25. கண+ணேய்ய+ணேய்யக+யி+யாதி

ப⁴வத்தே² கணஆத³யோ ஹோந்தி. கண-குஸினாராயம் ப⁴வோ கோஸினாரகோ, மாக³த⁴கோ, ஆரஞ்ஞகோ விஹாரோ, ராஜக³ஹகோ, கோஸம்ப³கோ, இந்த³பத்தகோ, காபிலகோ, பா⁴ருகச்ச²கோ, நாக³ரகோ. அங்கே³ஸு ஜாதோ அங்க³கோ, கோஸலகோ, வேதே³ஹகோ, கம்போ³ஜகோ, க³ந்தா⁴ரகோ, ஸோவீரகோ, ஸிந்த⁴வகோ, அஸ்ஸகோ இச்சாதி³. ணேய்ய-க³ங்கே³ய்யோ, பப்³ப³தேய்யோ, வானேய்யோ. ணேய்யக-கோஸலேய்யகோ, பா³ராணஸேய்யகோ, சம்பேய்யகோ, ஸிலாய ஜாதம் ஸேலேய்யகம், மிதி²லேய்யகோ. பா³ராணஸேய்யகோத்யாதீ³ஸு ‘‘தி³ஸ்ஸந்த+ஞ்ஞேபி பச்சயா’’தி ஏய்யகோ, ஏவம் உபரி ஸுத்தே த³ஸ்ஸிதபச்சயதோ விஸும் பச்சயே த³ஸ்ஸிதே இமினா ஸுத்தேனாதி த³ட்ட²ப்³ப³ம். ய-க³ம்மோ, யம்ஹி அகாரலோபே புப்³ப³ரூபம் ரஸ்ஸோ ச. தி³ப்³போ³. இய-உத³ரியோ, தி³வியோ, பஞ்சாலியோ, போ³தி⁴பக்கி²யோ, லோகியோ.