2. து³தியவக்³கோ³

(10) 1. பரூபஹாரகதா²

307. அத்தி² அரஹதோ அஸுசி ஸுக்கவிஸ்ஸட்டீ²தி? ஆமந்தா. அத்தி² அரஹதோ ராகோ³ காமராகோ³ காமராக³பரியுட்டா²னம் காமராக³ஸம்யோஜனம் காமோகோ⁴ காமயோகோ³ காமச்ச²ந்த³னீவரணந்தி? ந ஹேவம் வத்தப்³பே³…பே….

நத்தி² அரஹதோ ராகோ³ காமராகோ³ காமராக³பரியுட்டா²னம் காமராக³ஸம்யோஜனம் காமோகோ⁴ காமயோகோ³ காமச்ச²ந்த³னீவரணந்தி? ஆமந்தா. ஹஞ்சி நத்தி² அரஹதோ ராகோ³ காமராகோ³ காமராக³பரியுட்டா²னம் காமராக³ஸம்யோஜனம் காமோகோ⁴ காமயோகோ³ காமச்ச²ந்த³னீவரணம், நோ ச வத ரே வத்தப்³பே³ – ‘‘அத்தி² அரஹதோ அஸுசி ஸுக்கவிஸ்ஸட்டீ²’’தி.

அத்தி² புது²ஜ்ஜனஸ்ஸ அஸுசி ஸுக்கவிஸ்ஸட்டி², அத்தி² தஸ்ஸ ராகோ³ காமராகோ³ காமராக³பரியுட்டா²னம் காமராக³ஸம்யோஜனம் காமோகோ⁴ காமயோகோ³ காமச்ச²ந்த³னீவரணந்தி? ஆமந்தா. அத்தி² அரஹதோ அஸுசி ஸுக்கவிஸ்ஸட்டி², அத்தி² தஸ்ஸ ராகோ³ காமராகோ³ காமராக³பரியுட்டா²னம்…பே… காமச்ச²ந்த³னீவரணந்தி? ந ஹேவம் வத்தப்³பே³…பே….

அத்தி² அரஹதோ அஸுசி ஸுக்கவிஸ்ஸட்டி², நத்தி² தஸ்ஸ ராகோ³ காமராகோ³ காமராக³பரியுட்டா²னம்…பே… காமச்ச²ந்த³னீவரணந்தி? ஆமந்தா. அத்தி² புது²ஜ்ஜனஸ்ஸ அஸுசி ஸுக்கவிஸ்ஸட்டி², நத்தி² தஸ்ஸ ராகோ³ காமராகோ³ காமராக³பரியுட்டா²னம்…பே… காமச்ச²ந்த³னீவரணந்தி? ந ஹேவம் வத்தப்³பே³…பே….

அத்தி² அரஹதோ அஸுசி ஸுக்கவிஸ்ஸட்டீ²தி? ஆமந்தா. கேனட்டே²னாதி? ஹந்த³ ஹி மாரகாயிகா தே³வதா அரஹதோ அஸுசிம் ஸுக்கவிஸ்ஸட்டி²ம் உபஸம்ஹரந்தீதி.

மாரகாயிகா தே³வதா அரஹதோ அஸுசிம் ஸுக்கவிஸ்ஸட்டி²ம் உபஸம்ஹரந்தீதி? ஆமந்தா. அத்தி² மாரகாயிகானம் தே³வதானம் அஸுசி ஸுக்கவிஸ்ஸட்டீ²தி? ந ஹேவம் வத்தப்³பே³…பே….

நத்தி² மாரகாயிகானம் தே³வதானம் அஸுசி ஸுக்கவிஸ்ஸட்டீ²தி? ஆமந்தா. ஹஞ்சி நத்தி² மாரகாயிகானம் தே³வதானம் அஸுசி ஸுக்கவிஸ்ஸட்டி², நோ ச வத ரே வத்தப்³பே³ – ‘‘மாரகாயிகா தே³வதா அரஹதோ அஸுசிம் ஸுக்கவிஸ்ஸட்டி²ம் உபஸம்ஹரந்தீ’’தி.

மாரகாயிகா தே³வதா அரஹதோ அஸுசிம் ஸுக்கவிஸ்ஸட்டி²ம் உபஸம்ஹரந்தீதி? ஆமந்தா. மாரகாயிகா தே³வதா அத்தனோ அஸுசிம் ஸுக்கவிஸ்ஸட்டி²ம் உபஸம்ஹரந்தி, அஞ்ஞேஸம் அஸுசிம் ஸுக்கவிஸ்ஸட்டி²ம் உபஸம்ஹரந்தி, தஸ்ஸ அஸுசிம் ஸுக்கவிஸ்ஸட்டி²ம் உபஸம்ஹரந்தீதி? ந ஹேவம் வத்தப்³பே³…பே….

மாரகாயிகா தே³வதா நேவ அத்தனோ ந அஞ்ஞேஸம் ந தஸ்ஸ அஸுசிம் ஸுக்கவிஸ்ஸட்டி²ம் உபஸம்ஹரந்தீதி? ஆமந்தா. ஹஞ்சி மாரகாயிகா தே³வதா நேவ அத்தனோ ந அஞ்ஞேஸம் ந தஸ்ஸ அஸுசிம் ஸுக்கவிஸ்ஸட்டி²ம் உபஸம்ஹரந்தி, நோ ச வத ரே வத்தப்³பே³ – ‘‘மாரகாயிகா தே³வதா அரஹதோ அஸுசிம் ஸுக்கவிஸ்ஸட்டி²ம் உபஸம்ஹரந்தீ’’தி.

மாரகாயிகா தே³வதா அரஹதோ அஸுசிம் ஸுக்கவிஸ்ஸட்டி²ம் உபஸம்ஹரந்தீதி? ஆமந்தா. லோமகூபேஹி உபஸம்ஹரந்தீதி? ந ஹேவம் வத்தப்³பே³…பே….

308. மாரகாயிகா தே³வதா அரஹதோ அஸுசிம் ஸுக்கவிஸ்ஸட்டி²ம் உபஸம்ஹரந்தீதி? ஆமந்தா. கிம் காரணாதி? ஹந்த³ ஹி விமதிம் கா³ஹயிஸ்ஸாமாதி. அத்தி² அரஹதோ விமதீதி? ந ஹேவம் வத்தப்³பே³…பே….

அத்தி² அரஹதோ விமதீதி? ஆமந்தா. அத்தி² அரஹதோ ஸத்த²ரி விமதி, த⁴ம்மே விமதி, ஸங்கே⁴ விமதி, ஸிக்கா²ய விமதி, புப்³ப³ந்தே விமதி, அபரந்தே விமதி, புப்³ப³ந்தாபரந்தே விமதி, இத³ப்பச்சயதாபடிச்சஸமுப்பன்னேஸு த⁴ம்மேஸு விமதீதி? ந ஹேவம் வத்தப்³பே³…பே….

நத்தி² அரஹதோ ஸத்த²ரி விமதி, த⁴ம்மே விமதி, ஸங்கே⁴ விமதி, ஸிக்கா²ய விமதி, புப்³ப³ந்தே விமதி, அபரந்தே விமதி, புப்³ப³ந்தாபரந்தே விமதி, இத³ப்பச்சயதாபடிச்சஸமுப்பன்னேஸு த⁴ம்மேஸு விமதீதி? ஆமந்தா. ஹஞ்சி நத்தி² அரஹதோ ஸத்த²ரி விமதி…பே… இத³ப்பச்சயதாபடிச்சஸமுப்பன்னேஸு த⁴ம்மேஸு விமதி, நோ ச வத ரே வத்தப்³பே³ – ‘‘அத்தி² அரஹதோ விமதீ’’தி.

அத்தி² புது²ஜ்ஜனஸ்ஸ விமதி, அத்தி² தஸ்ஸ ஸத்த²ரி விமதி…பே… இத³ப்பச்சயதாபடிச்சஸமுப்பன்னேஸு த⁴ம்மேஸு விமதீதி? ஆமந்தா. அத்தி² அரஹதோ விமதி, அத்தி² தஸ்ஸ ஸத்த²ரி விமதி…பே… இத³ப்பச்சயதாபடிச்சஸமுப்பன்னேஸு த⁴ம்மேஸு விமதீதி? ந ஹேவம் வத்தப்³பே³…பே….

அத்தி² அரஹதோ விமதி, நத்தி² தஸ்ஸ ஸத்த²ரி விமதி…பே… இத³ப்பச்சயதாபடிச்சஸமுப்பன்னேஸு த⁴ம்மேஸு விமதீதி? ஆமந்தா. அத்தி² புது²ஜ்ஜனஸ்ஸ விமதி, நத்தி² தஸ்ஸ ஸத்த²ரி விமதி…பே… இத³ப்பச்சயதாபடிச்சஸமுப்பன்னேஸு த⁴ம்மேஸு விமதீதி? ந ஹேவம் வத்தப்³பே³…பே….

அத்தி² அரஹதோ அஸுசி ஸுக்கவிஸ்ஸட்டீ²தி? ஆமந்தா. அரஹதோ அஸுசி ஸுக்கவிஸ்ஸட்டி² கிஸ்ஸ நிஸ்ஸந்தோ³தி? அஸிதபீதகா²யிதஸாயிதஸ்ஸ நிஸ்ஸந்தோ³தி. அரஹதோ அஸுசி ஸுக்கவிஸ்ஸட்டி² அஸிதபீதகா²யிதஸாயிதஸ்ஸ நிஸ்ஸந்தோ³தி? ஆமந்தா. யே கேசி அஸந்தி பிவந்தி கா²த³ந்தி ஸாயந்தி, ஸப்³பே³ஸம்யேவ அத்தி² அஸுசி ஸுக்கவிஸ்ஸட்டீ²தி? ந ஹேவம் வத்தப்³பே³…பே….

யே கேசி அஸந்தி பிவந்தி கா²த³ந்தி ஸாயந்தி, ஸப்³பே³ஸம்யேவ அத்தி² அஸுசி ஸுக்கவிஸ்ஸட்டீ²தி? ஆமந்தா. தா³ரகா அஸந்தி பிவந்தி கா²த³ந்தி ஸாயந்தி, அத்தி² தா³ரகானம் அஸுசி ஸுக்கவிஸ்ஸட்டீ²தி? ந ஹேவம் வத்தப்³பே³.

