61. தும் தாயே தவே பா⁴வே ப⁴விஸ்ஸதி க்ரியாயம் தத³த்தா²யம்

ப⁴விஸ்ஸதிஅத்தே² வத்தமானதோ க்ரியத்தா² பா⁴வே துமாத³யோ ஹோந்தி க்ரியாயம் தத³த்தா²யம் பதீயமானாயம். கரணாய க³ச்ச²தி காதும் க³ச்ச²தி. ‘‘தும்துனதப்³பே³ஸு வா’’தி கரஸ்ஸ வா ஆ ஹோதி, புப்³ப³ரூபே கத்தாயே. ‘‘கரஸ்ஸா தவே’’தி நிச்சம் ஆ, காதவே. நிபாதத்தா ‘‘அஸங்க்²யேஹி ஸப்³பா³ஸம்’’தி சதுத்தீ²ஸஸ்ஸ லோபோ. ஏவ+முபரி துனாதீ³ஸு. கத்தும் காமேதீதி கத்துகாமோ, அபி⁴ஸங்க²ரிது+மாகங்க²தி. ஸத்³த⁴ம்மம் ஸுணிதும், ஞிம்ஹி நாக³மே தஸ்ஸ ணோ, நாக³மத்தா ந வுத்³தி⁴. ஸோதவே ஸோதும் ஸுணிதும் வா பத்தே²ஹி. ஏவம் அனுப⁴விதும், பசிதும். க³ந்தும், ‘‘மனானம் நிக்³க³ஹீதம்’’தி நிக்³க³ஹீதம். க³மிதும், க²ந்தும், க²னிதும், ஹந்தும், ஹனிதும், மந்தும், மனிதும், ஹரிதும், அனுஸ்ஸரிதும் இச்ச²தி. ததா² துதி³தும், பவிஸிதும், உத்³தி³ஸிதும், போ⁴த்தும், ஸயிதும், நேதும், ஜுஹோதும், பஜஹிதும், பஹாதும், தா³தும், ரோத்³து⁴ம், ருந்தி⁴தும், போ⁴த்தும், பு⁴ஞ்ஜீதும், சே²த்தும், சி²ந்தி³தும், ஸிப்³பி³தும், ஊம்ஹி வஸ்ஸ போ³, த்³வித்தம், பு³த்³து⁴ம், தஸ்ஸ தோ⁴. பு³ஜ்ஜி²தும், யுக. ஜானிதும் ஞா=அவபோ³த⁴னே. ஜனிதும். ஜேதும் ஜினிதும். பத்தும் பாபுணிதும். கேதும் கிணிதும். வினிச்சே²தும், இஸ்ஸ ஏ, வினிச்சி²னிதும். க³ஹேதும் க³ண்ஹிதும். சோரிதும் சோரேதும் சோரயிதும், பாலேதும் பாலயிதும். பயோஜகே-பா⁴வேதும் பா⁴வயிதும், காரேதும் காரயிதும் காராபேதும் காராபயிதும் இச்ச²தி+ச்சாதி³.

ஏவம் க்ரியத்த²க்ரியாயம் க³ம்யமானாயம், யதா² ஸுபோ³த்³து⁴ம் வக்கா²மி, ஏவம் த³ட்டு²ம் க³ச்ச²தி, க³ந்து+மாரப⁴தி, க³ந்தும் பயோஜேதி, த³ஸ்ஸேது+மாஹ இச்சாதி³.

அரஹஸக்காதீ³ஸுபி ஸித்³த⁴ம், ததா² கால ஸமயவேலாஸு. கோ தம் நிந்தி³து+மரஹதி, ராஜா ப⁴விது+மரஹதி, அரஹோ ப⁴வம் வத்தும், ஸக்கா ஜேதும் த⁴னேன வா, ஸக்கா லத்³து⁴ம், ப⁴ஸ்ஸ தோ⁴. கத்தும் ஸக்கி²ஸ்ஸதி. ப⁴ப்³போ³ நியாமம் ஓக்கமிதும், அப⁴ப்³போ³ காதும். அனுச்ச²விகோ ப⁴வம் தா³னம் படிக்³க³ஹேதும், இத³ம் காதும் அனுரூபம், தா³னம் தா³தும் யுத்தம், தா³தும் வத்துஞ்ச லப⁴தி. ஏவம் வட்டதி பா⁴ஸிதும், சி²ந்தி³தும் ந ச கப்பதி இச்சாதி³. ததா²காலோ பு⁴ஞ்ஜிதும், ஸமயோ பு⁴ஞ்ஜிதும், வேலா பு⁴ஞ்ஜிதும்.

அலமத்தே²பி ஸித்³த⁴ம், அலமேவ தா³னானி தா³தும், அலமேவ புஞ்ஞானி காதும்.