9. நவமவக்³கோ³

(84) 1. ஆனிஸம்ஸத³ஸ்ஸாவீகதா²

547. ஆனிஸம்ஸத³ஸ்ஸாவிஸ்ஸ ஸம்யோஜனானம் பஹானந்தி? ஆமந்தா. நனு ஸங்கா²ரே அனிச்சதோ மனஸிகரோதோ ஸம்யோஜனா பஹீயந்தீதி? ஆமந்தா. ஹஞ்சி ஸங்கா²ரே அனிச்சதோ மனஸிகரோதோ ஸம்யோஜனா பஹீயந்தி, நோ ச வத ரே வத்தப்³பே³ – ‘‘ஆனிஸம்ஸத³ஸ்ஸாவிஸ்ஸ ஸம்யோஜனானம் பஹான’’ந்தி.

நனு ஸங்கா²ரே து³க்க²தோ…பே… ரோக³தோ… க³ண்ட³தோ… ஸல்லதோ… அக⁴தோ… ஆபா³த⁴தோ… பரதோ… பலோகதோ… ஈதிதோ… உபத்³த³வதோ… ப⁴யதோ… உபஸக்³க³தோ… சலதோ… பப⁴ங்கு³தோ… அத்³து⁴வதோ… அதாணதோ… அலேணதோ… அஸரணதோ… அஸரணீபூ⁴ததோ… ரித்ததோ… துச்ச²தோ… ஸுஞ்ஞதோ… அனத்ததோ… ஆதீ³னவதோ…பே… விபரிணாமத⁴ம்மதோ மனஸிகரோதோ ஸம்யோஜனா பஹீயந்தீதி? ஆமந்தா. ஹஞ்சி ஸங்கா²ரே விபரிணாமத⁴ம்மதோ மனஸிகரோதோ ஸம்யோஜனா பஹீயந்தி, நோ ச வத ரே வத்தப்³பே³ – ‘‘ஆனிஸம்ஸத³ஸ்ஸாவிஸ்ஸ ஸம்யோஜனானம் பஹான’’ந்தி.

ஸங்கா²ரே ச அனிச்சதோ மனஸி கரோதி நிப்³பா³னே ச ஆனிஸம்ஸத³ஸ்ஸாவீ ஹோதீதி? ந ஹேவம் வத்தப்³பே³…பே… ஸங்கா²ரே ச அனிச்சதோ மனஸி கரோதி நிப்³பா³னே ச ஆனிஸம்ஸத³ஸ்ஸாவீ ஹோதீதி? ஆமந்தா. த்³வின்னம் ப²ஸ்ஸானம்…பே… த்³வின்னம் சித்தானம் ஸமோதா⁴னம் ஹோதீதி? ந ஹேவம் வத்தப்³பே³…பே… ஸங்கா²ரே ச து³க்க²தோ…பே… விபரிணாமத⁴ம்மதோ மனஸி கரோதி நிப்³பா³னே ச ஆனிஸம்ஸத³ஸ்ஸாவீ ஹோதீதி? ந ஹேவம் வத்தப்³பே³…பே… ஸங்கா²ரே ச விபரிணாமத⁴ம்மதோ மனஸி கரோதி நிப்³பா³னே ச ஆனிஸம்ஸத³ஸ்ஸாவீ ஹோதீதி? ஆமந்தா. த்³வின்னம் ப²ஸ்ஸானம்…பே… த்³வின்னம் சித்தானம் ஸமோதா⁴னம் ஹோதீதி? ந ஹேவம் வத்தப்³பே³…பே….

548. ந வத்தப்³ப³ம் – ‘‘ஆனிஸம்ஸத³ஸ்ஸாவிஸ்ஸ ஸம்யோஜனானம் பஹான’’ந்தி? ஆமந்தா. நனு வுத்தம் ப⁴க³வதா – ‘‘இத⁴, பி⁴க்க²வே, பி⁴க்கு² நிப்³பா³னே ஸுகா²னுபஸ்ஸீ விஹரதி ஸுக²ஸஞ்ஞீ ஸுக²படிஸம்வேதீ³, ஸததம் ஸமிதம் அப்³போ³கிண்ணம் சேதஸா அதி⁴முச்சமானோ பஞ்ஞாய பரியோகா³ஹமானோ’’தி [அ. நி. 7.19]! அத்தே²வ ஸுத்தந்தோதி? ஆமந்தா. தேன ஹி ஆனிஸம்ஸத³ஸ்ஸாவிஸ்ஸ ஸம்யோஜனானம் பஹானந்தி.

ஆனிஸம்ஸத³ஸ்ஸாவீகதா² நிட்டி²தா.

9. நவமவக்³கோ³

(85) 2. அமதாரம்மணகதா²

549. அமதாரம்மணம் ஸம்யோஜனந்தி? ஆமந்தா. அமதம் ஸம்யோஜனியம் க³ந்த²னியம் ஓக⁴னியம் யோக³னியம் நீவரணியம் பராமட்ட²ம் உபாதா³னியம் ஸம்கிலேஸியந்தி? ந ஹேவம் வத்தப்³பே³…பே… நனு அமதம் அஸம்யோஜனியம் அக³ந்த²னியம்…பே… அஸம்கிலேஸியந்தி? ஆமந்தா. ஹஞ்சி அமதம் அஸம்யோஜனியம்…பே… அஸம்கிலேஸியம், நோ ச வத ரே வத்தப்³பே³ – ‘‘அமதாரம்மணம் ஸம்யோஜன’’ந்தி.

அமதம் ஆரப்³ப⁴ ராகோ³ உப்பஜ்ஜதீதி? ஆமந்தா. அமதம் ராக³ட்டா²னியம் ரஜனியம் கமனியம் மத³னியம் ப³ந்த⁴னியம் முச்ச²னியந்தி? ந ஹேவம் வத்தப்³பே³…பே… நனு அமதம் ந ராக³ட்டா²னியம் ந ரஜனியம் ந கமனியம் ந மத³னியம் ந ப³ந்த⁴னியம் ந முச்ச²னியந்தி? ஆமந்தா. ஹஞ்சி அமதம் ந ராக³ட்டா²னியம் ந ரஜனியம் ந கமனியம் ந மத³னியம் ந ப³ந்த⁴னியம் ந முச்ச²னியம், நோ ச வத ரே வத்தப்³பே³ – ‘‘அமதம் ஆரப்³ப⁴ ராகோ³ உப்பஜ்ஜதீ’’தி.

அமதம் ஆரப்³ப⁴ தோ³ஸோ உப்பஜ்ஜதீதி? ஆமந்தா. அமதம் தோ³ஸட்டா²னியம் கோபட்டா²னியம் படிக⁴ட்டா²னியந்தி? ந ஹேவம் வத்தப்³பே³…பே… நனு அமதம் ந தோ³ஸட்டா²னியம் ந கோபட்டா²னியம் ந படிக⁴ட்டா²னியந்தி? ஆமந்தா. ஹஞ்சி அமதம் ந தோ³ஸட்டா²னியம் ந கோபட்டா²னியம் ந படிக⁴ட்டா²னியம், நோ ச வத ரே வத்தப்³பே³ – ‘‘அமதம் ஆரப்³ப⁴ தோ³ஸோ உப்பஜ்ஜதீ’’தி.

