3. ததியவக்³கோ³
(21) 1. ப³லகதா²
354. ததா²க³தப³லம் ஸாவகஸாதா⁴ரணந்தி? ஆமந்தா. ததா²க³தப³லம் ஸாவகப³லம், ஸாவகப³லம் ததா²க³தப³லந்தி? ந ஹேவம் வத்தப்³பே³…பே….
ததா²க³தப³லம் ஸாவகஸாதா⁴ரணந்தி? ஆமந்தா. தஞ்ஞேவ ததா²க³தப³லம் தம் ஸாவகப³லம், தஞ்ஞேவ ஸாவகப³லம் தம் ததா²க³தப³லந்தி? ந ஹேவம் வத்தப்³பே³…பே….
ததா²க³தப³லம் ஸாவகஸாதா⁴ரணந்தி? ஆமந்தா. யாதி³ஸம் ததா²க³தப³லம் தாதி³ஸம் ஸாவகப³லம், யாதி³ஸம் ஸாவகப³லம் தாதி³ஸம் ததா²க³தப³லந்தி? ந ஹேவம் வத்தப்³பே³…பே….
ததா²க³தப³லம் ஸாவகஸாதா⁴ரணந்தி? ஆமந்தா. யாதி³ஸோ ததா²க³தஸ்ஸ புப்³ப³யோகோ³ புப்³ப³சரியா த⁴ம்மக்கா²னம் த⁴ம்மதே³ஸனா தாதி³ஸோ ஸாவகஸ்ஸ புப்³ப³யோகோ³ புப்³ப³சரியா த⁴ம்மக்கா²னம் த⁴ம்மதே³ஸனாதி? ந ஹேவம் வத்தப்³பே³…பே….
ததா²க³தப³லம் ஸாவகஸாதா⁴ரணந்தி? ஆமந்தா. ததா²க³தோ ஜினோ ஸத்தா² ஸம்மாஸம்பு³த்³தோ⁴ ஸப்³ப³ஞ்ஞூ ஸப்³ப³த³ஸ்ஸாவீ த⁴ம்மஸ்ஸாமீ த⁴ம்மப்படிஸரணோதி? ஆமந்தா. ஸாவகோ ஜினோ ஸத்தா² ஸம்மாஸம்பு³த்³தோ⁴ ஸப்³ப³ஞ்ஞூ ஸப்³ப³த³ஸ்ஸாவீ த⁴ம்மஸ்ஸாமீ த⁴ம்மப்படிஸரணோதி? ந ஹேவம் வத்தப்³பே³…பே….
ததா²க³தப³லம் ஸாவகஸாதா⁴ரணந்தி? ஆமந்தா. ததா²க³தோ அனுப்பன்னஸ்ஸ மக்³க³ஸ்ஸ உப்பாதே³தா அஸஞ்ஜாதஸ்ஸ மக்³க³ஸ்ஸ ஸஞ்ஜனேதா அனக்கா²தஸ்ஸ மக்³க³ஸ்ஸ அக்கா²தா மக்³க³ஞ்ஞூ மக்³க³விதூ³ மக்³க³கோவிதோ³தி? ஆமந்தா. ஸாவகோ அனுப்பன்னஸ்ஸ மக்³க³ஸ்ஸ உப்பாதே³தா அஸஞ்ஜாதஸ்ஸ மக்³க³ஸ்ஸ ஸஞ்ஜனேதா அனக்கா²தஸ்ஸ மக்³க³ஸ்ஸ அக்கா²தா மக்³க³ஞ்ஞூ மக்³க³விதூ³ மக்³க³கோவிதோ³தி? ந ஹேவம் வத்தப்³பே³…பே….
இந்த்³ரியபரோபரியத்தம் யதா²பூ⁴தம் ஞாணம் ததா²க³தப³லம் ஸாவகஸாதா⁴ரணந்தி? ஆமந்தா. ஸாவகோ ஸப்³ப³ஞ்ஞூ ஸப்³ப³த³ஸ்ஸாவீதி? ந ஹேவம் வத்தப்³பே³…பே….
355. ஸாவகோ டா²னாடா²னம் ஜானாதீதி? ஆமந்தா. ஹஞ்சி ஸாவகோ டா²னாடா²னம் ஜானாதி, தேன வத ரே வத்தப்³பே³ – ‘‘டா²னாடா²னம் யதா²பூ⁴தம் ஞாணம் ததா²க³தப³லம் ஸாவகஸாதா⁴ரண’’ந்தி.
ஸாவகோ அதீதானாக³தபச்சுப்பன்னானம் கம்மஸமாதா³னானம் டா²னஸோ ஹேதுஸோ விபாகம் ஜானாதீதி? ஆமந்தா. ஹஞ்சி ஸாவகோ அதீதானாக³தபச்சுப்பன்னானம் கம்மஸமாதா³னானம் டா²னஸோ ஹேதுஸோ விபாகம் ஜானாதி, தேன வத ரே வத்தப்³பே³ – ‘‘அதீதானாக³தபச்சுப்பன்னானம் கம்மஸமாதா³னானம் டா²னஸோ ஹேதுஸோ விபாகம் யதா²பூ⁴தம் ஞாணம் ததா²க³தப³லம் ஸாவகஸாதா⁴ரண’’ந்தி.
ஸாவகோ ஸப்³ப³த்த²கா³மினிம் படிபத³ம் ஜானாதீதி? ஆமந்தா. ஹஞ்சி ஸாவகோ ஸப்³ப³த்த²கா³மினிம் படிபத³ம் ஜானாதி, தேன வத ரே வத்தப்³பே³ – ‘‘ஸப்³ப³த்த²கா³மினிம் படிபத³ம் யதா²பூ⁴தம் ஞாணம் ததா²க³தப³லம் ஸாவகஸாதா⁴ரண’’ந்தி.
ஸாவகோ அனேகதா⁴தும் நானாதா⁴தும் லோகம் ஜானாதீதி? ஆமந்தா. ஹஞ்சி ஸாவகோ அனேகதா⁴தும் நானாதா⁴தும் லோகம் ஜானாதி, தேன வத ரே வத்தப்³பே³ – ‘‘அனேகதா⁴தும் நானாதா⁴தும் லோகம் யதா²பூ⁴தம் ஞாணம் ததா²க³தப³லம் ஸாவகஸாதா⁴ரண’’ந்தி.
ஸாவகோ ஸத்தானம் நானாதி⁴முத்திகதம் ஜானாதீதி? ஆமந்தா. ஹஞ்சி ஸாவகோ ஸத்தானம் நானாதி⁴முத்திகதம் ஜானாதி, தேன வத ரே வத்தப்³பே³ – ‘‘ஸத்தானம் நானாதி⁴முத்திகதம் யதா²பூ⁴தம் ஞாணம் ததா²க³தப³லம் ஸாவகஸாதா⁴ரண’’ந்தி.
ஸாவகோ ஜா²னவிமோக்க²ஸமாதி⁴ஸமாபத்தீனம் ஸம்கிலேஸம் வோதா³னம் வுட்டா²னம் ஜானாதீதி? ஆமந்தா. ஹஞ்சி ஸாவகோ ஜா²னவிமோக்க²ஸமாதி⁴ஸமாபத்தீனம் ஸம்கிலேஸம் வோதா³னம் வுட்டா²னம் ஜானாதி, தேன வத ரே வத்தப்³பே³ – ‘‘ஜா²னவிமோக்க²ஸமாதி⁴ஸமாபத்தீனம் ஸம்கிலேஸம் வோதா³னம் வுட்டா²னம் யதா²பூ⁴தம் ஞாணம் ததா²க³தப³லம் ஸாவகஸாதா⁴ரண’’ந்தி.
ஸாவகோ புப்³பே³னிவாஸானுஸ்ஸதிம் ஜானாதீதி? ஆமந்தா. ஹஞ்சி ஸாவகோ புப்³பே³னிவாஸானுஸ்ஸதிம் ஜானாதி, தேன வத ரே வத்தப்³பே³ – ‘‘புப்³பே³னிவாஸானுஸ்ஸதி யதா²பூ⁴தம் ஞாணம் ததா²க³தப³லம் ஸாவகஸாதா⁴ரண’’ந்தி.
ஸாவகோ ஸத்தானம் சுதூபபாதம் ஜானாதீதி? ஆமந்தா. ஹஞ்சி ஸாவகோ ஸத்தானம் சுதூபபாதம் ஜானாதி, தேன வத ரே வத்தப்³பே³ – ‘‘ஸத்தானம் சுதூபபாதம் யதா²பூ⁴தம் ஞாணம் ததா²க³தப³லம் ஸாவகஸாதா⁴ரண’’ந்தி.
நனு ததா²க³தஸ்ஸாபி ஆஸவா கீ²ணா ஸாவகஸ்ஸாபி ஆஸவா கீ²ணாதி? ஆமந்தா. அத்தி² கிஞ்சி நானாகரணம் ததா²க³தஸ்ஸ வா ஸாவகஸ்ஸ வா ஆஸவக்க²யேன வா ஆஸவக்க²யம் விமுத்தியா வா விமுத்தீதி? நத்தி². ஹஞ்சி நத்தி² கிஞ்சி நானாகரணம் ததா²க³தஸ்ஸ வா ஸாவகஸ்ஸ வா ஆஸவக்க²யேன வா ஆஸவக்க²யம் விமுத்தியா வா விமுத்தி, தேன வத ரே வத்தப்³பே³ – ‘‘ஆஸவானம் க²யே யதா²பூ⁴தம் ஞாணம் ததா²க³தப³லம் ஸாவகஸாதா⁴ரண’’ந்தி.
