3. ததியவக்³கோ³

(31) 11. அஸஞ்ஞகதா²

381. அஸஞ்ஞஸத்தேஸு ஸஞ்ஞா அத்தீ²தி? ஆமந்தா. ஸஞ்ஞாப⁴வோ ஸஞ்ஞாக³தி ஸஞ்ஞாஸத்தாவாஸோ ஸஞ்ஞாஸம்ஸாரோ ஸஞ்ஞாயோனி ஸஞ்ஞத்தபா⁴வபடிலாபோ⁴தி? ந ஹேவம் வத்தப்³பே³…பே….

நனு அஸஞ்ஞப⁴வோ அஸஞ்ஞக³தி அஸஞ்ஞஸத்தாவாஸோ அஸஞ்ஞஸம்ஸாரோ அஸஞ்ஞயோனி அஸஞ்ஞத்தபா⁴வபடிலாபோ⁴தி? ஆமந்தா. ஹஞ்சி அஸஞ்ஞப⁴வோ அஸஞ்ஞக³தி அஸஞ்ஞஸத்தாவாஸோ அஸஞ்ஞஸம்ஸாரோ அஸஞ்ஞயோனி அஸஞ்ஞத்தபா⁴வபடிலாபோ⁴, நோ ச வத ரே வத்தப்³பே³ – ‘‘அஸஞ்ஞஸத்தேஸு ஸஞ்ஞா அத்தீ²’’தி.

அஸஞ்ஞஸத்தேஸு ஸஞ்ஞா அத்தீ²தி? ஆமந்தா. பஞ்சவோகாரப⁴வோ க³தி ஸத்தாவாஸோ ஸம்ஸாரோ யோனி அத்தபா⁴வபடிலாபோ⁴தி? ந ஹேவம் வத்தப்³பே³…பே….

நனு ஏகவோகாரப⁴வோ க³தி ஸத்தாவாஸோ ஸம்ஸாரோ யோனி அத்தபா⁴வபடிலாபோ⁴தி? ஆமந்தா. ஹஞ்சி ஏகவோகாரப⁴வோ க³தி ஸத்தாவாஸோ ஸம்ஸாரோ யோனி அத்தபா⁴வபடிலாபோ⁴, நோ ச வத ரே வத்தப்³பே³ – ‘‘அஸஞ்ஞஸத்தேஸு ஸஞ்ஞா அத்தீ²’’தி.

அஸஞ்ஞஸத்தேஸு ஸஞ்ஞா அத்தீ²தி? ஆமந்தா. தாய ஸஞ்ஞாய ஸஞ்ஞாகரணீயம் கரோதீதி? ந ஹேவம் வத்தப்³பே³…பே….

382. மனுஸ்ஸேஸு ஸஞ்ஞா அத்தி², ஸோ ச ஸஞ்ஞாப⁴வோ ஸஞ்ஞாக³தி ஸஞ்ஞாஸத்தாவாஸோ ஸஞ்ஞாஸம்ஸாரோ ஸஞ்ஞாயோனி ஸஞ்ஞத்தபா⁴வபடிலாபோ⁴தி? ஆமந்தா. அஸஞ்ஞஸத்தேஸு ஸஞ்ஞா அத்தி², ஸோ ச ஸஞ்ஞாப⁴வோ ஸஞ்ஞாக³தி ஸத்தாவாஸோ ஸம்ஸாரோ யோனி அத்தபா⁴வபடிலாபோ⁴தி? ந ஹேவம் வத்தப்³பே³…பே….

மனுஸ்ஸேஸு ஸஞ்ஞா அத்தி², ஸோ ச பஞ்சவோகாரப⁴வோ க³தி ஸத்தாவாஸோ ஸம்ஸாரோ யோனி அத்தபா⁴வபடிலாபோ⁴தி? ஆமந்தா. அஸஞ்ஞஸத்தேஸு ஸஞ்ஞா அத்தி², ஸோ ச பஞ்சவோகாரப⁴வோ க³தி ஸத்தாவாஸோ ஸம்ஸாரோ யோனி அத்தபா⁴வபடிலாபோ⁴தி? ந ஹேவம் வத்தப்³பே³…பே….

மனுஸ்ஸேஸு ஸஞ்ஞா அத்தி², தாய ஸஞ்ஞாய ஸஞ்ஞாகரணீயம் கரோதீதி? ஆமந்தா. அஸஞ்ஞஸத்தேஸு ஸஞ்ஞா அத்தி², தாய ஸஞ்ஞாய ஸஞ்ஞாகரணீயம் கரோதீதி? ந ஹேவம் வத்தப்³பே³…பே….

