21. கு³ணே

பரங்க³பூ⁴தே ஹேதும்ஹி பஞ்சமீ ஹோதி வா. ஜளத்தா ப³த்³தோ⁴, ஜளத்தேனவா, பஞ்ஞாய முத்தோ, ஹுத்வா அபா⁴வதோ அனிச்சா, ஸங்கா²ரனிரோதா⁴ விஞ்ஞாணனிரோதோ⁴. ப³ஹுலம்விதா⁴னா ஸத்தம்யத்தே²ஹிபி, தேன ஸமயேன, காலேன த⁴ம்மஸாகச்சா², புரத்தி²மேன த⁴தரட்டோ², த³க்கி²ணேன விரூள்ஹகோ, உத்தரேன கபிலவத்து², யேன ப⁴க³வா, தேனுபஸங்கமி, ஸோ வோ மம+ச்சயேன ஸத்தா²தி. மாஸேன பு⁴ஞ்ஜதி, ஏகாஹேனேவ பா³ராணஸிம் பாவிஸி, நவஹி மாஸேஹி விஹாரம் காராபேஸி, கஹாபணேன ஊனோ, த⁴னேன விகலோ, அஸினா கலஹோ, ஆசாரேன நிபுணோ, கு³ளேன மிஸ்ஸகம், வாசாய ஸகி²லோ, மணினா அத்தோ², த⁴னேன அத்தோ², யோஜனேன க³ச்ச²தி இச்சாதி³ ஹேதும்ஹி கரணே வா ததியா. அத்தனாவ அத்தானம் ஸம்மன்னதீதி பச்சத்தே ப³ஹுலம்விதா⁴னா கத்தரி ததியா. ஏவம் திலேஹி கே²த்தே வபதீதி கம்மத்தே², ஸுமுத்தா மயம் தேன மஹாஸமணேனாதி பஞ்சம்யத்தே² ச.