அமதம் ஆரப்³ப⁴ மோஹோ உப்பஜ்ஜதீதி? ஆமந்தா. அமதம் மோஹட்டா²னியம் அஞ்ஞாணகரணம் அசக்கு²கரணம் பஞ்ஞானிரோதி⁴யம் விகா⁴தபக்கி²யம் அனிப்³பா³னஸம்வத்தனியந்தி? ந ஹேவம் வத்தப்³பே³…பே… நனு அமதம் ந மோஹட்டா²னியம் ந அஞ்ஞாணகரணம் ந அசக்கு²கரணம் பஞ்ஞாபு³த்³தி⁴யம் அவிகா⁴தபக்கி²யம் நிப்³பா³னஸம்வத்தனியந்தி? ஆமந்தா. ஹஞ்சி அமதம் ந மோஹட்டா²னியம் ந அஞ்ஞாணகரணம்…பே… நிப்³பா³னஸம்வத்தனியம், நோ ச வத ரே வத்தப்³பே³ – ‘‘அமதம் ஆரப்³ப⁴ மோஹோ உப்பஜ்ஜதீ’’தி.

550. ரூபம் ஆரப்³ப⁴ ஸம்யோஜனா உப்பஜ்ஜந்தி, ரூபம் ஸம்யோஜனியம் க³ந்த²னியம்…பே… ஸம்கிலேஸியந்தி? ஆமந்தா. அமதம் ஆரப்³ப⁴ ஸம்யோஜனா உப்பஜ்ஜந்தி, அமதம் ஸம்யோஜனியம்…பே… ஸம்கிலேஸியந்தி? ந ஹேவம் வத்தப்³பே³…பே….

ரூபம் ஆரப்³ப⁴ ராகோ³ உப்பஜ்ஜதி, ரூபம் ராக³ட்டா²னியம் ரஜனியம் கமனியம் மத³னியம் ப³ந்த⁴னியம் முச்ச²னியந்தி? ஆமந்தா. அமதம் ஆரப்³ப⁴ ராகோ³ உப்பஜ்ஜதி, அமதம் ராக³ட்டா²னியம்…பே… முச்ச²னியந்தி? ந ஹேவம் வத்தப்³பே³…பே….

ரூபம் ஆரப்³ப⁴ தோ³ஸோ உப்பஜ்ஜதி, ரூபம் தோ³ஸட்டா²னியம் கோபட்டா²னியம் படிக⁴ட்டா²னியந்தி? ஆமந்தா. அமதம் ஆரப்³ப⁴ தோ³ஸோ உப்பஜ்ஜதி, அமதம் தோ³ஸட்டா²னியம் கோபட்டா²னியம் படிக⁴ட்டா²னியந்தி? ந ஹேவம் வத்தப்³பே³…பே….

ரூபம் ஆரப்³ப⁴ மோஹோ உப்பஜ்ஜதி, ரூபம் மோஹட்டா²னியம் அஞ்ஞாணகரணம்…பே… அனிப்³பா³னஸம்வத்தனியந்தி? ஆமந்தா. அமதம் ஆரப்³ப⁴ மோஹோ உப்பஜ்ஜதி, அமதம் மோஹட்டா²னியம் அஞ்ஞாணகரணம்…பே… அனிப்³பா³னஸம்வத்தனியந்தி? ந ஹேவம் வத்தப்³பே³…பே….

அமதம் ஆரப்³ப⁴ ஸம்யோஜனா உப்பஜ்ஜந்தி, அமதம் அஸம்யோஜனியம் அக³ந்த²னியம் அனோக⁴னியம் அயோக³னியம் அனீவரணியம் அபராமட்ட²ம் அனுபாதா³னியம் அஸம்கிலேஸியந்தி? ஆமந்தா. ரூபம் ஆரப்³ப⁴ ஸம்யோஜனா உப்பஜ்ஜந்தி, ரூபம் அஸம்யோஜனியம் அக³ந்த²னியம்…பே… அஸம்கிலேஸியந்தி? ந ஹேவம் வத்தப்³பே³…பே….

அமதம் ஆரப்³ப⁴ ராகோ³ உப்பஜ்ஜதி, அமதம் ந ராக³ட்டா²னியம் ந ரஜனியம் ந கமனியம் ந மத³னியம் ந ப³ந்த⁴னியம் ந முச்ச²னியந்தி? ஆமந்தா. ரூபம் ஆரப்³ப⁴ ராகோ³ உப்பஜ்ஜதி, ரூபம் ந ராக³ட்டா²னியம்…பே… ந முச்ச²னியந்தி? ந ஹேவம் வத்தப்³பே³…பே….

அமதம் ஆரப்³ப⁴ தோ³ஸோ உப்பஜ்ஜதி, அமதம் ந தோ³ஸட்டா²னியம் ந கோபட்டா²னியம் ந படிக⁴ட்டா²னியந்தி? ஆமந்தா. ரூபம் ஆரப்³ப⁴ தோ³ஸோ உப்பஜ்ஜதி, ரூபம் ந தோ³ஸட்டா²னியம் ந கோபட்டா²னியம் ந படிக⁴ட்டா²னியந்தி? ந ஹேவம் வத்தப்³பே³…பே….

அமதம் ஆரப்³ப⁴ மோஹோ உப்பஜ்ஜதி, அமதம் ந மோஹட்டா²னியம் ந அஞ்ஞாணகரணம்…பே… நிப்³பா³னஸம்வத்தனியந்தி? ஆமந்தா. ரூபம் ஆரப்³ப⁴ மோஹோ உப்பஜ்ஜதி, ரூபம் ந மோஹட்டா²னியம் ந அஞ்ஞாணகரணம்…பே… நிப்³பா³னஸம்வத்தனியந்தி? ந ஹேவம் வத்தப்³பே³…பே….

551. ந வத்தப்³ப³ம் – ‘‘அமதாரம்மணம் ஸம்யோஜன’’ந்தி? ஆமந்தா. நனு வுத்தம் ப⁴க³வதா – ‘‘நிப்³பா³னம் நிப்³பா³னதோ ஸஞ்ஜானாதி, நிப்³பா³னம் நிப்³பா³னதோ ஸஞ்ஜானித்வா நிப்³பா³னம் மஞ்ஞதி, நிப்³பா³னஸ்மிம் மஞ்ஞதி, நிப்³பா³னதோ மஞ்ஞதி, நிப்³பா³னம் மேதி மஞ்ஞதி, நிப்³பா³னம் அபி⁴னந்த³தீ’’தி [ம. நி. 1.6]! அத்தே²வ ஸுத்தந்தோதி? ஆமந்தா. தேன ஹி அமதாரம்மணம் ஸம்யோஜனந்தி.

அமதாரம்மணகதா² நிட்டி²தா.

9. நவமவக்³கோ³

(86) 3. ரூபம் ஸாரம்மணந்திகதா²

552. ரூபம் ஸாரம்மணந்தி? ஆமந்தா. அத்தி² தஸ்ஸ ஆவட்டனா ஆபோ⁴கோ³ ஸமன்னாஹாரோ மனஸிகாரோ சேதனா பத்த²னா பணிதீ⁴தி? ந ஹேவம் வத்தப்³பே³…பே… நனு நத்தி² தஸ்ஸ ஆவட்டனா ஆபோ⁴கோ³…பே… பணிதீ⁴தி? ஆமந்தா. ஹஞ்சி நத்தி² தஸ்ஸ ஆவட்டனா ஆபோ⁴கோ³…பே… பணிதி⁴, நோ ச வத ரே வத்தப்³பே³ – ‘‘ரூபம் ஸாரம்மண’’ந்தி.

