(19) 4. அரியமக்³க³வக்³கோ³

1. அரியமக்³க³ஸுத்தம்

189. ‘‘அரியமக்³க³ஞ்ச வோ, பி⁴க்க²வே, தே³ஸேஸ்ஸாமி அனரியமக்³க³ஞ்ச. தம் ஸுணாத²…பே… கதமோ ச, பி⁴க்க²வே, அனரியோ மக்³கோ³? பாணாதிபாதோ…பே… மிச்சா²தி³ட்டி² – அயம் வுச்சதி, பி⁴க்க²வே, அனரியோ மக்³கோ³.

‘‘கதமோ ச, பி⁴க்க²வே, அரியோ மக்³கோ³? பாணாதிபாதா வேரமணீ…பே… ஸம்மாதி³ட்டி² – அயம் வுச்சதி, பி⁴க்க²வே, அரியோ மக்³கோ³’’தி. பட²மம்.

2. கண்ஹமக்³க³ஸுத்தம்

190. ‘‘கண்ஹமக்³க³ஞ்ச வோ, பி⁴க்க²வே, தே³ஸேஸ்ஸாமி ஸுக்கமக்³க³ஞ்ச. தம் ஸுணாத²…பே… கதமோ ச, பி⁴க்க²வே, கண்ஹோ மக்³கோ³? பாணாதிபாதோ…பே… மிச்சா²தி³ட்டி² – அயம் வுச்சதி, பி⁴க்க²வே, கண்ஹோ மக்³கோ³.

‘‘கதமோ ச, பி⁴க்க²வே, ஸுக்கோ மக்³கோ³? பாணாதிபாதா வேரமணீ…பே… ஸம்மாதி³ட்டி² – அயம் வுச்சதி, பி⁴க்க²வே, ஸுக்கோ மக்³கோ³’’தி. து³தியம்.

3. ஸத்³த⁴ம்மஸுத்தம்

191. ‘‘ஸத்³த⁴ம்மஞ்ச வோ, பி⁴க்க²வே, தே³ஸேஸ்ஸாமி அஸத்³த⁴ம்மஞ்ச. தம் ஸுணாத²…பே… கதமோ ச, பி⁴க்க²வே, அஸத்³த⁴ம்மோ? பாணாதிபாதோ…பே… மிச்சா²தி³ட்டி² – அயம் வுச்சதி, பி⁴க்க²வே, அஸத்³த⁴ம்மோ.

‘‘கதமோ ச, பி⁴க்க²வே, ஸத்³த⁴ம்மோ? பாணாதிபாதா வேரமணீ…பே… ஸம்மாதி³ட்டி² – அயம் வுச்சதி, பி⁴க்க²வே, ஸத்³த⁴ம்மோ’’தி. ததியம்.

4. ஸப்புரிஸத⁴ம்மஸுத்தம்

192. ‘‘ஸப்புரிஸத⁴ம்மஞ்ச வோ, பி⁴க்க²வே, தே³ஸேஸ்ஸாமி அஸப்புரிஸத⁴ம்மஞ்ச. தம் ஸுணாத²…பே… கதமோ ச, பி⁴க்க²வே, அஸப்புரிஸத⁴ம்மோ? பாணாதிபாதோ…பே… மிச்சா²தி³ட்டி² – அயம் வுச்சதி, பி⁴க்க²வே, அஸப்புரிஸத⁴ம்மோ.

‘‘கதமோ ச, பி⁴க்க²வே, ஸப்புரிஸத⁴ம்மோ? பாணாதிபாதா வேரமணீ…பே… ஸம்மாதி³ட்டி² – அயம் வுச்சதி, பி⁴க்க²வே, ஸப்புரிஸத⁴ம்மோ’’தி. சதுத்த²ம்.

5. உப்பாதே³தப்³ப³த⁴ம்மஸுத்தம்

193. ‘‘உப்பாதே³தப்³ப³ஞ்ச வோ, பி⁴க்க²வே, த⁴ம்மம் தே³ஸேஸ்ஸாமி ந உப்பாதே³தப்³ப³ஞ்ச. தம் ஸுணாத²…பே… கதமோ ச, பி⁴க்க²வே, ந உப்பாதே³தப்³போ³ த⁴ம்மோ? பாணாதிபாதோ…பே… மிச்சா²தி³ட்டி² – அயம் வுச்சதி, பி⁴க்க²வே, ந உப்பாதே³தப்³போ³ த⁴ம்மோ.

‘‘கதமோ ச, பி⁴க்க²வே, உப்பாதே³தப்³போ³ த⁴ம்மோ? பாணாதிபாதா வேரமணீ…பே… ஸம்மாதி³ட்டி² – அயம் வுச்சதி, பி⁴க்க²வே, உப்பாதே³தப்³போ³ த⁴ம்மோ’’தி. பஞ்சமம்.

6. ஆஸேவிதப்³ப³த⁴ம்மஸுத்தம்

194. ‘‘ஆஸேவிதப்³ப³ஞ்ச வோ, பி⁴க்க²வே, த⁴ம்மம் தே³ஸேஸ்ஸாமி நாஸேவிதப்³ப³ஞ்ச. தம் ஸுணாத²…பே… கதமோ ச, பி⁴க்க²வே, நாஸேவிதப்³போ³ த⁴ம்மோ? பாணாதிபாதோ…பே… மிச்சா²தி³ட்டி² – அயம் வுச்சதி, பி⁴க்க²வே, நாஸேவிதப்³போ³ த⁴ம்மோ.

