11. දක්ඛිණාවිසුද්ධිකථාවණ්ණනා
800-801. පටිග්ගාහකනිරපෙක්ඛාති පටිග්ගාහකස්ස ගුණවිසෙසනිරපෙක්ඛා, තස්ස දක්ඛිණෙය්‍යභාවෙන විනාති අත්ථො. තෙනාහ ‘‘පටිග්ගාහකෙන පච්චයභූතෙන විනා’’ති. සච්චමෙතන්ති ලද්ධිකිත්තනෙන වුත්තභාවමෙව පටිජානාති. පටිග්ගාහකස්ස විපාකනිබ්බත්තනං දානචෙතනාය මහාඵලතා. පච්චයභාවොයෙව හි තස්ස, න තස්සා කාරණත්තං. තෙනාහ ‘‘දානචෙතනානිබ්බත්තනෙන යදි භවෙය්‍යා’’තිආදි.
දක්ඛිණාවිසුද්ධිකථාවණ්ණනා නිට්ඨිතා.
සත්තරසමවග්ගවණ්ණනා නිට්ඨිතා.