6. දුතියසහසෙය්‍යසික්ඛාපදවණ්ණනා
55. ‘‘අථ ඛො තෙ මනුස්සා’’ති ච ‘‘තෙ අද්ධිකා’’ති ච පාඨො. ‘‘එකරත්ත’’න්තිපි අත්ථි, සො න සුන්දරො. පණ්ඩකෙ පාළියං දුක්කටස්ස වුත්තත්තා ‘‘උභතොබ්‍යඤ්ජනෙහි මූලාපත්තීති දිස්සතී’’ති, ‘‘අනිමිත්තාදයො ඉත්ථියොවා’’ති ච වදන්ති උභතොබ්‍යඤ්ජනකෙ වුත්තං විය. කිඤ්චාපි මතිත්ථී පාරාජිකවත්ථු හොති, අනුපාදින්නපක්ඛෙ ඨිතත්තා පන ඉධ ආපත්තිං න කරොති. පාරාජිකාපත්තිට්ඨානඤ්චෙත්ථ න ඔලොකෙතබ්බං.
දුතියසහසෙය්‍යසික්ඛාපදවණ්ණනා නිට්ඨිතා.