…பே… காயோ ரூபந்தி, காயகம்மம் ரூபந்தி? ஆமந்தா. கா⁴னாயதனம் ரூபந்தி, கா⁴னவிஞ்ஞாணம் ரூபந்தி? ந ஹேவம் வத்தப்³பே³…பே… காயோ ரூபந்தி, காயகம்மம் ரூபந்தி? ஆமந்தா. ஜிவ்ஹாயதனம் ரூபந்தி, ஜிவ்ஹாவிஞ்ஞாணம் ரூபந்தி? ந ஹேவம் வத்தப்³பே³…பே… காயோ ரூபந்தி, காயகம்மம் ரூபந்தி? ஆமந்தா. காயாயதனம் ரூபந்தி, காயவிஞ்ஞாணம் ரூபந்தி? ந ஹேவம் வத்தப்³பே³…பே….

539. ரூபம் கம்மந்தி? ஆமந்தா. நனு வுத்தம் ப⁴க³வதா – ‘‘சேதனாஹம், பி⁴க்க²வே, கம்மம் வதா³மி; சேதயித்வா கம்மம் கரோதி காயேன வாசாய மனஸா’’தி [அ. நி. 6.63 நிப்³பே³தி⁴கஸுத்தே]! அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘ரூபம் கம்ம’’ந்தி.

ரூபம் கம்மந்தி? ஆமந்தா. நனு வுத்தம் ப⁴க³வதா – ‘‘காயே வா, ஆனந்த³ [ஹானந்த³ (ஸம். நி. 2.25)], ஸதி காயஸஞ்சேதனாஹேது உப்பஜ்ஜதி அஜ்ஜ²த்தம் ஸுக²து³க்க²ம்; வாசாய வா, ஆனந்த³ [ஹானந்த³ (ஸம். நி. 2.25)], ஸதி வசீஸஞ்சேதனாஹேது உப்பஜ்ஜதி அஜ்ஜ²த்தம் ஸுக²து³க்க²ம்; மனே வா, ஆனந்த³ [ஹானந்த³ (ஸம். நி. 2.25)], ஸதி மனோஸஞ்சேதனாஹேது உப்பஜ்ஜதி அஜ்ஜ²த்தம் ஸுக²து³க்க²’’ந்தி [ஸம். நி. 2.25; அ. நி. 4.171]! அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘ரூபம் கம்ம’’ந்தி.

ரூபம் கம்மந்தி? ஆமந்தா. நனு வுத்தம் ப⁴க³வதா – ‘‘திவிதா⁴, பி⁴க்க²வே, காயஸஞ்சேதனா அகுஸலம் காயகம்மம் து³க்கு²த்³ரயம் து³க்க²விபாகம்; சதுப்³பி³தா⁴, பி⁴க்க²வே, வசீஸஞ்சேதனா அகுஸலம் வசீகம்மம் து³க்கு²த்³ரயம் து³க்க²விபாகம்; திவிதா⁴, பி⁴க்க²வே, மனோஸஞ்சேதனா அகுஸலம் மனோகம்மம் து³க்கு²த்³ரயம் து³க்க²விபாகம்; திவிதா⁴, பி⁴க்க²வே, காயஸஞ்சேதனா குஸலம் காயகம்மம் ஸுகு²த்³ரயம் ஸுக²விபாகம்; சதுப்³பி³தா⁴, பி⁴க்க²வே, வசீஸஞ்சேதனா குஸலம் வசீகம்மம் ஸுகு²த்³ரயம் ஸுக²விபாகம்; திவிதா⁴, பி⁴க்க²வே, மனோஸஞ்சேதனா குஸலம் மனோகம்மம் ஸுகு²த்³ரயம் ஸுக²விபாக’’ந்தி [அ. நி. 10.217 தோ²கம் பன விஸதி³ஸம்]! அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘ரூபம் கம்ம’’ந்தி.

