7. நப்பியஸுத்தம்

87. தத்ர கோ² ப⁴க³வா காலங்கதம் பி⁴க்கு²ம் [கலந்த³கம் பி⁴க்கு²ம் (ஸீ.), காளகபி⁴க்கு²ம் (ஸ்யா.)] ஆரப்³ப⁴ பி⁴க்கூ² ஆமந்தேஸி – ‘‘பி⁴க்க²வோ’’தி. ‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸும். ப⁴க³வா ஏதத³வோச –

‘‘இத⁴, பி⁴க்க²வே, பி⁴க்கு² அதி⁴கரணிகோ ஹோதி, அதி⁴கரணஸமத²ஸ்ஸ ந வண்ணவாதீ³. யம்பி, பி⁴க்க²வே, பி⁴க்கு² அதி⁴கரணிகோ ஹோதி அதி⁴கரணஸமத²ஸ்ஸ ந வண்ணவாதீ³, அயம்பி த⁴ம்மோ ந பியதாய ந க³ருதாய ந பா⁴வனாய ந ஸாமஞ்ஞாய ந ஏகீபா⁴வாய ஸம்வத்ததி.

‘‘புன சபரம், பி⁴க்க²வே, பி⁴க்கு² ந ஸிக்கா²காமோ ஹோதி, ஸிக்கா²ஸமாதா³னஸ்ஸ [ஸிக்கா²காமஸ்ஸ (க.)] ந வண்ணவாதீ³. யம்பி, பி⁴க்க²வே, பி⁴க்கு² ந ஸிக்கா²காமோ ஹோதி ஸிக்கா²ஸமாதா³னஸ்ஸ ந வண்ணவாதீ³, அயம்பி த⁴ம்மோ ந பியதாய ந க³ருதாய ந பா⁴வனாய ந ஸாமஞ்ஞாய ந ஏகீபா⁴வாய ஸம்வத்ததி.

‘‘புன சபரம், பி⁴க்க²வே, பி⁴க்கு² பாபிச்சோ² ஹோதி, இச்சா²வினயஸ்ஸ ந வண்ணவாதீ³. யம்பி, பி⁴க்க²வே, பி⁴க்கு² பாபிச்சோ² ஹோதி இச்சா²வினயஸ்ஸ ந வண்ணவாதீ³, அயம்பி த⁴ம்மோ ந பியதாய ந க³ருதாய ந பா⁴வனாய ந ஸாமஞ்ஞாய ந ஏகீபா⁴வாய ஸம்வத்ததி.

‘‘புன சபரம், பி⁴க்க²வே, பி⁴க்கு² கோத⁴னோ ஹோதி, கோத⁴வினயஸ்ஸ ந வண்ணவாதீ³. யம்பி, பி⁴க்க²வே, பி⁴க்கு² கோத⁴னோ ஹோதி கோத⁴வினயஸ்ஸ ந வண்ணவாதீ³, அயம்பி த⁴ம்மோ ந பியதாய ந க³ருதாய ந பா⁴வனாய ந ஸாமஞ்ஞாய ந ஏகீபா⁴வாய ஸம்வத்ததி.

‘‘புன சபரம், பி⁴க்க²வே, பி⁴க்கு² மக்கீ² ஹோதி, மக்க²வினயஸ்ஸ ந வண்ணவாதீ³. யம்பி, பி⁴க்க²வே, பி⁴க்கு² மக்கீ² ஹோதி மக்க²வினயஸ்ஸ ந வண்ணவாதீ³, அயம்பி த⁴ம்மோ ந பியதாய ந க³ருதாய ந பா⁴வனாய ந ஸாமஞ்ஞாய ந ஏகீபா⁴வாய ஸம்வத்ததி.

‘‘புன சபரம், பி⁴க்க²வே, பி⁴க்கு² ஸடோ² ஹோதி, ஸாடே²ய்யவினயஸ்ஸ ந வண்ணவாதீ³. யம்பி, பி⁴க்க²வே, பி⁴க்கு² ஸடோ² ஹோதி ஸாடே²ய்யவினயஸ்ஸ ந வண்ணவாதீ³, அயம்பி த⁴ம்மோ ந பியதாய ந க³ருதாய ந பா⁴வனாய ந ஸாமஞ்ஞாய ந ஏகீபா⁴வாய ஸம்வத்ததி.

‘‘புன சபரம், பி⁴க்க²வே, பி⁴க்கு² மாயாவீ ஹோதி, மாயாவினயஸ்ஸ ந வண்ணவாதீ³. யம்பி, பி⁴க்க²வே, பி⁴க்கு² மாயாவீ ஹோதி மாயாவினயஸ்ஸ ந வண்ணவாதீ³, அயம்பி த⁴ம்மோ ந பியதாய ந க³ருதாய ந பா⁴வனாய ந ஸாமஞ்ஞாய ந ஏகீபா⁴வாய ஸம்வத்ததி.