356. ஆஸவானம் க²யே யதா²பூ⁴தம் ஞாணம் ததா²க³தப³லம் ஸாவகஸாதா⁴ரணந்தி? ஆமந்தா. டா²னாடா²னே யதா²பூ⁴தம் ஞாணம் ததா²க³தப³லம் ஸாவகஸாதா⁴ரணந்தி? ந ஹேவம் வத்தப்³பே³…பே….
ஆஸவானம் க²யே யதா²பூ⁴தம் ஞாணம் ததா²க³தப³லம் ஸாவகஸாதா⁴ரணந்தி? ஆமந்தா. ஸத்தானம் சுதூபபாதே யதா²பூ⁴தம் ஞாணம் ததா²க³தப³லம் ஸாவகஸாதா⁴ரணந்தி? ந ஹேவம் வத்தப்³பே³…பே….
டா²னாடா²னே யதா²பூ⁴தம் ஞாணம் ததா²க³தப³லம் ஸாவகஅஸாதா⁴ரணந்தி? ஆமந்தா. ஆஸவானம் க²யே யதா²பூ⁴தம் ஞாணம் ததா²க³தப³லம் ஸாவகஅஸாதா⁴ரணந்தி? ந ஹேவம் வத்தப்³பே³…பே….
ஸத்தானம் சுதூபபாதே யதா²பூ⁴தம் ஞாணம் ததா²க³தப³லம் ஸாவகஅஸாதா⁴ரணந்தி? ஆமந்தா. ஆஸவானம் க²யே யதா²பூ⁴தம் ஞாணம் ததா²க³தப³லம் ஸாவகஅஸாதா⁴ரணந்தி? ந ஹேவம் வத்தப்³பே³…பே….
இந்த்³ரியபரோபரியத்தம் யதா²பூ⁴தம் ஞாணம் ததா²க³தப³லம் ஸாவகஅஸாதா⁴ரணந்தி? ஆமந்தா. டா²னாடா²னே யதா²பூ⁴தம் ஞாணம் ததா²க³தப³லம் ஸாவகஅஸாதா⁴ரணந்தி? ந ஹேவம் வத்தப்³பே³ [அயமேத்த² ஸாதா⁴ரணபக்க²ம் ஸந்தா⁴ய படிக்கே²போ (டீகா ஓலோகேதப்³பா³)] …பே….
இந்த்³ரியபரோபரியத்தம் யதா²பூ⁴தம் ஞாணம் ததா²க³தப³லம் ஸாவகஅஸாதா⁴ரணந்தி? ஆமந்தா…பே…. ஆஸவானம் க²யே யதா²பூ⁴தம் ஞாணம் ததா²க³தப³லம் ஸாவகஅஸாதா⁴ரணந்தி? ந ஹேவம் வத்தப்³பே³…பே….
டா²னாடா²னே யதா²பூ⁴தம் ஞாணம் ததா²க³தப³லம் ஸாவகஸாதா⁴ரணந்தி? ஆமந்தா. இந்த்³ரியபரோபரியத்தம் யதா²பூ⁴தம் ஞாணம் ததா²க³தப³லம் ஸாவகஸாதா⁴ரணந்தி? ந ஹேவம் வத்தப்³பே³…பே….
ஆஸவானம் க²யே யதா²பூ⁴தம் ஞாணம் ததா²க³தப³லம் ஸாவகஸாதா⁴ரணந்தி? ஆமந்தா. இந்த்³ரியபரோபரியத்தம் யதா²பூ⁴தம் ஞாணம் ததா²க³தப³லம் ஸாவகஸாதா⁴ரணந்தி? ந ஹேவம் வத்தப்³பே³…பே….
ப³லகதா² நிட்டி²தா.
3. ததியவக்³கோ³
(22) 2. அரியந்திகதா²
357. டா²னாடா²னே யதா²பூ⁴தம் ஞாணம் ததா²க³தப³லம் அரியந்தி? ஆமந்தா. மக்³கோ³ ப²லம் நிப்³பா³னம், ஸோதாபத்திமக்³கோ³ ஸோதாபத்திப²லம், ஸகதா³கா³மிமக்³கோ³ ஸகதா³கா³மிப²லம், அனாகா³மிமக்³கோ³ அனாகா³மிப²லம், அரஹத்தமக்³கோ³ அரஹத்தப²லம், ஸதிபட்டா²னம் ஸம்மப்பதா⁴னம் இத்³தி⁴பாதோ³ இந்த்³ரியம் ப³லம் போ³ஜ்ஜ²ங்கோ³தி? ந ஹேவம் வத்தப்³பே³…பே….
டா²னாடா²னே யதா²பூ⁴தம் ஞாணம் ததா²க³தப³லம் அரியந்தி? ஆமந்தா. ஸுஞ்ஞதாரம்மணந்தி? ந ஹேவம் வத்தப்³பே³…பே…. ஸுஞ்ஞதாரம்மணந்தி? ஆமந்தா. டா²னாடா²னஞ்ச மனஸி கரோதி, ஸுஞ்ஞதஞ்ச மனஸி கரோதீதி? ந ஹேவம் வத்தப்³பே³…பே….
டா²னாடா²னஞ்ச மனஸி கரோதி, ஸுஞ்ஞதஞ்ச மனஸி கரோதீதி? ஆமந்தா. த்³வின்னம் ப²ஸ்ஸானம் த்³வின்னம் சித்தானம் ஸமோதா⁴னம் ஹோதீதி? ந ஹேவம் வத்தப்³பே³…பே… டா²னாடா²னே யதா²பூ⁴தம் ஞாணம் ததா²க³தப³லம் அரியந்தி? ஆமந்தா. அனிமித்தாரம்மணம்…பே… அப்பணிஹிதாரம்மணந்தி? ந ஹேவம் வத்தப்³பே³…பே… அப்பணிஹிதாரம்மணந்தி? ஆமந்தா. டா²னாடா²னஞ்ச மனஸி கரோதி, அப்பணிஹிதஞ்ச மனஸி கரோதீதி? ந ஹேவம் வத்தப்³பே³…பே….
டா²னாடா²னஞ்ச மனஸி கரோதி, அப்பணிஹிதஞ்ச மனஸி கரோதீதி? ஆமந்தா. த்³வின்னம் ப²ஸ்ஸானம் த்³வின்னம் சித்தானம் ஸமோதா⁴னம் ஹோதீதி? ந ஹேவம் வத்தப்³பே³…பே….
358. ஸதிபட்டா²னா அரியா ஸுஞ்ஞதாரம்மணாதி? ஆமந்தா. டா²னாடா²னே யதா²பூ⁴தம் ஞாணம் ததா²க³தப³லம் அரியம் ஸுஞ்ஞதாரம்மணந்தி? ந ஹேவம் வத்தப்³பே³…பே….
ஸதிபட்டா²னா அரியா அனிமித்தாரம்மணா…பே… அப்பணிஹிதாரம்மணாதி? ஆமந்தா. டா²னாடா²னே யதா²பூ⁴தம் ஞாணம் ததா²க³தப³லம் அரியம் அப்பணிஹிதாரம்மணந்தி? ந ஹேவம் வத்தப்³பே³…பே….
ஸம்மப்பதா⁴னா, இத்³தி⁴பாதா³, இந்த்³ரியா, ப³லா, போ³ஜ்ஜ²ங்கா³ அரியா ஸுஞ்ஞதாரம்மணாதி? ஆமந்தா. டா²னாடா²னே யதா²பூ⁴தம் ஞாணம் ததா²க³தப³லம் அரியம் ஸுஞ்ஞதாரம்மணந்தி? ந ஹேவம் வத்தப்³பே³…பே….
போ³ஜ்ஜ²ங்கா³ அரியா அனிமித்தாரம்மணா… அப்பணிஹிதாரம்மணாதி? ஆமந்தா. டா²னாடா²னே யதா²பூ⁴தம் ஞாணம் ததா²க³தப³லம் அரியம் அப்பணிஹிதாரம்மணந்தி? ந ஹேவம் வத்தப்³பே³…பே….
359. டா²னாடா²னே யதா²பூ⁴தம் ஞாணம் ததா²க³தப³லம் அரியம் ந வத்தப்³ப³ம் – ‘‘ஸுஞ்ஞதாரம்மண’’ந்தி? ஆமந்தா. ஸதிபட்டா²னா அரியா ந வத்தப்³பா³ – ‘‘ஸுஞ்ஞதாரம்மணா’’தி? ந ஹேவம் வத்தப்³பே³…பே….
டா²னாடா²னே யதா²பூ⁴தம் ஞாணம் ததா²க³தப³லம் அரியம் ந வத்தப்³ப³ம் – அனிமித்தாரம்மணம்…பே… அப்பணிஹிதாரம்மணந்தி? ஆமந்தா. ஸதிபட்டா²னா அரியா ந வத்தப்³பா³ – ‘‘அப்பணிஹிதாரம்மணா’’தி? ந ஹேவம் வத்தப்³பே³…பே….
டா²னாடா²னே யதா²பூ⁴தம் ஞாணம் ததா²க³தப³லம் அரியம் ந வத்தப்³ப³ம் – ஸுஞ்ஞதாரம்மணம்…பே… அனிமித்தாரம்மணம்…பே… அப்பணிஹிதாரம்மணந்தி? ஆமந்தா. ஸம்மப்பதா⁴னம்…பே… போ³ஜ்ஜ²ங்கா³ அரியா ந வத்தப்³பா³ – ‘‘அப்பணிஹிதாரம்மணா’’தி? ந ஹேவம் வத்தப்³பே³…பே….