ரூபம் கம்மந்தி? ஆமந்தா. நனு வுத்தம் ப⁴க³வதா – ‘‘ஸசாயம், ஆனந்த³, ஸமித்³தி⁴ மோக⁴புரிஸோ பாடலிபுத்தஸ்ஸ [போதலிபுத்தஸ்ஸ (ம. நி. 3.300)] பரிப்³பா³ஜகஸ்ஸ ஏவம் புட்டோ² ஏவம் ப்³யாகரேய்ய – ‘ஸஞ்சேதனியம், ஆவுஸோ பாடலிபுத்த, கம்மம் கத்வா காயேன வாசாய மனஸா ஸுக²வேத³னியம் ஸுக²ம் ஸோ வேத³யதி; ஸஞ்சேதனியம், ஆவுஸோ பாடலிபுத்த, கம்மம் கத்வா காயேன வாசாய மனஸா து³க்க²வேத³னியம் து³க்க²ம் ஸோ வேத³யதி; ஸஞ்சேதனியம், ஆவுஸோ பாடலிபுத்த, கம்மம் கத்வா காயேன வாசாய மனஸா அது³க்க²மஸுக²வேத³னியம் அது³க்க²மஸுக²ம் ஸோ வேத³யதீ’தி, ஏவம் ப்³யாகரமானோ கோ², ஆனந்த³, ஸமித்³தி⁴ மோக⁴புரிஸோ பாடலிபுத்தஸ்ஸ பரிப்³பா³ஜகஸ்ஸ ஸம்மா ப்³யாகரமானோ ப்³யாகரேய்யா’’தி [ம. நி. 3.300]! அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘ரூபம் கம்ம’’ந்தி.

ரூபம் கம்மந்திகதா² நிட்டி²தா.

8. அட்ட²மவக்³கோ³

(82) 10. ஜீவிதிந்த்³ரியகதா²

540. நத்தி² ரூபஜீவிதிந்த்³ரியந்தி? ஆமந்தா. நத்தி² ரூபீனம் த⁴ம்மானம் ஆயு டி²தி யபனா யாபனா இரியனா வத்தனா பாலனாதி? ந ஹேவம் வத்தப்³பே³…பே… அத்தி² ரூபீனம் த⁴ம்மானம் ஆயு டி²தி யபனா யாபனா இரியனா வத்தனா பாலனாதி? ஆமந்தா. ஹஞ்சி அத்தி² ரூபீனம் த⁴ம்மானம் ஆயு டி²தி யபனா யாபனா இரியனா வத்தனா பாலனா, நோ ச வத ரே வத்தப்³பே³ – ‘‘நத்தி² ரூபஜீவிதிந்த்³ரிய’’ந்தி.

அத்தி² அரூபீனம் த⁴ம்மானம் ஆயு டி²தி யபனா யாபனா இரியனா வத்தனா பாலனா, அத்தி² அரூபஜீவிதிந்த்³ரியந்தி? ஆமந்தா. அத்தி² ரூபீனம் த⁴ம்மானம் ஆயு டி²தி யபனா யாபனா இரியனா வத்தனா பாலனா, அத்தி² ரூபஜீவிதிந்த்³ரியந்தி? ந ஹேவம் வத்தப்³பே³…பே… அத்தி² ரூபீனம் த⁴ம்மானம் ஆயு டி²தி யபனா யாபனா இரியனா வத்தனா பாலனா, நத்தி² ரூபஜீவிதிந்த்³ரியந்தி? ஆமந்தா. அத்தி² அரூபீனம் த⁴ம்மானம் ஆயு டி²தி யபனா யாபனா இரியனா வத்தனா பாலனா, நத்தி² அரூபஜீவிதிந்த்³ரியந்தி? ந ஹேவம் வத்தப்³பே³…பே….