‘‘புன சபரம், பி⁴க்க²வே, பி⁴க்கு² த⁴ம்மானம் ந நிஸாமகஜாதிகோ ஹோதி, த⁴ம்மனிஸந்தியா ந வண்ணவாதீ³. யம்பி, பி⁴க்க²வே, பி⁴க்கு² த⁴ம்மானம் ந நிஸாமகஜாதிகோ ஹோதி த⁴ம்மனிஸந்தியா ந வண்ணவாதீ³, அயம்பி த⁴ம்மோ ந பியதாய ந க³ருதாய ந பா⁴வனாய ந ஸாமஞ்ஞாய ந ஏகீபா⁴வாய ஸம்வத்ததி.

‘‘புன சபரம், பி⁴க்க²வே, பி⁴க்கு² ந படிஸல்லீனோ ஹோதி, படிஸல்லானஸ்ஸ ந வண்ணவாதீ³. யம்பி, பி⁴க்க²வே, பி⁴க்கு² ந படிஸல்லீனோ ஹோதி படிஸல்லானஸ்ஸ ந வண்ணவாதீ³, அயம்பி த⁴ம்மோ ந பியதாய ந க³ருதாய ந பா⁴வனாய ந ஸாமஞ்ஞாய ந ஏகீபா⁴வாய ஸம்வத்ததி.

‘‘புன சபரம், பி⁴க்க²வே, பி⁴க்கு² ஸப்³ரஹ்மசாரீனம் ந படிஸந்தா²ரகோ [படிஸந்தா⁴ரகோ (க.)] ஹோதி, படிஸந்தா²ரகஸ்ஸ ந வண்ணவாதீ³. யம்பி, பி⁴க்க²வே, பி⁴க்கு² ஸப்³ரஹ்மசாரீனம் ந படிஸந்தா²ரகோ ஹோதி படிஸந்தா²ரகஸ்ஸ ந வண்ணவாதீ³, அயம்பி த⁴ம்மோ ந பியதாய ந க³ருதாய ந பா⁴வனாய ந ஸாமஞ்ஞாய ந ஏகீபா⁴வாய ஸம்வத்ததி.

‘‘ஏவரூபஸ்ஸ, பி⁴க்க²வே, பி⁴க்கு²னோ கிஞ்சாபி ஏவம் இச்சா² உப்பஜ்ஜேய்ய – ‘அஹோ வத மம் ஸப்³ரஹ்மசாரீ ஸக்கரேய்யும் க³ரும் கரேய்யும் [க³ருகரேய்யும் (ஸீ. ஸ்யா.)] மானேய்யும் பூஜேய்யு’ந்தி, அத² கோ² நம் ஸப்³ரஹ்மசாரீ ந சேவ ஸக்கரோந்தி ந க³ரும் கரோந்தி [க³ருகரோந்தி (ஸீ. ஸ்யா.)] ந மானேந்தி ந பூஜேந்தி. தம் கிஸ்ஸ ஹேது? ததா²ஹிஸ்ஸ, பி⁴க்க²வே, விஞ்ஞூ ஸப்³ரஹ்மசாரீ தே பாபகே அகுஸலே த⁴ம்மே அப்பஹீனே ஸமனுபஸ்ஸந்தி.

‘‘ஸேய்யதா²பி, பி⁴க்க²வே, அஸ்ஸக²ளுங்கஸ்ஸ கிஞ்சாபி ஏவம் இச்சா² உப்பஜ்ஜேய்ய – ‘அஹோ வத மம் மனுஸ்ஸா ஆஜானீயட்டா²னே ட²பேய்யும், ஆஜானீயபோ⁴ஜனஞ்ச போ⁴ஜேய்யும், ஆஜானீயபரிமஜ்ஜனஞ்ச பரிமஜ்ஜேய்யு’ந்தி, அத² கோ² நம் மனுஸ்ஸா ந சேவ ஆஜானீயட்டா²னே ட²பேந்தி ந ச ஆஜானீயபோ⁴ஜனம் போ⁴ஜேந்தி ந ச ஆஜானீயபரிமஜ்ஜனம் பரிமஜ்ஜந்தி. தம் கிஸ்ஸ ஹேது? ததா²ஹிஸ்ஸ, பி⁴க்க²வே, விஞ்ஞூ மனுஸ்ஸா தானி ஸாடே²ய்யானி கூடேய்யானி ஜிம்ஹேய்யானி வங்கேய்யானி அப்பஹீனானி ஸமனுபஸ்ஸந்தி. ஏவமேவம் கோ², பி⁴க்க²வே, ஏவரூபஸ்ஸ பி⁴க்கு²னோ கிஞ்சாபி ஏவம் இச்சா² உப்பஜ்ஜேய்ய – ‘அஹோ வத மம் ஸப்³ரஹ்மசாரீ ஸக்கரேய்யும் க³ரும் கரேய்யும் மானேய்யும் பூஜேய்யு’ந்தி, அத² கோ² நம் ஸப்³ரஹ்மசாரீ ந சேவ ஸக்கரோந்தி ந க³ரும் கரோந்தி ந மானேந்தி ந பூஜேந்தி. தம் கிஸ்ஸ ஹேது? ததா²ஹிஸ்ஸ, பி⁴க்க²வே, விஞ்ஞூ ஸப்³ரஹ்மசாரீ தே பாபகே அகுஸலே த⁴ம்மே அப்பஹீனே ஸமனுபஸ்ஸந்தி.

