2. දුතියසඞ්ඝාදිසෙසසික්ඛාපදවණ්ණනා

683. භටිපුත්තකානං කුමාරභටිකානං ගණා භටිපුත්තගණා. කප්පන්ති කප්පියං. කප්පගතිකන්ති කප්පියසභාවං. පක්කන්තාසුපීති අත්තනො පරිසං ඨපෙත්වා ඉතරාසු පක්කන්තාසු. පණ්ණත්තිං අජානන්තා අරියාපි වුට්ඨාපෙන්තීති කත්වා වා කම්මවාචාපරියොසානෙ ආපත්තික්ඛණෙ විපාකාබ්‍යාකතසමඞ්ගිතාවසෙන වා ‘‘තිචිත්ත’’න්ති වුත්තන්ති වෙදිතබ්බං. ‘‘පබ්බාජනෙ න දුක්කට’’න්ති පොරාණගණ්ඨිපදෙ වුත්තං.

දුතියසඞ්ඝාදිසෙසසික්ඛාපදවණ්ණනා නිට්ඨිතා.