அரூபீனம் த⁴ம்மானம் ஆயு அரூபஜீவிதிந்த்³ரியந்தி? ஆமந்தா. ரூபீனம் த⁴ம்மானம் ஆயு ரூபஜீவிதிந்த்³ரியந்தி? ந ஹேவம் வத்தப்³பே³…பே… ரூபீனம் த⁴ம்மானம் ஆயு ந வத்தப்³ப³ம் – ‘‘ரூபஜீவிதிந்த்³ரிய’’ந்தி? ஆமந்தா. அரூபீனம் த⁴ம்மானம் ஆயு ந வத்தப்³ப³ம் – ‘‘அரூபஜீவிதிந்த்³ரிய’’ந்தி? ந ஹேவம் வத்தப்³பே³…பே….

541. ரூபீனம் த⁴ம்மானம் ஆயு அரூபஜீவிதிந்த்³ரியந்தி? ஆமந்தா. அரூபீனம் த⁴ம்மானம் ஆயு ரூபஜீவிதிந்த்³ரியந்தி? ந ஹேவம் வத்தப்³பே³…பே….

அரூபீனம் த⁴ம்மானம் ஆயு ந வத்தப்³ப³ம் – ‘‘ரூபஜீவிதிந்த்³ரிய’’ந்தி? ஆமந்தா. ரூபீனம் த⁴ம்மானம் ஆயு ந வத்தப்³ப³ம் – ‘‘அரூபஜீவிதிந்த்³ரிய’’ந்தி? ந ஹேவம் வத்தப்³பே³…பே….

ரூபீனஞ்ச அரூபீனஞ்ச த⁴ம்மானம் ஆயு அரூபஜீவிதிந்த்³ரியந்தி? ஆமந்தா. ரூபீனஞ்ச அரூபீனஞ்ச த⁴ம்மானம் ஆயு ரூபஜீவிதிந்த்³ரியந்தி? ந ஹேவம் வத்தப்³பே³…பே….

ரூபீனஞ்ச அரூபீனஞ்ச த⁴ம்மானம் ஆயு ந வத்தப்³ப³ம் – ‘‘ரூபஜீவிதிந்த்³ரிய’’ந்தி? ஆமந்தா. ரூபீனஞ்ச அரூபீனஞ்ச த⁴ம்மானம் ஆயு ந வத்தப்³ப³ம் – ‘‘அரூபஜீவிதிந்த்³ரிய’’ந்தி? ந ஹேவம் வத்தப்³பே³…பே… நத்தி² ரூபஜீவிதிந்த்³ரியந்தி? ஆமந்தா. நிரோத⁴ம் ஸமாபன்னஸ்ஸ நத்தி² ஜீவிதிந்த்³ரியந்தி? ந ஹேவம் வத்தப்³பே³…பே….

542. நிரோத⁴ம் ஸமாபன்னஸ்ஸ அத்தி² ஜீவிதிந்த்³ரியந்தி? ஆமந்தா. ஹஞ்சி நிரோத⁴ம் ஸமாபன்னஸ்ஸ அத்தி² ஜீவிதிந்த்³ரியம், நோ ச வத ரே வத்தப்³பே³ – ‘‘நத்தி² ரூபஜீவிதிந்த்³ரிய’’ந்தி.

நிரோத⁴ம் ஸமாபன்னஸ்ஸ அத்தி² ஜீவிதிந்த்³ரியந்தி? ஆமந்தா. கதமக்க²ந்த⁴பரியாபன்னந்தி? ஸங்கா²ரக்க²ந்த⁴பரியாபன்னந்தி. நிரோத⁴ம் ஸமாபன்னஸ்ஸ அத்தி² ஸங்கா²ரக்க²ந்தோ⁴தி? ந ஹேவம் வத்தப்³பே³…பே….

நிரோத⁴ம் ஸமாபன்னஸ்ஸ அத்தி² ஸங்கா²ரக்க²ந்தோ⁴தி? ஆமந்தா. நிரோத⁴ம் ஸமாபன்னஸ்ஸ அத்தி² வேத³னாக்க²ந்தோ⁴…பே… ஸஞ்ஞாக்க²ந்தோ⁴…பே… விஞ்ஞாணக்க²ந்தோ⁴தி? ந ஹேவம் வத்தப்³பே³…பே….

