2. வச்சா²தி³தோ ணான+ணாயனா

வச்சா²தீ³ஹி அபச்சபச்சயந்தேஹி கோ³த்தாதீ³ஹி ச ஸத்³தே³ஹி ணான+ணாயனபச்சயா வா ஹோந்தி அபச்சே. வச்சா²னோ, வச்சா²யனோ, ‘‘ஸம்யோகே³ க்வசீ’’தி ந வுத்³தி⁴. கதிஸ்ஸா+பச்சம் கச்சோ, ‘‘ண்ய தி³ச்சாதீ³ஹீ’’தி ண்யோ, ‘‘லோபோ+வண்ணி+வண்ணானம்’’தி அகாரலோபே சவக்³க³புப்³ப³ரூபானி. கச்சஸ்ஸா+பச்சம் கச்சானோ, கச்சாயனோ, யாக³மே காதியானோ. முக்³க³ஸ்ஸா+பச்சம்=நத்தாதீ³தி வாக்யே வுத்³தி⁴+இகாரலோப+புப்³ப³ரூபானி. மோக்³க³ல்லஸ்ஸா+பச்சம்தி புனணான+ணாயனா ஹோந்தி, மோக்³க³ல்லானோ மோக்³க³ல்லாயனோ. இமே சத்தாரோ அபச்சபச்சயந்தா. கோ³த்தாதி³தோ யதா²ஸகடஸ்ஸா+பச்சம் நத்தாதீ³ஹி ஸகடானோ ஸகடாயனோ. கண்ஹஸ்ஸா+பச்சம் நத்தாதி³ கண்ஹானோ கண்ஹாயனோ. ஏவம் அக்³கி³வேஸ்ஸானோ அக்³கி³வேஸ்ஸாயனோ, முஞ்ஜானோ முஞ்ஜாயனோ, குஞ்ஜானோ குஞ்ஜாயனோ. ஸப்³ப³த்த² ஸம்யோக³த்தா ந வுத்³தி⁴. ஆகதிக³ணோ+யம்.