360. ஸத்தானம் சுதூபபாதே யதா²பூ⁴தம் ஞாணம் ததா²க³தப³லம் அரியந்தி? ஆமந்தா. மக்³கோ³ ப²லம் நிப்³பா³னம், ஸோதாபத்திமக்³கோ³ ஸோதாபத்திப²லம்…பே… போ³ஜ்ஜ²ங்கோ³தி? ந ஹேவம் வத்தப்³பே³…பே….
ஸத்தானம் சுதூபபாதே யதா²பூ⁴தம் ஞாணம் ததா²க³தப³லம் அரியந்தி? ஆமந்தா. ஸுஞ்ஞதாரம்மணந்தி? ந ஹேவம் வத்தப்³பே³…பே… ஸுஞ்ஞாதாரம்மணந்தி? ஆமந்தா. ஸத்தானம் சுதூபபாதஞ்ச மனஸி கரோதி, ஸுஞ்ஞதஞ்ச மனஸி கரோதீதி? ந ஹேவம் வத்தப்³பே³…பே….
ஸத்தானம் சுதூபபாதஞ்ச மனஸி கரோதி, ஸுஞ்ஞதஞ்ச மனஸி கரோதீதி? ஆமந்தா. த்³வின்னம் ப²ஸ்ஸானம் த்³வின்னம் சித்தானம் ஸமோதா⁴னம் ஹோதீதி? ந ஹேவம் வத்தப்³பே³…பே….
ஸத்தானம் சுதூபபாதே யதா²பூ⁴தம் ஞாணம் ததா²க³தப³லம் அரியந்தி? ஆமந்தா. அனிமித்தாரம்மணம் அப்பணிஹிதாரம்மணந்தி? ந ஹேவம் வத்தப்³பே³…பே… அப்பணிஹிதாரம்மணந்தி? ஆமந்தா. ஸத்தானம் சுதூபபாதஞ்ச மனஸி கரோதி, அப்பணிஹிதஞ்ச மனஸி கரோதீதி? ந ஹேவம் வத்தப்³பே³…பே….
ஸத்தானம் சுதூபபாதஞ்ச மனஸி கரோதி, அப்பணிஹிதஞ்ச மனஸி கரோதீதி? ஆமந்தா. த்³வின்னம் ப²ஸ்ஸானம் த்³வின்னம் சித்தானம் ஸமோதா⁴னம் ஹோதீதி? ந ஹேவம் வத்தப்³பே³…பே….
361. ஸதிபட்டா²னா அரியா ஸுஞ்ஞதாரம்மணா…பே… அனிமித்தாரம்மணா…பே… அப்பணிஹிதாரம்மணாதி? ஆமந்தா. ஸத்தானம் சுதூபபாதே யதா²பூ⁴தம் ஞாணம் ததா²க³தப³லம் அரியம் அப்பணிஹிதாரம்மணந்தி? ந ஹேவம் வத்தப்³பே³…பே….
ஸம்மப்பதா⁴னம் …பே… போ³ஜ்ஜ²ங்கா³ அரியா ஸுஞ்ஞதாரம்மணா…பே… அனிமித்தாரம்மணா…பே… அப்பணிஹிதாரம்மணாதி? ஆமந்தா. ஸத்தானம் சுதூபபாதே யதா²பூ⁴தம் ஞாணம் ததா²க³தப³லம் அரியம் அப்பணிஹிதாரம்மணந்தி? ந ஹேவம் வத்தப்³பே³…பே….
ஸத்தானம் சுதூபபாதே யதா²பூ⁴தம் ஞாணம் ததா²க³தப³லம் அரியம் ந வத்தப்³ப³ம் – ஸுஞ்ஞதாரம்மணம்…பே… அனிமித்தாரம்மணம்…பே… அப்பணிஹிதாரம்மணந்தி? ஆமந்தா. ஸதிபட்டா²னா அரியா ந வத்தப்³பா³ – ‘‘அப்பபணிஹிதாரம்மணா’’தி? ந ஹேவம் வத்தப்³பே³…பே….
362. ஸத்தானம் சுதூபபாதே யதா²பூ⁴தம் ஞாணம் ததா²க³தப³லம் அரியம் ந வத்தப்³ப³ம் – ஸுஞ்ஞதாரம்மணம்…பே… அனிமித்தாரம்மணம்…பே… அப்பணிஹிதாரம்மணந்தி? ஆமந்தா. ஸம்மப்பதா⁴னா…பே… போ³ஜ்ஜ²ங்கா³ அரியா ந வத்தப்³பா³ – ‘‘அப்பணிஹிதாரம்மணா’’தி? ந ஹேவம் வத்தப்³பே³…பே….
ஆஸவானம் க²யே யதா²பூ⁴தம் ஞாணம் ததா²க³தப³லம் அரியந்தி? ஆமந்தா. டா²னாடா²னே யதா²பூ⁴தம் ஞாணம் ததா²க³தப³லம் அரியந்தி? ந ஹேவம் வத்தப்³பே³…பே….
ஆஸவானம் க²யே யதா²பூ⁴தம் ஞாணம் ததா²க³தப³லம் அரியந்தி? ஆமந்தா. ஸத்தானம் சுதூபபாதே யதா²பூ⁴தம் ஞாணம் ததா²க³தப³லம் அரியந்தி? ந ஹேவம் வத்தப்³பே³…பே….
டா²னாடா²னே யதா²பூ⁴தம் ஞாணம் ததா²க³தப³லம் ந வத்தப்³ப³ம் – ‘‘அரிய’’ந்தி? ஆமந்தா. ஆஸவானம் க²யே யதா²பூ⁴தம் ஞாணம் ததா²க³தப³லம் ந வத்தப்³ப³ம் – ‘‘அரிய’’ந்தி? ந ஹேவம் வத்தப்³பே³ …பே….
ஸத்தானம் சுதூபபாதே யதா²பூ⁴தம் ஞாணம் ததா²க³தப³லம் ந வத்தப்³ப³ம் – ‘‘அரிய’’ந்தி? ஆமந்தா. ஆஸவானம் க²யே யதா²பூ⁴தம் ஞாணம் ததா²க³தப³லம் ந வத்தப்³ப³ம் – ‘‘அரிய’’ந்தி? ந ஹேவம் வத்தப்³பே³…பே….
ஆஸவானம் க²யே யதா²பூ⁴தம் ஞாணம் ததா²க³தப³லம் அரியம் ஸுஞ்ஞதாரம்மணந்தி? ஆமந்தா. டா²னாடா²னே யதா²பூ⁴தம் ஞாணம் ததா²க³தப³லம் அரியம் ஸுஞ்ஞதாரம்மணந்தி? ந ஹேவம் வத்தப்³பே³…பே….
ஆஸவானம் க²யே யதா²பூ⁴தம் ஞாணம் ததா²க³தப³லம் அரியம் அனிமித்தாரம்மணம்… அப்பணிஹிதாரம்மணந்தி? ஆமந்தா. டா²னாடா²னே யதா²பூ⁴தம் ஞாணம் ததா²க³தப³லம் அரியம் அப்பணிஹிதாரம்மணந்தி? ந ஹேவம் வத்தப்³பே³…பே….
ஆஸவானம் க²யே யதா²பூ⁴தம் ஞாணம் ததா²க³தப³லம் அரியம் ஸுஞ்ஞதாரம்மணம்…பே… அனிமித்தாரம்மணம்…பே… அப்பணிஹிதாரம்மணந்தி? ஆமந்தா…பே…. ஸத்தானம் சுதூபபாதே யதா²பூ⁴தம் ஞாணம் ததா²க³தப³லம் அரியம் அப்பணிஹிதாரம்மணந்தி? ந ஹேவம் வத்தப்³பே³…பே….
டா²னாடா²னே யதா²பூ⁴தம் ஞாணம் ததா²க³தப³லம் அரியம் ந வத்தப்³ப³ம் – ‘‘ஸுஞ்ஞதாரம்மண’’ந்தி? ஆமந்தா. ஆஸவானம் க²யே யதா²பூ⁴தம் ஞாணம் ததா²க³தப³லம் அரியம் ந வத்தப்³ப³ம் – ‘‘ஸுஞ்ஞதாரம்மண’’ந்தி? ந ஹேவம் வத்தப்³பே³…பே….
டா²னாடா²னே யதா²பூ⁴தம் ஞாணம் ததா²க³தப³லம் அரியம் ந வத்தப்³ப³ம் – அனிமித்தாரம்மணம்… அப்பணிஹிதாரம்மணந்தி? ஆமந்தா. ஆஸவானம் க²யே யதா²பூ⁴தம் ஞாணம் ததா²க³தப³லம் அரியம் ந வத்தப்³ப³ம் – ‘‘அப்பணிஹிதாரம்மண’’ந்தி? ந ஹேவம் வத்தப்³பே³…பே….
ஸத்தானம் சுதூபபாதே யதா²பூ⁴தம் ஞாணம் ததா²க³தப³லம் அரியம் ந வத்தப்³ப³ம் – ஸுஞ்ஞதாரம்மணம்…பே… அனிமித்தாரம்மணம்…பே… அப்பணிஹிதாரம்மணந்தி? ஆமந்தா. ஆஸவானம் க²யே யதா²பூ⁴தம் ஞாணம் ததா²க³தப³லம் அரியம் ந வத்தப்³ப³ம் – ‘‘அப்பணிஹிதாரம்மண’’ந்தி? ந ஹேவம் வத்தப்³பே³…பே….
அரியந்திகதா² நிட்டி²தா.
3. ததியவக்³கோ³
(23) 3. விமுத்திகதா²
363. ஸராக³ம் சித்தம் விமுச்சதீதி? ஆமந்தா. ராக³ஸஹக³தம் ராக³ஸஹஜாதம் ராக³ஸம்ஸட்ட²ம் ராக³ஸம்பயுத்தம் ராக³ஸஹபு⁴ ராகா³னுபரிவத்தி அகுஸலம் லோகியம் ஸாஸவம் ஸம்யோஜனியம் க³ந்த²னியம் ஓக⁴னியம் யோக³னியம் நீவரணியம் பராமட்ட²ம் உபாதா³னியம் ஸம்கிலேஸியம் சித்தம் விமுச்சதீதி? ந ஹேவம் வத்தப்³பே³…பே….