‘‘இத⁴ பன, பி⁴க்க²வே, பி⁴க்கு² ந அதி⁴கரணிகோ ஹோதி, அதி⁴கரணஸமத²ஸ்ஸ வண்ணவாதீ³. யம்பி, பி⁴க்க²வே, பி⁴க்கு² ந அதி⁴கரணிகோ ஹோதி அதி⁴கரணஸமத²ஸ்ஸ வண்ணவாதீ³, அயம்பி த⁴ம்மோ பியதாய க³ருதாய பா⁴வனாய ஸாமஞ்ஞாய ஏகீபா⁴வாய ஸம்வத்ததி.

‘‘புன சபரம், பி⁴க்க²வே, பி⁴க்கு² ஸிக்கா²காமோ ஹோதி, ஸிக்கா²ஸமாதா³னஸ்ஸ வண்ணவாதீ³. யம்பி, பி⁴க்க²வே, பி⁴க்கு² ஸிக்கா²காமோ ஹோதி ஸிக்கா²ஸமாதா³னஸ்ஸ வண்ணவாதீ³, அயம்பி த⁴ம்மோ பியதாய க³ருதாய பா⁴வனாய ஸாமஞ்ஞாய ஏகீபா⁴வாய ஸம்வத்ததி.

‘‘புன சபரம், பி⁴க்க²வே, பி⁴க்கு² அப்பிச்சோ² ஹோதி, இச்சா²வினயஸ்ஸ வண்ணவாதீ³. யம்பி, பி⁴க்க²வே, பி⁴க்கு² அப்பிச்சோ² ஹோதி இச்சா²வினயஸ்ஸ வண்ணவாதீ³, அயம்பி த⁴ம்மோ…பே… ஏகீபா⁴வாய ஸம்வத்ததி.

‘‘புன சபரம், பி⁴க்க²வே, பி⁴க்கு² அக்கோத⁴னோ ஹோதி, கோத⁴வினயஸ்ஸ வண்ணவாதீ³. யம்பி, பி⁴க்க²வே, பி⁴க்கு² அக்கோத⁴னோ ஹோதி கோத⁴வினயஸ்ஸ வண்ணவாதீ³, அயம்பி த⁴ம்மோ…பே… ஏகீபா⁴வாய ஸம்வத்ததி.

‘‘புன சபரம், பி⁴க்க²வே, பி⁴க்கு² அமக்கீ² ஹோதி, மக்க²வினயஸ்ஸ வண்ணவாதீ³. யம்பி, பி⁴க்க²வே, பி⁴க்கு² அமக்கீ² ஹோதி மக்க²வினயஸ்ஸ வண்ணவாதீ³, அயம்பி த⁴ம்மோ…பே… ஏகீபா⁴வாய ஸம்வத்ததி.

‘‘புன சபரம், பி⁴க்க²வே, பி⁴க்கு² அஸடோ² ஹோதி, ஸாடே²ய்யவினயஸ்ஸ வண்ணவாதீ³. யம்பி, பி⁴க்க²வே, பி⁴க்கு² அஸடோ² ஹோதி ஸாடே²ய்யவினயஸ்ஸ வண்ணவாதீ³, அயம்பி த⁴ம்மோ…பே… ஏகீபா⁴வாய ஸம்வத்ததி.

‘‘புன சபரம், பி⁴க்க²வே, பி⁴க்கு² அமாயாவீ ஹோதி, மாயாவினயஸ்ஸ வண்ணவாதீ³. யம்பி, பி⁴க்க²வே, பி⁴க்கு² அமாயாவீ ஹோதி மாயாவினயஸ்ஸ வண்ணவாதீ³, அயம்பி த⁴ம்மோ…பே… ஏகீபா⁴வாய ஸம்வத்ததி.

