(17) 8. குக்குளகதா²

338. ஸப்³பே³ ஸங்கா²ரா அனோதி⁴ம் கத்வா குக்குளாதி? ஆமந்தா. நனு அத்தி² ஸுகா² வேத³னா, காயிகம் ஸுக²ம், சேதஸிகம் ஸுக²ம், தி³ப்³ப³ம் ஸுக²ம், மானுஸகம் ஸுக²ம், லாப⁴ஸுக²ம், ஸக்காரஸுக²ம், யானஸுக²ம், ஸயனஸுக²ம், இஸ்ஸரியஸுக²ம், ஆதி⁴பச்சஸுக²ம், கி³ஹிஸுக²ம், ஸாமஞ்ஞஸுக²ம், ஸாஸவம் ஸுக²ம், அனாஸவம் ஸுக²ம், உபதி⁴ஸுக²ம், நிரூபதி⁴ஸுக²ம், ஸாமிஸம் ஸுக²ம், நிராமிஸம் ஸுக²ம், ஸப்பீதிகம் ஸுக²ம், நிப்பீதிகம் ஸுக²ம், ஜா²னஸுக²ம், விமுத்திஸுக²ம், காமஸுக²ம், நேக்க²ம்மஸுக²ம், விவேகஸுக²ம், உபஸமஸுக²ம், ஸம்போ³த⁴ஸுக²ந்தி? ஆமந்தா. ஹஞ்சி அத்தி² ஸுகா² வேத³னா…பே… ஸம்போ³த⁴ஸுக²ம், நோ ச வத ரே வத்தப்³பே³ – ‘‘ஸப்³பே³ ஸங்கா²ரா அனோதி⁴ம் கத்வா குக்குளா’’தி.

ஸப்³பே³ ஸங்கா²ரா அனோதி⁴ம் கத்வா குக்குளாதி? ஆமந்தா. ஸப்³பே³ ஸங்கா²ரா து³க்கா² வேத³னா காயிகம் து³க்க²ம் சேதஸிகம் து³க்க²ம் ஸோகபரிதே³வது³க்க²தோ³மனஸ்ஸஉபாயாஸாதி? ந ஹேவம் வத்தப்³பே³.

ந வத்தப்³ப³ம் – ‘‘ஸப்³பே³ ஸங்கா²ரா அனோதி⁴ம் கத்வா குக்குளா’’தி? ஆமந்தா. நனு வுத்தம் ப⁴க³வதா – ‘‘ஸப்³ப³ம், பி⁴க்க²வே, ஆதி³த்தம்! கிஞ்ச, பி⁴க்க²வே, ஸப்³ப³ம் ஆதி³த்தம்? சக்கு²ம், பி⁴க்க²வே, ஆதி³த்தம், ரூபா ஆதி³த்தா, சக்கு²விஞ்ஞாணம் ஆதி³த்தம், சக்கு²ஸம்ப²ஸ்ஸோ ஆதி³த்தோ; யமித³ம் [யம்பித³ம் (ஸம். நி. 4.28)] சக்கு²ஸம்ப²ஸ்ஸபச்சயா உப்பஜ்ஜதி வேத³யிதம் ஸுக²ம் வா து³க்க²ம் வா அது³க்க²மஸுக²ம் வா, தம்பி ஆதி³த்தம். கேன ஆதி³த்தம்? ‘ராக³க்³கி³னா தோ³ஸக்³கி³னா மோஹக்³கி³னா ஆதி³த்தம், ஜாதியா ஜராய மரணேன ஸோகேஹி பரிதே³வேஹி து³க்கே²ஹி தோ³மனஸ்ஸேஹி உபாயாஸேஹி ஆதி³த்த’ந்தி வதா³மி. ஸோதம் ஆதி³த்தம், ஸத்³தா³ ஆதி³த்தா…பே… கா⁴னம் ஆதி³த்தம், க³ந்தா⁴ ஆதி³த்தா…பே… ஜிவ்ஹா ஆதி³த்தா, ரஸா ஆதி³த்தா…பே… காயோ ஆதி³த்தோ, போ²ட்ட²ப்³பா³ ஆதி³த்தா…பே… மனோ ஆதி³த்தோ, த⁴ம்மா ஆதி³த்தா, மனோவிஞ்ஞாணம் ஆதி³த்தம், மனோஸம்ப²ஸ்ஸோ ஆதி³த்தோ; யமித³ம் மனோஸம்ப²ஸ்ஸபச்சயா உப்பஜ்ஜதி வேத³யிதம் ஸுக²ம் வா து³க்க²ம் வா அது³க்க²மஸுக²ம் வா, தம்பி ஆதி³த்தம். கேன ஆதி³த்தம்? ‘ராக³க்³கி³னா தோ³ஸக்³கி³னா மோஹக்³கி³னா ஆதி³த்தம், ஜாதியா ஜராய மரணேன ஸோகேஹி பரிதே³வேஹி து³க்கே²ஹி தோ³மனஸ்ஸேஹி உபாயாஸேஹி ஆதி³த்த’ந்தி வதா³மீ’’தி [மஹாவ. 54; ஸம். நி. 4.28]. அத்தே²வ ஸுத்தந்தோதி? ஆமந்தா. தேன ஹி வத்தப்³ப³ம் [தேன ஹி (ஸீ. ஸ்யா.), தேன ஹி ந வத்தப்³ப³ம் (க.)] – ‘‘ஸப்³பே³ ஸங்கா²ரா அனோதி⁴ம் கத்வா குக்குளா’’தி.