ப²ஸ்ஸோ ஸாரம்மணோ, அத்தி² தஸ்ஸ ஆவட்டனா ஆபோ⁴கோ³…பே… பணிதீ⁴தி? ஆமந்தா. ரூபம் ஸாரம்மணம், அத்தி² தஸ்ஸ ஆவட்டனா ஆபோ⁴கோ³…பே… பணிதீ⁴தி? ந ஹேவம் வத்தப்³பே³…பே….

வேத³னா…பே… ஸஞ்ஞா சேதனா சித்தம் ஸத்³தா⁴ வீரியம் ஸதி ஸமாதி⁴ பஞ்ஞா ராகோ³ தோ³ஸோ மோஹோ மானோ தி³ட்டி² விசிகிச்சா² தி²னம் உத்³த⁴ச்சம் அஹிரிகம்…பே… அனோத்தப்பம் ஸாரம்மணம், அத்தி² தஸ்ஸ ஆவட்டனா ஆபோ⁴கோ³…பே… பணிதீ⁴தி? ஆமந்தா. ரூபம் ஸாரம்மணம், அத்தி² தஸ்ஸ ஆவட்டனா ஆபோ⁴கோ³…பே… பணிதீ⁴தி? ந ஹேவம் வத்தப்³பே³…பே….

ரூபம் ஸாரம்மணம், நத்தி² தஸ்ஸ ஆவட்டனா ஆபோ⁴கோ³…பே… பணிதீ⁴தி? ஆமந்தா. ப²ஸ்ஸோ ஸாரம்மணோ, நத்தி² தஸ்ஸ ஆவட்டனா ஆபோ⁴கோ³…பே… பணிதீ⁴தி? ந ஹேவம் வத்தப்³பே³…பே….

ரூபம் ஸாரம்மணம், நத்தி² தஸ்ஸ ஆவட்டனா ஆபோ⁴கோ³…பே… பணிதீ⁴தி? ஆமந்தா. வேத³னா…பே… அனோத்தப்பம் ஸாரம்மணம், நத்தி² தஸ்ஸ ஆவட்டனா ஆபோ⁴கோ³…பே… பணிதீ⁴தி? ந ஹேவம் வத்தப்³பே³…பே….

553. ந வத்தப்³ப³ம் – ‘‘ரூபம் ஸாரம்மண’’ந்தி? ஆமந்தா. நனு ரூபம் ஸப்பச்சயந்தி? ஆமந்தா. ஹஞ்சி ரூபம் ஸப்பச்சயம், தேன வத ரே வத்தப்³பே³ – ‘‘ரூபம் ஸாரம்மண’’ந்தி.

ரூபம் ஸாரம்மணந்திகதா² நிட்டி²தா.

9. நவமவக்³கோ³

(87) 4. அனுஸயா அனாரம்மணகதா²

554. அனுஸயா அனாரம்மணாதி? ஆமந்தா. ரூபம் நிப்³பா³னம் சக்கா²யதனம்…பே… போ²ட்ட²ப்³பா³யதனந்தி? ந ஹேவம் வத்தப்³பே³…பே….

காமராகா³னுஸயோ அனாரம்மணோதி? ஆமந்தா. காமராகோ³ காமராக³பரியுட்டா²னம் காமராக³ஸம்யோஜனம் காமோகோ⁴ காமயோகோ³ காமச்ச²ந்த³னீவரணம் அனாரம்மணந்தி? ந ஹேவம் வத்தப்³பே³…பே… காமராகோ³ காமராக³பரியுட்டா²னம் காமராக³ஸம்யோஜனம் காமோகோ⁴ காமயோகோ³ காமச்ச²ந்த³னீவரணம் ஸாரம்மணந்தி? ஆமந்தா. காமராகா³னுஸயோ ஸாரம்மணோதி? ந ஹேவம் வத்தப்³பே³…பே….

காமராகா³னுஸயோ அனாரம்மணோதி? ஆமந்தா. கதமக்க²ந்த⁴பரியாபன்னோதி? ஸங்கா²ரக்க²ந்த⁴பரியாபன்னோதி. ஸங்கா²ரக்க²ந்தோ⁴ அனாரம்மணோதி? ந ஹேவம் வத்தப்³பே³…பே… ஸங்கா²ரக்க²ந்தோ⁴ அனாரம்மணோதி? ஆமந்தா. வேத³னாக்க²ந்தோ⁴ ஸஞ்ஞாக்க²ந்தோ⁴ விஞ்ஞாணக்க²ந்தோ⁴ அனாரம்மணோதி? ந ஹேவம் வத்தப்³பே³…பே….

காமராகா³னுஸயோ ஸங்கா²ரக்க²ந்த⁴பரியாபன்னோ அனாரம்மணோதி? ஆமந்தா. காமராகோ³ ஸங்கா²ரக்க²ந்த⁴பரியாபன்னோ அனாரம்மணோதி? ந ஹேவம் வத்தப்³பே³…பே… காமராகோ³ ஸங்கா²ரக்க²ந்த⁴பரியாபன்னோ ஸாரம்மணோதி? ஆமந்தா. காமராகா³னுஸயோ ஸங்கா²ரக்க²ந்த⁴பரியாபன்னோ ஸாரம்மணோதி? ந ஹேவம் வத்தப்³பே³…பே….

காமராகா³னுஸயோ ஸங்கா²ரக்க²ந்த⁴பரியாபன்னோ அனாரம்மணோ, காமராகோ³ ஸங்கா²ரக்க²ந்த⁴பரியாபன்னோ ஸாரம்மணோதி? ஆமந்தா. ஸங்கா²ரக்க²ந்தோ⁴ ஏகதே³ஸோ ஸாரம்மணோ ஏகதே³ஸோ அனாரம்மணோதி? ந ஹேவம் வத்தப்³பே³…பே… ஸங்கா²ரக்க²ந்தோ⁴ ஏகதே³ஸோ ஸாரம்மணோ ஏகதே³ஸோ அனாரம்மணோதி? ஆமந்தா. வேத³னாக்க²ந்தோ⁴ ஸஞ்ஞாக்க²ந்தோ⁴ விஞ்ஞாணக்க²ந்தோ⁴ ஏகதே³ஸோ ஸாரம்மணோ ஏகதே³ஸோ அனாரம்மணோதி? ந ஹேவம் வத்தப்³பே³…பே….

555. படிகா⁴னுஸயோ மானானுஸயோ தி³ட்டா²னுஸயோ விசிகிச்சா²னுஸயோ ப⁴வராகா³னுஸயோ அவிஜ்ஜானுஸயோ அனாரம்மணோதி? ஆமந்தா. அவிஜ்ஜா அவிஜ்ஜோகோ⁴ அவிஜ்ஜாயோகோ³ அவிஜ்ஜானுஸயோ அவிஜ்ஜாபரியுட்டா²னம் அவிஜ்ஜாஸம்யோஜனம் அவிஜ்ஜானீவரணம் அனாரம்மணந்தி? ந ஹேவம் வத்தப்³பே³…பே… அவிஜ்ஜா அவிஜ்ஜோகோ⁴…பே… அவிஜ்ஜானீவரணம் ஸாரம்மணந்தி? ஆமந்தா. அவிஜ்ஜானுஸயோ ஸாரம்மணோதி? ந ஹேவம் வத்தப்³பே³…பே….

