96. மனானம் நிக்³க³ஹீதம்

மகார+நகாரந்தானம் க்ரியத்தா²னம் நிக்³க³ஹீதம் ஹோத்ய+யகாரே ப்³யஞ்ஜனே. வக்³க³ந்தம், க³மியதீதி க³ந்தப்³போ³. க³மிதப்³ப³ம் க³மனீயம். க²ன=க²ண=அவதா³ரணே, நிக்³க³ஹீதம் வக்³க³ந்தத்தஞ்ச, க²ஞ்ஞதேதி க²ந்தப்³ப³ம் ஆவாடம் க²னிதப்³ப³ம் க²னனீயம். ஹன=ஹிம்ஸாயம், ஹஞ்ஞதேதி ஹந்தப்³ப³ம் ஹனிதப்³ப³ம் ஹனனீயம். மன=ஞாணே, மஞ்ஞதேதி மந்தப்³போ³ மனிதப்³போ³. ‘‘பதா³தீ³னம் க்வசீ’’தி யுக, சவக்³கா³தி³ம்ஹி கதே மஞ்ஞிதப்³ப³ம் மஞ்ஞனீயம்.

பூஜ=பூஜாயம், ‘‘சுராதி³தோ ணீ’’தி ணிம்ஹி ஞுகாரஸ்ஸ கு³ருத்தா ஓகாராவுத்தி ‘‘யுவண்ணான+மேஓ பச்சயே’’தி ஏகாரே பூஜேதப்³போ³ ஊம்ஹி அயாதே³ஸே பூஜயிதப்³போ³ பூஜனீயோ ப⁴க³வா.

கத்தரி-யா=பாபுணனே, நீயதீதி நிய்யானியோ மக்³கோ³, க³ச்ச²ந்தீதி க³மனீயா போ⁴கா³. கரணே-நஹ=ஸோசேய்யே, நஹாயந்த்ய+நேனாதி நஹானீயம் சுண்ணம். ஸம்பதா³னே-தா³=தா³னே, ஸம்+பபுப்³போ³, ஸம்மா பதீ³யதே அஸ்ஸாதி ஸம்பதா³னியோ ப்³ராஹ்மணோ.