பண்ட³கா அஸந்தி பிவந்தி கா²த³ந்தி ஸாயந்தி, அத்தி² பண்ட³கானம் அஸுசி ஸுக்கவிஸ்ஸட்டீ²தி? ந ஹேவம் வத்தப்³பே³…பே….

தே³வா அஸந்தி பிவந்தி கா²த³ந்தி ஸாயந்தி, அத்தி² தே³வதானம் அஸுசி ஸுக்கவிஸ்ஸட்டீ²தி? ந ஹேவம் வத்தப்³பே³…பே….

309. அரஹதோ அஸுசி ஸுக்கவிஸ்ஸட்டி² அஸிதபீதகா²யிதஸாயிதஸ்ஸ நிஸ்ஸந்தோ³தி? ஆமந்தா. அத்தி² தஸ்ஸ ஆஸயோதி? ந ஹேவம் வத்தப்³பே³…பே….

அரஹதோ உச்சாரபஸ்ஸாவோ அஸிதபீதகா²யிதஸாயிதஸ்ஸ நிஸ்ஸந்தோ³, அத்தி² தஸ்ஸ ஆஸயோதி? ஆமந்தா. அரஹதோ அஸுசி ஸுக்கவிஸ்ஸட்டி² அஸிதபீதகா²யிதஸாயிதஸ்ஸ நிஸ்ஸந்தோ³, அத்தி² தஸ்ஸ ஆஸயோதி? ந ஹேவம் வத்தப்³பே³…பே….

அரஹதோ அஸுசி ஸுக்கவிஸ்ஸட்டி² அஸிதபீதகா²யிதஸாயிதஸ்ஸ நிஸ்ஸந்தோ³, நத்தி² தஸ்ஸ ஆஸயோதி? ஆமந்தா. அரஹதோ உச்சாரபஸ்ஸாவோ அஸிதபீதகா²யிதஸாயிதஸ்ஸ நிஸ்ஸந்தோ³, நத்தி² தஸ்ஸ ஆஸயோதி? ந ஹேவம் வத்தப்³பே³…பே….

310. அத்தி² அரஹதோ அஸுசி ஸுக்கவிஸ்ஸட்டீ²தி? ஆமந்தா. அரஹா மேது²னம் த⁴ம்மம் படிஸேவேய்ய, மேது²னம் உப்பாதே³ய்ய [மேது²னம் த⁴ம்மம் உப்பாதே³ய்ய (ஸீ. ஸ்யா.)], புத்தஸம்பா³த⁴ஸயனம் அஜ்ஜா²வஸேய்ய, காஸிகசந்த³னம் பச்சனுப⁴வேய்ய, மாலாக³ந்த⁴விலேபனம் தா⁴ரேய்ய, ஜாதரூபரஜதம் ஸாதி³யேய்யாதி? ந ஹேவம் வத்தப்³பே³.

அத்தி² புது²ஜ்ஜனஸ்ஸ அஸுசி ஸுக்கவிஸ்ஸட்டி², புது²ஜ்ஜனோ மேது²னம் த⁴ம்மம் படிஸேவேய்ய, மேது²னம் உப்பாதே³ய்ய, புத்தஸம்பா³த⁴ஸயனம் அஜ்ஜா²வஸேய்ய, காஸிகசந்த³னம் பச்சனுப⁴வேய்ய, மாலாக³ந்த⁴விலேபனம் தா⁴ரேய்ய, ஜாதரூபரஜதம் ஸாதி³யேய்யாதி? ஆமந்தா. அத்தி² அரஹதோ அஸுசி ஸுக்கவிஸ்ஸட்டி², அரஹா மேது²னம் த⁴ம்மம் படிஸேவேய்ய, மேது²னம் உப்பாதே³ய்ய, புத்தஸம்பா³த⁴ஸயனம் அஜ்ஜா²வஸேய்ய, காஸிகசந்த³னம் பச்சனுப⁴வேய்ய, மாலாக³ந்த⁴விலேபனம் தா⁴ரேய்ய, ஜாதரூபரஜதம் ஸாதி³யேய்யாதி? ந ஹேவம் வத்தப்³பே³…பே….

அத்தி² அரஹதோ அஸுசி ஸுக்கவிஸ்ஸட்டி², ந ச அரஹா மேது²னம் த⁴ம்மம் படிஸேவேய்ய, மேது²னம் உப்பாதே³ய்ய, புத்தஸம்பா³த⁴ஸயனம் அஜ்ஜா²வஸேய்ய, காஸிகசந்த³னம் பச்சனுப⁴வேய்ய, மாலாக³ந்த⁴விலேபனம் தா⁴ரேய்ய, ஜாதரூபரஜதம் ஸாதி³யேய்யாதி? ஆமந்தா. அத்தி² புது²ஜ்ஜனஸ்ஸ அஸுசி ஸுக்கவிஸ்ஸட்டி², ந ச புது²ஜ்ஜனோ மேது²னம் த⁴ம்மம் படிஸேவேய்ய, மேது²னம் உப்பாதே³ய்ய, புத்தஸம்பா³த⁴ஸயனம் அஜ்ஜா²வஸேய்ய, காஸிகசந்த³னம் பச்சனுப⁴வேய்ய, மாலாக³ந்த⁴விலேபனம் தா⁴ரேய்ய, ஜாதரூபரஜதம் ஸாதி³யேய்யாதி? ந ஹேவம் வத்தப்³பே³.

அத்தி² அரஹதோ அஸுசி ஸுக்கவிஸ்ஸட்டீ²தி? ஆமந்தா. நனு அரஹதோ ராகோ³ பஹீனோ உச்சி²ன்னமூலோ தாலாவத்து²கதோ அனபா⁴வங்கதோ ஆயதிம் அனுப்பாத³த⁴ம்மோதி? ஆமந்தா. ஹஞ்சி அரஹதோ ராகோ³ பஹீனோ உச்சி²ன்னமூலோ தாலாவத்து²கதோ அனபா⁴வங்கதோ ஆயதிம் அனுப்பாத³த⁴ம்மோ, நோ ச வத ரே வத்தப்³பே³ – ‘‘அத்தி² அரஹதோ அஸுசி ஸுக்கவிஸ்ஸட்டீ²’’தி.

அத்தி² அரஹதோ அஸுசி ஸுக்கவிஸ்ஸட்டீ²தி? ஆமந்தா. நனு அரஹதோ தோ³ஸோ பஹீனோ…பே… மோஹோ பஹீனோ… மானோ பஹீனோ… தி³ட்டி² பஹீனா… விசிகிச்சா² பஹீனா… தி²னம் பஹீனம்… உத்³த⁴ச்சம் பஹீனம்… அஹிரிகம் பஹீனம்…பே… அனோத்தப்பம் பஹீனம் உச்சி²ன்னமூலம் தாலாவத்து²கதம் அனபா⁴வங்கதம் ஆயதிம் அனுப்பாத³த⁴ம்மந்தி? ஆமந்தா. ஹஞ்சி அரஹதோ அனோத்தப்பம் பஹீனம் உச்சி²ன்னமூலம் தாலாவத்து²கதம் அனபா⁴வங்கதம் ஆயதிம் அனுப்பாத³த⁴ம்மம், நோ ச வத ரே வத்தப்³பே³ – ‘‘அத்தி² அரஹதோ அஸுசி ஸுக்கவிஸ்ஸட்டீ²’’தி.

311. அத்தி² அரஹதோ அஸுசி ஸுக்கவிஸ்ஸட்டீ²தி? ஆமந்தா. நனு அரஹதோ ராக³ப்பஹானாய மக்³கோ³ பா⁴விதோதி? ஆமந்தா. ஹஞ்சி அரஹதோ ராக³ப்பஹானாய மக்³கோ³ பா⁴விதோ, நோ ச வத ரே வத்தப்³பே³ – ‘‘அத்தி² அரஹதோ அஸுசி ஸுக்கவிஸ்ஸட்டீ²’’தி.

அத்தி² அரஹதோ அஸுசி ஸுக்கவிஸ்ஸட்டீ²தி? ஆமந்தா. நனு அரஹதோ ராக³ப்பஹானாய ஸதிபட்டா²னா பா⁴விதா…பே… ஸம்மப்பதா⁴னா பா⁴விதா… இத்³தி⁴பாதா³ பா⁴விதா… இந்த்³ரியா பா⁴விதா… ப³லா பா⁴விதா…பே… போ³ஜ்ஜ²ங்கா³ பா⁴விதாதி? ஆமந்தா. ஹஞ்சி அரஹதோ ராக³ப்பஹானாய போ³ஜ்ஜ²ங்கா³ பா⁴விதா, நோ ச வத ரே வத்தப்³பே³ – ‘‘அத்தி² அரஹதோ அஸுசி ஸுக்கவிஸ்ஸட்டீ²’’தி.

அத்தி² அரஹதோ அஸுசி ஸுக்கவிஸ்ஸட்டீ²தி? ஆமந்தா. நனு அரஹதோ தோ³ஸப்பஹானாய…பே… மோஹப்பஹானாய…பே… அனோத்தப்பபஹானாய மக்³கோ³ பா⁴விதோ…பே… போ³ஜ்ஜ²ங்கா³ பா⁴விதாதி? ஆமந்தா. ஹஞ்சி அரஹதோ அனோத்தப்பபஹானாய போ³ஜ்ஜ²ங்கா³ பா⁴விதா, நோ ச வத ரே வத்தப்³பே³ – ‘‘அத்தி² அரஹதோ அஸுசி ஸுக்கவிஸ்ஸட்டீ²’’தி.

அத்தி² அரஹதோ அஸுசி ஸுக்கவிஸ்ஸட்டீ²தி? ஆமந்தா. நனு அரஹா வீதராகோ³ வீததோ³ஸோ வீதமோஹோ கதகரணீயோ ஓஹிதபா⁴ரோ அனுப்பத்தஸத³த்தோ² பரிக்கீ²ணப⁴வஸம்யோஜனோ ஸம்மத³ஞ்ஞாவிமுத்தோ உக்கி²த்தபலிகோ⁴ ஸங்கிண்ணபரிகோ² அப்³பூ³ள்ஹேஸிகோ நிரக்³க³ளோ அரியோ பன்னத்³த⁴ஜோ பன்னபா⁴ரோ விஸஞ்ஞுத்தோ ஸுவிஜிதவிஜயோ, து³க்க²ம் தஸ்ஸ பரிஞ்ஞாதம், ஸமுத³யோ பஹீனோ, நிரோதோ⁴ ஸச்சி²கதோ, மக்³கோ³ பா⁴விதோ, அபி⁴ஞ்ஞேய்யம் அபி⁴ஞ்ஞாதம், பரிஞ்ஞேய்யம் பரிஞ்ஞாதம், பஹாதப்³ப³ம் பஹீனம், பா⁴வேதப்³ப³ம் பா⁴விதம், ஸச்சி²காதப்³ப³ம் ஸச்சி²கதந்தி? ஆமந்தா. ஹஞ்சி அரஹா வீதராகோ³ வீததோ³ஸோ வீதமோஹோ கதகரணீயோ…பே… ஸச்சி²காதப்³ப³ம் ஸச்சி²கதம், நோ ச வத ரே வத்தப்³பே³ – ‘‘அத்தி² அரஹதோ அஸுசி ஸுக்கவிஸ்ஸட்டீ²’’தி.