அவிஜ்ஜானுஸயோ அனாரம்மணோதி? ஆமந்தா. கதமக்க²ந்த⁴பரியாபன்னோதி? ஸங்கா²ரக்க²ந்த⁴பரியாபன்னோதி. ஸங்கா²ரக்க²ந்தோ⁴ அனாரம்மணோதி? ந ஹேவம் வத்தப்³பே³…பே… ஸங்கா²ரக்க²ந்தோ⁴ அனாரம்மணோதி? ஆமந்தா. வேத³னாக்க²ந்தோ⁴ ஸஞ்ஞாக்க²ந்தோ⁴ விஞ்ஞாணக்க²ந்தோ⁴ அனாரம்மணோதி? ந ஹேவம் வத்தப்³பே³…பே….

அவிஜ்ஜானுஸயோ ஸங்கா²ரக்க²ந்த⁴பரியாபன்னோ அனாரம்மணோதி? ஆமந்தா. அவிஜ்ஜா ஸங்கா²ரக்க²ந்த⁴பரியாபன்னா அனாரம்மணாதி? ந ஹேவம் வத்தப்³பே³…பே… அவிஜ்ஜா ஸங்கா²ரக்க²ந்த⁴பரியாபன்னா ஸாரம்மணாதி? ஆமந்தா. அவிஜ்ஜானுஸயோ ஸங்கா²ரக்க²ந்த⁴பரியாபன்னோ ஸாரம்மணோதி? ந ஹேவம் வத்தப்³பே³…பே….

அவிஜ்ஜானுஸயோ ஸங்கா²ரக்க²ந்த⁴பரியாபன்னோ அனாரம்மணோ, அவிஜ்ஜா ஸங்கா²ரக்க²ந்த⁴பரியாபன்னா ஸாரம்மணாதி? ஆமந்தா. ஸங்கா²ரக்க²ந்தோ⁴ ஏகதே³ஸோ ஸாரம்மணோ ஏகதே³ஸோ அனாரம்மணோதி? ந ஹேவம் வத்தப்³பே³…பே… ஸங்கா²ரக்க²ந்தோ⁴ ஏகதே³ஸோ ஸாரம்மணோ ஏகதே³ஸோ அனாரம்மணோதி? ஆமந்தா. வேத³னாக்க²ந்தோ⁴ ஸஞ்ஞாக்க²ந்தோ⁴ விஞ்ஞாணக்க²ந்தோ⁴ ஏகதே³ஸோ ஸாரம்மணோ ஏகதே³ஸோ அனாரம்மணோதி? ந ஹேவம் வத்தப்³பே³…பே….

556. ந வத்தப்³ப³ம் – ‘‘அனுஸயா அனாரம்மணா’’தி? ஆமந்தா. புது²ஜ்ஜனோ குஸலாப்³யாகதே சித்தே வத்தமானே ஸானுஸயோதி வத்தப்³போ³தி? ஆமந்தா. அத்தி² தேஸம் அனுஸயானம் ஆரம்மணந்தி? ந ஹேவம் வத்தப்³பே³…பே… தேன ஹி அனுஸயா அனாரம்மணாதி. புது²ஜ்ஜனோ குஸலாப்³யாகதே சித்தே வத்தமானே ஸராகோ³தி வத்தப்³போ³தி? ஆமந்தா. அத்தி² தஸ்ஸ ராக³ஸ்ஸ ஆரம்மணந்தி? ந ஹேவம் வத்தப்³பே³…பே…. தேன ஹி ராகோ³ அனாரம்மணோதி.

அனுஸயா அனாரம்மணாதிகதா² நிட்டி²தா.

9. நவமவக்³கோ³

(88) 5. ஞாணம் அனாரம்மணந்திகதா²

557. ஞாணம் அனாரம்மணந்தி? ஆமந்தா. ரூபம் நிப்³பா³னம் சக்கா²யதனம்…பே… போ²ட்ட²ப்³பா³யதனந்தி? ந ஹேவம் வத்தப்³பே³…பே… ஞாணம் அனாரம்மணந்தி? ஆமந்தா. பஞ்ஞா பஞ்ஞிந்த்³ரியம் பஞ்ஞாப³லம் ஸம்மாதி³ட்டி² த⁴ம்மவிசயஸம்போ³ஜ்ஜ²ங்கோ³ அனாரம்மணோதி? ந ஹேவம் வத்தப்³பே³…பே… பஞ்ஞா பஞ்ஞிந்த்³ரியம் பஞ்ஞாப³லம் ஸம்மாதி³ட்டி² த⁴ம்மவிசயஸம்போ³ஜ்ஜ²ங்கோ³ ஸாரம்மணோதி? ஆமந்தா. ஞாணம் ஸாரம்மணந்தி? ந ஹேவம் வத்தப்³பே³…பே….

ஞாணம் அனாரம்மணந்தி? ஆமந்தா. கதமக்க²ந்த⁴பரியாபன்னந்தி? ஸங்கா²ரக்க²ந்த⁴பரியாபன்னந்தி. ஸங்கா²ரக்க²ந்தோ⁴ அனாரம்மணோதி? ந ஹேவம் வத்தப்³பே³…பே… ஸங்கா²ரக்க²ந்தோ⁴ அனாரம்மணோதி? ஆமந்தா. வேத³னாக்க²ந்தோ⁴ ஸஞ்ஞாக்க²ந்தோ⁴ விஞ்ஞாணக்க²ந்தோ⁴ அனாரம்மணோதி? ந ஹேவம் வத்தப்³பே³…பே… ஞாணம் ஸங்கா²ரக்க²ந்த⁴பரியாபன்னம் அனாரம்மணந்தி? ஆமந்தா. பஞ்ஞா ஸங்கா²ரக்க²ந்த⁴பரியாபன்னா அனாரம்மணாதி? ந ஹேவம் வத்தப்³பே³…பே… பஞ்ஞா ஸங்கா²ரக்க²ந்த⁴பரியாபன்னா ஸாரம்மணாதி? ஆமந்தா. ஞாணம் ஸங்கா²ரக்க²ந்த⁴பரியாபன்னம் ஸாரம்மணந்தி? ந ஹேவம் வத்தப்³பே³…பே….

ஞாணம் ஸங்கா²ரக்க²ந்த⁴பரியாபன்னம் அனாரம்மணம், பஞ்ஞா ஸங்கா²ரக்க²ந்த⁴பரியாபன்னா ஸாரம்மணாதி? ஆமந்தா. ஸங்கா²ரக்க²ந்தோ⁴ ஏகதே³ஸோ ஸாரம்மணோ ஏகதே³ஸோ அனாரம்மணோதி? ந ஹேவம் வத்தப்³பே³…பே… ஸங்கா²ரக்க²ந்தோ⁴ ஏகதே³ஸோ ஸாரம்மணோ ஏகதே³ஸோ அனாரம்மணோதி? ஆமந்தா. வேத³னாக்க²ந்தோ⁴ ஸஞ்ஞாக்க²ந்தோ⁴ விஞ்ஞாணக்க²ந்தோ⁴ ஏகதே³ஸோ ஸாரம்மணோ ஏகதே³ஸோ அனாரம்மணோதி? ந ஹேவம் வத்தப்³பே³…பே….

