10. ඡන්දංඅදත්වාගමනසික්ඛාපදවණ්ණනා

481. සන්නිපාතං අනාගන්ත්වා චෙ ඡන්දං න දෙති, අනාපත්තීති එකෙ. දුක්කටන්ති එකෙ ධම්මකම්මන්තරායකරණාධිප්පායත්තා. සඞ්ඝමජ්ඣෙ ඡන්දං දාතුං ලභතීති කෙචි. දින්නඡන්දෙ සඞ්ඝමජ්ඣං පවිසිත්වා පුන ගතෙපි ඡන්දො න පටිප්පස්සම්භෙය්‍යාති චෙ? පටිප්පස්සම්භති. කස්මා? ‘‘අහත්ථපාසො ඡන්දාරහො’’තිආදීහි විරුජ්ඣනතො. පාළියං පන දාතුකාමතාය හත්ථපාසං අතික්කමන්තං සන්ධාය වුත්තන්ති කෙචි.

ඡන්දංඅදත්වාගමනසික්ඛාපදවණ්ණනා නිට්ඨිතා.