ஸப²ஸ்ஸம் சித்தம் விமுச்சதி, ப²ஸ்ஸோ ச சித்தஞ்ச உபோ⁴ விமுச்சந்தீதி? ஆமந்தா. ஸராக³ம் சித்தம் விமுச்சதி, ராகோ³ ச சித்தஞ்ச உபோ⁴ விமுச்சந்தீதி? ந ஹேவம் வத்தப்³பே³…பே….
ஸவேத³னம்…பே… ஸஸஞ்ஞம்…பே… ஸசேதனம்…பே… ஸபஞ்ஞம் [ஸஸஞ்ஞம் (ஸீ. க.)] சித்தம் விமுச்சதி, பஞ்ஞா ச சித்தஞ்ச உபோ⁴ விமுச்சந்தீதி? ஆமந்தா. ஸராக³ம் சித்தம் விமுச்சதி, ராகோ³ ச சித்தஞ்ச உபோ⁴ விமுச்சந்தீதி? ந ஹேவம் வத்தப்³பே³…பே….
ஸப²ஸ்ஸம் ஸராக³ம் சித்தம் விமுச்சதி, ப²ஸ்ஸோ ச சித்தஞ்ச உபோ⁴ விமுச்சந்தீதி? ஆமந்தா. ராகோ³ ச சித்தஞ்ச உபோ⁴ விமுச்சந்தீதி? ந ஹேவம் வத்தப்³பே³…பே….
ஸவேத³னம் ஸராக³ம்…பே… ஸஸஞ்ஞம் ஸராக³ம்…பே… ஸசேதனம் ஸராக³ம்…பே… ஸபஞ்ஞம் ஸராக³ம் சித்தம் விமுச்சதி, பஞ்ஞா ச சித்தஞ்ச உபோ⁴ விமுச்சந்தீதி? ஆமந்தா. ராகோ³ ச சித்தஞ்ச உபோ⁴ விமுச்சந்தீதி? ந ஹேவம் வத்தப்³பே³…பே….
364. ஸதோ³ஸம் சித்தம் விமுச்சதீதி? ஆமந்தா. தோ³ஸஸஹக³தம் தோ³ஸஸஹஜாதம் தோ³ஸஸம்ஸட்ட²ம் தோ³ஸஸம்பயுத்தம் தோ³ஸஸஹபு⁴ தோ³ஸானுபரிவத்தி அகுஸலம் லோகியம் ஸாஸவம்…பே… ஸம்கிலேஸியம் சித்தம் விமுச்சதீதி? ந ஹேவம் வத்தப்³பே³…பே….
ஸப²ஸ்ஸம் சித்தம் விமுச்சதி, ப²ஸ்ஸோ ச சித்தஞ்ச உபோ⁴ விமுச்சந்தீதி? ஆமந்தா. ஸதோ³ஸம் சித்தம் விமுச்சதி, தோ³ஸோ ச சித்தஞ்ச உபோ⁴ விமுச்சந்தீதி? ந ஹேவம் வத்தப்³பே³…பே….
ஸவேத³னம்…பே… ஸஸஞ்ஞம்…பே… ஸசேதனம்…பே… ஸபஞ்ஞம் சித்தம் விமுச்சதி, பஞ்ஞா ச சித்தஞ்ச உபோ⁴ விமுச்சந்தீதி? ஆமந்தா. ஸதோ³ஸம் சித்தம் விமுச்சதி, தோ³ஸோ ச சித்தஞ்ச உபோ⁴ விமுச்சந்தீதி? ந ஹேவம் வத்தப்³பே³…பே….
ஸப²ஸ்ஸம் ஸதோ³ஸம் சித்தம் விமுச்சதி, ப²ஸ்ஸோ ச சித்தஞ்ச உபோ⁴ விமுச்சந்தீதி? ஆமந்தா. ஸதோ³ஸம் சித்தம் விமுச்சதி, தோ³ஸோ ச சித்தஞ்ச உபோ⁴ விமுச்சந்தீதி? ந ஹேவம் வத்தப்³பே³…பே….
ஸவேத³னம் ஸதோ³ஸம்… ஸஸஞ்ஞம் ஸதோ³ஸம்… ஸசேதனம் ஸதோ³ஸம்… ஸபஞ்ஞம் ஸதோ³ஸம் சித்தம் விமுச்சதி, பஞ்ஞா ச சித்தஞ்ச உபோ⁴ விமுச்சந்தீதி? ஆமந்தா. தோ³ஸோ ச சித்தஞ்ச உபோ⁴ விமுச்சந்தீதி? ந ஹேவம் வத்தப்³பே³…பே….
365. ஸமோஹம் சித்தம் விமுச்சதீதி? ஆமந்தா. மோஹஸஹக³தம் மோஹஸஹஜாதம் மோஹஸம்ஸட்ட²ம் மோஹஸம்பயுத்தம் மோஹஸஹபு⁴ மோஹானுபரிவத்தி அகுஸலம் லோகியம் ஸாஸவம்…பே… ஸம்கிலேஸியம் சித்தம் விமுச்சதீதி? ந ஹேவம் வத்தப்³பே³…பே….
ஸப²ஸ்ஸம் சித்தம் விமுச்சதி, ப²ஸ்ஸோ ச சித்தஞ்ச உபோ⁴ விமுச்சந்தீதி? ஆமந்தா. ஸமோஹம் சித்தம் விமுச்சதி, மோஹோ ச சித்தஞ்ச உபோ⁴ விமுச்சந்தீதி? ந ஹேவம் வத்தப்³பே³…பே….
ஸவேத³னம் … ஸஸஞ்ஞம்… ஸசேதனம்… ஸபஞ்ஞம் சித்தம் விமுச்சதி, பஞ்ஞா ச சித்தஞ்ச உபோ⁴ விமுச்சந்தீதி? ஆமந்தா. ஸமோஹம் சித்தம் விமுச்சதி, மோஹோ ச சித்தஞ்ச உபோ⁴ விமுச்சந்தீதி? ந ஹேவம் வத்தப்³பே³…பே….
ஸப²ஸ்ஸம் ஸமோஹம் சித்தம் விமுச்சதி, ப²ஸ்ஸோ ச சித்தஞ்ச உபோ⁴ விமுச்சந்தீதி? ஆமந்தா. மோஹோ ச சித்தஞ்ச உபோ⁴ விமுச்சந்தீதி? ந ஹேவம் வத்தப்³பே³…பே….
ஸவேத³னம் ஸமோஹம்… ஸஸஞ்ஞம் ஸமோஹம்… ஸசேதனம் ஸமோஹம்…பே… ஸபஞ்ஞம் ஸமோஹம் சித்தம் விமுச்சதி, பஞ்ஞா ச சித்தஞ்ச உபோ⁴ விமுச்சந்தீதி? ஆமந்தா. மோஹோ ச சித்தஞ்ச உபோ⁴ விமுச்சந்தீதி? ந ஹேவம் வத்தப்³பே³…பே….
ஸராக³ம் ஸதோ³ஸம் ஸமோஹம் சித்தம் விமுச்சதீதி? ஆமந்தா. வீதராக³ம் வீததோ³ஸம் வீதமோஹம் நிக்கிலேஸம் சித்தம் விமுச்சதீதி? ந ஹேவம் வத்தப்³பே³…பே… தேன ஹி ந வத்தப்³ப³ம் – ‘‘ஸராக³ம் ஸதோ³ஸம் ஸமோஹம் சித்தம் விமுச்சதீ’’தி.
விமுத்திகதா² நிட்டி²தா.
3. ததியவக்³கோ³
(24) 4. விமுச்சமானகதா²
366. விமுத்தம் விமுச்சமானந்தி? ஆமந்தா. ஏகதே³ஸம் விமுத்தம், ஏகதே³ஸம் அவிமுத்தந்தி? ந ஹேவம் வத்தப்³பே³…பே….
ஏகதே³ஸம் விமுத்தம், ஏகதே³ஸம் அவிமுத்தந்தி? ஆமந்தா. ஏகதே³ஸம் ஸோதாபன்னோ, ஏகதே³ஸம் ந ஸோதாபன்னோ, ஏகதே³ஸம் ஸோதாபத்திப²லப்பத்தோ படிலத்³தோ⁴ அதி⁴க³தோ ஸச்சி²கதோ உபஸம்பஜ்ஜ விஹரதி, காயேன பு²ஸித்வா விஹரதி, ஏகதே³ஸம் ந காயேன பு²ஸித்வா விஹரதி, ஏகதே³ஸம் ஸத்தக்க²த்துபரமோ கோலங்கோலோ ஏகபீ³ஜீ பு³த்³தே⁴ அவேச்சப்பஸாதே³ன ஸமன்னாக³தோ த⁴ம்மே…பே… ஸங்கே⁴…பே… அரியகந்தேஹி ஸீலேஹி ஸமன்னாக³தோ, ஏகதே³ஸம் அரியகந்தேஹி ஸீலேஹி ந ஸமன்னாக³தோதி? ந ஹேவம் வத்தப்³பே³…பே….
