37. பட²மா

பட²மாத்த²மத்தேதி ஏத்தகே வுத்தேபி வாக்யத்தோ² பத³த்தோ² வா ந விஞ்ஞாயதே நாமக்³க³ஹணானுவத்திதோதி த³ஸ்ஸேதுமாஹ-‘த்³வேத்³வேகானேகாதி³ ஸுத்ததோ’திஆதி³, நாமேனாத்தோ² படிபாதி³யமானோ நாமஸங்கா²தே-த்தனி அபி⁴தே⁴ய்யத்தேனாஜ்ஜா²ரோப்ய படிபாத³யத்யனபேக்கி²த விப⁴த்திவிஸேஸந்தி ஆஹ-‘அபி⁴தீ⁴யதி’ச்சாதி³, பகதிரூபேனாதி நாமேன, தஸ்ஸ அபி⁴தே⁴ய்யஸ்ஸ, மத்தஸத்³த³ஸ்ஸாதிஆதி³னா ஸாமஞ்ஞந்தீத³ம் மத்தஸத்³த³ஸ்ஸத்த²வசனந்தி த³ஸ்ஸேதி, இத³ம் வுத்தம் ஹோதீதி நாமஸ்ஸாபி⁴தே⁴ய்யமத்தேதி இமினா இத³ம் வக்க²மானம் வுத்தம் ஹோதி. ‘‘பாடிபதி³கத்த²லிங்க³பரிமாணவசனமத்தே பட²மா’’தி (2-3-46) லிங்கா³தீ³ஸு பே⁴தே³ன பட²மாவிதா⁴னம்படிபன்னா, ததா³ஹ-‘லிங்க³பரிமாணே’ச்சாதி³, லிங்க³ம் இத்தி²புன்னபும்ஸகானி, பரிமாணம் பரிச்சே²தோ³, ஸங்க்²யா ஏகத்தப³ஹுத்தானி, தப்³ப³ந்தோபி ஸத்³த³த்தோ²ஏவாதி லிங்கா³தி³வந்தோபி ஸரூபா ப்³யதிரித்தோ ஸத்³த³த்தோ² ஏவ, உச்சத்தனீசத்தஸாமஞ்ஞம்புரோதா⁴ய பவத்தியா உச்சனீசஸத்³தே³ஹி பட²மா ஹோதேவ, தம்யுத்தஸ்ஸாபி ஸத்³த³த்த²பா⁴வதோ ‘உச்சம் க⁴ரானி’த்யாதீ³னிபி உச்சத்தம் கு³ணம் நிமித்தம் கத்வா ஸோயமித்யபே⁴த³ஸம்ப³ந்த⁴ க⁴ரேஸு வத்தந்தீதி. பலம்ப³தே அஜ்ஜா²க³ச்ச²தித்யாதோ³ ‘‘அஸங்க்²யேஹி ஸப்³பா³ஸம்’’தி (2-119) லோபவிதா⁴னஸாமத்தி²யா பாதீ³ஹ்யனத்த²கேஹிபி பட²மா ஸித்³தா⁴யேவ.