312. அத்தி² அரஹதோ அஸுசி ஸுக்கவிஸ்ஸட்டீ²தி? ஸத⁴ம்மகுஸலஸ்ஸ அரஹதோ அத்தி² அஸுசி ஸுக்கவிஸ்ஸட்டி², பரத⁴ம்மகுஸலஸ்ஸ அரஹதோ நத்தி² அஸுசி ஸுக்கவிஸ்ஸட்டீ²தி. ஸத⁴ம்மகுஸலஸ்ஸ அரஹதோ அத்தி² அஸுசி ஸுக்கவிஸ்ஸட்டீ²தி? ஆமந்தா. பரத⁴ம்மகுஸலஸ்ஸ அரஹதோ அத்தி² அஸுசி ஸுக்கவிஸ்ஸட்டீ²தி? ந ஹேவம் வத்தப்³பே³…பே….

பரத⁴ம்மகுஸலஸ்ஸ அரஹதோ நத்தி² அஸுசி ஸுக்கவிஸ்ஸட்டீ²தி? ஆமந்தா. ஸத⁴ம்மகுஸலஸ்ஸ அரஹதோ நத்தி² அஸுசி ஸுக்கவிஸ்ஸட்டீ²தி? ந ஹேவம் வத்தப்³பே³…பே….

ஸத⁴ம்மகுஸலஸ்ஸ அரஹதோ ராகோ³ பஹீனோ, அத்தி² தஸ்ஸ அஸுசி ஸுக்கவிஸ்ஸட்டீ²தி? ஆமந்தா. பரத⁴ம்மகுஸலஸ்ஸ அரஹதோ ராகோ³ பஹீனோ, அத்தி² தஸ்ஸ அஸுசி ஸுக்கவிஸ்ஸட்டீ²தி? ந ஹேவம் வத்தப்³பே³…பே….

ஸத⁴ம்மகுஸலஸ்ஸ அரஹதோ தோ³ஸோ பஹீனோ…பே… மோஹோ பஹீனோ…பே… அனோத்தப்பம் பஹீனம், அத்தி² தஸ்ஸ அஸுசி ஸுக்கவிஸ்ஸட்டீ²தி? ஆமந்தா. பரத⁴ம்மகுஸலஸ்ஸ அரஹதோ அனோத்தப்பம் பஹீனம், அத்தி² தஸ்ஸ அஸுசி ஸுக்கவிஸ்ஸட்டீ²தி? ந ஹேவம் வத்தப்³பே³…பே….

ஸத⁴ம்மகுஸலஸ்ஸ அரஹதோ ராக³ப்பஹானாய மக்³கோ³ பா⁴விதோ…பே… போ³ஜ்ஜ²ங்கா³ பா⁴விதா…பே… தோ³ஸப்பஹானாய…பே… மோஹப்பஹானாய…பே… அனோத்தப்பபஹானாய மக்³கோ³ பா⁴விதோ…பே… போ³ஜ்ஜ²ங்கா³ பா⁴விதா, அத்தி² தஸ்ஸ அஸுசி ஸுக்கவிஸ்ஸட்டீ²தி? ஆமந்தா. பரத⁴ம்மகுஸலஸ்ஸ அரஹதோ அனோத்தப்பபஹானாய போ³ஜ்ஜ²ங்கா³ பா⁴விதா, அத்தி² தஸ்ஸ அஸுசி ஸுக்கவிஸ்ஸட்டீ²தி? ந ஹேவம் வத்தப்³பே³…பே….

ஸத⁴ம்மகுஸலோ அரஹா வீதராகோ³ வீததோ³ஸோ வீதமோஹோ…பே… ஸச்சி²காதப்³ப³ம் ஸச்சி²கதம், அத்தி² தஸ்ஸ அஸுசி ஸுக்கவிஸ்ஸட்டீ²தி? ஆமந்தா. பரத⁴ம்மகுஸலோ அரஹா வீதராகோ³ வீததோ³ஸோ வீதமோஹோ…பே… ஸச்சி²காதப்³ப³ம் ஸச்சி²கதம், அத்தி² தஸ்ஸ அஸுசி ஸுக்கவிஸ்ஸட்டீ²தி? ந ஹேவம் வத்தப்³பே³…பே….

பரத⁴ம்மகுஸலஸ்ஸ அரஹதோ ராகோ³ பஹீனோ, நத்தி² தஸ்ஸ அஸுசி ஸுக்கவிஸ்ஸட்டீ²தி? ஆமந்தா. ஸத⁴ம்மகுஸலஸ்ஸ அரஹதோ ராகோ³ பஹீனோ, நத்தி² தஸ்ஸ அஸுசி ஸுக்கவிஸ்ஸட்டீ²தி? ந ஹேவம் வத்தப்³பே³…பே….

பரத⁴ம்மகுஸலஸ்ஸ அரஹதோ தோ³ஸோ பஹீனோ…பே… மோஹோ பஹீனோ…பே… அனோத்தப்பம் பஹீனம், நத்தி² தஸ்ஸ அஸுசி ஸுக்கவிஸ்ஸட்டீ²தி? ஆமந்தா. ஸத⁴ம்மகுஸலஸ்ஸ அரஹதோ அனோத்தப்பம் பஹீனம், நத்தி² தஸ்ஸ அஸுசி ஸுக்கவிஸ்ஸட்டீ²தி? ந ஹேவம் வத்தப்³பே³…பே….

பரத⁴ம்மகுஸலஸ்ஸ அரஹதோ ராக³ப்பஹானாய மக்³கோ³ பா⁴விதோ…பே… போ³ஜ்ஜ²ங்கா³ பா⁴விதா…பே… தோ³ஸப்பஹானாய…பே… மோஹப்பஹானாய…பே… அனோத்தப்பபஹானாய மக்³கோ³ பா⁴விதோ…பே… போ³ஜ்ஜ²ங்கா³ பா⁴விதா, நத்தி² தஸ்ஸ அஸுசி ஸுக்கவிஸ்ஸட்டீ²தி? ஆமந்தா. ஸத⁴ம்மகுஸலஸ்ஸ அரஹதோ அனோத்தப்பபஹானாய போ³ஜ்ஜ²ங்கா³ பா⁴விதா, நத்தி² தஸ்ஸ அஸுசி ஸுக்கவிஸ்ஸட்டீ²தி? ந ஹேவம் வத்தப்³பே³…பே….

பரத⁴ம்மகுஸலோ அரஹா வீதராகோ³ வீததோ³ஸோ வீதமோஹோ…பே… ஸச்சி²காதப்³ப³ம் ஸச்சி²கதம், நத்தி² தஸ்ஸ அஸுசி ஸுக்கவிஸ்ஸட்டீ²தி? ஆமந்தா. ஸத⁴ம்மகுஸலோ அரஹா வீதராகோ³ வீததோ³ஸோ வீதமோஹோ…பே… ஸச்சி²காதப்³ப³ம் ஸச்சி²கதம், நத்தி² தஸ்ஸ அஸுசி ஸுக்கவிஸ்ஸட்டீ²தி? ந ஹேவம் வத்தப்³பே³…பே….

313. அத்தி² அரஹதோ அஸுசி ஸுக்கவிஸ்ஸட்டீ²தி? ஆமந்தா. நனு வுத்தம் ப⁴க³வதா – ‘‘யே தே [யே கேசி (ஸீ.)], பி⁴க்க²வே, பி⁴க்கூ² புது²ஜ்ஜனா ஸீலஸம்பன்னா ஸதா ஸம்பஜானா நித்³த³ம் ஓக்கமந்தி, தேஸம் அஸுசி ந முச்சதி. யேபி தே, பி⁴க்க²வே, பா³ஹிரகா இஸயோ காமேஸு வீதராகா³, தேஸம்பி அஸுசி ந முச்சதி. அட்டா²னமேதம், பி⁴க்க²வே, அனவகாஸோ யம் அரஹதோ அஸுசி முச்சேய்யா’’தி [மஹாவ. 353 அத்த²தோ ஸமானம்; அ. நி. 5.210 பஸ்ஸிதப்³ப³ம்]. அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘அத்தி² அரஹதோ அஸுசி ஸுக்கவிஸ்ஸட்டீ²’’தி.

ந வத்தப்³ப³ம் – ‘‘அத்தி² அரஹதோ பரூபஹாரோ’’தி? ஆமந்தா. நனு அரஹதோ சீவரபிண்ட³பாதஸேனாஸனகி³லானபச்சயபே⁴ஸஜ்ஜபரிக்கா²ரம் பரே உபஸம்ஹரேய்யுந்தி? ஆமந்தா. ஹஞ்சி அரஹதோ சீவரபிண்ட³பாதஸேனாஸனகி³லானபச்சயபே⁴ஸஜ்ஜபரிக்கா²ரம் பரே உபஸம்ஹரேய்யும், தேன வத ரே வத்தப்³பே³ – ‘‘அத்தி² அரஹதோ பரூபஹாரோ’’தி.

அரஹதோ சீவரபிண்ட³பாதஸேனாஸனகி³லானபச்சயபே⁴ஸஜ்ஜபரிக்கா²ரம் பரே உபஸம்ஹரேய்யுந்தி, அத்தி² அரஹதோ பரூபஹாரோதி? ஆமந்தா. அரஹதோ ஸோதாபத்திப²லம் வா ஸகதா³கா³மிப²லம் வா அனாகா³மிப²லம் வா அரஹத்தம் வா பரே உபஸம்ஹரேய்யுந்தி? ந ஹேவம் வத்தப்³பே³…பே….

பரூபஹாரகதா² நிட்டி²தா.