ஏகதே³ஸம் விமுத்தம், ஏகதே³ஸம் அவிமுத்தந்தி? ஆமந்தா. ஏகதே³ஸம் ஸகதா³கா³மீ, ஏகதே³ஸம் ந ஸகதா³கா³மீ, ஏகதே³ஸம் ஸகதா³கா³மிப²லப்பத்தோ படிலத்³தோ⁴ அதி⁴க³தோ ஸச்சி²கதோ உபஸம்பஜ்ஜ விஹரதி, காயேன பு²ஸித்வா விஹரதி, ஏகதே³ஸம் ந காயேன பு²ஸித்வா விஹரதீதி? ந ஹேவம் வத்தப்³பே³…பே….
ஏகதே³ஸம் விமுத்தம், ஏகதே³ஸம் அவிமுத்தந்தி? ஆமந்தா. ஏகதே³ஸம் அனாகா³மீ, ஏகதே³ஸம் ந அனாகா³மீ, ஏகதே³ஸம் அனாகா³மிப²லப்பத்தோ படிலத்³தோ⁴ அதி⁴க³தோ ஸச்சி²கதோ உபஸம்பஜ்ஜ விஹரதி, காயேன பு²ஸித்வா விஹரதி, ஏகதே³ஸம் ந காயேன பு²ஸித்வா விஹரதி, ஏகதே³ஸம் அந்தராபரினிப்³பா³யீ, உபஹச்சபரினிப்³பா³யீ, அஸங்கா²ரபரினிப்³பா³யீ, ஸஸங்கா²ரபரினிப்³பா³யீ, உத்³த⁴ம்ஸோதோஅகனிட்ட²கா³மீ, ஏகதே³ஸம் ந உத்³த⁴ம்ஸோதோஅகனிட்ட²கா³மீதி? ந ஹேவம் வத்தப்³பே³…பே….
ஏகதே³ஸம் விமுத்தம், ஏகதே³ஸம் அவிமுத்தந்தி? ஆமந்தா. ஏகதே³ஸம் அரஹா ஏகதே³ஸம் ந அரஹா, ஏகதே³ஸம் அரஹத்தப்பத்தோ படிலத்³தோ⁴ அதி⁴க³தோ ஸச்சி²கதோ உபஸம்பஜ்ஜ விஹரதி, காயேன பு²ஸித்வா விஹரதி, ஏகதே³ஸம் ந காயேன பு²ஸித்வா விஹரதி, ஏகதே³ஸம் வீதராகோ³ வீததோ³ஸோ வீதமோஹோ…பே… ஏகதே³ஸம் ஸச்சி²காதப்³ப³ம் ஸச்சி²கதம், ஏகதே³ஸம் ஸச்சி²காதப்³ப³ம் ந ஸச்சி²கதந்தி? ந ஹேவம் வத்தப்³பே³…பே….
விமுத்தம் விமுச்சமானந்தி? ஆமந்தா. உப்பாத³க்க²ணே விமுத்தம், ப⁴ங்க³க்க²ணே விமுச்சமானந்தி? ந ஹேவம் வத்தப்³பே³…பே….
367. ந வத்தப்³ப³ம் – ‘‘விமுத்தம் விமுச்சமான’’ந்தி? ஆமந்தா. நனு வுத்தம் ப⁴க³வதா – ‘‘தஸ்ஸ ஏவம் ஜானதோ ஏவம் பஸ்ஸதோ காமாஸவாபி சித்தம் விமுச்சதி, ப⁴வாஸவாபி சித்தம் விமுச்சதி, அவிஜ்ஜாஸவாபி சித்தம் விமுச்சதீ’’தி [தீ³. நி. 1.248 ஆத³யோ]! அத்தே²வ ஸுத்தந்தோதி? ஆமந்தா. தேன ஹி வத்தப்³ப³ம் [தேன ஹி (ஸீ. ஸ்யா. கம்.), தேன ஹி ந வத்தப்³ப³ம் (க.)] – ‘‘விமுத்தம் விமுச்சமான’’ந்தி.
விமுத்தம் விமுச்சமானந்தி? ஆமந்தா. நனு வுத்தம் ப⁴க³வதா – ‘‘ஸோ ஏவம் ஸமாஹிதே சித்தே பரிஸுத்³தே⁴ பரியோதா³தே அனங்க³ணே விக³தூபக்கிலேஸே முது³பூ⁴தே கம்மனியே டி²தே ஆனேஞ்ஜப்பத்தே ஆஸவானம் க²யஞாணாய சித்தம் அபி⁴னின்னாமேதீ’’தி! அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘விமுத்தம் விமுச்சமான’’ந்தி.
அத்தி² சித்தம் விமுச்சமானந்தி? ஆமந்தா. அத்தி² சித்தம் ரஜ்ஜமானம் து³ஸ்ஸமானம் முய்ஹமானம் கிலிஸ்ஸமானந்தி? ந ஹேவம் வத்தப்³பே³…பே… நனு ரத்தஞ்சேவ அரத்தஞ்ச, து³ட்ட²ஞ்சேவ அது³ட்ட²ஞ்ச, மூள்ஹஞ்சேவ அமூள்ஹஞ்ச, சி²ன்னஞ்சேவ அசி²ன்னஞ்ச, பி⁴ன்னஞ்சேவ அபி⁴ன்னஞ்ச, கதஞ்சேவ அகதஞ்சாதி? ஆமந்தா. ஹஞ்சி ரத்தஞ்சேவ அரத்தஞ்ச, து³ட்ட²ஞ்சேவ அது³ட்ட²ஞ்ச, மூள்ஹஞ்சேவ அமூள்ஹஞ்ச, சி²ன்னஞ்சேவ அசி²ன்னஞ்ச, பி⁴ன்னஞ்சேவ அபி⁴ன்னஞ்ச, கதஞ்சேவ அகதஞ்ச, நோ ச வத ரே வத்தப்³பே³ – ‘‘அத்தி² சித்தம் விமுச்சமான’’ந்தி.
விமுச்சமானகதா² நிட்டி²தா.
3. ததியவக்³கோ³
(25) 5. அட்ட²மககதா²
368. அட்ட²மகஸ்ஸ புக்³க³லஸ்ஸ தி³ட்டி²பரியுட்டா²னம் பஹீனந்தி? ஆமந்தா. அட்ட²மகோ புக்³க³லோ ஸோதாபன்னோ ஸோதாபத்திப²லப்பத்தோ படிலத்³தோ⁴ அதி⁴க³தோ ஸச்சி²கதோ உபஸம்பஜ்ஜ விஹரதி, காயேன பு²ஸித்வா விஹரதீதி? ந ஹேவம் வத்தப்³பே³…பே….
அட்ட²மகஸ்ஸ புக்³க³லஸ்ஸ விசிகிச்சா²பரியுட்டா²னம் பஹீனந்தி? ஆமந்தா. அட்ட²மகோ புக்³க³லோ ஸோதாபன்னோ ஸோதாபத்திப²லப்பத்தோ…பே… காயேன பு²ஸித்வா விஹரதீதி? ந ஹேவம் வத்தப்³பே³…பே….
அட்ட²மகஸ்ஸ புக்³க³லஸ்ஸ தி³ட்டி²பரியுட்டா²னம் பஹீனந்தி? ஆமந்தா. அட்ட²மகஸ்ஸ புக்³க³லஸ்ஸ தி³ட்டா²னுஸயோ பஹீனோதி? ந ஹேவம் வத்தப்³பே³…பே… அட்ட²மகஸ்ஸ புக்³க³லஸ்ஸ தி³ட்டி²பரியுட்டா²னம் பஹீனந்தி? ஆமந்தா. அட்ட²மகஸ்ஸ புக்³க³லஸ்ஸ விசிகிச்சா²னுஸயோ… ஸீலப்³ப³தபராமாஸோ பஹீனோதி? ந ஹேவம் வத்தப்³பே³…பே….
அட்ட²மகஸ்ஸ புக்³க³லஸ்ஸ விசிகிச்சா²பரியுட்டா²னம் பஹீனந்தி? ஆமந்தா. அட்ட²மகஸ்ஸ புக்³க³லஸ்ஸ விசிகிச்சா²னுஸயோ பஹீனோதி? ந ஹேவம் வத்தப்³பே³…பே… அட்ட²மகஸ்ஸ புக்³க³லஸ்ஸ விசிகிச்சா²பரியுட்டா²னம் பஹீனந்தி? ஆமந்தா. அட்ட²மகஸ்ஸ புக்³க³லஸ்ஸ தி³ட்டா²னுஸயோ… ஸீலப்³ப³தபராமாஸோ பஹீனோதி? ந ஹேவம் வத்தப்³பே³…பே….
அட்ட²மகஸ்ஸ புக்³க³லஸ்ஸ தி³ட்டா²னுஸயோ அப்பஹீனோதி? ஆமந்தா. அட்ட²மகஸ்ஸ புக்³க³லஸ்ஸ தி³ட்டி²பரியுட்டா²னம் அப்பஹீனந்தி? ந ஹேவம் வத்தப்³பே³…பே… அட்ட²மகஸ்ஸ புக்³க³லஸ்ஸ தி³ட்டா²னுஸயோ அப்பஹீனோதி? ஆமந்தா. அட்ட²மகஸ்ஸ புக்³க³லஸ்ஸ விசிகிச்சா²பரியுட்டா²னம் அப்பஹீனந்தி? ந ஹேவம் வத்தப்³பே³…பே….
அட்ட²மகஸ்ஸ புக்³க³லஸ்ஸ விசிகிச்சா²னுஸயோ… ஸீலப்³ப³தபராமாஸோ அப்பஹீனோதி? ஆமந்தா. அட்ட²மகஸ்ஸ புக்³க³லஸ்ஸ தி³ட்டி²பரியுட்டா²னம் அப்பஹீனந்தி? ந ஹேவம் வத்தப்³பே³…பே… அட்ட²மகஸ்ஸ புக்³க³லஸ்ஸ ஸீலப்³ப³தபராமாஸோ அப்பஹீனோதி? ஆமந்தா. அட்ட²மகஸ்ஸ புக்³க³லஸ்ஸ விசிகிச்சா²பரியுட்டா²னம் அப்பஹீனந்தி? ந ஹேவம் வத்தப்³பே³…பே….