558. ந வத்தப்³ப³ம் – ‘‘ஞாணம் அனாரம்மண’’ந்தி? ஆமந்தா. அரஹா சக்கு²விஞ்ஞாணஸமங்கீ³ ஞாணீதி வத்தப்³போ³தி? ஆமந்தா. அத்தி² தஸ்ஸ ஞாணஸ்ஸ ஆரம்மணந்தி? ந ஹேவம் வத்தப்³பே³…பே… தேன ஹி ஞாணம் அனாரம்மணந்தி. அரஹா சக்கு²விஞ்ஞாணஸமங்கீ³ பஞ்ஞவாதி வத்தப்³போ³தி? ஆமந்தா. அத்தி² தாய பஞ்ஞாய ஆரம்மணந்தி? ந ஹேவம் வத்தப்³பே³…பே…. தேன ஹி பஞ்ஞா அனாரம்மணாதி.

ஞாணம் அனாரம்மணந்திகதா² நிட்டி²தா.

9. நவமவக்³கோ³

(89) 6. அதீதானாக³தாரம்மணகதா²

559. அதீதாரம்மணம் சித்தம் அனாரம்மணந்தி? ஆமந்தா. நனு அதீதாரம்மணந்தி? ஆமந்தா. ஹஞ்சி அதீதாரம்மணம், நோ ச வத ரே வத்தப்³பே³ – ‘‘அதீதாரம்மணம் சித்தம் அனாரம்மண’’ந்தி. அதீதாரம்மணம் சித்தம் அனாரம்மணந்தி மிச்சா². ஹஞ்சி வா பன அனாரம்மணம், நோ ச வத ரே வத்தப்³பே³ – ‘‘அதீதாரம்மண’’ந்தி. அனாரம்மணம் அதீதாரம்மணந்தி மிச்சா².

அதீதாரம்மணம் சித்தம் அனாரம்மணந்தி? ஆமந்தா. நனு அதீதம் ஆரப்³ப⁴ அத்தி² ஆவட்டனா…பே… பணிதீ⁴தி? ஆமந்தா. ஹஞ்சி அதீதம் ஆரப்³ப⁴ அத்தி² ஆவட்டனா…பே… பணிதி⁴, நோ ச வத ரே வத்தப்³பே³ – ‘‘அதீதாரம்மணம் சித்தம் அனாரம்மண’’ந்தி.

560. அனாக³தாரம்மணம் சித்தம் அனாரம்மணந்தி? ஆமந்தா. நனு அனாக³தாரம்மணந்தி? ஆமந்தா. ஹஞ்சி அனாக³தாரம்மணம், நோ ச வத ரே வத்தப்³பே³ – ‘‘அனாக³தாரம்மணம் சித்தம் அனாரம்மண’’ந்தி. அனாக³தாரம்மணம் சித்தம் அனாரம்மணந்தி மிச்சா². ஹஞ்சி வா பன அனாரம்மணம், நோ ச வத ரே வத்தப்³பே³ – ‘‘அனாக³தாரம்மண’’ந்தி. அனாரம்மணம் அனாக³தாரம்மணந்தி மிச்சா².

அனாக³தாரம்மணம் சித்தம் அனாரம்மணந்தி? ஆமந்தா. நனு அனாக³தம் ஆரப்³ப⁴ அத்தி² ஆவட்டனா…பே… பணிதீ⁴தி? ஆமந்தா. ஹஞ்சி அனாக³தம் ஆரப்³ப⁴ அத்தி² ஆவட்டனா…பே… பணிதி⁴, நோ ச வத ரே வத்தப்³பே³ – ‘‘அனாக³தாரம்மணம் சித்தம் அனாரம்மண’’ந்தி.

பச்சுப்பன்னம் ஆரப்³ப⁴ அத்தி² ஆவட்டனா…பே… பணிதி⁴, பச்சுப்பன்னாரம்மணம் சித்தம் ஸாரம்மணந்தி? ஆமந்தா. அதீதம் ஆரப்³ப⁴ அத்தி² ஆவட்டனா…பே… பணிதி⁴, அதீதாரம்மணம் சித்தம் ஸாரம்மணந்தி? ந ஹேவம் வத்தப்³பே³…பே… பச்சுப்பன்னம் ஆரப்³ப⁴ அத்தி² ஆவட்டனா…பே… பணிதி⁴, பச்சுப்பன்னாரம்மணம் சித்தம் ஸாரம்மணந்தி? ஆமந்தா. அனாக³தம் ஆரப்³ப⁴ அத்தி² ஆவட்டனா…பே… பணிதி⁴, அனாக³தாரம்மணம் சித்தம் ஸாரம்மணந்தி? ந ஹேவம் வத்தப்³பே³…பே….

அதீதம் ஆரப்³ப⁴ அத்தி² ஆவட்டனா…பே… பணிதி⁴, அதீதாரம்மணம் சித்தம் அனாரம்மணந்தி? ஆமந்தா. பச்சுப்பன்னம் ஆரப்³ப⁴ அத்தி² ஆவட்டனா…பே… பணிதி⁴, பச்சுப்பன்னாரம்மணம் சித்தம் அனாரம்மணந்தி? ந ஹேவம் வத்தப்³பே³…பே….

அனாக³தம் ஆரப்³ப⁴ அத்தி² ஆவட்டனா…பே… பணிதி⁴, அனாக³தாரம்மணம் சித்தம் அனாரம்மணந்தி? ஆமந்தா. பச்சுப்பன்னம் ஆரப்³ப⁴ அத்தி² ஆவட்டனா…பே… பணிதி⁴, பச்சுப்பன்னாரம்மணம் சித்தம் அனாரம்மணந்தி? ந ஹேவம் வத்தப்³பே³…பே….

561. ந வத்தப்³ப³ம் – ‘‘அதீதானாக³தாரம்மணம் சித்தம் அனாரம்மண’’ந்தி? ஆமந்தா. நனு அதீதானாக³தம் நத்தீ²தி? ஆமந்தா. ஹஞ்சி அதீதானாக³தம் நத்தி², தேன வத ரே வத்தப்³பே³ – ‘‘அதீதானாக³தாரம்மணம் சித்தம் அனாரம்மண’’ந்தி…பே….

அதீதானாக³தாரம்மணகதா² நிட்டி²தா.

9. நவமவக்³கோ³

(90) 7. விதக்கானுபதிதகதா²

562. ஸப்³ப³ம் சித்தம் விதக்கானுபதிதந்தி? ஆமந்தா. ஸப்³ப³ம் சித்தம் விசாரானுபதிதம் பீதானுபதிதம் ஸுகா²னுபதிதம் து³க்கா²னுபதிதம் ஸோமனஸ்ஸானுபதிதம் தோ³மனஸ்ஸானுபதிதம் உபேக்கா²னுபதிதம் ஸத்³தா⁴னுபதிதம் வீரியானுபதிதம் ஸதானுபதிதம் ஸமாதா⁴னுபதிதம் பஞ்ஞானுபதிதம் ராகா³னுபதிதம் தோ³ஸானுபதிதம்…பே… அனோத்தப்பானுபதிதந்தி? ந ஹேவம் வத்தப்³பே³…பே….

