3. ததியவக்³கோ³

(32) 12. நேவஸஞ்ஞானாஸஞ்ஞாயதனகதா²

384. நேவஸஞ்ஞானாஸஞ்ஞாயதனே ந வத்தப்³ப³ம் – ‘‘ஸஞ்ஞா அத்தீ²’’தி? ஆமந்தா. அஸஞ்ஞப⁴வோ அஸஞ்ஞக³தி அஸஞ்ஞஸத்தாவாஸோ அஸஞ்ஞஸம்ஸாரோ அஸஞ்ஞயோனி அஸஞ்ஞத்தபா⁴வபடிலாபோ⁴தி? ந ஹேவம் வத்தப்³பே³…பே….

நனு ஸஞ்ஞாப⁴வோ ஸஞ்ஞாக³தி ஸஞ்ஞாஸத்தாவாஸோ ஸஞ்ஞாஸம்ஸாரோ ஸஞ்ஞாயோனி ஸஞ்ஞத்தபா⁴வபடிலாபோ⁴தி? ஆமந்தா. ஹஞ்சி ஸஞ்ஞாப⁴வோ ஸஞ்ஞாக³தி…பே… ஸஞ்ஞத்தபா⁴வபடிலாபோ⁴, நோ ச வத ரே வத்தப்³பே³ – ‘‘நேவஸஞ்ஞானாஸஞ்ஞாயதனே ந வத்தப்³ப³ம் – ‘ஸஞ்ஞா அத்தீ²’’’தி.

நேவஸஞ்ஞானாஸஞ்ஞாயதனே ந வத்தப்³ப³ம் – ‘‘ஸஞ்ஞா அத்தீ²’’தி? ஆமந்தா. ஏகவோகாரப⁴வோ க³தி…பே… அத்தபா⁴வபடிலாபோ⁴தி? ந ஹேவம் வத்தப்³பே³…பே….

நனு சதுவோகாரப⁴வோ க³தி…பே… அத்தபா⁴வபடிலாபோ⁴தி? ஆமந்தா. ஹஞ்சி சதுவோகாரப⁴வோ க³தி…பே… அத்தபா⁴வபடிலாபோ⁴, நோ ச வத ரே வத்தப்³பே³ – ‘‘நேவஸஞ்ஞானாஸஞ்ஞாயதனே ந வத்தப்³ப³ம் – ‘ஸஞ்ஞா அத்தீ²’’’தி.

385. அஸஞ்ஞஸத்தேஸு ந வத்தப்³ப³ம் – ‘‘ஸஞ்ஞா அத்தி²’’, ஸோ ச அஸஞ்ஞப⁴வோ அஸஞ்ஞக³தி அஸஞ்ஞஸத்தாவாஸோ அஸஞ்ஞஸம்ஸாரோ அஸஞ்ஞயோனி அஸஞ்ஞத்தபா⁴வபடிலாபோ⁴தி? ஆமந்தா. நேவஸஞ்ஞானாஸஞ்ஞாயதனே ந வத்தப்³ப³ம் – ‘‘ஸஞ்ஞா அத்தி²,’’ ஸோ ச அஸஞ்ஞப⁴வோ அஸஞ்ஞக³தி அஸஞ்ஞஸத்தாவாஸோ அஸஞ்ஞஸம்ஸாரோ அஸஞ்ஞயோனி அஸஞ்ஞத்தபா⁴வபடிலாபோ⁴தி? ந ஹேவம் வத்தப்³பே³…பே….

அஸஞ்ஞஸத்தேஸு ந வத்தப்³ப³ம் – ‘‘ஸஞ்ஞா அத்தி²,’’ ஸோ ச ஏகவோகாரப⁴வோ க³தி…பே… அத்தபா⁴வபடிலாபோ⁴தி? ஆமந்தா. நேவஸஞ்ஞானாஸஞ்ஞாயதனே ந வத்தப்³ப³ம் – ‘‘ஸஞ்ஞா அத்தி²,’’ ஸோ ச ஏகவோகாரப⁴வோ க³தி ஸத்தாவாஸோ ஸம்ஸாரோ யோனி அத்தபா⁴வபடிலாபோ⁴தி? ந ஹேவம் வத்தப்³பே³…பே….