ஸப்³பே³ ஸங்கா²ரா அனோதி⁴ம் கத்வா குக்குளாதி? ஆமந்தா. நனு வுத்தம் ப⁴க³வதா – ‘‘பஞ்சிமே, பி⁴க்க²வே, காமகு³ணா! கதமே பஞ்ச? சக்கு²விஞ்ஞேய்யா ரூபா இட்டா² கந்தா மனாபா பியரூபா காமூபஸம்ஹிதா ரஜனீயா, ஸோதவிஞ்ஞேய்யா ஸத்³தா³…பே… கா⁴னவிஞ்ஞேய்யா க³ந்தா⁴… ஜிவ்ஹாவிஞ்ஞேய்யா ரஸா… காயவிஞ்ஞேய்யா போ²ட்ட²ப்³பா³ இட்டா² கந்தா மனாபா பியரூபா காமூபஸம்ஹிதா ரஜனீயா. இமே கோ², பி⁴க்க²வே, பஞ்ச காமகு³ணா’’தி [ம. நி. 1.166; ஸம். நி. 4.268]. அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘ஸப்³பே³ ஸங்கா²ரா அனோதி⁴ம் கத்வா குக்குளா’’தி.

ந வத்தப்³ப³ம் – ‘‘ஸப்³பே³ ஸங்கா²ரா அனோதி⁴ம் கத்வா குக்குளா’’தி? ஆமந்தா. நனு வுத்தம் ப⁴க³வதா – ‘‘லாபா⁴ வோ, பி⁴க்க²வே, ஸுலத்³த⁴ம் வோ, பி⁴க்க²வே, க²ணோ வோ படிலத்³தோ⁴ [படிவித்³தோ⁴ (ப³ஹூஸு)] ப்³ரஹ்மசரியவாஸாய! தி³ட்டா² மயா, பி⁴க்க²வே, ச² ப²ஸ்ஸாயதனிகா நாம நிரயா. தத்த² யம் கிஞ்சி சக்கு²னா ரூபம் பஸ்ஸதி, அனிட்ட²ரூபஞ்ஞேவ பஸ்ஸதி நோ இட்ட²ரூபம், அகந்தரூபஞ்ஞேவ பஸ்ஸதி நோ கந்தரூபம், அமனாபரூபஞ்ஞேவ பஸ்ஸதி நோ மனாபரூபம். யம் கிஞ்சி ஸோதேன ஸத்³த³ம் ஸுணாதி…பே… கா⁴னேன க³ந்த⁴ம் கா⁴யதி… ஜிவ்ஹாய ரஸம் ஸாயதி… காயேன போ²ட்ட²ப்³ப³ம் பு²ஸதி… மனஸா த⁴ம்மம் விஜானாதி, அனிட்ட²ரூபஞ்ஞேவ விஜானாதி நோ இட்ட²ரூபம், அகந்தரூபஞ்ஞேவ விஜானாதி நோ கந்தரூபம், அமனாபரூபஞ்ஞேவ விஜானாதி நோ மனாபரூப’’ந்தி [ஸம். நி. 4.135]. அத்தே²வ ஸுத்தந்தோதி? ஆமந்தா. தேன ஹி வத்தப்³ப³ம் [தேன ஹி ந வத்தப்³ப³ம் (ஸ்யா. க.)] – ‘‘ஸப்³பே³ ஸங்கா²ரா அனோதி⁴ம் கத்வா குக்குளா’’தி.

ஸப்³பே³ ஸங்கா²ரா அனோதி⁴ம் கத்வா குக்குளாதி? ஆமந்தா. நனு வுத்தம் ப⁴க³வதா – ‘‘லாபா⁴ வோ, பி⁴க்க²வே, ஸுலத்³த⁴ம் வோ, பி⁴க்க²வே, க²ணோ வோ படிலத்³தோ⁴ ப்³ரஹ்மசரியவாஸாய! தி³ட்டா² மயா, பி⁴க்க²வே, ச² ப²ஸ்ஸாயதனிகா நாம ஸக்³கா³. தத்த² யம் கிஞ்சி சக்கு²னா ரூபம் பஸ்ஸதி, இட்ட²ரூபஞ்ஞேவ பஸ்ஸதி நோ அனிட்ட²ரூபம், கந்தரூபஞ்ஞேவ பஸ்ஸதி நோ அகந்தரூபம், மனாபரூபஞ்ஞேவ பஸ்ஸதி நோ அமனாபரூபம். யம் கிஞ்சி ஸோதேன ஸத்³த³ம் ஸுணாதி…பே… கா⁴னேன க³ந்த⁴ம் கா⁴யதி… ஜிவ்ஹாய ரஸம் ஸாயதி… காயேன போ²ட்ட²ப்³ப³ம் பு²ஸதி… மனஸா த⁴ம்மம் விஜானாதி, இட்ட²ரூபஞ்ஞேவ விஜானாதி நோ அனிட்ட²ரூபம், கந்தரூபஞ்ஞேவ விஜானாதி நோ அகந்தரூபம், மனாபரூபஞ்ஞேவ விஜானாதி நோ அமனாபரூப’’ந்தி [ஸம். நி. 4.135]. அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘ஸப்³பே³ ஸங்கா²ரா அனோதி⁴ம் கத்வா குக்குளா’’தி.

