3. විකාලගාමප්පවිසනසික්ඛාපදං

508. තතියෙ ‘‘තිරච්ඡානභූතං කථ’’න්ති ඉමිනා ‘‘තිරච්ඡානකථ’’න්ති පදස්ස තුල්‍යනිස්සිතසමාසං දස්සෙති. රාජපටිසංයුත්තන්ති රාජූහි පටිසංයුත්තං.

512. සම්බහුලා භික්ඛූති සම්බන්ධො. තස්මිං ගාමෙති තස්මිං පඨමපවිසනගාමෙ. තං කම්මන්ති තං ඉච්ඡිතකම්මං. අන්තරාති ගාමවිහාරානමන්තරෙ. භුම්මත්ථෙ චෙතං නිස්සක්කවචනං.

කුලඝරෙ වාති ඤාතිකුලඋපට්ඨාකකුලඝරෙ වා. තෙලභික්ඛාය වාති තෙලයාචනත්ථාය වා. පස්සෙති අත්තනො පස්සෙ සමීපෙති වුත්තං හොති. තෙනාති ගාමමජ්ඣමග්ගෙන. අනොක්කම්මාති අනොක්කමිත්වා, අපක්කමිත්වාති අත්ථොති. තතියං.