நேவஸஞ்ஞானாஸஞ்ஞாயதனே ந வத்தப்³ப³ம் – ‘‘ஸஞ்ஞா அத்தி²,’’ ஸோ ச ஸஞ்ஞாப⁴வோ ஸஞ்ஞாக³தி…பே… ஸஞ்ஞத்தபா⁴வபடிலாபோ⁴தி? ஆமந்தா. அஸஞ்ஞஸத்தேஸு ந வத்தப்³ப³ம் – ‘‘ஸஞ்ஞா அத்தி²,’’ ஸோ ச ஸஞ்ஞாப⁴வோ ஸஞ்ஞாக³தி…பே… ஸஞ்ஞத்தபா⁴வபடிலாபோ⁴தி? ந ஹேவம் வத்தப்³பே³…பே….

நேவஸஞ்ஞானாஸஞ்ஞாயதனே ந வத்தப்³ப³ம் – ‘‘ஸஞ்ஞா அத்தி²,’’ ஸோ ச சதுவோகாரப⁴வோ க³தி…பே… அத்தபா⁴வபடிலாபோ⁴தி? ஆமந்தா. அஸஞ்ஞஸத்தேஸு ந வத்தப்³ப³ம் – ‘‘ஸஞ்ஞா அத்தி²,’’ ஸோ ச சதுவோகாரப⁴வோ க³தி…பே… அத்தபா⁴வபடிலாபோ⁴தி? ந ஹேவம் வத்தப்³பே³…பே….

நேவஸஞ்ஞானாஸஞ்ஞாயதனே ந வத்தப்³ப³ம் – ‘‘ஸஞ்ஞா அத்தீ²’’தி? ஆமந்தா. நனு நேவஸஞ்ஞானாஸஞ்ஞாயதனம் சதுவோகாரப⁴வோதி? ஆமந்தா. ஹஞ்சி நேவஸஞ்ஞானாஸஞ்ஞாயதனம் சதுவோகாரப⁴வோ, நோ ச வத ரே வத்தப்³பே³ – ‘‘நேவஸஞ்ஞானாஸஞ்ஞாயதனே ந வத்தப்³ப³ம் – ‘ஸஞ்ஞா அத்தீ²’’’தி.

386. நேவஸஞ்ஞானாஸஞ்ஞாயதனம் சதுவோகாரப⁴வோ நேவஸஞ்ஞானாஸஞ்ஞாயதனே ந வத்தப்³ப³ம் – ‘‘ஸஞ்ஞா அத்தீ²’’தி? ஆமந்தா. ஆகாஸானஞ்சாயதனம் சதுவோகாரப⁴வோ ஆகாஸானஞ்சாயதனே ந வத்தப்³ப³ம் – ‘‘ஸஞ்ஞா அத்தீ²’’தி? ந ஹேவம் வத்தப்³பே³…பே….

நேவஸஞ்ஞானாஸஞ்ஞாயதனம் சதுவோகாரப⁴வோ, நேவஸஞ்ஞானாஸஞ்ஞாயதனே ந வத்தப்³ப³ம் – ‘‘ஸஞ்ஞா அத்தீ²’’தி? ஆமந்தா. விஞ்ஞாணஞ்சாயதனம்…பே… ஆகிஞ்சஞ்ஞாயதனம் சதுவோகாரப⁴வோ, ஆகிஞ்சஞ்ஞாயதனே ந வத்தப்³ப³ம் – ‘‘ஸஞ்ஞா அத்தீ²’’தி? ந ஹேவம் வத்தப்³பே³…பே….

ஆகாஸானஞ்சாயதனம் சதுவோகாரப⁴வோ, அத்தி² தத்த² ஸஞ்ஞாதி? ஆமந்தா. நேவஸஞ்ஞானாஸஞ்ஞாயதனம் சதுவோகாரப⁴வோ, அத்தி² தத்த² ஸஞ்ஞாதி? ந ஹேவம் வத்தப்³பே³…பே….

விஞ்ஞாணஞ்சாயதனம்…பே… ஆகிஞ்சஞ்ஞாயதனம் சதுவோகாரப⁴வோ, அத்தி² தத்த² ஸஞ்ஞாதி? ஆமந்தா. நேவஸஞ்ஞானாஸஞ்ஞாயதனம் சதுவோகாரப⁴வோ, அத்தி² தத்த² ஸஞ்ஞாதி? ந ஹேவம் வத்தப்³பே³…பே….

