23. ஸ்யாதி³

நனுசேச்சாதி³னா வுத்தம் சோத³னம் நிஸேதே⁴தி ‘தன்னே’தி. தத்த² காரணமாஹ- ‘க⁴ஸஞ்ஞத்தா’த்யாதி³. அகோ⁴னந்தி க⁴ஓகாரவஜ்ஜிதானம், நனு இத்தி² யமாகாரோ கோ⁴, ததா²ஸதி நபும்ஸகே ஸோ (ந ஸியாதி) பரிகப்பேதி ‘நபும்ஸகத்தா க⁴த்தமேவ நத்தீ²தி சேதி³’தி. தம்பி நேதி யதா² வுத்தம்படிக்கி²பித்வா அத்தே²வ நபும்ஸகே க⁴த்தந்தி [நபும்ஸகத்தந்தி (போத்த²கே)] த³ஸ்ஸேதுமாஹ-ச²ட்டீ²ஸமாஸஸ்ஸே’ச்சாதி³. நபும்ஸகே க⁴த்தஸ்ஸ [நபும்ஸகத்தஸ்ஸ (போத்த²கே)] ஸப்³பா⁴வமேவ ஸமத்தே²தி நபும்ஸகத்தம் ஹி’ச்சாதி³னா, பாரிபா⁴ஸிகந்தி ஏத்த² ஸுத்தமேவாதி⁴ப்பேதம், பரிபா⁴ஸாய நிப்³ப³த்தம் பாரிபா⁴ஸிகம் ஸுத்திகந்தி அத்தோ². ஆரபி⁴தப்³ப³மேவித³ம் ஸுத்தம் (நபும்ஸகஸ்ஸாபி) ரஸ்ஸத்தவிதா⁴னாயாதி அதி⁴ப்பாயோ. க⁴னிஸ்ஸிதம்பி காரியந்தி ‘‘க⁴ப்³ரஹ்மாதீ³தே’’த்யாதி³னா (2-60) விதி⁴யமானமேகாராதி³காரியம்பி. ஏதம் க⁴னிஸ்ஸிதம் காரியம் நச யுத்தந்தி ஸம்ப³ந்தோ⁴. அயுத்தத்தேபி தோ³ஸோ-யமாபததேவாக்யாஸங்கியாஹ-‘நாயம்பிதோ³ஸோ’ச்சாதி³, ந ரஸ்ஸஸ்ஸ ஏத்தே²வ லத்³தா⁴வஸரத்தா பட²மம் தேன பவிட்டே²… (க⁴னி)ஸ்ஸிதம் காரியந்தி நாயம்பி தோ³ஸோ பரிபா⁴ஸாவ ஸேனாதி மந்தப்³ப³ம். ஸலப⁴ச்சா²யே இதி பத³ச்சே²தோ³.