ந வத்தப்³ப³ம் – ‘‘ஸப்³பே³ ஸங்கா²ரா அனோதி⁴ம் கத்வா குக்குளா’’தி? ஆமந்தா. நனு ‘‘யத³னிச்சம் தம் து³க்க²ம் [ஸம். நி. 3.15],’’ வுத்தம் ப⁴க³வதா, ‘‘ஸப்³பே³ ஸங்கா²ரா அனிச்சா’’தி [த⁴. ப. 277; ம. நி. 1.356]? ஆமந்தா. ஹஞ்சி ‘‘யத³னிச்சம் தம் து³க்க²ம்,’’ வுத்தம் ப⁴க³வதா, ‘‘ஸப்³பே³ ஸங்கா²ரா அனிச்சா,’’ தேன வத ரே வத்தப்³பே³ – ‘‘ஸப்³பே³ ஸங்கா²ரா அனோதி⁴ம் கத்வா குக்குளா’’தி.

ஸப்³பே³ ஸங்கா²ரா அனோதி⁴ம் கத்வா குக்குளாதி? ஆமந்தா. தா³னம் அனிட்ட²ப²லம் அகந்தப²லம் அமனுஞ்ஞப²லம் ஸேசனகப²லம் து³க்கு²த்³ரயம் து³க்க²விபாகந்தி? ந ஹேவம் வத்தப்³பே³.

ஸீலம்…பே… உபோஸதோ²…பே… பா⁴வனா…பே… ப்³ரஹ்மசரியம் அனிட்ட²ப²லம் அகந்தப²லம் அமனுஞ்ஞப²லம் ஸேசனகப²லம் து³க்கு²த்³ரயம் து³க்க²விபாகந்தி? ந ஹேவம் வத்தப்³பே³.

நனு தா³னம் இட்ட²ப²லம் கந்தப²லம் மனுஞ்ஞப²லம் அஸேசனகப²லம் ஸுகு²த்³ரயம் ஸுக²விபாகந்தி? ஆமந்தா. ஹஞ்சி தா³னம் இட்ட²ப²லம் கந்தப²லம் மனுஞ்ஞப²லம் அஸேசனகப²லம் ஸுகு²த்³ரயம் ஸுக²விபாகம், நோ ச வத ரே வத்தப்³பே³ – ‘‘ஸப்³பே³ ஸங்கா²ரா அனோதி⁴ம் கத்வா குக்குளா’’தி.

நனு ஸீலம்… உபோஸதோ²… பா⁴வனா… ப்³ரஹ்மசரியம் இட்ட²ப²லம் கந்தப²லம் மனுஞ்ஞப²லம் அஸேசனகப²லம் ஸுகு²த்³ரயம் ஸுக²விபாகந்தி? ஆமந்தா. ஹஞ்சி ப்³ரஹ்மசரியம் இட்ட²ப²லம் கந்தப²லம் மனுஞ்ஞப²லம் அஸேசனகப²லம் ஸுகு²த்³ரயம் ஸுக²விபாகந்தி, நோ ச வத ரே வத்தப்³பே³ – ‘‘ஸப்³பே³ ஸங்கா²ரா அனோதி⁴ம் கத்வா குக்குளா’’தி.

ஸப்³பே³ ஸங்கா²ரா அனோதி⁴ம் கத்வா குக்குளாதி? ஆமந்தா. நனு வுத்தம் ப⁴க³வதா –

‘‘ஸுகோ² விவேகோ துட்ட²ஸ்ஸ, ஸுதத⁴ம்மஸ்ஸ பஸ்ஸதோ;

அப்³யாபஜ்ஜம் ஸுக²ம் லோகே, பாணபூ⁴தேஸு ஸம்யமோ.

‘‘ஸுகா² விராக³தா லோகே, காமானம் ஸமதிக்கமோ;

அஸ்மிமானஸ்ஸ யோ வினயோ, ஏதம் வே பரமம் ஸுக²ம் [மஹாவ. 5; உதா³. 11 உதா³னே ச].

‘‘தம் ஸுகே²ன ஸுக²ம் பத்தம், அச்சந்தஸுக²மேவ தம்;

திஸ்ஸோ விஜ்ஜா அனுப்பத்தா, ஏதம் வே பரமம் ஸுக²’’ந்தி.

அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘ஸப்³பே³ ஸங்கா²ரா அனோதி⁴ம் கத்வா குக்குளா’’தி.

குக்குளகதா² நிட்டி²தா.