2. து³தியவக்³கோ³

(11) 2. அஞ்ஞாணகதா²

314. அத்தி² அரஹதோ அஞ்ஞாணந்தி? ஆமந்தா. அத்தி² அரஹதோ அவிஜ்ஜா அவிஜ்ஜோகோ⁴ அவிஜ்ஜாயோகோ³ அவிஜ்ஜானுஸயோ அவிஜ்ஜாபரியுட்டா²னம் அவிஜ்ஜாஸம்யோஜனம் அவிஜ்ஜானீவரணந்தி? ந ஹேவம் வத்தப்³பே³. நத்தி² அரஹதோ அவிஜ்ஜா அவிஜ்ஜோகோ⁴ அவிஜ்ஜாயோகோ³ அவிஜ்ஜானுஸயோ அவிஜ்ஜாபரியுட்டா²னம் அவிஜ்ஜாஸம்யோஜனம் அவிஜ்ஜானீவரணந்தி? ஆமந்தா. ஹஞ்சி நத்தி² அரஹதோ அவிஜ்ஜா அவிஜ்ஜோகோ⁴ அவிஜ்ஜாயோகோ³ அவிஜ்ஜானுஸயோ அவிஜ்ஜாபரியுட்டா²னம் அவிஜ்ஜாஸம்யோஜனம் அவிஜ்ஜானீவரணம், நோ ச வத ரே வத்தப்³பே³ – ‘‘அத்தி² அரஹதோ அஞ்ஞாண’’ந்தி.

அத்தி² புது²ஜ்ஜனஸ்ஸ அஞ்ஞாணம், அத்தி² தஸ்ஸ அவிஜ்ஜா அவிஜ்ஜோகோ⁴ அவிஜ்ஜாயோகோ³ அவிஜ்ஜானுஸயோ அவிஜ்ஜாபரியுட்டா²னம் அவிஜ்ஜாஸம்யோஜனம் அவிஜ்ஜானீவரணந்தி? ஆமந்தா. அத்தி² அரஹதோ அஞ்ஞாணம், அத்தி² தஸ்ஸ அவிஜ்ஜா அவிஜ்ஜோகோ⁴ அவிஜ்ஜாயோகோ³ அவிஜ்ஜானுஸயோ அவிஜ்ஜாபரியுட்டா²னம் அவிஜ்ஜாஸம்யோஜனம் அவிஜ்ஜானீவரணந்தி? ந ஹேவம் வத்தப்³பே³.

அத்தி² அரஹதோ அஞ்ஞாணம், நத்தி² தஸ்ஸ அவிஜ்ஜா அவிஜ்ஜோகோ⁴ அவிஜ்ஜாயோகோ³ அவிஜ்ஜானுஸயோ அவிஜ்ஜாபரியுட்டா²னம் அவிஜ்ஜாஸம்யோஜனம் அவிஜ்ஜானீவரணந்தி? ஆமந்தா. அத்தி² புது²ஜ்ஜனஸ்ஸ அஞ்ஞாணம், நத்தி² தஸ்ஸ அவிஜ்ஜா அவிஜ்ஜோகோ⁴ அவிஜ்ஜாயோகோ³ அவிஜ்ஜானுஸயோ அவிஜ்ஜாபரியுட்டா²னம் அவிஜ்ஜாஸம்யோஜனம் அவிஜ்ஜானீவரணந்தி? ந ஹேவம் வத்தப்³பே³.

அத்தி² அரஹதோ அஞ்ஞாணந்தி? ஆமந்தா. அரஹா அஞ்ஞாணபகதோ பாணம் ஹனேய்ய, அதி³ன்னம் ஆதி³யேய்ய, முஸா ப⁴ணேய்ய, பிஸுணம் ப⁴ணேய்ய, ப²ருஸம் ப⁴ணேய்ய, ஸம்ப²ம் பலபேய்ய, ஸந்தி⁴ம் சி²ந்தே³ய்ய, நில்லோபம் ஹரேய்ய, ஏகாகா³ரியம் கரேய்ய, பரிபந்தே² திட்டே²ய்ய, பரதா³ரம் க³ச்சே²ய்ய, கா³மகா⁴தம் கரேய்ய, நிக³மகா⁴தம் கரேய்யாதி? ந ஹேவம் வத்தப்³பே³.

அத்தி² புது²ஜ்ஜனஸ்ஸ அஞ்ஞாணம், புது²ஜ்ஜனோ அஞ்ஞாணபகதோ பாணம் ஹனேய்ய, அதி³ன்னம் ஆதி³யேய்ய, முஸா ப⁴ணேய்ய…பே… கா³மகா⁴தம் கரேய்ய, நிக³மகா⁴தம் கரேய்யாதி? ஆமந்தா. அத்தி² அரஹதோ அஞ்ஞாணம், அரஹா அஞ்ஞாணபகதோ பாணம் ஹனேய்ய, அதி³ன்னம் ஆதி³யேய்ய…பே… கா³மகா⁴தம் கரேய்ய, நிக³மகா⁴தம் கரேய்யாதி? ந ஹேவம் வத்தப்³பே³.

அத்தி² அரஹதோ அஞ்ஞாணம், ந ச அரஹா அஞ்ஞாணபகதோ பாணம் ஹனேய்ய, அதி³ன்னம் ஆதி³யேய்ய…பே… கா³மகா⁴தம் கரேய்ய, நிக³மகா⁴தம் கரேய்யாதி? ஆமந்தா. அத்தி² புது²ஜ்ஜனஸ்ஸ அஞ்ஞாணம், ந ச புது²ஜ்ஜனோ அஞ்ஞாணபகதோ பாணம் ஹனேய்ய, அதி³ன்னம் ஆதி³யேய்ய…பே… கா³மகா⁴தம் கரேய்ய, நிக³மகா⁴தம் கரேய்யாதி? ந ஹேவம் வத்தப்³பே³.

அத்தி² அரஹதோ அஞ்ஞாணந்தி? ஆமந்தா. அத்தி² அரஹதோ ஸத்த²ரி அஞ்ஞாணம், த⁴ம்மே அஞ்ஞாணம், ஸங்கே⁴ அஞ்ஞாணம், ஸிக்கா²ய அஞ்ஞாணம், புப்³ப³ந்தே அஞ்ஞாணம், அபரந்தே அஞ்ஞாணம், புப்³ப³ந்தாபரந்தே அஞ்ஞாணம், இத³ப்பச்சயதாபடிச்சஸமுப்பன்னேஸு த⁴ம்மேஸு அஞ்ஞாணந்தி? ந ஹேவம் வத்தப்³பே³.

நத்தி² அரஹதோ ஸத்த²ரி அஞ்ஞாணம், த⁴ம்மே அஞ்ஞாணம், ஸங்கே⁴ அஞ்ஞாணம், ஸிக்கா²ய அஞ்ஞாணம், புப்³ப³ந்தே அஞ்ஞாணம், அபரந்தே அஞ்ஞாணம், புப்³ப³ந்தாபரந்தே அஞ்ஞாணம், இத³ப்பச்சயதாபடிச்சஸமுப்பன்னேஸு த⁴ம்மேஸு அஞ்ஞாணந்தி? ஆமந்தா. ஹஞ்சி நத்தி² அரஹதோ ஸத்த²ரி அஞ்ஞாணம், த⁴ம்மே அஞ்ஞாணம், ஸங்கே⁴ அஞ்ஞாணம்…பே… இத³ப்பச்சயதாபடிச்சஸமுப்பன்னேஸு த⁴ம்மேஸு அஞ்ஞாணம், நோ ச வத ரே வத்தப்³பே³ – ‘‘அத்தி² அரஹதோ அஞ்ஞாண’’ந்தி.

அத்தி² புது²ஜ்ஜனஸ்ஸ அஞ்ஞாணம், அத்தி² தஸ்ஸ ஸத்த²ரி அஞ்ஞாணம், த⁴ம்மே அஞ்ஞாணம், ஸங்கே⁴ அஞ்ஞாணம்…பே… இத³ப்பச்சயதாபடிச்சஸமுப்பன்னேஸு த⁴ம்மேஸு அஞ்ஞாணந்தி? ஆமந்தா. அத்தி² அரஹதோ அஞ்ஞாணம், அத்தி² தஸ்ஸ ஸத்த²ரி அஞ்ஞாணம், த⁴ம்மே அஞ்ஞாணம், ஸங்கே⁴ அஞ்ஞாணம்…பே… இத³ப்பச்சயதாபடிச்சஸமுப்பன்னேஸு த⁴ம்மேஸு அஞ்ஞாணந்தி? ந ஹேவம் வத்தப்³பே³.

அத்தி² அரஹதோ அஞ்ஞாணம், நத்தி² தஸ்ஸ ஸத்த²ரி அஞ்ஞாணம், த⁴ம்மே அஞ்ஞாணம், ஸங்கே⁴ அஞ்ஞாணம்…பே… இத³ப்பச்சயதாபடிச்சஸமுப்பன்னேஸு த⁴ம்மேஸு அஞ்ஞாணந்தி? ஆமந்தா. அத்தி² புது²ஜ்ஜனஸ்ஸ அஞ்ஞாணம், நத்தி² தஸ்ஸ ஸத்த²ரி அஞ்ஞாணம், த⁴ம்மே அஞ்ஞாணம், ஸங்கே⁴ அஞ்ஞாணம்…பே… இத³ப்பச்சயதாபடிச்சஸமுப்பன்னேஸு த⁴ம்மேஸு அஞ்ஞாணந்தி? ந ஹேவம் வத்தப்³பே³.

315. அத்தி² அரஹதோ அஞ்ஞாணந்தி? ஆமந்தா. நனு அரஹதோ ராகோ³ பஹீனோ உச்சி²ன்னமூலோ தாலாவத்து²கதோ அனபா⁴வங்கதோ ஆயதிம் அனுப்பாத³த⁴ம்மோதி? ஆமந்தா. ஹஞ்சி அரஹதோ ராகோ³ பஹீனோ உச்சி²ன்னமூலோ தாலாவத்து²கதோ அனபா⁴வங்கதோ ஆயதிம் அனுப்பாத³த⁴ம்மோ, நோ ச வத ரே வத்தப்³பே³ – ‘‘அத்தி² அரஹதோ அஞ்ஞாண’’ந்தி.

