20. අවන්දියනිද්දෙසවණ්ණනා

172. උක්ඛිත්තොති ආපත්තියා අදස්සනෙ අප්පටිකම්මෙ ච උක්ඛිත්තකො පාපිකාය දිට්ඨියා අප්පටිනිස්සග්ගෙ උක්ඛිත්තකොති තිවිධො උක්ඛිත්තකො. නානාසංවාසකො නාම ලද්ධිනානාසංවාසකොපි කම්මනානාසංවාසකොපි. ගරුකට්ඨො චාති පාරිවාසිකො මූලායපටිකස්සනාරහො මානත්තාරහො මානත්තචාරී අබ්භානාරහො ච ඉධ ගරුකට්ඨොති අධිප්පෙතො. ඉමෙහි පන අඤ්ඤමඤ්ඤං වන්දිතුං වට්ටතීති.

අවන්දියනිද්දෙසවණ්ණනා නිට්ඨිතා.