ஸப்³ப³ம் சித்தம் விதக்கானுபதிதந்தி? ஆமந்தா. நனு அத்தி² அவிதக்கோ விசாரமத்தோ ஸமாதீ⁴தி? ஆமந்தா. ஹஞ்சி அத்தி² அவிதக்கோ விசாரமத்தோ ஸமாதி⁴, நோ ச வத ரே வத்தப்³பே³ – ‘‘ஸப்³ப³ம் சித்தம் விதக்கானுபதித’’ந்தி.

ஸப்³ப³ம் சித்தம் விதக்கானுபதிதந்தி? ஆமந்தா. நனு அத்தி² அவிதக்கோ அவிசாரோ ஸமாதீ⁴தி? ஆமந்தா. ஹஞ்சி அத்தி² அவிதக்கோ அவிசாரோ ஸமாதி⁴, நோ ச வத ரே வத்தப்³பே³ – ‘‘ஸப்³ப³ம் சித்தம் விதக்கானுபதித’’ந்தி. ஸப்³ப³ம் சித்தம் விதக்கானுபதிதந்தி? ஆமந்தா. நனு தயோ ஸமாதீ⁴ வுத்தா ப⁴க³வதா – ஸவிதக்கோ ஸவிசாரோ ஸமாதி⁴, அவிதக்கோ விசாரமத்தோ ஸமாதி⁴, அவிதக்கோ அவிசாரோ ஸமாதீ⁴தி [தீ³. நி. 3.305, 353]? ஆமந்தா. ஹஞ்சி தயோ ஸமாதீ⁴ வுத்தா ப⁴க³வதா – ஸவிதக்கோ ஸவிசாரோ ஸமாதி⁴, அவிதக்கோ விசாரமத்தோ ஸமாதி⁴, அவிதக்கோ அவிசாரோ ஸமாதி⁴, நோ ச வத ரே வத்தப்³பே³ – ‘‘ஸப்³ப³ம் சித்தம் விதக்கானுபதித’’ந்தி.

விதக்கானுபதிதகதா² நிட்டி²தா.

9. நவமவக்³கோ³

(91) 8. விதக்கவிப்பா²ரஸத்³த³கதா²

563. ஸப்³ப³ஸோ விதக்கயதோ விசாரயதோ விதக்கவிப்பா²ரோ ஸத்³தோ³தி? ஆமந்தா. ஸப்³ப³ஸோ பு²ஸயதோ ப²ஸ்ஸவிப்பா²ரோ ஸத்³தோ³, ஸப்³ப³ஸோ வேத³யதோ வேத³னாவிப்பா²ரோ ஸத்³தோ³, ஸப்³ப³ஸோ ஸஞ்ஜானதோ ஸஞ்ஞாவிப்பா²ரோ ஸத்³தோ³, ஸப்³ப³ஸோ சேதயதோ சேதனாவிப்பா²ரோ ஸத்³தோ³, ஸப்³ப³ஸோ சிந்தயதோ சித்தவிப்பா²ரோ ஸத்³தோ³, ஸப்³ப³ஸோ ஸரதோ ஸதிவிப்பா²ரோ ஸத்³தோ³, ஸப்³ப³ஸோ பஜானதோ பஞ்ஞாவிப்பா²ரோ ஸத்³தோ³தி? ந ஹேவம் வத்தப்³பே³…பே….

ஸப்³ப³ஸோ விதக்கயதோ விசாரயதோ விதக்கவிப்பா²ரோ ஸத்³தோ³தி? ஆமந்தா. விதக்கவிப்பா²ரோ ஸத்³தோ³ ஸோதவிஞ்ஞேய்யோ ஸோதஸ்மிம் படிஹஞ்ஞதி ஸோதஸ்ஸ ஆபாத²ம் ஆக³ச்ச²தீதி? ந ஹேவம் வத்தப்³பே³…பே…. நனு விதக்கவிப்பா²ரோ ஸத்³தோ³ ந ஸோதவிஞ்ஞேய்யோ ந ஸோதஸ்மிம் படிஹஞ்ஞதி ந ஸோதஸ்ஸ ஆபாத²ம் ஆக³ச்ச²தீதி? ஆமந்தா. ஹஞ்சி விதக்கவிப்பா²ரோ ஸத்³தோ³ ந ஸோதவிஞ்ஞேய்யோ ந ஸோதஸ்மிம் படிஹஞ்ஞதி ந ஸோதஸ்ஸ ஆபாத²ம் ஆக³ச்ச²தி, நோ ச வத ரே வத்தப்³பே³ – ‘‘ஸப்³ப³ஸோ விதக்கயதோ விசாரயதோ விதக்கவிப்பா²ரோ ஸத்³தோ³’’தி.

விதக்கவிப்பா²ரஸத்³த³கதா² நிட்டி²தா.

9. நவமவக்³கோ³

(92) 9. ந யதா²சித்தஸ்ஸ வாசாதிகதா²

564. ந யதா²சித்தஸ்ஸ வாசாதி? ஆமந்தா. அப²ஸ்ஸகஸ்ஸ வாசா அவேத³னகஸ்ஸ வாசா அஸஞ்ஞகஸ்ஸ வாசா அசேதனகஸ்ஸ வாசா அசித்தகஸ்ஸ வாசாதி? ந ஹேவம் வத்தப்³பே³…பே… நனு ஸப²ஸ்ஸகஸ்ஸ வாசா ஸவேத³னகஸ்ஸ வாசா ஸஸஞ்ஞகஸ்ஸ வாசா ஸசேதனகஸ்ஸ வாசா ஸசித்தகஸ்ஸ வாசாதி? ஆமந்தா. ஹஞ்சி ஸப²ஸ்ஸகஸ்ஸ வாசா…பே… ஸசித்தகஸ்ஸ வாசா, நோ ச வத ரே வத்தப்³பே³ – ‘‘ந யதா²சித்தஸ்ஸ வாசா’’தி.

ந யதா²சித்தஸ்ஸ வாசாதி? ஆமந்தா. அனாவட்டேந்தஸ்ஸ [அனாவட்டந்தஸ்ஸ (பீ.), அனாவஜ்ஜந்தஸ்ஸ (ஸீ. ஸ்யா. க.) கதா². 484 பஸ்ஸிதப்³ப³ம்] வாசா…பே… அனாபோ⁴க³ஸ்ஸ வாசா…பே… அப்பணித³ஹந்தஸ்ஸ வாசாதி? ந ஹேவம் வத்தப்³பே³…பே… நனு ஆவட்டேந்தஸ்ஸ வாசா ஆபோ⁴க³ஸ்ஸ வாசா…பே… பணித³ஹந்தஸ்ஸ வாசாதி? ஆமந்தா. ஹஞ்சி ஆவட்டேந்தஸ்ஸ வாசா ஆபோ⁴க³ஸ்ஸ வாசா பணித³ஹந்தஸ்ஸ வாசா, நோ ச வத ரே வத்தப்³பே³ – ‘‘ந யதா²சித்தஸ்ஸ வாசா’’தி.