அத்தி² அரஹதோ அஞ்ஞாணந்தி? ஆமந்தா. நனு அரஹதோ தோ³ஸோ பஹீனோ…பே… மோஹோ பஹீனோ…பே… அனோத்தப்பம் பஹீனம் உச்சி²ன்னமூலம் தாலாவத்து²கதம் அனபா⁴வங்கதம் ஆயதிம் அனுப்பாத³த⁴ம்மந்தி? ஆமந்தா. ஹஞ்சி அரஹதோ அனோத்தப்பம் பஹீனம் உச்சி²ன்னமூலம் தாலாவத்து²கதம் அனபா⁴வங்கதம் ஆயதிம் அனுப்பாத³த⁴ம்மம், நோ ச வத ரே வத்தப்³பே³ – ‘‘அத்தி² அரஹதோ அஞ்ஞாண’’ந்தி.

அத்தி² அரஹதோ அஞ்ஞாணந்தி? ஆமந்தா. நனு அரஹதோ ராக³ப்பஹானாய மக்³கோ³ பா⁴விதோ…பே… போ³ஜ்ஜ²ங்கா³ பா⁴விதாதி? ஆமந்தா. ஹஞ்சி அரஹதோ ராக³ப்பஹானாய போ³ஜ்ஜ²ங்கா³ பா⁴விதா, நோ ச வத ரே வத்தப்³பே³ – ‘‘அத்தி² அரஹதோ அஞ்ஞாண’’ந்தி.

அத்தி² அரஹதோ அஞ்ஞாணந்தி? ஆமந்தா. நனு அரஹதோ தோ³ஸப்பஹானாய…பே… மோஹப்பஹானாய…பே… அனோத்தப்பபஹானாய மக்³கோ³ பா⁴விதோ …பே… போ³ஜ்ஜ²ங்கா³ பா⁴விதாதி? ஆமந்தா. ஹஞ்சி அரஹதோ அனோத்தப்பபஹானாய போ³ஜ்ஜ²ங்கா³ பா⁴விதா, நோ ச வத ரே வத்தப்³பே³ – ‘‘அத்தி² அரஹதோ அஞ்ஞாண’’ந்தி.

அத்தி² அரஹதோ அஞ்ஞாணந்தி? ஆமந்தா. நனு அரஹா வீதராகோ³ வீததோ³ஸோ வீதமோஹோ…பே… ஸச்சி²காதப்³ப³ம் ஸச்சி²கதந்தி? ஆமந்தா. ஹஞ்சி அரஹா வீதராகோ³…பே… ஸச்சி²காதப்³ப³ம் ஸச்சி²கதம், நோ ச வத ரே வத்தப்³பே³ – ‘‘அத்தி² அரஹதோ அஞ்ஞாண’’ந்தி.

316. அத்தி² அரஹதோ அஞ்ஞாணந்தி? ஸத⁴ம்மகுஸலஸ்ஸ அரஹதோ அத்தி² அஞ்ஞாணம், பரத⁴ம்மகுஸலஸ்ஸ அரஹதோ நத்தி² அஞ்ஞாணந்தி. ஸத⁴ம்மகுஸலஸ்ஸ அரஹதோ அத்தி² அஞ்ஞாணந்தி? ஆமந்தா. பரத⁴ம்மகுஸலஸ்ஸ அரஹதோ அத்தி² அஞ்ஞாணந்தி? ந ஹேவம் வத்தப்³பே³…பே….

பரத⁴ம்மகுஸலஸ்ஸ அரஹதோ நத்தி² அஞ்ஞாணந்தி? ஆமந்தா. ஸத⁴ம்மகுஸலஸ்ஸ அரஹதோ நத்தி² அஞ்ஞாணந்தி? ந ஹேவம் வத்தப்³பே³…பே….

ஸத⁴ம்மகுஸலஸ்ஸ அரஹதோ ராகோ³ பஹீனோ, அத்தி² தஸ்ஸ அஞ்ஞாணந்தி? ஆமந்தா. பரத⁴ம்மகுஸலஸ்ஸ அரஹதோ ராகோ³ பஹீனோ, அத்தி² தஸ்ஸ அஞ்ஞாணந்தி? ந ஹேவம் வத்தப்³பே³…பே….

ஸத⁴ம்மகுஸலஸ்ஸ அரஹதோ தோ³ஸோ பஹீனோ…பே… மோஹோ பஹீனோ…பே… அனோத்தப்பம் பஹீனம், அத்தி² தஸ்ஸ அஞ்ஞாணந்தி? ஆமந்தா. பரத⁴ம்மகுஸலஸ்ஸ அரஹதோ அனோத்தப்பம் பஹீனம், அத்தி² தஸ்ஸ அஞ்ஞாணந்தி? ந ஹேவம் வத்தப்³பே³…பே….

ஸத⁴ம்மகுஸலஸ்ஸ அரஹதோ ராக³ப்பஹானாய மக்³கோ³ பா⁴விதோ…பே… போ³ஜ்ஜ²ங்கா³ பா⁴விதா, அத்தி² தஸ்ஸ அஞ்ஞாணந்தி? ஆமந்தா. பரத⁴ம்மகுஸலஸ்ஸ அரஹதோ ராக³ப்பஹானாய போ³ஜ்ஜ²ங்கா³ பா⁴விதா, அத்தி² தஸ்ஸ அஞ்ஞாணந்தி? ந ஹேவம் வத்தப்³பே³…பே….

ஸத⁴ம்மகுஸலஸ்ஸ அரஹதோ தோ³ஸப்பஹானாய…பே… மோஹப்பஹானாய…பே… அனோத்தப்பபஹானாய மக்³கோ³ பா⁴விதோ…பே… போ³ஜ்ஜ²ங்கா³ பா⁴விதா, அத்தி² தஸ்ஸ அஞ்ஞாணந்தி? ஆமந்தா. பரத⁴ம்மகுஸலஸ்ஸ அரஹதோ அனோத்தப்பபஹானாய போ³ஜ்ஜ²ங்கா³ பா⁴விதா, அத்தி² தஸ்ஸ அஞ்ஞாணந்தி? ந ஹேவம் வத்தப்³பே³…பே….

ஸத⁴ம்மகுஸலோ அரஹா வீதராகோ³ வீததோ³ஸோ வீதமோஹோ…பே… ஸச்சி²காதப்³ப³ம் ஸச்சி²கதம், அத்தி² தஸ்ஸ அஞ்ஞாணந்தி? ஆமந்தா. பரத⁴ம்மகுஸலோ அரஹா வீதராகோ³ வீததோ³ஸோ வீதமோஹோ…பே… ஸச்சி²காதப்³ப³ம் ஸச்சி²கதம், அத்தி² தஸ்ஸ அஞ்ஞாணந்தி? ந ஹேவம் வத்தப்³பே³…பே….

பரத⁴ம்மகுஸலஸ்ஸ அரஹதோ ராகோ³ பஹீனோ, நத்தி² தஸ்ஸ அஞ்ஞாணந்தி? ஆமந்தா. ஸத⁴ம்மகுஸலஸ்ஸ அரஹதோ ராகோ³ பஹீனோ, நத்தி² தஸ்ஸ அஞ்ஞாணந்தி? ந ஹேவம் வத்தப்³பே³…பே….

பரத⁴ம்மகுஸலஸ்ஸ அரஹதோ தோ³ஸோ பஹீனோ…பே… மோஹோ பஹீனோ…பே… அனோத்தப்பம் பஹீனம், நத்தி² தஸ்ஸ அஞ்ஞாணந்தி? ஆமந்தா. ஸத⁴ம்மகுஸலஸ்ஸ அரஹதோ அனோத்தப்பம் பஹீனம், நத்தி² தஸ்ஸ அஞ்ஞாணந்தி? ந ஹேவம் வத்தப்³பே³…பே….

பரத⁴ம்மகுஸலஸ்ஸ அரஹதோ ராக³ப்பஹானாய மக்³கோ³ பா⁴விதோ…பே… போ³ஜ்ஜ²ங்கா³ பா⁴விதா…பே… தோ³ஸப்பஹானாய மோஹப்பஹானாய…பே… அனோத்தப்பபஹானாய மக்³கோ³ பா⁴விதோ…பே… போ³ஜ்ஜ²ங்கா³ பா⁴விதா, நத்தி² தஸ்ஸ அஞ்ஞாணந்தி? ஆமந்தா. ஸத⁴ம்மகுஸலஸ்ஸ அரஹதோ அனோத்தப்பபஹானாய போ³ஜ்ஜ²ங்கா³ பா⁴விதா, நத்தி² தஸ்ஸ அஞ்ஞாணந்தி? ந ஹேவம் வத்தப்³பே³…பே….

பரத⁴ம்மகுஸலோ அரஹா வீதராகோ³ வீததோ³ஸோ வீதமோஹோ…பே… ஸச்சி²காதப்³ப³ம் ஸச்சி²கதம், நத்தி² தஸ்ஸ அஞ்ஞாணந்தி? ஆமந்தா. ஸத⁴ம்மகுஸலோ அரஹா வீதராகோ³ வீததோ³ஸோ வீதமோஹோ …பே… ஸச்சி²காதப்³ப³ம் ஸச்சி²கதம், நத்தி² தஸ்ஸ அஞ்ஞாணந்தி? ந ஹேவம் வத்தப்³பே³…பே….

317. அத்தி² அரஹதோ அஞ்ஞாணந்தி? ஆமந்தா. நனு வுத்தம் ப⁴க³வதா – ‘‘ஜானதோஹம் [ஜானதாஹம் (ஸீ.), ஜானத்வாஹம் (ஸ்யா. பீ. க.)], பி⁴க்க²வே, பஸ்ஸதோ ஆஸவானம் க²யம் வதா³மி, நோ அஜானதோ நோ அபஸ்ஸதோ. கிஞ்ச, பி⁴க்க²வே, ஜானதோ கிம் பஸ்ஸதோ ஆஸவானம் க²யோ ஹோதி? ‘இதி ரூபம், இதி ரூபஸ்ஸ ஸமுத³யோ, இதி ரூபஸ்ஸ அத்த²ங்க³மோ, இதி வேத³னா…பே… இதி ஸஞ்ஞா… இதி ஸங்கா²ரா… இதி விஞ்ஞாணம், இதி விஞ்ஞாணஸ்ஸ ஸமுத³யோ, இதி விஞ்ஞாணஸ்ஸ அத்த²ங்க³மோ’தி – ஏவம் கோ², பி⁴க்க²வே, ஜானதோ ஏவம் பஸ்ஸதோ ஆஸவானம் க²யோ ஹோதீ’’தி [ஸம். நி. 3.101; இதிவு. 102; ஸம். நி. 5.1095]. அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘அத்தி² அரஹதோ அஞ்ஞாண’’ந்தி.

