35. ச²ட்டீ² சா+நாத³ரே

யஸ்ஸ பா⁴வோ பா⁴வந்தரஸ்ஸ லக்க²ணம் ப⁴வதி, ததோ ச²ட்டீ² ஹோதி ஸத்தமீ சா+நாத³ரே க³ம்யமானே. அகாமகானம் மாதாபிதூனம் ருத³ந்தானம் பப்³ப³ஜி, மாதாபிதூஸு ருத³ந்தேஸு வா. ‘‘ஆகோடயந்தோ ஸோ நேதி, ஸிவிராஜஸ்ஸ பேக்க²தே’’, ‘‘மச்சு ஆதா³ய க³ச்ச²தி, பேக்க²மானே மஹாஜனே’’.

கு³ன்னம் ஸாமீதி ஸம்ப³ந்தே⁴ ச²ட்டீ², கோ³ஸு ஸாமீதி விஸயஸத்தமீ. ஏவம் கு³ன்னமிஸ்ஸரோ, கோ³ஸ்வி+ஸ்ஸரோ, கு³ன்னம் அதி⁴பதி, கோ³ஸு அதி⁴பதி, கு³ன்னம் தா³யாதோ³, கோ³ஸு தா³யாதோ³, கு³ன்னம் ஸக்கீ², கோ³ஸு ஸக்கீ², கு³ன்னம் பதிபூ⁴, கோ³ஸு பதிபூ⁴, கு³ன்னம் பஸுதோ, கோ³ஸு பஸுதோ, குஸலா நச்சகீ³தஸ்ஸ, குஸலா நச்சகீ³தே, ஆயுத்தோ கடகரணஸ்ஸ, ஆயுத்தோ கடகரணே. ததா² ஆதா⁴ரவசனிச்சா²யம் ஸத்தமீ, பி⁴க்கூ²ஸு அபி⁴வாதே³ந்தி, முத்³த⁴னி சும்பி³த்வா, பா³ஹாஸு க³ஹேத்வா, ஹத்தே²ஸு பிண்டா³ய சரந்தி, கத³லீஸு க³ஜே ரக்க²ந்தி, ஞாணஸ்மிம் பஸன்னோ, ஞாணஸ்மிம் உஸ்ஸுக்கோதி விஸயஸத்தமீ.