நேவஸஞ்ஞானாஸஞ்ஞாயதனே ந வத்தப்³ப³ம் – ‘‘ஸஞ்ஞா அத்தீ²’’தி வா ‘‘நத்தீ²’’தி வாதி? ஆமந்தா. நனு நேவஸஞ்ஞானாஸஞ்ஞாயதனம் சதுவோகாரப⁴வோதி? ஆமந்தா. ஹஞ்சி நேவஸஞ்ஞானாஸஞ்ஞாயதனம் சதுவோகாரப⁴வோ, நோ ச வத ரே வத்தப்³பே³ – ‘‘நேவஸஞ்ஞானாஸஞ்ஞாயதனே ந வத்தப்³ப³ம் – ‘ஸஞ்ஞா அத்தீ²’தி வா ‘நத்தீ²’தி வா’’தி.

நேவஸஞ்ஞானாஸஞ்ஞாயதனம் சதுவோகாரப⁴வோ, நேவஸஞ்ஞானாஸஞ்ஞாயதனே ந வத்தப்³ப³ம் – ‘‘ஸஞ்ஞா அத்தீ²’’தி வா ‘‘நத்தீ²’’தி வாதி? ஆமந்தா. ஆகாஸானஞ்சாயதனம்…பே… விஞ்ஞாணஞ்சாயதனம்…பே… ஆகிஞ்சஞ்ஞாயதனம் சதுவோகாரப⁴வோ, ஆகிஞ்சஞ்ஞாயதனே ந வத்தப்³ப³ம் – ‘‘ஸஞ்ஞா அத்தீ²’’தி வா ‘‘நத்தீ²’’தி வாதி? ந ஹேவம் வத்தப்³பே³…பே….

நேவஸஞ்ஞானாஸஞ்ஞாயதனே ந வத்தப்³ப³ம் [நேவஸஞ்ஞானாஸஞ்ஞாயதனே வத்தப்³ப³ம் (?)] – ‘‘ஸஞ்ஞா அத்தீ²’’தி வா ‘‘நத்தீ²’’தி வாதி? ஆமந்தா. நனு நேவஸஞ்ஞானாஸஞ்ஞாயதனந்தி? ஆமந்தா. ஹஞ்சி நேவஸஞ்ஞானாஸஞ்ஞாயதனம், தேன வத ரே வத்தப்³பே³ – ‘‘நேவஸஞ்ஞானாஸஞ்ஞாயதனே ந வத்தப்³ப³ம் – ‘ஸஞ்ஞா அத்தீ²’தி வா ‘நத்தீ²’தி வா’’தி.

நேவஸஞ்ஞானாஸஞ்ஞாயதனந்தி கத்வா நேவஸஞ்ஞானாஸஞ்ஞாயதனே ந வத்தப்³ப³ம் – ‘‘ஸஞ்ஞா அத்தீ²’’தி வா ‘‘நத்தீ²’’தி வாதி? ஆமந்தா. அது³க்க²மஸுகா² வேத³னாதி கத்வா அது³க்க²மஸுகா²ய வேத³னாய [அது³க்க²மஸுகா² வேத³னா (ஸீ. க.)] ந வத்தப்³ப³ம் – ‘‘வேத³னா’’தி வா ‘‘அவேத³னா’’தி வாதி? ந ஹேவம் வத்தப்³பே³…பே….

நேவஸஞ்ஞானாஸஞ்ஞாயதனகதா² நிட்டி²தா.

ததியவக்³கோ³.

தஸ்ஸுத்³தா³னம் –

ப³லம் ஸாதா⁴ரணம் அரியம், ஸராக³ம் சித்தம் விமுச்சதி;

விமுத்தம் விமுச்சமானம், அத்தி² சித்தம் விமுச்சமானம்.

அட்ட²மகஸ்ஸ புக்³க³லஸ்ஸ, தி³ட்டி²பரியுட்டா²னம் பஹீனம்;

அட்ட²மகஸ்ஸ புக்³க³லஸ்ஸ, நத்தி² பஞ்சிந்த்³ரியானி சக்கு²ம்.

ஸோதம் த⁴ம்முபத்த²த்³த⁴ம், யதா²கம்மூபக³தம் ஞாணம்;

தே³வேஸு ஸம்வரோ அஸஞ்ஞ-ஸத்தேஸு ஸஞ்ஞா ஏவமேவ ப⁴வக்³க³ந்தி.