5. තලසත්තිකසික්ඛාපදවණ්ණනා
පඤ්චමෙ තලසත්තිකං උග්ගිරෙය්යාති පහාරදානාකාරං දස්සෙන්තො කායං වා කායප්පටිබද්ධං වා උච්චාරෙය්ය. එත්ථ ච උග්ගිරණපච්චයා පාචිත්තියං. සචෙ පන උග්ගිරිත්වා විරද්ධො පහාරං දෙති, න පහරිතුකාමතාය දින්නත්තා දුක්කටමෙව, තෙන පහාරෙන හත්ථාදීසු යංකිඤ්චි භිජ්ජති, දුක්කටමෙව. සෙසමෙත්ථ සබ්බං පුරිමසික්ඛාපදෙ වුත්තනයෙනෙව වෙදිතබ්බන්ති.
තලසත්තිකසික්ඛාපදවණ්ණනා නිට්ඨිතා.