அஸஞ்ஞஸத்தேஸு ஸஞ்ஞா அத்தி², ஸோ ச அஸஞ்ஞப⁴வோ அஸஞ்ஞக³தி அஸஞ்ஞஸத்தாவாஸோ அஸஞ்ஞஸம்ஸாரோ அஸஞ்ஞயோனி அஸஞ்ஞத்தபா⁴வபடிலாபோ⁴தி? ஆமந்தா. மனுஸ்ஸேஸு ஸஞ்ஞா அத்தி², ஸோ ச அஸஞ்ஞப⁴வோ அஸஞ்ஞக³தி…பே… அஸஞ்ஞத்தபா⁴வபடிலாபோ⁴தி? ந ஹேவம் வத்தப்³பே³…பே….

அஸஞ்ஞஸத்தேஸு ஸஞ்ஞா அத்தி², ஸோ ச ஏகவோகாரப⁴வோ க³தி ஸத்தாவாஸோ ஸம்ஸாரோ யோனி அத்தபா⁴வபடிலாபோ⁴தி? ஆமந்தா. மனுஸ்ஸேஸு ஸஞ்ஞா அத்தி², ஸோ ச ஏகவோகாரப⁴வோ க³தி…பே… அத்தபா⁴வபடிலாபோ⁴தி? ந ஹேவம் வத்தப்³பே³…பே….

அஸஞ்ஞஸத்தேஸு ஸஞ்ஞா அத்தி², ந ச தாய ஸஞ்ஞாய ஸஞ்ஞாகரணீயம் கரோதீதி? ஆமந்தா. மனுஸ்ஸேஸு ஸஞ்ஞா அத்தி², ந ச தாய ஸஞ்ஞாய ஸஞ்ஞாகரணீயம் கரோதீதி? ந ஹேவம் வத்தப்³பே³…பே….

383. ந வத்தப்³ப³ம் – ‘‘அஸஞ்ஞஸத்தேஸு ஸஞ்ஞா அத்தீ²’’தி? ஆமந்தா. நனு வுத்தம் ப⁴க³வதா – ‘‘ஸந்தி, பி⁴க்க²வே, அஸஞ்ஞஸத்தா நாம தே³வா; ஸஞ்ஞுப்பாதா³ ச பன தே தே³வா தம்ஹா காயா சவந்தீ’’தி [தீ³. நி. 1.68]! அத்தே²வ ஸுத்தந்தோதி? ஆமந்தா. தேன ஹி அஸஞ்ஞஸத்தேஸு ஸஞ்ஞா அத்தீ²தி.

அஸஞ்ஞஸத்தேஸு ஸஞ்ஞா அத்தீ²தி? கிஞ்சி [கஞ்சி (ஸ்யா.)] காலே அத்தி², கிஞ்சி காலே நத்தீ²தி. கிஞ்சி காலே ஸஞ்ஞஸத்தா கிஞ்சி காலே அஸஞ்ஞஸத்தா, கிஞ்சி காலே ஸஞ்ஞப⁴வோ கிஞ்சி காலே அஸஞ்ஞப⁴வோ, கிஞ்சி காலே பஞ்சவோகாரப⁴வோ கிஞ்சி காலே ஏகவோகாரப⁴வோதி? ந ஹேவம் வத்தப்³பே³…பே….

அஸஞ்ஞஸத்தேஸு ஸஞ்ஞா கிஞ்சி காலே அத்தி², கிஞ்சி காலே நத்தீ²தி? ஆமந்தா. கம் காலம் அத்தி², கம் காலம் நத்தீ²தி? சுதிகாலே உபபத்திகாலே அத்தி², டி²திகாலே நத்தீ²தி. சுதிகாலே உபபத்திகாலே ஸஞ்ஞஸத்தா, டி²திகாலே அஸஞ்ஞஸத்தா; சுதிகாலே உபபத்திகாலே ஸஞ்ஞப⁴வோ, டி²திகாலே அஸஞ்ஞப⁴வோ; சுதிகாலே உபபத்திகாலே பஞ்சவோகாரப⁴வோ, டி²திகாலே ஏகவோகாரப⁴வோதி? ந ஹேவம் வத்தப்³பே³…பே….

அஸஞ்ஞகதா² நிட்டி²தா.