7. සඤ්චිච්චසික්ඛාපදං

464. සත්තමෙ උපපුබ්බදහධාතුස්ස සකම්මිකත්තා කාරිතන්තොගධභාවං දස්සෙතුං වුත්තං ‘‘උප්පාදෙන්තී’’ති. ‘‘අනුපසම්පන්නස්සා’’ති එත්ථ අකාරස්ස සදිසත්ථං දස්සෙතුං වුත්තං ‘‘සාමණෙරස්සා’’ති. සාමණෙරොපි හි උපසම්පන්නෙන සදිසො හොති සණ්ඨානෙන ච පුරිසභාවෙන ච. සාමණෙරස්ස කුක්කුච්චං උපදහතීති සම්බන්ධො. නිසින්නං මඤ්ඤෙ, නිපන්නං මඤ්ඤෙ, භුත්තං මඤ්ඤෙ, පීතං මඤ්ඤෙ, කතං මඤ්ඤෙති යොජනා. නිසින්නන්ති නිසීදිතං. නිපන්නන්ති නිපජ්ජිතන්ති. සත්තමං.