‘‘புன சபரம், பி⁴க்க²வே, பி⁴க்கு² த⁴ம்மானம் நிஸாமகஜாதிகோ ஹோதி, த⁴ம்மனிஸந்தியா வண்ணவாதீ³. யம்பி, பி⁴க்க²வே, பி⁴க்கு² த⁴ம்மானம் நிஸாமகஜாதிகோ ஹோதி த⁴ம்மனிஸந்தியா வண்ணவாதீ³, அயம்பி த⁴ம்மோ…பே… ஏகீபா⁴வாய ஸம்வத்ததி.

‘‘புன சபரம், பி⁴க்க²வே, பி⁴க்கு² படிஸல்லீனோ ஹோதி, படிஸல்லானஸ்ஸ வண்ணவாதீ³. யம்பி, பி⁴க்க²வே, பி⁴க்கு² படிஸல்லீனோ ஹோதி படிஸல்லானஸ்ஸ வண்ணவாதீ³, அயம்பி த⁴ம்மோ…பே… ஏகீபா⁴வாய ஸம்வத்ததி.

‘‘புன சபரம், பி⁴க்க²வே, பி⁴க்கு² ஸப்³ரஹ்மசாரீனம் படிஸந்தா²ரகோ ஹோதி, படிஸந்தா²ரகஸ்ஸ வண்ணவாதீ³. யம்பி, பி⁴க்க²வே, பி⁴க்கு² ஸப்³ரஹ்மசாரீனம் படிஸந்தா²ரகோ ஹோதி படிஸந்தா²ரகஸ்ஸ வண்ணவாதீ³, அயம்பி த⁴ம்மோ பியதாய க³ருதாய பா⁴வனாய ஸாமஞ்ஞாய ஏகீபா⁴வாய ஸம்வத்ததி.

‘‘ஏவரூபஸ்ஸ, பி⁴க்க²வே, பி⁴க்கு²னோ கிஞ்சாபி ந ஏவம் இச்சா² உப்பஜ்ஜேய்ய – ‘அஹோ வத மம் ஸப்³ரஹ்மசாரீ ஸக்கரேய்யும் க³ரும் கரேய்யும் மானேய்யும் பூஜேய்யு’ந்தி, அத² கோ² நம் ஸப்³ரஹ்மசாரீ ஸக்கரோந்தி க³ரும் கரோந்தி மானேந்தி பூஜேந்தி. தம் கிஸ்ஸ ஹேது? ததா²ஹிஸ்ஸ, பி⁴க்க²வே, விஞ்ஞூ ஸப்³ரஹ்மசாரீ தே பாபகே அகுஸலே த⁴ம்மே பஹீனே ஸமனுபஸ்ஸந்தி.

‘‘ஸேய்யதா²பி, பி⁴க்க²வே, ப⁴த்³த³ஸ்ஸ அஸ்ஸாஜானீயஸ்ஸ கிஞ்சாபி ந ஏவம் இச்சா² உப்பஜ்ஜேய்ய – ‘அஹோ வத மம் மனுஸ்ஸா ஆஜானீயட்டா²னே ட²பேய்யும், ஆஜானீயபோ⁴ஜனஞ்ச போ⁴ஜேய்யும், ஆஜானீயபரிமஜ்ஜனஞ்ச பரிமஜ்ஜேய்யு’ந்தி, அத² கோ² நம் மனுஸ்ஸா ஆஜானீயட்டா²னே ச ட²பேந்தி ஆஜானீயபோ⁴ஜனஞ்ச போ⁴ஜேந்தி ஆஜானீயபரிமஜ்ஜனஞ்ச பரிமஜ்ஜந்தி. தம் கிஸ்ஸ ஹேது? ததா²ஹிஸ்ஸ, பி⁴க்க²வே, விஞ்ஞூ மனுஸ்ஸா தானி ஸாடே²ய்யானி கூடேய்யானி ஜிம்ஹேய்யானி வங்கேய்யானி பஹீனானி ஸமனுபஸ்ஸந்தி.

‘‘ஏவமேவம் கோ², பி⁴க்க²வே, ஏவரூபஸ்ஸ பி⁴க்கு²னோ கிஞ்சாபி ந ஏவம் இச்சா² உப்பஜ்ஜேய்ய – ‘அஹோ வத மம் ஸப்³ரஹ்மசாரீ ஸக்கரேய்யும் க³ரும் கரேய்யும் மானேய்யும் பூஜேய்யு’ந்தி, அத² கோ² நம் ஸப்³ரஹ்மசாரீ ஸக்கரோந்தி க³ரும் கரோந்தி மானேந்தி பூஜேந்தி. தம் கிஸ்ஸ ஹேது? ததா²ஹிஸ்ஸ, பி⁴க்க²வே, விஞ்ஞூ ஸப்³ரஹ்மசாரீ தே பாபகே அகுஸலே த⁴ம்மே பஹீனே ஸமனுபஸ்ஸந்தீ’’தி. ஸத்தமம்.