8. දෙවදත්තසුත්තවණ්ණනා

68. අට්ඨමෙ කාලෙ සම්පත්තෙති ගබ්භස්ස පරිපාකගතත්තා විජායනකාලෙ සම්පත්තෙ. පොතකන්ති අස්සතරියා පුත්තං. ‘‘ඵලං වෙ කදලිං හන්තී’’තිආදිගාථාය කුක්කුජකෙනෙව පත්තවට්ටිපසවස්ස උච්ඡින්නත්තා ඵලුප්පත්ති කදලියා පරාභවාය හොතීති ආහ ‘‘ඵලං වෙ කදලිං හන්තී’’ති. කුක්කුජකං නාම කදලියා පුප්ඵනාළං. තථා ඵලපාකපරියොසානත්තා ඔසධීනං ‘‘ඵලං වෙළුං නළ’’න්ති වුත්තං. අයං පනෙත්ථ පිණ්ඩත්ථො – යථා අත්තනො ඵලං කදලිවෙළුනළෙ විනාසෙති, ගබ්භො ච අස්සතරිං, එවං අත්තනො කම්මභූතො සක්කාරො අසප්පුරිසං විනාසෙතීති.

දෙවදත්තසුත්තවණ්ණනා නිට්ඨිතා.