அத்தி² அரஹதோ அஞ்ஞாணந்தி? ஆமந்தா. நனு வுத்தம் ப⁴க³வதா – ‘‘ஜானதோஹம், பி⁴க்க²வே, பஸ்ஸதோ ஆஸவானம் க²யம் வதா³மி, நோ அஜானதோ நோ அபஸ்ஸதோ. கிஞ்ச, பி⁴க்க²வே, ஜானதோ கிம் பஸ்ஸதோ ஆஸவானம் க²யோ ஹோதி? ‘இத³ம் து³க்க²’ந்தி – பி⁴க்க²வே, ஜானதோ பஸ்ஸதோ ஆஸவானம் க²யோ ஹோதி, ‘அயம் து³க்க²ஸமுத³யோ’தி – ஜானதோ பஸ்ஸதோ ஆஸவானம் க²யோ ஹோதி, ‘அயம் து³க்க²னிரோதோ⁴’தி – ஜானதோ பஸ்ஸதோ ஆஸவானம் க²யோ ஹோதி, ‘அயம் து³க்க²னிரோத⁴கா³மினீ படிபதா³’தி – ஜானதோ பஸ்ஸதோ ஆஸவானம் க²யோ ஹோதி. ஏவம் கோ², பி⁴க்க²வே, ஜானதோ ஏவம் பஸ்ஸதோ ஆஸவானம் க²யோ ஹோதீ’’தி [ஸம். நி. 5.1095]. அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘அத்தி² அரஹதோ அஞ்ஞாண’’ந்தி.

அத்தி² அரஹதோ அஞ்ஞாணந்தி? ஆமந்தா. நனு வுத்தம் ப⁴க³வதா – ‘‘ஸப்³ப³ம், பி⁴க்க²வே, அனபி⁴ஜானம் அபரிஜானம் அவிராஜயம் அப்பஜஹம் அப⁴ப்³போ³ து³க்க²க்க²யாய, ஸப்³ப³ஞ்ச கோ², பி⁴க்க²வே, அபி⁴ஜானம் பரிஜானம் விராஜயம் பஜஹம் ப⁴ப்³போ³ து³க்க²க்க²யாயா’’தி [ஸம். நி. 4.26; இதிவு. 7 இதிவுத்தகேபி]! அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘அத்தி² அரஹதோ அஞ்ஞாண’’ந்தி.

அத்தி² அரஹதோ அஞ்ஞாணந்தி? ஆமந்தா. நனு வுத்தம் ப⁴க³வதா –

‘‘ஸஹாவஸ்ஸ த³ஸ்ஸனஸம்பதா³ய,

தயஸ்ஸு த⁴ம்மா ஜஹிதா ப⁴வந்தி;

ஸக்காயதி³ட்டீ² விசிகிச்சி²தஞ்ச,

ஸீலப்³ப³தம் வாபி யத³த்தி² கிஞ்சி;

சதூஹபாயேஹி ச விப்பமுத்தோ,

ச²ச்சாபி⁴டா²னானி அப⁴ப்³ப³ காது’’ந்தி.

அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘அத்தி² அரஹதோ அஞ்ஞாண’’ந்தி.

அத்தி² அரஹதோ அஞ்ஞாணந்தி? ஆமந்தா. நனு வுத்தம் ப⁴க³வதா – ‘‘யஸ்மிம், பி⁴க்க²வே, ஸமயே அரியஸாவகஸ்ஸ விரஜம் வீதமலம் த⁴ம்மசக்கு²ம் உத³பாதி³ – ‘யம் கிஞ்சி ஸமுத³யத⁴ம்மம் ஸப்³ப³ம் தம் நிரோத⁴த⁴ம்ம’ந்தி, ஸஹ த³ஸ்ஸனுப்பாதா³, பி⁴க்க²வே, அரியஸாவகஸ்ஸ தீணி ஸம்யோஜனானி பஹீயந்தி – ஸக்காயதி³ட்டி², விசிகிச்சா², ஸீலப்³ப³தபராமாஸோ’’தி. அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘அத்தி² அரஹதோ அஞ்ஞாண’’ந்தி.

ந வத்தப்³ப³ம் – ‘‘அத்தி² அரஹதோ அஞ்ஞாண’’ந்தி? ஆமந்தா. நனு அரஹா இத்தி²புரிஸானம் நாமகோ³த்தம் ந ஜானேய்ய, மக்³கா³மக்³க³ம் ந ஜானேய்ய, திணகட்ட²வனப்பதீனம் நாமம் ந ஜானேய்யாதி? ஆமந்தா. ஹஞ்சி அரஹா இத்தி²புரிஸானம் நாமகோ³த்தம் ந ஜானேய்ய, மக்³கா³மக்³க³ம் ந ஜானேய்ய, திணகட்ட²வனப்பதீனம் நாமம் ந ஜானேய்ய, தேன வத ரே வத்தப்³பே³ – ‘‘அத்தி² அரஹதோ அஞ்ஞாண’’ந்தி.

அரஹா இத்தி²புரிஸானம் நாமகோ³த்தம் ந ஜானேய்ய, மக்³கா³மக்³க³ம் ந ஜானேய்ய, திணகட்ட²வனப்பதீனம் நாமம் ந ஜானேய்யாதி, அத்தி² அரஹதோ அஞ்ஞாணந்தி? ஆமந்தா. அரஹா ஸோதாபத்திப²லம் வா ஸகதா³கா³மிப²லம் வா அனாகா³மிப²லம் வா அரஹத்தம் வா ந ஜானேய்யாதி? ந ஹேவம் வத்தப்³பே³…பே….

அஞ்ஞாணகதா² நிட்டி²தா.

2. து³தியவக்³கோ³

(12) 3. கங்கா²கதா²

318. அத்தி² அரஹதோ கங்கா²தி? ஆமந்தா. அத்தி² அரஹதோ விசிகிச்சா² விசிகிச்சா²பரியுட்டா²னம் விசிகிச்சா²ஸம்யோஜனம் விசிகிச்சா²னீவரணந்தி? ந ஹேவம் வத்தப்³பே³…பே….

நத்தி² அரஹதோ விசிகிச்சா² விசிகிச்சா²பரியுட்டா²னம் விசிகிச்சா²ஸம்யோஜனம் விசிகிச்சா²னீவரணந்தி? ஆமந்தா. ஹஞ்சி நத்தி² அரஹதோ விசிகிச்சா² விசிகிச்சா²பரியுட்டா²னம் விசிகிச்சா²ஸம்யோஜனம் விசிகிச்சா²னீவரணம், நோ ச வத ரே வத்தப்³பே³ – ‘‘அத்தி² அரஹதோ கங்கா²’’தி.

அத்தி² புது²ஜ்ஜனஸ்ஸ கங்கா², அத்தி² தஸ்ஸ விசிகிச்சா² விசிகிச்சா²பரியுட்டா²னம் விசிகிச்சா²ஸம்யோஜனம் விசிகிச்சா²னீவரணந்தி? ஆமந்தா. அத்தி² அரஹதோ கங்கா², அத்தி² தஸ்ஸ விசிகிச்சா² விசிகிச்சா²பரியுட்டா²னம் விசிகிச்சா²ஸம்யோஜனம் விசிகிச்சா²னீவரணந்தி? ந ஹேவம் வத்தப்³பே³…பே….

அத்தி² அரஹதோ கங்கா², நத்தி² தஸ்ஸ விசிகிச்சா² விசிகிச்சா²பரியுட்டா²னம் விசிகிச்சா²ஸம்யோஜனம் விசிகிச்சா²னீவரணந்தி? ஆமந்தா. அத்தி² புது²ஜ்ஜனஸ்ஸ கங்கா², நத்தி² தஸ்ஸ விசிகிச்சா² விசிகிச்சா²பரியுட்டா²னம் விசிகிச்சா²ஸம்யோஜனம் விசிகிச்சா²னீவரணந்தி? ந ஹேவம் வத்தப்³பே³…பே….

அத்தி² அரஹதோ கங்கா²தி? ஆமந்தா. அத்தி² அரஹதோ ஸத்த²ரி கங்கா², த⁴ம்மே கங்கா², ஸங்கே⁴ கங்கா², ஸிக்கா²ய கங்கா², புப்³ப³ந்தே கங்கா², அபரந்தே கங்கா², புப்³ப³ந்தாபரந்தே கங்கா², இத³ப்பச்சயதாபடிச்சஸமுப்பன்னேஸு த⁴ம்மேஸு கங்கா²தி? ந ஹேவம் வத்தப்³பே³.

நத்தி² அரஹதோ ஸத்த²ரி கங்கா², த⁴ம்மே கங்கா²…பே… இத³ப்பச்சயதாபடிச்சஸமுப்பன்னேஸு த⁴ம்மேஸு கங்கா²தி? ஆமந்தா. ஹஞ்சி நத்தி² அரஹதோ ஸத்த²ரி கங்கா², த⁴ம்மே கங்கா²…பே… இத³ப்பச்சயதாபடிச்சஸமுப்பன்னேஸு த⁴ம்மேஸு கங்கா², நோ ச வத ரே வத்தப்³பே³ – ‘‘அத்தி² அரஹதோ கங்கா²’’தி.

அத்தி² புது²ஜ்ஜனஸ்ஸ கங்கா², அத்தி² தஸ்ஸ ஸத்த²ரி கங்கா², த⁴ம்மே கங்கா²…பே… இத³ப்பச்சயதாபடிச்சஸமுப்பன்னேஸு த⁴ம்மேஸு கங்கா²தி? ஆமந்தா. அத்தி² அரஹதோ கங்கா², அத்தி² தஸ்ஸ ஸத்த²ரி கங்கா², த⁴ம்மே கங்கா²…பே… இத³ப்பச்சயதாபடிச்சஸமுப்பன்னேஸு த⁴ம்மேஸு கங்கா²தி? ந ஹேவம் வத்தப்³பே³.

அத்தி² அரஹதோ கங்கா², நத்தி² தஸ்ஸ ஸத்த²ரி கங்கா², த⁴ம்மே கங்கா²…பே… இத³ப்பச்சயதாபடிச்சஸமுப்பன்னேஸு த⁴ம்மேஸு கங்கா²தி? ஆமந்தா. அத்தி² புது²ஜ்ஜனஸ்ஸ கங்கா², நத்தி² தஸ்ஸ ஸத்த²ரி கங்கா², த⁴ம்மே கங்கா²…பே… இத³ப்பச்சயதாபடிச்சஸமுப்பன்னேஸு த⁴ம்மேஸு கங்கா²தி? ந ஹேவம் வத்தப்³பே³.

