ඛන්ධකපුච්ඡාවාරවණ්ණනා

පුච්ඡාවිස්සජ්ජනාවණ්ණනා

320. නිදානං නාම කාලඤ්ච නගරඤ්ච දෙසො ච භගවා ච. වත්ථුපුග්ගලාදි නිද්දෙසො. යානි තත්ථ උපසම්පදක්ඛන්ධකෙ ‘‘න, භික්ඛවෙ, ඌනවීසතිවස්සො පුග්ගලො උපසම්පාදෙතබ්බො’’තිආදිනා නයෙන උත්තමානි පදානි වුත්තානීති සම්බන්ධො. සා සා තස්ස තස්ස පදස්ස ආපත්තීති වුච්චතීති යා ‘‘න, භික්ඛවෙ, ඌනවීසතිවස්සො පුග්ගලො උපසම්පාදෙතබ්බො’’ති පදෙන පඤ්ඤත්තා ආපත්ති, සා තස්ස පදස්සාති අධිප්පායො. චම්මසංයුත්තෙති චම්මක්ඛන්ධකෙ.