369. அட்ட²மகஸ்ஸ புக்³க³லஸ்ஸ தி³ட்டி²பரியுட்டா²னம் பஹீனந்தி? ஆமந்தா. அட்ட²மகஸ்ஸ புக்³க³லஸ்ஸ தி³ட்டி²பரியுட்டா²னபஹானாய மக்³கோ³ பா⁴விதோதி? ந ஹேவம் வத்தப்³பே³…பே… அட்ட²மகஸ்ஸ புக்³க³லஸ்ஸ தி³ட்டி²பரியுட்டா²னம் பஹீனந்தி? ஆமந்தா. அட்ட²மகஸ்ஸ புக்³க³லஸ்ஸ தி³ட்டி²பரியுட்டா²னபஹானாய ஸதிபட்டா²னா பா⁴விதா…பே… ஸம்மப்பதா⁴னா…பே… போ³ஜ்ஜ²ங்கா³ பா⁴விதாதி? ந ஹேவம் வத்தப்³பே³.
அட்ட²மகஸ்ஸ புக்³க³லஸ்ஸ விசிகிச்சா²பரியுட்டா²னம் பஹீனந்தி? ஆமந்தா. அட்ட²மகஸ்ஸ புக்³க³லஸ்ஸ விசிகிச்சா²பரியுட்டா²னபஹானாய மக்³கோ³ பா⁴விதோ…பே… போ³ஜ்ஜ²ங்கா³ பா⁴விதாதி? ந ஹேவம் வத்தப்³பே³…பே….
அட்ட²மகஸ்ஸ புக்³க³லஸ்ஸ தி³ட்டி²பரியுட்டா²னபஹானாய மக்³கோ³ அபா⁴விதோதி? ஆமந்தா. அமக்³கே³ன பஹீனம் லோகியேன ஸாஸவேன…பே… ஸம்கிலேஸியேனாதி? ந ஹேவம் வத்தப்³பே³…பே… அட்ட²மகஸ்ஸ புக்³க³லஸ்ஸ தி³ட்டி²பரியுட்டா²னபஹானாய ஸதிபட்டா²னா…பே… போ³ஜ்ஜ²ங்கா³ அபா⁴விதாதி? ஆமந்தா. அமக்³கே³ன பஹீனம் லோகியேன ஸாஸவேன…பே… ஸம்கிலேஸியேனாதி? ந ஹேவம் வத்தப்³பே³…பே….
அட்ட²மகஸ்ஸ புக்³க³லஸ்ஸ விசிகிச்சா²பரியுட்டா²னபஹானாய மக்³கோ³ அபா⁴விதோ…பே… ஸதிபட்டா²னா…பே… போ³ஜ்ஜ²ங்கா³ அபா⁴விதாதி? ஆமந்தா. அமக்³கே³ன பஹீனம் லோகியேன ஸாஸவேன…பே… ஸம்கிலேஸியேனாதி? ந ஹேவம் வத்தப்³பே³…பே….
370. ந வத்தப்³ப³ம் – ‘‘அட்ட²மகஸ்ஸ புக்³க³லஸ்ஸ தி³ட்டி²பரியுட்டா²னம் பஹீன’’ந்தி? ஆமந்தா. உப்பஜ்ஜிஸ்ஸதீதி? நுப்பஜ்ஜிஸ்ஸதி. ஹஞ்சி நுப்பஜ்ஜிஸ்ஸதி, தேன வத ரே வத்தப்³பே³ – ‘‘அட்ட²மகஸ்ஸ புக்³க³லஸ்ஸ தி³ட்டி²பரியுட்டா²னம் பஹீன’’ந்தி.
ந வத்தப்³ப³ம் – ‘‘அட்ட²மகஸ்ஸ புக்³க³லஸ்ஸ விசிகிச்சா²பரியுட்டா²னம் பஹீன’’ந்தி? ஆமந்தா. உப்பஜ்ஜிஸ்ஸதீதி? நுப்பஜ்ஜிஸ்ஸதி. ஹஞ்சி நுப்பஜ்ஜிஸ்ஸதி, தேன வத ரே வத்தப்³பே³ – ‘‘அட்ட²மகஸ்ஸ புக்³க³லஸ்ஸ விசிகிச்சா²பரியுட்டா²னம் பஹீன’’ந்தி.
அட்ட²மகஸ்ஸ புக்³க³லஸ்ஸ தி³ட்டி²பரியுட்டா²னம் நுப்பஜ்ஜிஸ்ஸதீதி கத்வா பஹீனந்தி? ஆமந்தா. அட்ட²மகஸ்ஸ புக்³க³லஸ்ஸ தி³ட்டா²னுஸயோ நுப்பஜ்ஜிஸ்ஸதீதி கத்வா பஹீனோதி? ந ஹேவம் வத்தப்³பே³…பே….
அட்ட²மகஸ்ஸ புக்³க³லஸ்ஸ தி³ட்டி²பரியுட்டா²னம் நுப்பஜ்ஜிஸ்ஸதீதி கத்வா பஹீனந்தி? ஆமந்தா. அட்ட²மகஸ்ஸ புக்³க³லஸ்ஸ விசிகிச்சா²னுஸயோ… ஸீலப்³ப³தபராமாஸோ நுப்பஜ்ஜிஸ்ஸதீதி கத்வா பஹீனோதி? ந ஹேவம் வத்தப்³பே³…பே….
அட்ட²மகஸ்ஸ புக்³க³லஸ்ஸ விசிகிச்சா²பரியுட்டா²னம் நுப்பஜ்ஜிஸ்ஸதீதி கத்வா பஹீனந்தி? ஆமந்தா. அட்ட²மகஸ்ஸ புக்³க³லஸ்ஸ விசிகிச்சா²னுஸயோ… ஸீலப்³ப³தபராமாஸோ நுப்பஜ்ஜிஸ்ஸதீதி கத்வா பஹீனோதி? ந ஹேவம் வத்தப்³பே³…பே….
அட்ட²மகஸ்ஸ புக்³க³லஸ்ஸ தி³ட்டி²பரியுட்டா²னம் நுப்பஜ்ஜிஸ்ஸதீதி கத்வா பஹீனந்தி? ஆமந்தா. கோ³த்ரபு⁴னோ புக்³க³லஸ்ஸ தி³ட்டி²பரியுட்டா²னம் நுப்பஜ்ஜிஸ்ஸதீதி கத்வா பஹீனந்தி? ந ஹேவம் வத்தப்³பே³…பே… அட்ட²மகஸ்ஸ புக்³க³லஸ்ஸ விசிகிச்சா²பரியுட்டா²னம் நுப்பஜ்ஜிஸ்ஸதீதி கத்வா பஹீனந்தி? ஆமந்தா. கோ³த்ரபு⁴னோ புக்³க³லஸ்ஸ விசிகிச்சா²பரியுட்டா²னம் நுப்பஜ்ஜிஸ்ஸதீதி கத்வா பஹீனந்தி? ந ஹேவம் வத்தப்³பே³…பே….
அட்ட²மககதா² நிட்டி²தா.
3. ததியவக்³கோ³
(26) 6. அட்ட²மகஸ்ஸஇந்த்³ரியகதா²
371. அட்ட²மகஸ்ஸ புக்³க³லஸ்ஸ நத்தி² ஸத்³தி⁴ந்த்³ரியந்தி? ஆமந்தா. அட்ட²மகஸ்ஸ புக்³க³லஸ்ஸ நத்தி² ஸத்³தா⁴தி? ந ஹேவம் வத்தப்³பே³. அட்ட²மகஸ்ஸ புக்³க³லஸ்ஸ நத்தி² வீரியிந்த்³ரியம்…பே… நத்தி² ஸதிந்த்³ரியம்…பே… நத்தி² ஸமாதி⁴ந்த்³ரியம்…பே… நத்தி² பஞ்ஞிந்த்³ரியந்தி? ஆமந்தா. அட்ட²மகஸ்ஸ புக்³க³லஸ்ஸ நத்தி² பஞ்ஞாதி? ந ஹேவம் வத்தப்³பே³…பே….
அட்ட²மகஸ்ஸ புக்³க³லஸ்ஸ அத்தி² ஸத்³தா⁴தி? ஆமந்தா. அட்ட²மகஸ்ஸ புக்³க³லஸ்ஸ அத்தி² ஸத்³தி⁴ந்த்³ரியந்தி? ந ஹேவம் வத்தப்³பே³…பே… அட்ட²மகஸ்ஸ புக்³க³லஸ்ஸ அத்தி² வீரியம்…பே… அத்தி² ஸதி… அத்தி² ஸமாதி⁴… அத்தி² பஞ்ஞாதி? ஆமந்தா. அட்ட²மகஸ்ஸ புக்³க³லஸ்ஸ அத்தி² பஞ்ஞிந்த்³ரியந்தி? ந ஹேவம் வத்தப்³பே³…பே….
அட்ட²மகஸ்ஸ புக்³க³லஸ்ஸ அத்தி² மனோ, அத்தி² மனிந்த்³ரியந்தி? ஆமந்தா. அட்ட²மகஸ்ஸ புக்³க³லஸ்ஸ அத்தி² ஸத்³தா⁴, அத்தி² ஸத்³தி⁴ந்த்³ரியந்தி? ந ஹேவம் வத்தப்³பே³…பே… அட்ட²மகஸ்ஸ புக்³க³லஸ்ஸ அத்தி² மனோ, அத்தி² மனிந்த்³ரியந்தி? ஆமந்தா. அட்ட²மகஸ்ஸ புக்³க³லஸ்ஸ அத்தி² பஞ்ஞா, அத்தி² பஞ்ஞிந்த்³ரியந்தி? ந ஹேவம் வத்தப்³பே³…பே….
