7. க²லுபச்சா²ப⁴த்திகங்க³கதா²வண்ணனா

30. பு⁴ஞ்ஜந்தஸ்ஸ யம் உபனீதம், தஸ்ஸ படிக்கே²பேன தம் அதிரித்தம் போ⁴ஜனந்தி அதிரித்தபோ⁴ஜனம். புன போ⁴ஜனம் கப்பியம் காரேத்வா ந பு⁴ஞ்ஜிதப்³ப³ம், தப்³பி³ஸயத்தா இமஸ்ஸ து⁴தங்க³ஸ்ஸ. தேனாஹ ‘‘இத³மஸ்ஸ விதா⁴ன’’ந்தி. யஸ்மிம் போ⁴ஜனேதி யஸ்மிம் பு⁴ஞ்ஜியமானே போ⁴ஜனே. ததே³வ பு⁴ஞ்ஜதி, ந அஞ்ஞம். அனதிரித்தபோ⁴ஜனபச்சயா ஆபத்தி அனதிரித்தபோ⁴ஜனாபத்தி, ததோ தூ³ரீபா⁴வோ அனாபஜ்ஜனம். ஓத³ரிகத்தம் க⁴ஸ்மரபா⁴வோ குச்சி²பூரகதா, தஸ்ஸ அபா⁴வோ ஏகபிண்டே³னாபி யாபனதோ. நிராமிஸஸன்னிதி⁴தா நிஹிதஸ்ஸ அபு⁴ஞ்ஜனதோ. புன பரியேஸனவஸேன பரியேஸனாய கே²த³ம் ந யாதி. அபி⁴ஸல்லேக²கானம் ஸந்தோஸகு³ணாதீ³னம் வுத்³தி⁴யா ஸஞ்ஜனனம் ஸந்தோஸகு³ணாதி³வுட்³டி⁴ஸஞ்ஜனனம். இத³ந்தி க²லுபச்சா²ப⁴த்திகங்க³ம்.

இதி க²லுபச்சா²ப⁴த்திகங்க³கதா²வண்ணனா.