13. සොධනහාරවණ්ණනා

‘‘සබ්බධම්මමූලපරියායං වො, භික්ඛවෙ…පෙ… ඉධ, භික්ඛවෙ, අස්සුතවා…පෙ… පථවිං පථවිතො සඤ්ජානාතී’’ති ආරම්භො. ‘‘පථවිං පථවියා සඤ්ඤත්වා පථවිං මඤ්ඤතී’’ති පදසුද්ධි, නො ආරම්භසුද්ධි. තථා ‘‘පථවියා මඤ්ඤති පථවිතො මඤ්ඤති පථවිං මෙති මඤ්ඤති පථවිං අභිනන්දතී’’ති පදසුද්ධි, නො ආරම්භසුද්ධි. ‘‘තං කිස්ස හෙතු අපරිඤ්ඤාතං තස්සාති වදාමී’’ති පදසුද්ධි චෙව ආරම්භසුද්ධි ච. සෙසවාරෙසුපි එසෙව නයොති. අයං සොධනො හාරො.