அட்ட²மகஸ்ஸ புக்³க³லஸ்ஸ அத்தி² ஸோமனஸ்ஸம், அத்தி² ஸோமனஸ்ஸிந்த்³ரியம், அத்தி² ஜீவிதம், அத்தி² ஜீவிதிந்த்³ரியந்தி? ஆமந்தா. அட்ட²மகஸ்ஸ புக்³க³லஸ்ஸ அத்தி² ஸத்³தா⁴, அத்தி² ஸத்³தி⁴ந்த்³ரியந்தி? ந ஹேவம் வத்தப்³பே³…பே… அட்ட²மகஸ்ஸ புக்³க³லஸ்ஸ அத்தி² ஜீவிதம், அத்தி² ஜீவிதிந்த்³ரியந்தி? ஆமந்தா. அட்ட²மகஸ்ஸ புக்³க³லஸ்ஸ…பே… அத்தி² பஞ்ஞா, அத்தி² பஞ்ஞிந்த்³ரியந்தி? ந ஹேவம் வத்தப்³பே³…பே….
அட்ட²மகஸ்ஸ புக்³க³லஸ்ஸ அத்தி² ஸத்³தா⁴, நத்தி² ஸத்³தி⁴ந்த்³ரியந்தி? ஆமந்தா. அட்ட²மகஸ்ஸ புக்³க³லஸ்ஸ அத்தி² மனோ, நத்தி² மனிந்த்³ரியந்தி? ந ஹேவம் வத்தப்³பே³…பே….
அட்ட²மகஸ்ஸ புக்³க³லஸ்ஸ அத்தி² ஸத்³தா⁴, நத்தி² ஸத்³தி⁴ந்த்³ரியந்தி? ஆமந்தா. அட்ட²மகஸ்ஸ புக்³க³லஸ்ஸ அத்தி² ஸோமனஸ்ஸம், நத்தி² ஸோமனஸ்ஸிந்த்³ரியந்தி…பே… அத்தி² ஜீவிதம், நத்தி² ஜீவிதிந்த்³ரியந்தி? ந ஹேவம் வத்தப்³பே³…பே… அட்ட²மகஸ்ஸ புக்³க³லஸ்ஸ அத்தி² பஞ்ஞா, நத்தி² பஞ்ஞிந்த்³ரியந்தி? ஆமந்தா. அட்ட²மகஸ்ஸ புக்³க³லஸ்ஸ அத்தி² மனோ, நத்தி² மனிந்த்³ரியந்தி? அத்தி² ஸோமனஸ்ஸம், நத்தி² ஸோமனஸ்ஸிந்த்³ரியந்தி? அத்தி² ஜீவிதம், நத்தி² ஜீவிதிந்த்³ரியந்தி? ந ஹேவம் வத்தப்³பே³…பே….
அட்ட²மகஸ்ஸ புக்³க³லஸ்ஸ நத்தி² ஸத்³தி⁴ந்த்³ரியந்தி? ஆமந்தா. அட்ட²மகோ புக்³க³லோ அஸ்ஸத்³தோ⁴தி? ந ஹேவம் வத்தப்³பே³…பே… அட்ட²மகஸ்ஸ புக்³க³லஸ்ஸ நத்தி² வீரியிந்த்³ரியந்தி? ஆமந்தா. அட்ட²மகோ புக்³க³லோ குஸீதோ ஹீனவீரியோதி? ந ஹேவம் வத்தப்³பே³…பே… அட்ட²மகஸ்ஸ புக்³க³லஸ்ஸ நத்தி² ஸதிந்த்³ரியந்தி? ஆமந்தா. அட்ட²மகோ புக்³க³லோ முட்ட²ஸ்ஸதி அஸம்பஜானோதி? ந ஹேவம் வத்தப்³பே³…பே… அட்ட²மகஸ்ஸ புக்³க³லஸ்ஸ நத்தி² ஸமாதி⁴ந்த்³ரியந்தி? ஆமந்தா. அட்ட²மகோ புக்³க³லோ அஸமாஹிதோ விப்³ப⁴ந்தசித்தோதி? ந ஹேவம் வத்தப்³பே³…பே… அட்ட²மகஸ்ஸ புக்³க³லஸ்ஸ நத்தி² பஞ்ஞிந்த்³ரியந்தி? ஆமந்தா. அட்ட²மகோ புக்³க³லோ து³ப்பஞ்ஞோ ஏலமூகோ³தி? ந ஹேவம் வத்தப்³பே³…பே….
அட்ட²மகஸ்ஸ புக்³க³லஸ்ஸ அத்தி² ஸத்³தா⁴, ஸா ச ஸத்³தா⁴ நிய்யானிகாதி? ஆமந்தா. ஹஞ்சி அட்ட²மகஸ்ஸ புக்³க³லஸ்ஸ அத்தி² ஸத்³தா⁴, ஸா ச ஸத்³தா⁴ நிய்யானிகா, நோ ச வத ரே வத்தப்³பே³ – ‘‘அட்ட²மகஸ்ஸ புக்³க³லஸ்ஸ நத்தி² ஸத்³தி⁴ந்த்³ரிய’’ந்தி. அட்ட²மகஸ்ஸ புக்³க³லஸ்ஸ அத்தி² வீரியம், தஞ்ச வீரியம் நிய்யானிகம்; அத்தி² ஸதி, ஸா ச ஸதி நிய்யானிகா; அத்தி² ஸமாதி⁴, ஸோ ச ஸமாதி⁴ நிய்யானிகோ; அத்தி² பஞ்ஞா, ஸா ச பஞ்ஞா நிய்யானிகாதி? ஆமந்தா. ஹஞ்சி அட்ட²மகஸ்ஸ புக்³க³லஸ்ஸ அத்தி² பஞ்ஞா, ஸா ச பஞ்ஞா நிய்யானிகா, நோ ச வத ரே வத்தப்³பே³ – ‘‘அட்ட²மகஸ்ஸ புக்³க³லஸ்ஸ நத்தி² பஞ்ஞிந்த்³ரிய’’ந்தி.
372. ஸகதா³கா³மிப²லஸச்சி²கிரியாய படிபன்னஸ்ஸ புக்³க³லஸ்ஸ அத்தி² ஸத்³தா⁴, அத்தி² ஸத்³தி⁴ந்த்³ரியந்தி? ஆமந்தா. அட்ட²மகஸ்ஸ புக்³க³லஸ்ஸ அத்தி² ஸத்³தா⁴, அத்தி² ஸத்³தி⁴ந்த்³ரியந்தி? ந ஹேவம் வத்தப்³பே³…பே… ஸகதா³கா³மிப²லஸச்சி²கிரியாய படிபன்னஸ்ஸ புக்³க³லஸ்ஸ அத்தி² பஞ்ஞா, அத்தி² பஞ்ஞிந்த்³ரியந்தி? ஆமந்தா. அட்ட²மகஸ்ஸ புக்³க³லஸ்ஸ அத்தி² பஞ்ஞா, அத்தி² பஞ்ஞிந்த்³ரியந்தி? ந ஹேவம் வத்தப்³பே³…பே….
அனாகா³மிப²லஸச்சி²கிரியாய படிபன்னஸ்ஸ புக்³க³லஸ்ஸ… அரஹத்தஸச்சி²கிரியாய படிபன்னஸ்ஸ புக்³க³லஸ்ஸ அத்தி² ஸத்³தா⁴, அத்தி² ஸத்³தி⁴ந்த்³ரியம்…பே… அத்தி² பஞ்ஞா, அத்தி² பஞ்ஞிந்த்³ரியந்தி? ஆமந்தா. அட்ட²மகஸ்ஸ புக்³க³லஸ்ஸ அத்தி² பஞ்ஞா, அத்தி² பஞ்ஞிந்த்³ரியந்தி? ந ஹேவம் வத்தப்³பே³…பே….
அட்ட²மகஸ்ஸ புக்³க³லஸ்ஸ அத்தி² ஸத்³தா⁴, நத்தி² ஸத்³தி⁴ந்த்³ரியந்தி? ஆமந்தா. ஸகதா³கா³மிப²லஸச்சி²கிரியாய படிபன்னஸ்ஸ புக்³க³லஸ்ஸ அத்தி² ஸத்³தா⁴, நத்தி² ஸத்³தி⁴ந்த்³ரியந்தி? ந ஹேவம் வத்தப்³பே³…பே… அட்ட²மகஸ்ஸ புக்³க³லஸ்ஸ அத்தி² பஞ்ஞா, நத்தி² பஞ்ஞிந்த்³ரியந்தி? ஆமந்தா. ஸகதா³கா³மிப²லஸச்சி²கிரியாய படிபன்னஸ்ஸ புக்³க³லஸ்ஸ அத்தி² பஞ்ஞா, நத்தி² பஞ்ஞிந்த்³ரியந்தி? ந ஹேவம் வத்தப்³பே³…பே….
அட்ட²மகஸ்ஸ புக்³க³லஸ்ஸ அத்தி² ஸத்³தா⁴, நத்தி² ஸத்³தி⁴ந்த்³ரியந்தி…பே… அத்தி² பஞ்ஞா, நத்தி² பஞ்ஞிந்த்³ரியந்தி? ஆமந்தா. அனாகா³மிப²லஸச்சி²கிரியாய படிபன்னஸ்ஸ புக்³க³லஸ்ஸ… அரஹத்தஸச்சி²கிரியாய படிபன்னஸ்ஸ புக்³க³லஸ்ஸ அத்தி² பஞ்ஞா, நத்தி² பஞ்ஞிந்த்³ரியந்தி? ந ஹேவம் வத்தப்³பே³…பே….
