7. මහානාමසික්ඛාපදවණ්ණනා

310. කාලන්ති සො. යස්මා සඞ්ඝපවාරණායමෙවායං විධි, තස්මා ‘‘ඤාතකානං පවාරිතාන’’න්ති වුත්තං. ‘‘ඉමිනා හි තයා පවාරිතම්හ, අම්හාකඤ්ච ඉමිනා ච ඉමිනා ච අත්ථො’’ති යථාභූතං ආචික්ඛිත්වා විඤ්ඤාපෙතුං ගිලානොව ලභති. යං පන වුත්තං පණීතභොජනසික්ඛාපදෙ ‘‘මහානාමසික්ඛාපදෙන කාරෙතබ්බො’’ති, තං සඞ්ඝවසෙන පවාරිතං, භෙසජ්ජත්ථාය සප්පිආදිභෙසජ්ජපඤ්චකං විඤ්ඤාපෙති චෙ, ‘‘න භෙසජ්ජෙන කරණීයෙන භෙසජ්ජං විඤ්ඤාපෙතී’ති වචනෙන පාචිත්තියන්ති අත්ථො’’ති (පාචි. 309) ලිඛිතං.

මහානාමසික්ඛාපදවණ්ණනා නිට්ඨිතා.