3. ஸங்கா²ரஸுத்தம்

23. ‘‘தயோமே, பி⁴க்க²வே, புக்³க³லா ஸந்தோ ஸம்விஜ்ஜமானா லோகஸ்மிம். கதமே தயோ? இத⁴, பி⁴க்க²வே, ஏகச்சோ புக்³க³லோ ஸப்³யாப³ஜ்ஜ²ம் [ஸப்³யாபஜ்ஜ²ம் (ஸப்³ப³த்த²) ஏவமுபரிபி] காயஸங்கா²ரம் அபி⁴ஸங்க²ரோதி, ஸப்³யாப³ஜ்ஜ²ம் வசீஸங்கா²ரம் அபி⁴ஸங்க²ரோதி, ஸப்³யாப³ஜ்ஜ²ம் மனோஸங்கா²ரம் அபி⁴ஸங்க²ரோதி. ஸோ ஸப்³யாப³ஜ்ஜ²ம் காயஸங்கா²ரம் அபி⁴ஸங்க²ரித்வா, ஸப்³யாப³ஜ்ஜ²ம் வசீஸங்கா²ரம் அபி⁴ஸங்க²ரித்வா, ஸப்³யாப³ஜ்ஜ²ம் மனோஸங்கா²ரம் அபி⁴ஸங்க²ரித்வா ஸப்³யாப³ஜ்ஜ²ம் லோகம் உபபஜ்ஜதி. தமேனம் ஸப்³யாப³ஜ்ஜ²ம் லோகம் உபபன்னம் ஸமானம் ஸப்³யாப³ஜ்ஜா² ப²ஸ்ஸா பு²ஸந்தி. ஸோ ஸப்³யாப³ஜ்ஜே²ஹி ப²ஸ்ஸேஹி பு²ட்டோ² ஸமானோ ஸப்³யாப³ஜ்ஜ²ம் வேத³னம் வேத³யதி ஏகந்தது³க்க²ம், ஸேய்யதா²பி ஸத்தா நேரயிகா.

‘‘இத⁴ பன, பி⁴க்க²வே, ஏகச்சோ புக்³க³லோ அப்³யாப³ஜ்ஜ²ம் காயஸங்கா²ரம் அபி⁴ஸங்க²ரோதி, அப்³யாப³ஜ்ஜ²ம் வசீஸங்கா²ரம் அபி⁴ஸங்க²ரோதி, அப்³யாப³ஜ்ஜ²ம் மனோஸங்கா²ரம் அபி⁴ஸங்க²ரோதி. ஸோ அப்³யாப³ஜ்ஜ²ம் காயஸங்கா²ரம் அபி⁴ஸங்க²ரித்வா, அப்³யாப³ஜ்ஜ²ம் வசீஸங்கா²ரம் அபி⁴ஸங்க²ரித்வா, அப்³யாப³ஜ்ஜ²ம் மனோஸங்கா²ரம் அபி⁴ஸங்க²ரித்வா அப்³யாப³ஜ்ஜ²ம் லோகம் உபபஜ்ஜதி. தமேனம் அப்³யாப³ஜ்ஜ²ம் லோகம் உபபன்னம் ஸமானம் அப்³யாப³ஜ்ஜா² ப²ஸ்ஸா பு²ஸந்தி. ஸோ அப்³யாப³ஜ்ஜே²ஹி ப²ஸ்ஸேஹி பு²ட்டோ² ஸமானோ அப்³யாப³ஜ்ஜ²ம் வேத³னம் வேத³யதி ஏகந்தஸுக²ம், ஸேய்யதா²பி தே³வா ஸுப⁴கிண்ஹா.

‘‘இத⁴ பன, பி⁴க்க²வே, ஏகச்சோ புக்³க³லோ ஸப்³யாப³ஜ்ஜ²ம்பி அப்³யாப³ஜ்ஜ²ம்பி காயஸங்கா²ரம் அபி⁴ஸங்க²ரோதி, ஸப்³யாப³ஜ்ஜ²ம்பி அப்³யாப³ஜ்ஜ²ம்பி வசீஸங்கா²ரம் அபி⁴ஸங்க²ரோதி, ஸப்³யாப³ஜ்ஜ²ம்பி அப்³யாப³ஜ்ஜ²ம்பி மனோஸங்கா²ரம் அபி⁴ஸங்க²ரோதி. ஸோ ஸப்³யாப³ஜ்ஜ²ம்பி அப்³யாப³ஜ்ஜ²ம்பி காயஸங்கா²ரம் அபி⁴ஸங்க²ரித்வா, ஸப்³யாப³ஜ்ஜ²ம்பி அப்³யாப³ஜ்ஜ²ம்பி வசீஸங்கா²ரம் அபி⁴ஸங்க²ரித்வா, ஸப்³யாப³ஜ்ஜ²ம்பி அப்³யாப³ஜ்ஜ²ம்பி மனோஸங்கா²ரம் அபி⁴ஸங்க²ரித்வா ஸப்³யாப³ஜ்ஜ²ம்பி அப்³யாப³ஜ்ஜ²ம்பி லோகம் உபபஜ்ஜதி. தமேனம் ஸப்³யாப³ஜ்ஜ²ம்பி அப்³யாப³ஜ்ஜ²ம்பி லோகம் உபபன்னம் ஸமானம் ஸப்³யாப³ஜ்ஜா²பி அப்³யாப³ஜ்ஜா²பி ப²ஸ்ஸா பு²ஸந்தி. ஸோ ஸப்³யாப³ஜ்ஜே²ஹிபி அப்³யாப³ஜ்ஜே²ஹிபி ப²ஸ்ஸேஹி பு²ட்டோ² ஸமானோ ஸப்³யாப³ஜ்ஜ²ம்பி அப்³யாப³ஜ்ஜ²ம்பி வேத³னம் வேத³யதி வோகிண்ணஸுக²து³க்க²ம், ஸேய்யதா²பி மனுஸ்ஸா ஏகச்சே ச தே³வா ஏகச்சே ச வினிபாதிகா. இமே கோ², பி⁴க்க²வே, தயோ புக்³க³லா ஸந்தோ ஸம்விஜ்ஜமானா லோகஸ்மி’’ந்தி. ததியம்.