6. ඉතොදින්නකථාවණ්ණනා
488-491. තෙනෙව චීවරාදිදානෙනාති අනුමොදනං විනා දායකෙන පවත්තිතචීවරාදිදානෙන. තෙනාහ ‘‘සයංකතෙන කම්මුනා විනාපී’’ති. ඉමිනා කාරණෙනාති අනුමොදිතත්තාව තෙසං තත්ථ භොගා උප්පජ්ජන්තීති එතෙන කාරණෙන. යදි යන්තිආදි පරවාදිනො ලද්ධිපතිට්ඨාපනාකාරදස්සනං. තත්ථ යදි න යාපෙය්‍යුං, කථං අනුමොදෙය්‍යුං, චිත්තං පසාදෙය්‍යුං , පීතිං උප්පාදෙය්‍යුං, සොමනස්සං පටිලභෙය්‍යුන්ති එකච්චෙ අඤ්ඤෙ පෙතෙ අනුමොදනාදීනි කත්වා යාපෙන්තෙ දිස්වා අනුමොදනාදීනි කරොන්ති, තස්මා තෙ ඉතො දින්නෙන යාපෙන්තීති අධිප්පායො.
ඉතොදින්නකථාවණ්ණනා නිට්ඨිතා.