7. போ³ஜ்ஜ²ங்க³ஸுத்தம்

238. ‘‘சத்தாரிமானி, பி⁴க்க²வே, கம்மானி…பே… கண்ஹம் கண்ஹவிபாகம்…பே… இத⁴, பி⁴க்க²வே, ஏகச்சோ ஸப்³யாப³ஜ்ஜ²ம் காயஸங்கா²ரம் அபி⁴ஸங்க²ரோதி…பே… இத³ம் வுச்சதி, பி⁴க்க²வே, கம்மம் கண்ஹம் கண்ஹவிபாகம்.

‘‘கதமஞ்ச, பி⁴க்க²வே, கம்மம் ஸுக்கம் ஸுக்கவிபாகம்? இத⁴, பி⁴க்க²வே, ஏகச்சோ அப்³யாப³ஜ்ஜ²ம் காயஸங்கா²ரம் அபி⁴ஸங்க²ரோதி…பே… இத³ம் வுச்சதி, பி⁴க்க²வே, கம்மம் ஸுக்கம் ஸுக்கவிபாகம்.

‘‘கதமஞ்ச, பி⁴க்க²வே, கம்மம் கண்ஹஸுக்கம் கண்ஹஸுக்கவிபாகம்? இத⁴, பி⁴க்க²வே, ஏகச்சோ ஸப்³யாப³ஜ்ஜ²ம்பி அப்³யாப³ஜ்ஜ²ம்பி காயஸங்கா²ரம் அபி⁴ஸங்க²ரோதி…பே… இத³ம் வுச்சதி, பி⁴க்க²வே, கம்மம் கண்ஹஸுக்கம் கண்ஹஸுக்கவிபாகம்.

‘‘கதமஞ்ச, பி⁴க்க²வே, கம்மம் அகண்ஹஅஸுக்கம் அகண்ஹஅஸுக்கவிபாகம் கம்மக்க²யாய ஸம்வத்ததி? ஸதிஸம்போ³ஜ்ஜ²ங்கோ³, த⁴ம்மவிசயஸம்போ³ஜ்ஜ²ங்கோ³, வீரியஸம்போ³ஜ்ஜ²ங்கோ³, பீதிஸம்போ³ஜ்ஜ²ங்கோ³, பஸ்ஸத்³தி⁴ஸம்போ³ஜ்ஜ²ங்கோ³, ஸமாதி⁴ஸம்போ³ஜ்ஜ²ங்கோ³, உபேக்கா²ஸம்போ³ஜ்ஜ²ங்கோ³ – இத³ம் வுச்சதி, பி⁴க்க²வே, கம்மம் அகண்ஹஅஸுக்கம் அகண்ஹஅஸுக்கவிபாகம் கம்மக்க²யாய ஸம்வத்ததி. இமானி கோ², பி⁴க்க²வே, சத்தாரி கம்மானி மயா ஸயம் அபி⁴ஞ்ஞா ஸச்சி²கத்வா பவேதி³தானீ’’தி. ஸத்தமம்.