319. அத்தி² அரஹதோ கங்கா²தி? ஆமந்தா. நனு அரஹதோ ராகோ³ பஹீனோ உச்சி²ன்னமூலோ தாலாவத்து²கதோ அனபா⁴வங்கதோ ஆயதிம் அனுப்பாத³த⁴ம்மோதி? ஆமந்தா. ஹஞ்சி அரஹதோ ராகோ³ பஹீனோ உச்சி²ன்னமூலோ தாலாவத்து²கதோ அனபா⁴வங்கதோ ஆயதிம் அனுப்பாத³த⁴ம்மோ, நோ ச வத ரே வத்தப்³பே³ – ‘‘அத்தி² அரஹதோ கங்கா²’’தி.

அத்தி² அரஹதோ கங்கா²தி? ஆமந்தா. நனு அரஹதோ தோ³ஸோ பஹீனோ…பே… மோஹோ பஹீனோ…பே… அனோத்தப்பம் பஹீனம்…பே… ராக³ப்பஹானாய மக்³கோ³ பா⁴விதோ…பே… போ³ஜ்ஜ²ங்கா³ பா⁴விதா…பே… தோ³ஸப்பஹானாய…பே… அனோத்தப்பபஹானாய மக்³கோ³ பா⁴விதோ…பே… போ³ஜ்ஜ²ங்கா³ பா⁴விதா; நனு அரஹா வீதராகோ³ வீததோ³ஸோ வீதமோஹோ…பே… ஸச்சி²காதப்³ப³ம் ஸச்சி²கதந்தி? ஆமந்தா. ஹஞ்சி அரஹா வீதராகோ³ வீததோ³ஸோ வீதமோஹோ…பே… ஸச்சி²காதப்³ப³ம் ஸச்சி²கதம், நோ ச வத ரே வத்தப்³பே³ – ‘‘அத்தி² அரஹதோ கங்கா²’’தி.

320. அத்தி² அரஹதோ கங்கா²தி? ஸத⁴ம்மகுஸலஸ்ஸ அரஹதோ அத்தி² கங்கா², பரத⁴ம்மகுஸலஸ்ஸ அரஹதோ நத்தி² கங்கா²தி. ஸத⁴ம்மகுஸலஸ்ஸ அரஹதோ அத்தி² கங்கா²தி? ஆமந்தா. பரத⁴ம்மகுஸலஸ்ஸ அரஹதோ அத்தி² கங்கா²தி? ந ஹேவம் வத்தப்³பே³…பே….

பரத⁴ம்மகுஸலஸ்ஸ அரஹதோ நத்தி² கங்கா²தி? ஆமந்தா. ஸத⁴ம்மகுஸலஸ்ஸ அரஹதோ நத்தி² கங்கா²தி? ந ஹேவம் வத்தப்³பே³…பே….

ஸத⁴ம்மகுஸலஸ்ஸ அரஹதோ ராகோ³ பஹீனோ, அத்தி² தஸ்ஸ கங்கா²தி? ஆமந்தா. பரத⁴ம்மகுஸலஸ்ஸ அரஹதோ ராகோ³ பஹீனோ, அத்தி² தஸ்ஸ கங்கா²தி? ந ஹேவம் வத்தப்³பே³…பே….

ஸத⁴ம்மகுஸலஸ்ஸ அரஹதோ தோ³ஸோ பஹீனோ…பே… மோஹோ பஹீனோ…பே… அனோத்தப்பம் பஹீனம்…பே… ராக³ப்பஹானாய மக்³கோ³ பா⁴விதோ…பே… போ³ஜ்ஜ²ங்கா³ பா⁴விதா…பே… தோ³ஸப்பஹானாய…பே… மோஹப்பஹானாய…பே… அனோத்தப்பபஹானாய மக்³கோ³ பா⁴விதோ…பே… போ³ஜ்ஜ²ங்கா³ பா⁴விதா…பே… ஸத⁴ம்மகுஸலோ அரஹா வீதராகோ³ வீததோ³ஸோ வீதமோஹோ …பே… ஸச்சி²காதப்³ப³ம் ஸச்சி²கதம், அத்தி² தஸ்ஸ கங்கா²தி? ஆமந்தா. பரத⁴ம்மகுஸலோ அரஹா வீதராகோ³ வீததோ³ஸோ வீதமோஹோ…பே… ஸச்சி²காதப்³ப³ம் ஸச்சி²கதம், அத்தி² தஸ்ஸ கங்கா²தி? ந ஹேவம் வத்தப்³பே³…பே… பரத⁴ம்மகுஸலஸ்ஸ அரஹதோ ராகோ³ பஹீனோ, நத்தி² தஸ்ஸ கங்கா²தி? ஆமந்தா. ஸத⁴ம்மகுஸலஸ்ஸ அரஹதோ ராகோ³ பஹீனோ, நத்தி² தஸ்ஸ கங்கா²தி? ந ஹேவம் வத்தப்³பே³…பே….

பரத⁴ம்மகுஸலஸ்ஸ அரஹதோ தோ³ஸோ பஹீனோ…பே… மோஹோ பஹீனோ…பே… அனோத்தப்பம் பஹீனம்…பே… ராக³ப்பஹானாய மக்³கோ³ பா⁴விதோ…பே… போ³ஜ்ஜ²ங்கா³ பா⁴விதா…பே… தோ³ஸப்பஹானாய…பே… மோஹப்பஹானாய…பே… அனோத்தப்பபஹானாய மக்³கோ³ பா⁴விதோ…பே… போ³ஜ்ஜ²ங்கா³ பா⁴விதா…பே… பரத⁴ம்மகுஸலோ அரஹா வீதராகோ³ வீததோ³ஸோ வீதமோஹோ…பே… ஸச்சி²காதப்³ப³ம் ஸச்சி²கதம், நத்தி² தஸ்ஸ கங்கா²தி? ஆமந்தா. ஸத⁴ம்மகுஸலோ அரஹா வீதராகோ³ வீததோ³ஸோ வீதமோஹோ…பே… ஸச்சி²காதப்³ப³ம் ஸச்சி²கதம், நத்தி² தஸ்ஸ கங்கா²தி? ந ஹேவம் வத்தப்³பே³…பே….

321. அத்தி² அரஹதோ கங்கா²தி? ஆமந்தா. நனு வுத்தம் ப⁴க³வதா – ‘‘ஜானதோஹம், பி⁴க்க²வே, பஸ்ஸதோ ஆஸவானம் க²யம் வதா³மி, நோ அஜானதோ நோ அபஸ்ஸதோ! கிஞ்ச, பி⁴க்க²வே, ஜானதோ கிம் பஸ்ஸதோ ஆஸவானம் க²யோ ஹோதி? ‘இதி ரூபம்’…பே… ‘இதி விஞ்ஞாணஸ்ஸ அத்த²ங்க³மோ’தி – ஏவம் கோ², பி⁴க்க²வே, ஜானதோ ஏவம் பஸ்ஸதோ ஆஸவானம் க²யோ ஹோதீ’’தி. அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘அத்தி² அரஹதோ கங்கா²’’தி.

அத்தி² அரஹதோ கங்கா²தி? ஆமந்தா. நனு வுத்தம் ப⁴க³வதா – ‘‘ஜானதோஹம், பி⁴க்க²வே, பஸ்ஸதோ ஆஸவானம் க²யம் வதா³மி, நோ அஜானதோ நோ அபஸ்ஸதோ! கிஞ்ச, பி⁴க்க²வே, ஜானதோ கிம் பஸ்ஸதோ ஆஸவானம் க²யோ ஹோதி? ‘இத³ம் து³க்க²’ந்தி, பி⁴க்க²வே…பே… ‘அயம் து³க்க²னிரோத⁴கா³மினீ படிபதா³’தி ஜானதோ பஸ்ஸதோ ஆஸவானம் க²யோ ஹோதி. ஏவம் கோ², பி⁴க்க²வே, ஜானதோ ஏவம் பஸ்ஸதோ ஆஸவானம் க²யோ ஹோதீ’’தி. அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘அத்தி² அரஹதோ கங்கா²’’தி.

அத்தி² அரஹதோ கங்கா²தி? ஆமந்தா. நனு வுத்தம் ப⁴க³வதா – ‘‘ஸப்³ப³ம், பி⁴க்க²வே, அனபி⁴ஜானம் அபரிஜானம் அவிராஜயம் அப்பஜஹம் அப⁴ப்³போ³ து³க்க²க்க²யாய; ஸப்³ப³ஞ்ச கோ², பி⁴க்க²வே, அபி⁴ஜானம் பரிஜானம் விராஜயம் பஜஹம் ப⁴ப்³போ³ து³க்க²க்க²யாயா’’தி! அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘அத்தி² அரஹதோ கங்கா²’’தி.

அத்தி² அரஹதோ கங்கா²தி? ஆமந்தா. நனு வுத்தம் ப⁴க³வதா – ‘‘ஸஹாவஸ்ஸ த³ஸ்ஸனஸம்பதா³ய …பே… ச²ச்சாபி⁴டா²னானி அப⁴ப்³ப³ காது’’ந்தி. அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘அத்தி² அரஹதோ கங்கா²’’தி.

அத்தி² அரஹதோ கங்கா²தி? ஆமந்தா. நனு வுத்தம் ப⁴க³வதா – ‘‘யஸ்மிம், பி⁴க்க²வே, ஸமயே அரியஸாவகஸ்ஸ விரஜம் வீதமலம் த⁴ம்மசக்கு²ம் உத³பாதி³ – ‘யம் கிஞ்சி ஸமுத³யத⁴ம்மம் ஸப்³ப³ம் தம் நிரோத⁴த⁴ம்ம’ந்தி, ஸஹ த³ஸ்ஸனுப்பாதா³, பி⁴க்க²வே, அரியஸாவகஸ்ஸ தீணி ஸம்யோஜனானி பஹீயந்தி – ஸக்காயதி³ட்டி², விசிகிச்சா², ஸீலப்³ப³தபராமாஸோ’’தி! அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘அத்தி² அரஹதோ கங்கா²’’தி.

