2. දුතියසික්ඛාපදවණ්ණනා
800. සංහරාපෙය්‍යාති ‘‘සංහරති වා සංහරාපෙති වා’’ති පදභාජනං වෙදිතබ්බං. කිඤ්චාපි එත්ථ ආපත්තිභෙදො න දස්සිතො, තථාපි ඛුරසණ්ඩාසකත්තරිආදිපරියෙසනඝංසනාදීසු පුබ්බපයොගෙසු දුක්කටං යුජ්ජති, යථා චෙත්ථ, එවං තලඝාතකාදිම්හි ච ආපත්තිභෙදො පාළියං න වුත්තො. යථාසම්භවං පන පුබ්බපයොගෙසු දුක්කටං සම්භවති. එවං භික්ඛුස්ස එත්ථ ච ලසුණෙ ච දුක්කටං. ඉදං කිරියාකිරියන්ති පොරාණා. තත්ථ ‘‘කිරියාකිරිය’’න්ති න වුත්තං.
දුතියසික්ඛාපදවණ්ණනා නිට්ඨිතා.
802-6. තතියචතුත්ථසික්ඛාපදං උත්තානත්ථමෙව.