9. පාතිමොක්ඛට්ඨපනක්ඛන්ධකවණ්ණනා

පාතිමොක්ඛුද්දෙසයාචනකථාවණ්ණනා

383-4. ‘‘නන්දිමුඛී’’ති ලිඛිතං. ආයතකෙනෙවාති ආදිම්හි එව. යන්ති යස්මා. සවන්තියො මහානදියො. ‘‘මහන්තභූතාන’’න්ති පාඨො. පත්තාති පත්වා. ‘‘සමූලිකාය ඨපෙති අකතායා’’ති ඨපනකස්ස සඤ්ඤාමූලවසෙන වුත්තං. තං වත්ථුං අවිනිච්ඡිනිත්වාව පරිසා වුට්ඨාති.

අත්තාදානඅඞ්ගකථාවණ්ණනා

398-9. ‘‘අත්තාදානන්ති සයං පරෙහි චොදිතො අත්තානං සොධෙතුං අනාදියිත්වා පරෙසං විප්පටිපත්තිං දිස්වා සාසනං සොධෙතුං අත්තනා ආදිතබ්බ’’න්ති ලිඛිතං. වස්සාරත්තොති වස්සකාලො. සප්පටිමාසොති ආකඩ්ඪනයුත්තොති අධිප්පායො.

401. උපදහාතබ්බොති උප්පාදෙතබ්බො, විප්පටිසාරමුඛෙන ධාරෙතබ්බොති අධිප්පායො.

පාතිමොක්ඛට්ඨපනක්ඛන්ධකවණ්ණනා නිට්ඨිතා.