5. මඤ්චපීඨසික්ඛාපදවණ්ණනා
අට්ඨඞ්ගුලපාදකන්ති භාවනපුංසකනිද්දෙසො. ‘‘ඡෙදනකං භෙදනකසදිසමෙවා’’ති ඉමිනා ‘‘ඡෙදනමෙව ඡෙදනකං, තං අස්ස අත්ථීති ඡෙදනක’’න්ති ඉමමත්ථං අතිදිසති.
යථා පමාණමෙව උපරි දිස්සති, එවං නිඛණිත්වා වාති සචෙ පන න ඡින්දිතුකාමො හොති, යථා පමාණමෙව උපරි දිස්සති, එවං භූමියං නිඛණිත්වා වා. අට්ටකං වා බන්ධිත්වාති උක්ඛිපිත්වා තුලාසඞ්ඝාතෙ ඨපෙත්වා අට්ටං කත්වා.
මඤ්චපීඨසික්ඛාපදවණ්ණනා නිට්ඨිතා.