3. සඞ්ඝාණිසික්ඛාපදවණ්ණනා
තතියෙ සඞ්ඝාණින්ති යංකිඤ්චි කටූපගං. ධාරෙය්යාති කටියං පටිමුඤ්චෙය්ය. එත්ථාපි ඔමුඤ්චිත්වා ඔමුඤ්චිත්වා ධාරෙන්තියා පයොගගණනාය පාචිත්තියං.
සාවත්ථියං අඤ්ඤතරං භික්ඛුනිං ආරබ්භ සඞ්ඝාණිං ධාරණවත්ථුස්මිං පඤ්ඤත්තං. ආබාධපච්චයා කටිසුත්තං ධාරෙන්තියා, උම්මත්තිකාදීනඤ්ච අනාපත්ති. සෙසං වුත්තනයෙනෙව වෙදිතබ්බං, ඉදං පන අකුසලචිත්තන්ති.
සඞ්ඝාණිසික්ඛාපදවණ්ණනා නිට්ඨිතා.