24. අඤ්ජනීනිද්දෙසො

අඤ්ජනීති –

182. වට්ටාට්ඨසොළසංසා වා, මට්ඨා වට්ටති අඤ්ජනී;

තිස්සොපි මූලෙ ගීවායං, ලෙඛා එකාව බන්ධිතුං.

183. යං කිඤ්චි රූපං මාලාදිකම්මං මකරදන්තකං;

ගොමුත්තකඩ්ඪචන්දාදි-විකාරං නෙත්ථ වට්ටති.

184. ලබ්භෙකවණ්ණසුත්තෙන, සිබ්බිතුං ථවිකා තථා;

සිපාටි කුඤ්චිකාකොසො, සලාකාපි අචිත්තකා.

185. සඞ්ඛනාභිවිසාණට්ඨි-නළදන්තමයා තථා;

ඵලකට්ඨමයා වෙළු-ලාඛාලොහමයාපි ච.

186. අඤ්ජනියො සලාකායො, ධූමනෙත්තා ච ලබ්භරෙ;

තථා සත්ථකදණ්ඩානි, නත්ථුදානා ච තම්මයාති.