වෙවචනහාරවණ්ණනා

‘‘මමං මම මෙ’’ති පරියායවචනං. ‘වා යදි චා’’ති පරියායවචනං. ‘‘භික්ඛවෙ සමණා තපස්සිනො’’ති පරියායවචනං. ‘‘පරෙ අඤ්ඤෙ පටිවිරුද්ධා’’ති…පෙ… නං. ‘‘අවණ්ණං අකිත්තිං නින්ද’’න්ති…පෙ… නං. ‘‘භාසෙය්‍යුං භණෙය්‍යුං කථෙය්‍යු’’න්ති…පෙ… නං. ‘‘ධම්මස්ස විනයස්ස සත්ථුසාසනස්සා’’ති…පෙ… නං. ‘‘සඞ්ඝස්ස සමූහස්ස ගණස්සා’’ති…පෙ… නං. ‘‘තත්‍ර තත්ථ තෙසූ’’ති…පෙ… නං. ‘‘තුම්හෙහි වො භවන්තෙහී’’ති…පෙ… නං. ‘‘ආඝාතො දොසො බ්‍යාපාදො’’ති…පෙ… නං ‘‘අප්පච්චයො දොමනස්සං චෙතසිකදුක්ඛ’’න්ති…පෙ… නං. ‘‘චෙතසො චිත්තස්ස මනසො’’ති…පෙ… නං. ‘‘අනභිරද්ධි බ්‍යාපත්ති මනොපදොසො’’ති…පෙ… නං. ‘‘න නො අ මා’’ති…පෙ… නං. ‘‘කරණීයා උප්පාදෙතබ්බා පවත්තෙතබ්බා’’ති පරියායවචනං. ඉමිනා නයෙන සබ්බපදෙසු වෙවචනං වත්තබ්බන්ති අයං තස්ස තස්ස අත්ථස්ස තංතංපරියායසද්දයොජනාලක්ඛණො වෙවචනහාරො නාම. වුත්තඤ්හෙතං ‘‘වෙවචනානි බහූනි තු, සුත්තෙ වුත්තානි එකධම්මස්සා’’තිආදි (නෙත්ති. 4.10).