அட்ட²மகஸ்ஸ புக்³க³லஸ்ஸ நத்தி² பஞ்சிந்த்³ரியானீதி? ஆமந்தா. நனு வுத்தம் ப⁴க³வதா – ‘‘பஞ்சிமானி, பி⁴க்க²வே, இந்த்³ரியானி! கதமானி பஞ்ச? ஸத்³தி⁴ந்த்³ரியம், வீரியிந்த்³ரியம், ஸதிந்த்³ரியம், ஸமாதி⁴ந்த்³ரியம், பஞ்ஞிந்த்³ரியம் – இமானி கோ², பி⁴க்க²வே, பஞ்சிந்த்³ரியானி. இமேஸம் கோ², பி⁴க்க²வே, பஞ்சன்னம் இந்த்³ரியானம் ஸமத்தா பரிபூரத்தா அரஹா ஹோதி. ததோ முது³தரேஹி அரஹத்தஸச்சி²கிரியாய படிபன்னோ ஹோதி, ததோ முது³தரேஹி அனாகா³மீ ஹோதி, ததோ முது³தரேஹி அனாகா³மிப²லஸச்சி²கிரியாய படிபன்னோ ஹோதி, ததோ முது³தரேஹி ஸகதா³கா³மீ ஹோதி, ததோ முது³தரேஹி ஸகதா³கா³மிப²லஸச்சி²கிரியாய படிபன்னோ ஹோதி, ததோ முது³தரேஹி ஸோதாபன்னோ ஹோதி, ததோ முது³தரேஹி ஸோதாபத்திப²லஸச்சி²கிரியாய படிபன்னோ ஹோதி. யஸ்ஸ கோ², பி⁴க்க²வே, இமானி பஞ்சிந்த்³ரியானி ஸப்³பே³ன ஸப்³ப³ம் ஸப்³ப³தா² ஸப்³ப³ம் நத்தி², தமஹம் ‘பா³ஹிரோ புது²ஜ்ஜனபக்கே² டி²தோ’தி வதா³மீ’’தி [ஸம். நி. 5.488]. அத்தே²வ ஸுத்தந்தோதி? ஆமந்தா. அட்ட²மகோ புக்³க³லோ பா³ஹிரோ புது²ஜ்ஜனபக்கே² டி²தோதி? ந ஹேவம் வத்தப்³பே³…பே… தேன ஹி அட்ட²மகஸ்ஸ புக்³க³லஸ்ஸ அத்தி² பஞ்சிந்த்³ரியானீதி.
அட்ட²மகஸ்ஸ இந்த்³ரியகதா² நிட்டி²தா.
3. ததியவக்³கோ³
(27) 7. தி³ப்³ப³சக்கு²கதா²
373. மம்ஸசக்கு²ம் த⁴ம்முபத்த²த்³த⁴ம் தி³ப்³ப³சக்கு²ம் ஹோதீதி? ஆமந்தா. மம்ஸசக்கு²ம் தி³ப்³ப³சக்கு²ம், தி³ப்³ப³சக்கு²ம் மம்ஸசக்கு²ந்தி? ந ஹேவம் வத்தப்³பே³…பே….
மம்ஸசக்கு²ம் த⁴ம்முபத்த²த்³த⁴ம் தி³ப்³ப³சக்கு²ம் ஹோதீதி? ஆமந்தா. யாதி³ஸம் மம்ஸசக்கு²ம் தாதி³ஸம் தி³ப்³ப³சக்கு²ம், யாதி³ஸம் தி³ப்³ப³சக்கு²ம் தாதி³ஸம் மம்ஸசக்கு²ந்தி? ந ஹேவம் வத்தப்³பே³…பே….
மம்ஸசக்கு²ம் த⁴ம்முபத்த²த்³த⁴ம் தி³ப்³ப³சக்கு²ம் ஹோதீதி? ஆமந்தா. தஞ்ஞேவ மம்ஸசக்கு²ம் தம் தி³ப்³ப³சக்கு²ம், தம் தி³ப்³ப³சக்கு²ம் தம் மம்ஸசக்கு²ந்தி? ந ஹேவம் வத்தப்³பே³…பே….
மம்ஸசக்கு²ம் த⁴ம்முபத்த²த்³த⁴ம் தி³ப்³ப³சக்கு²ம் ஹோதீதி? ஆமந்தா. யாதி³ஸோ மம்ஸசக்கு²ஸ்ஸ விஸயோ ஆனுபா⁴வோ கோ³சரோ தாதி³ஸோ தி³ப்³ப³ஸ்ஸ சக்கு²ஸ்ஸ விஸயோ ஆனுபா⁴வோ கோ³சரோதி? ந ஹேவம் வத்தப்³பே³…பே….
மம்ஸசக்கு²ம் த⁴ம்முபத்த²த்³த⁴ம் தி³ப்³ப³சக்கு²ம் ஹோதீதி? ஆமந்தா. உபாதி³ண்ணம் [உபாதி³ன்னம் (ஸ்யா. கம்.)] ஹுத்வா அனுபாதி³ண்ணம் ஹோதீதி? ந ஹேவம் வத்தப்³பே³…பே….
உபாதி³ண்ணம் ஹுத்வா அனுபாதி³ண்ணம் ஹோதீதி? ஆமந்தா. காமாவசரம் ஹுத்வா ரூபாவசரம் ஹோதீதி? ந ஹேவம் வத்தப்³பே³…பே….
காமாவசரம் ஹுத்வா ரூபாவசரம் ஹோதீதி? ஆமந்தா. ரூபாவசரம் ஹுத்வா அரூபாவசரம் ஹோதீதி? ந ஹேவம் வத்தப்³பே³…பே….
ரூபாவசரம் ஹுத்வா அரூபாவசரம் ஹோதீதி? ஆமந்தா. பரியாபன்னம் ஹுத்வா அபரியாபன்னம் ஹோதீதி? ந ஹேவம் வத்தப்³பே³…பே….
374. மம்ஸசக்கு²ம் த⁴ம்முபத்த²த்³த⁴ம் தி³ப்³ப³சக்கு²ம் ஹோதீதி? ஆமந்தா. தி³ப்³ப³சக்கு²ம் த⁴ம்முபத்த²த்³த⁴ம் மம்ஸசக்கு²ம் ஹோதீதி? ந ஹேவம் வத்தப்³பே³…பே….
மம்ஸசக்கு²ம் த⁴ம்முபத்த²த்³த⁴ம் தி³ப்³ப³சக்கு²ம் ஹோதீதி? ஆமந்தா. தி³ப்³ப³சக்கு²ம் த⁴ம்முபத்த²த்³த⁴ம் பஞ்ஞாசக்கு²ம் ஹோதீதி? ந ஹேவம் வத்தப்³பே³…பே….
மம்ஸசக்கு²ம் த⁴ம்முபத்த²த்³த⁴ம் தி³ப்³ப³சக்கு²ம் ஹோதீதி? ஆமந்தா. தி³ப்³ப³சக்கு²ம் த⁴ம்முபத்த²த்³த⁴ம் மம்ஸசக்கு²ம் ஹோதீதி? ந ஹேவம் வத்தப்³பே³…பே….
மம்ஸசக்கு²ம் த⁴ம்முபத்த²த்³த⁴ம் தி³ப்³ப³சக்கு²ம் ஹோதீதி? ஆமந்தா. த்³வேவ சக்கூ²னீதி? ந ஹேவம் வத்தப்³பே³…பே… த்³வேவ சக்கூ²னீதி? ஆமந்தா. நனு தீணி சக்கூ²னி வுத்தானி ப⁴க³வதா – மம்ஸசக்கு²ம், தி³ப்³ப³சக்கு²ம், பஞ்ஞாசக்கு²ந்தி? ஆமந்தா. ஹஞ்சி தீணி சக்கூ²னி வுத்தானி ப⁴க³வதா – மம்ஸசக்கு²ம், தி³ப்³ப³சக்கு²ம், பஞ்ஞாசக்கு²ம், நோ ச வத ரே வத்தப்³பே³ – ‘‘த்³வேவ சக்கூ²னீ’’தி.
த்³வேவ சக்கூ²னீதி? ஆமந்தா. நனு வுத்தம் ப⁴க³வதா – ‘‘தீணிமானி, பி⁴க்க²வே, சக்கூ²னி! கதமானி தீணி? மம்ஸசக்கு²ம், தி³ப்³ப³சக்கு²ம், பஞ்ஞாசக்கு²ந்தி – இமானி கோ², பி⁴க்க²வே, தீணி சக்கூ²னீ’’தி.
‘‘மம்ஸசக்கு²ம் தி³ப்³ப³சக்கு²ம், பஞ்ஞாசக்கு²ம் அனுத்தரம்;
ஏதானி தீணி சக்கூ²னி, அக்கா²ஸி புரிஸுத்தமோ.
‘‘மம்ஸசக்கு²ஸ்ஸ உப்பாதோ³, மக்³கோ³ தி³ப்³ப³ஸ்ஸ சக்கு²னோ;
யதா³ ச ஞாணம் உத³பாதி³, பஞ்ஞாசக்கு²ம் அனுத்தரம்;
தஸ்ஸ சக்கு²ஸ்ஸ படிலாபா⁴, ஸப்³ப³து³க்கா² பமுச்சதீ’’தி [இதிவு. 61 இதிவுத்தகே].
அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘த்³வேவ சக்கூ²னீ’’தி.
தி³ப்³ப³சக்கு²கதா² நிட்டி²தா.