‘‘கதமோ ச, பி⁴க்க²வே, ஆஸேவிதப்³போ³ த⁴ம்மோ? பாணாதிபாதா வேரமணீ…பே… ஸம்மாதி³ட்டி² – அயம் வுச்சதி, பி⁴க்க²வே, ஆஸேவிதப்³போ³ த⁴ம்மோ’’தி. ச²ட்ட²ம்.

7. பா⁴வேதப்³ப³த⁴ம்மஸுத்தம்

195. ‘‘பா⁴வேதப்³ப³ஞ்ச வோ, பி⁴க்க²வே, த⁴ம்மம் தே³ஸேஸ்ஸாமி ந பா⁴வேதப்³ப³ஞ்ச. தம் ஸுணாத²…பே… கதமோ ச, பி⁴க்க²வே, ந பா⁴வேதப்³போ³ த⁴ம்மோ? பாணாதிபாதோ …பே… மிச்சா²தி³ட்டி² – அயம் வுச்சதி, பி⁴க்க²வே, ந பா⁴வேதப்³போ³ த⁴ம்மோ.

‘‘கதமோ ச, பி⁴க்க²வே, பா⁴வேதப்³போ³ த⁴ம்மோ? பாணாதிபாதா வேரமணீ…பே… ஸம்மாதி³ட்டி² – அயம் வுச்சதி, பி⁴க்க²வே, பா⁴வேதப்³போ³ த⁴ம்மோ’’தி. ஸத்தமம்.

8. ப³ஹுலீகாதப்³ப³ஸுத்தம்

196. ‘‘ப³ஹுலீகாதப்³ப³ஞ்ச வோ, பி⁴க்க²வே, த⁴ம்மம் தே³ஸேஸ்ஸாமி ந ப³ஹுலீகாதப்³ப³ஞ்ச. தம் ஸுணாத²…பே… கதமோ ச, பி⁴க்க²வே, ந ப³ஹுலீகாதப்³போ³ த⁴ம்மோ? பாணாதிபாதோ…பே… மிச்சா²தி³ட்டி² – அயம் வுச்சதி, பி⁴க்க²வே, ந ப³ஹுலீகாதப்³போ³ த⁴ம்மோ.

‘‘கதமோ ச, பி⁴க்க²வே, ப³ஹுலீகாதப்³போ³ த⁴ம்மோ? பாணாதிபாதா வேரமணீ…பே… ஸம்மாதி³ட்டி² – அயம் வுச்சதி, பி⁴க்க²வே, ப³ஹுலீகாதப்³போ³ த⁴ம்மோ’’தி. அட்ட²மம்.

9. அனுஸ்ஸரிதப்³ப³ஸுத்தம்

197. ‘‘அனுஸ்ஸரிதப்³ப³ஞ்ச வோ, பி⁴க்க²வே, த⁴ம்மம் தே³ஸேஸ்ஸாமி நானுஸ்ஸரிதப்³ப³ஞ்ச. தம் ஸுணாத²…பே… கதமோ ச, பி⁴க்க²வே, நானுஸ்ஸரிதப்³போ³ த⁴ம்மோ? பாணாதிபாதோ…பே… மிச்சா²தி³ட்டி² – அயம் வுச்சதி, பி⁴க்க²வே, நானுஸ்ஸரிதப்³போ³ த⁴ம்மோ.

‘‘கதமோ ச, பி⁴க்க²வே, அனுஸ்ஸரிதப்³போ³ த⁴ம்மோ? பாணாதிபாதா வேரமணீ…பே… ஸம்மாதி³ட்டி² – அயம் வுச்சதி, பி⁴க்க²வே, அனுஸ்ஸரிதப்³போ³ த⁴ம்மோ’’தி. நவமம்.

10. ஸச்சி²காதப்³ப³ஸுத்தம்

198. ‘‘ஸச்சி²காதப்³ப³ஞ்ச வோ, பி⁴க்க²வே, த⁴ம்மம் தே³ஸேஸ்ஸாமி ந ஸச்சி²காதப்³ப³ஞ்ச. தம் ஸுணாத²…பே… கதமோ ச, பி⁴க்க²வே, ந ஸச்சி²காதப்³போ³ த⁴ம்மோ? பாணாதிபாதோ…பே… மிச்சா²தி³ட்டி² – அயம் வுச்சதி, பி⁴க்க²வே, ந ஸச்சி²காதப்³போ³ த⁴ம்மோ.

‘‘கதமோ ச, பி⁴க்க²வே, ஸச்சி²காதப்³போ³ த⁴ம்மோ? பாணாதிபாதா வேரமணீ…பே… ஸம்மாதி³ட்டி² – அயம் வுச்சதி, பி⁴க்க²வே, ஸச்சி²காதப்³போ³ த⁴ம்மோ’’தி. த³ஸமம்.

அரியமக்³க³வக்³கோ³ சதுத்தோ².