1. සඤ්චිච්චසික්ඛාපදවණ්ණනා

පාචිත්තියන්ති අන්තමසො මඤ්චපීඨං සොධෙන්තො මඞ්ගුලබීජකෙපි පාණසඤ්ඤී නික්කාරුණිකතාය තං භින්දන්තො අපනෙති (පාචි. අට්ඨ. 382), පාචිත්තියං. තෙනාහ ‘‘තං ඛුද්දකම්පී’’තිආදි. උපක්කමමහන්තතාය අකුසලං මහන්තං හොතීති බහුක්ඛත්තුං පවත්තජවනෙහි ලද්ධාසෙවනාය සන්නිට්ඨාපකචෙතනාය වසෙන පයොගස්ස මහන්තත්තා අකුසලං මහන්තං හොති, මහාසාවජ්ජං හොතීති අධිප්පායො.

සඤ්චිච්චසික්ඛාපදවණ්ණනා නිට්ඨිතා.