அத்தி² அரஹதோ கங்கா²தி? ஆமந்தா. நனு வுத்தம் ப⁴க³வதா –

‘‘யதா³ ஹவே பாதுப⁴வந்தி த⁴ம்மா,

ஆதாபினோ ஜா²யதோ ப்³ராஹ்மணஸ்ஸ;

அத²ஸ்ஸ கங்கா² வபயந்தி ஸப்³பா³,

யதோ பஜானாதி ஸஹேதுத⁴ம்மந்தி.

‘‘யதா³ ஹவே பாதுப⁴வந்தி த⁴ம்மா,

ஆதாபினோ ஜா²யதோ ப்³ராஹ்மணஸ்ஸ;

அத²ஸ்ஸ கங்கா² வபயந்தி ஸப்³பா³,

யதோ க²யம் பச்சயானம் அவேதீ³தி.

‘‘யதா³ ஹவே பாதுப⁴வந்தி த⁴ம்மா,

ஆதாபினோ ஜா²யதோ ப்³ராஹ்மணஸ்ஸ;

விதூ⁴பயம் திட்ட²தி மாரஸேனம்,

ஸூரியோவ [ஸுரியோவ (ஸீ. ஸ்யா. கம். பீ.)] ஓபா⁴ஸயமந்தலிக்க²ந்தி [மஹாவ. 3; உதா³. 3].

‘‘யா காசி கங்கா² இத⁴ வா ஹுரம் வா,

ஸகவேதி³யா வா பரவேதி³யா வா;

ஜா²யினோ [யே ஜா²யினோ (உதா³னே)] தா பஜஹந்தி ஸப்³பா³,

ஆதாபினோ ப்³ரஹ்மசரியம் சரந்தாதி [உதா³. 47 உதா³னேபி].

‘‘யே கங்கா²ஸமதிக்கந்தா, கங்கா²பூ⁴தேஸு பாணிஸு;

அஸம்ஸயா விஸம்யுத்தா, தேஸு தி³ன்னம் மஹப்ப²லந்தி.

‘‘ஏதாதி³ஸீ த⁴ம்மபகாஸனேத்த²,

ந தத்த² கிம் கங்க²தி கோசி ஸாவகோ;

நித்தி²ண்ணஓக⁴ம் [நிதிண்ணஓக⁴ம் (ஸீ. க.), நித்திண்ணஓக⁴ம் (ஸ்யா. கம்.)] விசிகிச்ச²சி²ன்னம்,

பு³த்³த⁴ம் நமஸ்ஸாம ஜினம் ஜனிந்தா³’’தி [தீ³. நி. 2.354].

அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ம் – ‘‘அத்தி² அரஹதோ கங்கா²’’தி.

ந வத்தப்³ப³ம் – ‘‘அத்தி² அரஹதோ கங்கா²’’தி? ஆமந்தா. நனு அரஹா இத்தி²புரிஸானம் நாமகோ³த்தே கங்கே²ய்ய, மக்³கா³மக்³கே³ கங்கே²ய்ய, திணகட்ட²வனப்பதீனம் நாமே கங்கே²ய்யா’’தி? ஆமந்தா. ஹஞ்சி அரஹா இத்தி²புரிஸானம் நாமகோ³த்தே கங்கே²ய்ய, மக்³கா³மக்³கே³ கங்கே²ய்ய, திணகட்ட²வனப்பதீனம் நாமே கங்கே²ய்ய; தேன வத ரே வத்தப்³பே³ – ‘‘அத்தி² அரஹதோ கங்கா²’’தி.

அரஹா இத்தி²புரிஸானம் நாமகோ³த்தே கங்கே²ய்ய, மக்³கா³மக்³கே³ கங்கே²ய்ய, திணகட்ட²வனப்பதீனம் நாமே கங்கே²ய்யாதி, அத்தி² அரஹதோ கங்கா²தி? ஆமந்தா. அரஹா ஸோதாபத்திப²லே வா ஸகதா³கா³மிப²லே வா அனாகா³மிப²லே வா அரஹத்தே வா கங்கே²ய்யாதி? ந ஹேவம் வத்தப்³பே³…பே….

கங்கா²கதா² நிட்டி²தா.

2. து³தியவக்³கோ³

(13) 4. பரவிதாரணகதா²

322. அத்தி² அரஹதோ பரவிதாரணாதி? ஆமந்தா. அரஹா பரனேய்யோ பரபத்தியோ பரபச்சயோ பரபடிப³த்³த⁴பூ⁴, ந ஜானாதி ந பஸ்ஸதி ஸம்மூள்ஹோ அஸம்பஜானோதி? ந ஹேவம் வத்தப்³பே³…பே….

நனு அரஹா ந பரனேய்யோ ந பரபத்தியோ ந பரபச்சயோ ந பரபடிப³த்³த⁴பூ⁴ ஜானாதி பஸ்ஸதி அஸம்மூள்ஹோ ஸம்பஜானோதி? ஆமந்தா. ஹஞ்சி அரஹா ந பரனேய்யோ ந பரபத்தியோ ந பரபச்சயோ ந பரபடிப³த்³த⁴பூ⁴, ஜானாதி பஸ்ஸதி அஸம்மூள்ஹோ ஸம்பஜானோ, நோ ச வத ரே வத்தப்³பே³ – ‘‘அத்தி² அரஹதோ பரவிதாரணா’’தி.

அத்தி² புது²ஜ்ஜனஸ்ஸ பரவிதாரணா, ஸோ ச பரனேய்யோ பரபத்தியோ பரபச்சயோ பரபடிப³த்³த⁴பூ⁴, ந ஜானாதி ந பஸ்ஸதி ஸம்மூள்ஹோ அஸம்பஜானோதி? ஆமந்தா. அத்தி² அரஹதோ பரவிதாரணா, ஸோ ச பரனேய்யோ பரபத்தியோ பரபச்சயோ பரபடிப³த்³த⁴பூ⁴, ந ஜானாதி ந பஸ்ஸதி ஸம்மூள்ஹோ அஸம்பஜானோதி? ந ஹேவம் வத்தப்³பே³…பே….

அத்தி² அரஹதோ பரவிதாரணா, ஸோ ச ந பரனேய்யோ ந பரபத்தியோ ந பரபச்சயோ ந பரபடிப³த்³த⁴பூ⁴, ஜானாதி பஸ்ஸதி அஸம்மூள்ஹோ ஸம்பஜானோதி? ஆமந்தா. அத்தி² புது²ஜ்ஜனஸ்ஸ பரவிதாரணா, ஸோ ச ந பரனேய்யோ ந பரபத்தியோ ந பரபச்சயோ ந பரபடிப³த்³த⁴பூ⁴, ஜானாதி பஸ்ஸதி அஸம்மூள்ஹோ ஸம்பஜானோதி? ந ஹேவம் வத்தப்³பே³…பே….

அத்தி² அரஹதோ பரவிதாரணாதி? ஆமந்தா. அத்தி² அரஹதோ ஸத்த²ரி பரவிதாரணா, த⁴ம்மே பரவிதாரணா, ஸங்கே⁴ பரவிதாரணா, ஸிக்கா²ய பரவிதாரணா, புப்³ப³ந்தே பரவிதாரணா, அபரந்தே பரவிதாரணா, புப்³ப³ந்தாபரந்தே பரவிதாரணா, இத³ப்பச்சயதாபடிச்சஸமுப்பன்னேஸு த⁴ம்மேஸு பரவிதாரணாதி? ந ஹேவம் வத்தப்³பே³…பே….

நத்தி² அரஹதோ ஸத்த²ரி பரவிதாரணா, த⁴ம்மே பரவிதாரணா…பே… இத³பச்சயதாபடிச்சஸமுப்பன்னேஸு த⁴ம்மேஸு பரவிதாரணாதி? ஆமந்தா. ஹஞ்சி நத்தி² அரஹதோ ஸத்த²ரி பரவிதாரணா, த⁴ம்மே பரவிதாரணா…பே… இத³ப்பச்சயதாபடிச்சஸமுப்பன்னேஸு த⁴ம்மேஸு பரவிதாரணா, நோ ச வத ரே வத்தப்³பே³ – ‘‘அத்தி² அரஹதோ பரவிதாரணா’’தி.

அத்தி² புது²ஜ்ஜனஸ்ஸ பரவிதாரணா, அத்தி² தஸ்ஸ ஸத்த²ரி பரவிதாரணா, த⁴ம்மே பரவிதாரணா…பே… இத³ப்பச்சயதாபடிச்சஸமுப்பன்னேஸு த⁴ம்மேஸு பரவிதாரணாதி? ஆமந்தா. அத்தி² அரஹதோ பரவிதாரணா, அத்தி² தஸ்ஸ ஸத்த²ரி பரவிதாரணா, த⁴ம்மே பரவிதாரணா…பே… இத³ப்பச்சயதாபடிச்சஸமுப்பன்னேஸு த⁴ம்மேஸு பரவிதாரணாதி? ந ஹேவம் வத்தப்³பே³…பே….

அத்தி² அரஹதோ பரவிதாரணா, நத்தி² தஸ்ஸ ஸத்த²ரி பரவிதாரணா, த⁴ம்மே பரவிதாரணா…பே… இத³ப்பச்சயதாபடிச்சஸமுப்பன்னேஸு த⁴ம்மேஸு பரவிதாரணாதி? ஆமந்தா. அத்தி² புது²ஜ்ஜனஸ்ஸ பரவிதாரணா, நத்தி² தஸ்ஸ ஸத்த²ரி பரவிதாரணா, த⁴ம்மே பரவிதாரணா…பே… இத³ப்பச்சயதாபடிச்சஸமுப்பன்னேஸு த⁴ம்மேஸு பரவிதாரணாதி? ந ஹேவம் வத்தப்³பே³…பே….

323. அத்தி² அரஹதோ பரவிதாரணாதி? ஆமந்தா. நனு அரஹதோ ராகோ³ பஹீனோ உச்சி²ன்னமூலோ தாலாவத்து²கதோ அனபா⁴வங்கதோ ஆயதிம் அனுப்பாத³த⁴ம்மோதி? ஆமந்தா. ஹஞ்சி அரஹதோ ராகோ³ பஹீனோ உச்சி²ன்னமூலோ தாலாவத்து²கதோ அனபா⁴வங்கதோ ஆயதிம் அனுப்பாத³த⁴ம்மோ, நோ ச வத ரே வத்தப்³பே³ – ‘‘அத்தி² அரஹதோ பரவிதாரணா’’தி.