7. සඤ්චිච්චසික්ඛාපදවණ්ණනා

468. ඌනවීසතිවස්සො මඤ්ඤෙති එත්ථ සයං සඤ්ඤාය තථා අමඤ්ඤන්තො කුක්කුච්චුප්පාදනත්ථං ‘‘මඤ්ඤෙ’’ති වදන්තො කිං මුසාවාදෙන කාරෙතබ්බොති? න සියා අඞ්ගසම්පත්තියා, න ච කෙවලං ‘‘මඤ්ඤෙ’’ති ඉමිනා නියමතො අඞ්ගසම්පත්ති හොති. පරමත්ථවිහිතං කත්ථචි හොති. ‘‘උදකං මඤ්ඤෙ ආදිත්ත’’න්තිආදිම්හි පරො කුක්කුච්චං උප්පාදෙතු වා, මා වා, තං අප්පමාණන්ති මාතිකාට්ඨකථායං (කඞ්ඛා. අට්ඨ. සඤ්චිච්චසික්ඛාපදවණ්ණනා) ‘‘කුක්කුච්චුප්පාදන’’න්ති තස්ස අධිප්පායවසෙන වුත්තන්ති.

සඤ්චිච්චසික්ඛාපදවණ්ණනා නිට්ඨිතා.