127. கோஸஜ்ஜா+ஜ்ஜவ+பாரிஸஜ்ஜ+ஸோஹஜ்ஜ+மத்³த³வா+ரிஸ்ஸா+ஸபா⁴+ஜஞ்ஞ+தே²ய்ய+ பா³ஹுஸச்சா

ஏதே ஸத்³தா³ நிபச்சந்தே ணானுப³ந்தே⁴. குஸீதஸ்ஸ பா⁴வோதி பா⁴வே ண்யோ ஹோதி, இமினா ஈஸ்ஸ அகாரே ச தஸ்ஸ ஜே ச கதே யஸ்ஸ புப்³ப³ரூபம், கோஸஜ்ஜம். உஜுனோ பா⁴வே அஜ்ஜவம்தி ணோ, இமினா உஸ்ஸ அத்தம், ‘‘உவண்ணஸ்ஸா+வங ஸரே’’தி அவஙஆதே³ஸே ஜஸ்ஸ த்³வித்தம். பரிஸாஸு ஸாதூ⁴தி வாக்யே ‘‘ண்யோ தத்த² ஸாதூ⁴’’தி ண்யோ, இமினா ஜாக³மோ ச, ‘‘ப்³யஞ்ஜனே தீ³க⁴ரஸ்ஸா’’தி ஆஸ்ஸ ரஸ்ஸே ச கதே ஜஸ்ஸ புப்³ப³ரூபம், பாரிஸஜ்ஜோ. இமினா கமேன வாக்யேனேவ ஸத்³த³ஸித்³தி⁴ வேதி³தப்³பா³. ஸுஹத³யோவ ஸுஹஜ்ஜோ, தஸ்ஸ பா⁴வோ ஸோஹஜ்ஜம், இமினா அயலோபோ. முது³னோ பா⁴வோ மத்³த³வம், இமினா உஸ்ஸ அத்தம். இஸினோ இத³ம் பா⁴வோ வா ஆரிஸ்ஸம், ண்யபச்சயே இமினா ஆரஞாக³மே ‘‘லோபோ+வண்ணி+வண்ணானம்’’தி அந்தஇகாரலோபோ ச. உஸப⁴ஸ்ஸ இத³ம் பா⁴வோ வா ஆஸப⁴ம், இமினா உஸ்ஸ ஆ. ஆஜானீயஸ்ஸ பா⁴வோ ஆஜஞ்ஞம், இமினா யலோபே ‘‘லோபோ+வண்ணி+வண்ணானம்’’தி ஈகாரலோபோ. தே²னஸ்ஸ பா⁴வோ தே²ய்யம், இமினா நஸ்ஸ யகாரோ. ப³ஹுஸ்ஸுதஸ்ஸ பா⁴வோ பா³ஹுஸச்சம், இமினா உஸ்ஸ அகாரோ ஸம்யோகா³தி³லோபோ. (பா⁴வதத்³தி⁴தம்).