ந யதா²சித்தஸ்ஸ வாசாதி? ஆமந்தா. நனு வாசா சித்தஸமுட்டா²னா சித்தேன ஸஹஜாதா சித்தேன ஸஹ ஏகுப்பாதா³தி? ஆமந்தா. ஹஞ்சி வாசா சித்தஸமுட்டா²னா சித்தேன ஸஹஜாதா சித்தேன ஸஹ ஏகுப்பாதா³, நோ ச வத ரே வத்தப்³பே³ – ‘‘ந யதா²சித்தஸ்ஸ வாசா’’தி.

ந யதா²சித்தஸ்ஸ வாசாதி? ஆமந்தா. ந ப⁴ணிதுகாமோ ப⁴ணதி, ந கதே²துகாமோ கதே²தி, ந ஆலபிதுகாமோ ஆலபதி, ந வோஹரிதுகாமோ வோஹரதீதி? ந ஹேவம் வத்தப்³பே³…பே… நனு ப⁴ணிதுகாமோ ப⁴ணதி, கதே²துகாமோ கதே²தி, ஆலபிதுகாமோ ஆலபதி, வோஹரிதுகாமோ வோஹரதீதி? ஆமந்தா. ஹஞ்சி ப⁴ணிதுகாமோ ப⁴ணதி, கதே²துகாமோ கதே²தி, ஆலபிதுகாமோ ஆலபதி, வோஹரிதுகாமோ வோஹரதி, நோ ச வத ரே வத்தப்³பே³ – ‘‘ந யதா²சித்தஸ்ஸ வாசா’’தி.

565. ந வத்தப்³ப³ம் – ‘‘ந யதா²சித்தஸ்ஸ வாசா’’தி? ஆமந்தா. நனு அத்தி² கோசி ‘‘அஞ்ஞம் ப⁴ணிஸ்ஸாமீ’’தி அஞ்ஞம் ப⁴ணதி, ‘‘அஞ்ஞம் கதே²ஸ்ஸாமீ’’தி அஞ்ஞம் கதே²தி, ‘‘அஞ்ஞம் ஆலபிஸ்ஸாமீ’’தி அஞ்ஞம் ஆலபதி, ‘‘அஞ்ஞம் வோஹரிஸ்ஸாமீ’’தி அஞ்ஞம் வோஹரதீதி? ஆமந்தா. ஹஞ்சி அத்தி² கோசி ‘‘அஞ்ஞம் ப⁴ணிஸ்ஸாமீ’’தி அஞ்ஞம் ப⁴ணதி,…பே… ‘‘அஞ்ஞம் வோஹரிஸ்ஸாமீ’’தி அஞ்ஞம் வோஹரதி, தேன வத ரே வத்தப்³பே³ – ‘‘ந யதா²சித்தஸ்ஸ வாசா’’தி.

ந யதா²சித்தஸ்ஸ வாசாதிகதா² நிட்டி²தா.

9. நவமவக்³கோ³

(93) 10. ந யதா²சித்தஸ்ஸ காயகம்மந்திகதா²

566. ந யதா²சித்தஸ்ஸ காயகம்மந்தி? ஆமந்தா. அப²ஸ்ஸகஸ்ஸ காயகம்மம்…பே… அசித்தகஸ்ஸ காயகம்மந்தி? ந ஹேவம் வத்தப்³பே³…பே… நனு ஸப²ஸ்ஸகஸ்ஸ காயகம்மம்…பே… ஸசித்தகஸ்ஸ காயகம்மந்தி? ஆமந்தா. ஹஞ்சி ஸப²ஸ்ஸகஸ்ஸ காயகம்மம்…பே… ஸசித்தகஸ்ஸ காயகம்மம், நோ ச வத ரே வத்தப்³பே³ – ‘‘ந யதா²சித்தஸ்ஸ காயகம்ம’’ந்தி.

ந யதா²சித்தஸ்ஸ காயகம்மந்தி? ஆமந்தா. அனாவட்டேந்தஸ்ஸ காயகம்மம்…பே… அப்பணித³ஹந்தஸ்ஸ காயகம்மந்தி? ந ஹேவம் வத்தப்³பே³…பே… நனு ஆவட்டேந்தஸ்ஸ காயகம்மம்…பே… பணித³ஹந்தஸ்ஸ காயகம்மந்தி? ஆமந்தா. ஹஞ்சி ஆவட்டேந்தஸ்ஸ காயகம்மம்…பே… பணித³ஹந்தஸ்ஸ காயகம்மம், நோ ச வத ரே வத்தப்³பே³ – ‘‘ந யதா²சித்தஸ்ஸ காயகம்ம’’ந்தி.

ந யதா²சித்தஸ்ஸ காயகம்மந்தி? ஆமந்தா. நனு காயகம்மம் சித்தஸமுட்டா²னம் சித்தேன ஸஹஜாதம் சித்தேன ஸஹ ஏகுப்பாத³ந்தி? ஆமந்தா. ஹஞ்சி காயகம்மம் சித்தஸமுட்டா²னம் சித்தேன ஸஹஜாதம் சித்தேன ஸஹ ஏகுப்பாத³ம், நோ ச வத ரே வத்தப்³பே³ – ‘‘ந யதா²சித்தஸ்ஸ காயகம்ம’’ந்தி.

ந யதா²சித்தஸ்ஸ காயகம்மந்தி? ஆமந்தா. ந அபி⁴க்கமிதுகாமோ அபி⁴க்கமதி, ந படிக்கமிதுகாமோ படிக்கமதி, ந ஆலோகேதுகாமோ ஆலோகேதி, ந விலோகேதுகாமோ விலோகேதி, ந ஸமிஞ்ஜிதுகாமோ ஸமிஞ்ஜேதி, ந பஸாரேதுகாமோ பஸாரேதீதி? ந ஹேவம் வத்தப்³பே³…பே…. நனு அபி⁴க்கமிதுகாமோ அபி⁴க்கமதி, படிக்கமிதுகாமோ படிக்கமதி, ஆலோகேதுகாமோ ஆலோகேதி, விலோகேதுகாமோ விலோகேதி, ஸமிஞ்ஜிதுகாமோ ஸமிஞ்ஜேதி, பஸாரேதுகாமோ பஸாரேதீதி? ஆமந்தா. ஹஞ்சி அபி⁴க்கமிதுகாமோ அபி⁴க்கமதி…பே… பஸாரேதுகாமோ பஸாரேதி, நோ ச வத ரே வத்தப்³பே³ – ‘‘ந யதா²சித்தஸ்ஸ காயகம்ம’’ந்தி.

567. ந வத்தப்³ப³ம் – ‘‘ந யதா²சித்தஸ்ஸ காயகம்ம’’ந்தி? ஆமந்தா. நனு அத்தி² கோசி ‘‘அஞ்ஞத்ர க³ச்சி²ஸ்ஸாமீ’’தி அஞ்ஞத்ர க³ச்ச²தி…பே… ‘‘அஞ்ஞம் பஸாரேஸ்ஸாமீ’’தி அஞ்ஞம் பஸாரேதீதி? ஆமந்தா. ஹஞ்சி அத்தி² கோசி ‘‘அஞ்ஞத்ர க³ச்சி²ஸ்ஸாமீ’’தி அஞ்ஞத்ர க³ச்ச²தி…பே… ‘‘அஞ்ஞம் பஸாரேஸ்ஸாமீ’’தி அஞ்ஞம் பஸாரேதி, தேன வத ரே வத்தப்³பே³ – ‘‘ந யதா²சித்தஸ்ஸ காயகம்ம’’ந்தி.

