108. அதே

நனு ச ‘‘லக்க²ணபடிபத³வுத்தேஸு படிபத³வுத்தஸ்ஸேவ க³ஹண’’ந்தீமாய பரிபா⁴ஸாய லக்க²ணிகஸ்ஸாகாரஸ்ஸ க³ஹணம் ந பப்போதீத்யாஸங்கிய படிபாத³யமாஹ-‘ரஸ்ஸாகாரே’ச்சாதி³, பரிபா⁴ஸாய சஸ்ஸாயமத்தோ² ‘‘லக்கீ²யதேனேனேதி லக்க²ணம், ஸாத்⁴வஸாது⁴ஜானன ஹேஸுத்தா ஸுத்த [ஸத்த²] முச்சதே, படிக³தம்பத³ம் படிபத³ம், உச்சாரிதமஞ்ஜஸேத்யத்தோ², லக்க²ணஞ்ச படிபத³ஞ்ச லக்க²ணபடிபதா³னி, தேஹி வுத்தானி ரூபானி லக்க²ணபடிபத³வுத்தானி, தேஸு, வுத்தஸத்³தோ³ பச்சேகம்பரிஸமாபீயதே ‘லக்க²ணவுத்தேஸு படிபத³வுத்தேஸூ’தி, தத்ராஞ்சஸா யமனித்³தி³ட்ட²ம், கேவலம் லக்க²ணத³ஸ்ஸனேனாஸ்மிம் லக்க²ணே ஸத்யவஸ்ஸமனேன ரூபேன ப⁴விதப்³ப³ந்தி லக்க²ணேன படிபாதி³தம், தம் லக்க²ணவுத்தமித்யுச்சதே, யந்த்வஞ்ஜஸா ஸத்³தே³னேவ படிபாதி³தம், தம் படிபத³வுத்தந்தி வுச்சதே, தஸ்மிம் லக்க²ணவுத்தே படிபத³வுத்தே ச ரூபே ஸதி படிபத³வுத்தஸ்ஸேவ க³ஹணம், நேதரஸ்ஸே’’தி, படிபத³வுத்தஸ்ஸேவேத்யவதா⁴ரணேன நியமரூபபா⁴ஸ்ஸா பரிபா⁴ஸாயாவக³ம்யதே, ஸோ ச நியமோ அனியமபுப்³ப³கே ஸந்தே³ஹே ஸத்யவதிட்ட²தே, தஸ்மா யத்ர லக்க²ணவுத்தமேவ கேவலம், ந படிபத³வுத்தம், தத்ர நாயம் பரிபா⁴ஸா வதிட்ட²தே, யத்ராபி படிபத³வுத்தமேவ கேவலம், ந லக்க²ணவுத்தம், ஸோப்யேதிஸ்ஸா அவிஸயோ, யத்ர த்³வே ரூபானி ஸம்ப⁴வந்தி தத்ரேவா யம்பரிபா⁴ஸா ஸந்தே³ஹாபாகரணமுகே²ன பவத்தாதி ஞாயப்பத்தோயேவா மத்தோ² இமாய பரிபா⁴ஸாயானுவாத்³யதே, ததா²ஹி ஸந்தே³ஹடா²னேஸு யத்³யப்யேகரூபமேவமபி⁴ன்னமுபி⁴ன்னம், ததா²பி லக்க²ணவுத்தம் ரூபம் லக்க²ணே நோன்னீயமானம் தூ⁴மக்³கி³ விய ஜலப³லாகா விய சானு மானிகம், யந்து படிபத³ வுத்தம் ரூபம், தம் பச்சக்க²ஸித்³த⁴ம், பச்சக்கா²னுமானேஸு ச பச்சக்க²ம்ப³லவந்தரம் பமாணந்தி அதோ படிபத³வுத்தமேவ க³ய்ஹதீதி.