நிரோத⁴ம் ஸமாபன்னஸ்ஸ அத்தி² வேத³னாக்க²ந்தோ⁴…பே… ஸஞ்ஞாக்க²ந்தோ⁴…பே… விஞ்ஞாணக்க²ந்தோ⁴தி? ஆமந்தா. ந நிரோத⁴ம் ஸமாபன்னோதி? ந ஹேவம் வத்தப்³பே³…பே….

543. நத்தி² ரூபஜீவிதிந்த்³ரியந்தி? ஆமந்தா. அஸஞ்ஞஸத்தானம் நத்தி² ஜீவிதிந்த்³ரியந்தி? ந ஹேவம் வத்தப்³பே³…பே….

அஸஞ்ஞஸத்தானம் அத்தி² ஜீவிதிந்த்³ரியந்தி? ஆமந்தா. ஹஞ்சி அஸஞ்ஞஸத்தானம் அத்தி² ஜீவிதிந்த்³ரியம், நோ ச வத ரே வத்தப்³பே³ – ‘‘நத்தி² ரூபஜீவிதிந்த்³ரிய’’ந்தி. அஸஞ்ஞஸத்தானம் அத்தி² ஜீவிதிந்த்³ரியந்தி? ஆமந்தா. கதமக்க²ந்த⁴பரியாபன்னந்தி? ஸங்கா²ரக்க²ந்த⁴பரியாபன்னந்தி. அஸஞ்ஞஸத்தானம் அத்தி² ஸங்கா²ரக்க²ந்தோ⁴தி? ந ஹேவம் வத்தப்³பே³…பே….

அஸஞ்ஞஸத்தானம் அத்தி² ஸங்கா²ரக்க²ந்தோ⁴தி? ஆமந்தா. அஸஞ்ஞஸத்தானம் அத்தி² வேத³னாக்க²ந்தோ⁴…பே… ஸஞ்ஞாக்க²ந்தோ⁴…பே… விஞ்ஞாணக்க²ந்தோ⁴தி? ந ஹேவம் வத்தப்³பே³…பே….

அஸஞ்ஞஸத்தானம் அத்தி² வேத³னாக்க²ந்தோ⁴…பே… ஸஞ்ஞாக்க²ந்தோ⁴…பே… விஞ்ஞாணக்க²ந்தோ⁴தி? ஆமந்தா. பஞ்சவோகாரப⁴வோதி? ந ஹேவம் வத்தப்³பே³…பே….

544. உபபத்தேஸியேன சித்தேன ஸமுட்டி²தம் ஜீவிதிந்த்³ரியம் உபபத்தேஸியே சித்தே பி⁴ஜ்ஜமானே ஏகதே³ஸம் பி⁴ஜ்ஜதீதி? ஆமந்தா. உபபத்தேஸியேன சித்தேன ஸமுட்டி²தோ ப²ஸ்ஸோ உபபத்தேஸியே சித்தே பி⁴ஜ்ஜமானே ஏகதே³ஸோ பி⁴ஜ்ஜதீதி? ந ஹேவம் வத்தப்³பே³…பே….

உபபத்தேஸியேன சித்தேன ஸமுட்டி²தோ ப²ஸ்ஸோ உபபத்தேஸியே சித்தே பி⁴ஜ்ஜமானே அனவஸேஸோ பி⁴ஜ்ஜதீதி? ஆமந்தா. உபபத்தேஸியேன சித்தேன ஸமுட்டி²தம் ஜீவிதிந்த்³ரியம் உபபத்தேஸியே சித்தே பி⁴ஜ்ஜமானே அனவஸேஸம் பி⁴ஜ்ஜதீதி? ந ஹேவம் வத்தப்³பே³…பே….

545. த்³வே ஜீவிதிந்த்³ரியானீதி? ஆமந்தா. த்³வீஹி ஜீவிதேஹி ஜீவதி, த்³வீஹி மரணேஹி மீயதீதி? ஆமந்தா [ந ஹேவம் வத்தப்³பே³ (ஸ்யா. கம். பீ.)].

ஜீவிதிந்த்³ரியகதா² நிட்டி²தா.