දිසාලොචනඅඞ්කුසනයද්වයවණ්ණනා
ඉති තිණ්ණං අත්ථනයානං සිද්ධියා වොහාරනයද්වයම්පි සිද්ධමෙව හොති. තථා හි අත්ථනයත්තයදිසාභූතධම්මානං සමාලොචනමෙව දිසාලොචනනයො. තෙසං සමානයනමෙව අඞ්කුසනයො. තස්මා යථාවුත්තනයෙන අත්ථනයානං දිසාභූතධම්මසමාලොකනනයනවසෙන තම්පි නයද්වයං යොජෙතබ්බන්ති, තෙන වුත්තං ‘‘වෙය්යාකරණෙසු හි යෙ, කුසලාකුසලා’’තිආදි (නෙත්ති. 4.20). අයං පඤ්චනයයොජනා.
පඤ්චවිධනයවණ්ණනා නිට්ඨිතා.