ந யதா²சித்தஸ்ஸ காயகம்மந்திகதா² நிட்டி²தா.

9. நவமவக்³கோ³

(94) 11. அதீதானாக³தஸமன்னாக³தகதா²

568. அதீதேன ஸமன்னாக³தோதி? ஆமந்தா. நனு அதீதம் நிருத்³த⁴ம் விக³தம் விபரிணதம் அத்த²ங்க³தம் அப்³ப⁴த்த²ங்க³தந்தி? ஆமந்தா. ஹஞ்சி அதீதம் நிருத்³த⁴ம் விக³தம் விபரிணதம் அத்த²ங்க³தம் அப்³ப⁴த்த²ங்க³தம், நோ ச வத ரே வத்தப்³பே³ – ‘‘அதீதேன ஸமன்னாக³தோ’’தி.

அனாக³தேன ஸமன்னாக³தோதி? ஆமந்தா. நனு அனாக³தம் அஜாதம் அபூ⁴தம் அஸஞ்ஜாதம் அனிப்³ப³த்தம் அனபி⁴னிப்³ப³த்தம் அபாதுபூ⁴தந்தி? ஆமந்தா. ஹஞ்சி அனாக³தம் அஜாதம் அபூ⁴தம் அஸஞ்ஜாதம் அனிப்³ப³த்தம் அனபி⁴னிப்³ப³த்தம் அபாதுபூ⁴தம், நோ ச வத ரே வத்தப்³பே³ – ‘‘அனாக³தேன ஸமன்னாக³தோ’’தி.

569. அதீதேன ரூபக்க²ந்தே⁴ன ஸமன்னாக³தோ, அனாக³தேன ரூபக்க²ந்தே⁴ன ஸமன்னாக³தோ, பச்சுப்பன்னேன ரூபக்க²ந்தே⁴ன ஸமன்னாக³தோதி? ஆமந்தா. தீஹி ரூபக்க²ந்தே⁴ஹி ஸமன்னாக³தோதி? ந ஹேவம் வத்தப்³பே³…பே… அதீதேஹி பஞ்சஹி க²ந்தே⁴ஹி ஸமன்னாக³தோ, அனாக³தேஹி பஞ்சஹி க²ந்தே⁴ஹி ஸமன்னாக³தோ, பச்சுப்பன்னேஹி பஞ்சஹி க²ந்தே⁴ஹி ஸமன்னாக³தோதி? ஆமந்தா. பன்னரஸஹி க²ந்தே⁴ஹி ஸமன்னாக³தோதி? ந ஹேவம் வத்தப்³பே³…பே….

அதீதேன சக்கா²யதனேன ஸமன்னாக³தோ, அனாக³தேன சக்கா²யதனேன ஸமன்னாக³தோ, பச்சுப்பன்னேன சக்கா²யதனேன ஸமன்னாக³தோதி? ஆமந்தா. தீஹி சக்கா²யதனேஹி ஸமன்னாக³தோதி? ந ஹேவம் வத்தப்³பே³…பே… அதீதேஹி த்³வாத³ஸஹி ஆயதனேஹி ஸமன்னாக³தோ, அனாக³தேஹி த்³வாத³ஸஹி ஆயதனேஹி ஸமன்னாக³தோ, பச்சுப்பன்னேஹி த்³வாத³ஸஹி ஆயதனேஹி ஸமன்னாக³தோதி? ஆமந்தா. ச²த்திம்ஸாயதனேஹி ஸமன்னாக³தோதி? ந ஹேவம் வத்தப்³பே³…பே….

அதீதாய சக்கு²தா⁴துயா ஸமன்னாக³தோ, அனாக³தாய சக்கு²தா⁴துயா ஸமன்னாக³தோ, பச்சுப்பன்னாய சக்கு²தா⁴துயா ஸமன்னாக³தோதி? ஆமந்தா. தீஹி சக்கு²தா⁴தூஹி ஸமன்னாக³தோதி? ந ஹேவம் வத்தப்³பே³…பே… அதீதாஹி அட்டா²ரஸஹி தா⁴தூஹி ஸமன்னாக³தோ, அனாக³தாஹி அட்டா²ரஸஹி தா⁴தூஹி ஸமன்னாக³தோ, பச்சுப்பன்னாஹி அட்டா²ரஸஹி தா⁴தூஹி ஸமன்னாக³தோதி? ஆமந்தா. சதுபஞ்ஞாஸதா⁴தூஹி ஸமன்னாக³தோதி? ந ஹேவம் வத்தப்³பே³…பே….

அதீதேன சக்கு²ந்த்³ரியேன ஸமன்னாக³தோ, அனாக³தேன சக்கு²ந்த்³ரியேன ஸமன்னாக³தோ, பச்சுப்பன்னேன சக்கு²ந்த்³ரியேன ஸமன்னாக³தோதி? ஆமந்தா. தீஹி சக்கு²ந்த்³ரியேஹி ஸமன்னாக³தோதி? ந ஹேவம் வத்தப்³பே³…பே… அதீதேஹி பா³வீஸதிந்த்³ரியேஹி ஸமன்னாக³தோ, அனாக³தேஹி பா³வீஸதிந்த்³ரியேஹி ஸமன்னாக³தோ, பச்சுப்பன்னேஹி பா³வீஸதிந்த்³ரியேஹி ஸமன்னாக³தோதி? ஆமந்தா. ச²ஸட்டி²ந்த்³ரியேஹி ஸமன்னாக³தோதி? ந ஹேவம் வத்தப்³பே³…பே….

570. ந வத்தப்³ப³ம் – ‘‘அதீதானாக³தேஹி ஸமன்னாக³தோ’’தி? ஆமந்தா. நனு அத்தி² அட்ட²விமோக்க²ஜா²யீ சதுன்னம் ஜா²னானம் நிகாமலாபீ⁴ நவன்னம் அனுபுப்³ப³விஹாரஸமாபத்தீனம் லாபீ⁴தி? ஆமந்தா. ஹஞ்சி அத்தி² அட்ட²விமோக்க²ஜா²யீ சதுன்னம் ஜா²னானம் நிகாமலாபீ⁴ நவன்னம் அனுபுப்³ப³விஹாரஸமாபத்தீனம் லாபீ⁴, தேன வத ரே வத்தப்³பே³ – ‘‘அதீதானாக³தேஹி ஸமன்னாக³தோ’’தி.

அதீதானாக³தஸமன்னாக³தகதா² நிட்டி²தா.

நவமவக்³கோ³.

தஸ்ஸுத்³தா³னம் –

ஆனிஸம்ஸத³ஸ்ஸாவிஸ்ஸ ஸம்யோஜனானம் பஹானம், அமதாரம்மணம் ஸம்யோஜனம், ரூபம் ஸாரம்மணம், அனுஸயா அனாரம்மணா, ஏவமேவம் ஞாணம், அதீதானாக³தாரம்மணம் சித்தம், ஸப்³ப³ம் சித்தம் விதக்கானுபதிதம், ஸப்³ப³ஸோ விதக்கயதோ விசாரயதோ விதக்கவிப்பா²ரோ ஸத்³தோ³, ந யதா²சித்தஸ்ஸ வாசா, ததே²வ காயகம்மம் அதீதானாக³தேஹி ஸமன்னாக³தோதி.