9. චම්පෙය්‍යක්ඛන්ධකවණ්ණනා

ද්වෙනිස්සාරණාදිකථාවණ්ණනා

395. අප්පත්තො නිස්සාරණන්ති එත්ථ නිස්සාරණං නාම කුලදූසකානංයෙව අනුඤ්ඤාතං, අයං පන කුලදූසකො න හොති, තස්මා ‘‘අප්පත්තො’’ති වුත්තො. යදි එවං කථං සුනිස්සාරිතො හොතීති? චූළවග්ගෙ ‘‘ආකඞ්ඛමානො සඞ්ඝො පබ්බාජනීයකම්මං කරෙය්‍යා’’ති (චූළව. 27) වුත්තත්තා. ‘‘තස්සපාපියසිකකම්මාරහස්ස තස්සපාපියසිකකම්මං කරොන්තී’’ති වචනතො චක්කං බන්ධන්ති ඤාතබ්බං.

උපාලිපුච්ඡාකථාවණ්ණනා

400. ‘‘පරතොති උපාලිපුච්ඡතො පර’’න්ති ලිඛිතං. දොසාරිතපාළියං ‘‘ඌනවීසතිවස්සො න ආගතො විප්පන්නවත්ථුකත්තා’’ති වුත්තං. ඉමස්මිං චම්පෙය්‍යක්ඛන්ධකෙ අධම්මකම්මානියෙව ද්විධා කත්වා පඤ්චාගතානීති වෙදිතබ්බං. තෙනෙව පරිවාරෙ ඉමස්මිං ඛන්ධකෙ ‘‘පඤ්ච අධම්මිකානී’’ති වුත්තං. ‘‘අන්ධමූගබධිරො සොසාරිතො’’ති ඉමිනා අපබ්බජිතස්සපි උපසම්පදා රුහතීති සිද්ධං.

චම්පෙය්‍යක්ඛන්ධකවණ්ණනා නිට්ඨිතා.