2-3. දුතියසමුද්දසුත්තාදිවණ්ණනා

229-230. කිලෙසානං අල්ලභාවූපනයනන්ති ආහ ‘‘තෙමනට්ඨෙනා’’ති. අරියසාවකෙති අනාගාමිනො. තෙ හි කාමභවවසෙන අතින්තතාය න සමුන්නා. තයො මච්චූති කිලෙසාභිසඞ්ඛාරදෙවපුත්තමාරෙ. තීහි උපධීහීති කිලෙසාභිසඞ්ඛාරකාමගුණානං වසෙන තීහි උපධීහි. ඛන්ධුපධිනා පන සො න නිරූපධි සඋපාදිසෙසස්සෙව නිබ්බානස්ස අධිගතත්තා. ගතොති පටිපත්තිගමනෙන ගතො.

දුතියසමුද්දසුත්තාදිවණ්ණනා නිට්ඨිතා.